亂皂𥴊仔店 ⓂⒺⒾⓃⓀⒾⓄⓈⓀ

(2022.02.05 下昏飯)

昨昏，翁上網路納病院寄來 ê 飯錢，一日10歐圓，蹛五工50歐圓，差不多 gún 兜兩个人倚兩禮拜 ê 菜錢。

伊納錢 ê 時，我 mā 當 teh 款伊 ê 下昏飯。

我那款那講，後回 bué 菜想 bueh 哭呻菜價無天良 kā 這張數單餾一下，你就 buē 閣嫌東嫌西。

伊恬卒卒無出半聲，我 mā 已經 kā 早起頓款好捧出來食飯廳喝伊來食飯。

伊那食，我這支喙原仔無想 bueh 停睏繼續講錢 ê 代誌 hōo 伊配。

伊那食胃那慒原仔 m̄ 敢出聲，起因伊知影問題出在伊 m̄ 是𪜶某。

我 kā 伊這幾日 ê 食食略略仔算一个數出來「我頇慢扞數總是我原仔愛 kā 數算 hōo 明，起因我是大紅花知影䆀絕對 buē kā 買賣算分，相請無論按這耳入彼耳出按呢準過按呢 kā 你偏半 sián。」

「Buē 曉扞灶，嫌灶跤狹 ê 人是我...」

「夭壽骨，我無弄狗相咬」聽著伊提𪜶老母 ê 例來比論，我隨放狗出門，繼續掖鹽、關門。

「我知影我 m̄ 著...」

我 m̄ 知影 ka̋ng 會失禮敢 ē 減一塊肉，m̄-koh 我知影愛伊食認伊 m̄ 著彼是兔仔望月，痟想所以我應當愛按呢準煞。

總是，龍鳳生活 bē-tàng 一直 Inhale 忍氣求財，Exhale 激氣相刣來準過。

「Gún 講一分錢，一點血，我知影人兩跤，錢四跤準做是開你 ê 錢，我 mā 是一 sián 一圓攏寶惜，這是因為我有同理心。」

 「你無同理心萬項萬事 kan-ta 想家己 ê 一个錢拍24个結，合你意準做 hōo 你倒擔你原仔 bueh 冇手甲一聲攏 buē 喈，無合你 ê 意一 sián 攏 hōo 你嫌甲臭臊。你愛換新某，換一个佮恁老母相𫝛 ê 某，按呢你 tsiah 有法度跟綴恁老爸 ê 跤步感受，總算 hōo 我娶著个某較好三个天公祖，m̄  是我這款一个某 m̄ 值一 sián 圓。一樣米飼百樣人，你 ê 一錢，二緣，三媠，四少年合恁老母 ê 形，我無意見，因為這是你 ê 慣勢，總是個人 ê 慣勢 buē-tàng 成做押人順你喙斗 ê 藉口」我講。 

「我無彼个意思 mā m̄ 捌想過 kā 你押落底....」

「我 buē 曉飼魚，m̄-koh 我知影按怎 kā 魚放生，放伊自由」我無想 bueh 跟綴伊踅金龜磨一口氣 kā 腹內火全消敨。

「我無彼个凡事攏愛死道友 m̄ 是我死 ê 態度」看某氣甲頭鬃著火緊紲喙。

「恁按呢山猴變猴弄，較變 mā 彼幾步，敢愛按呢繼續漚戲拖棚搬 buē 煞鼓？」一个我 m̄ 捌聽過 ê 聲音 tī 我準備開喙噴火進前成做清涼退火 ê 青草茶。

「我 m̄ 捌食過恁爸母一喙米 mā m̄ 捌伸手 kā 你討菜錢掠外 ê 錢，你若感覺我 bué 遮 ê 菜 hōo 你 buē 過心，我 ē-tàng 照你開 ê 菜單款你 ê 額，我 ê 額我家己撏錢，無打緊」話猶未落到塗跤，我規个人 buē-su 洗芬蘭浴按呢 ê 輕鬆。

「我無彼个意思....」見我遮爾仔輕鬆，翁愈緊張。

「恁小妹無食肉，恁爸母閣特別攢肉請伊知，你認為這是愛抑是自私？」我問。

「𪜶知影伊無食肉幾仔十冬...」翁應。

「我無問因由，我 kan-ta 問答案」我講。

「自私」翁應。

「自私 ê 人無欠藉口來合理家己 ê 病，有同理心 ê 人 ē 順對方 ê 需求改變佮伊鬥陣 ê 方式，總是每一个人有家己 ê 紅線，像恁小妹直接 kā 肉按盤內揀出來，這久 ê 我有法度順你 ê 意就是咱隨人付米，隨人落鼎」我講。

「我 buaih 按呢過日子」翁目屎流目屎滴。

「Buaih 就請你離開恁爸母成做一个獨立 ê 人，莫妝娗家己 ê 惡質。」

Hannah Arendt 平凡 ê 惡質，在人理解，tī 遮我無 bueh 討論伊 ê 思想，我 kan-ta bueh 借用 hōo 伊反車 ê 事件來形容我佮翁 ê 討論「你 tī 咱 ê 龍鳳生活 mā teh 執行你慣勢 ê 惡質，你認為你無 T ê 性地，窮真咱每一个攏有 T ê 性地，只是看咱按怎妝娗按怎解釋佮按怎弄這仙尪仔，像我無歧視𪜶 m̄-koh 𪜶講 ê 德語我聽無。𪜶 mā 是德國人，𪜶佮恁爸母攏講軍隊 ê 方言，恁爸母因為看人 buē 上目，隨按呢解釋家己 ê 惡質，你 mā 綴𪜶合理這个惡質而且認為這是一件著 ê 代誌。」

我 m̄ 知影別人敢 ē 按呢佮翁婿討論原生家庭問題，總是這是我看著 mā buē 慣勢 ê 問題，tī 這段人生旅程，我 ê 角色就敢若 Unsere Mütter, unsere Väter Viktor ê 老爸認為順人意就有好日子，押尾沓沓仔成做 Viktor 開始反抗，不過我 ê 反抗無 Viktor 遐爾仔激烈，總是我 mā 愛講感謝翁願意 tsham 我討論遮 ê 問題，畢竟我是 teh 反抗伊慣勢 ê 視界佮體制。

Hannah Arendt ê 故事；

1. 邪惡不平庸：令人喪膽的「魔鬼的自白」，道出漢娜鄂蘭的世紀錯誤

2. 見證極權之惡，成為基進的善：《漢娜·鄂蘭 Hannah Arendt》

巡菜股，翻田塗一直想著陳思宏《鬼地方》ê T，起因我捌 tuì 翁講「你 m̄ 承認這件代誌，總是你猶原捎你 ê 異國情調來佮我鬥陣，sóo-tí 咱 ê 龍鳳生活 tsiah 有法度到今猶原繼續維持，咱是 T mā 是天宏，咱攏 teh 拔大索看 tsiâ 做冠軍，做冠軍進前我搭胸坎 kā 你保證，我 buē tshan-tshiūnn 天宏按呢 kā T 送去做仙，起因準做我自私我猶有神經智覺我無法度歹話當做好話聽佮綴恁歹查埔厚同年，歹查某厚姑姨，像綴恁爸母哭呻恁小妹 m̄ 尊存𪜶 uī 伊款 ê 愛心。」

我遮爾仔𠢕講翁爸母 ê 尻川後話 mā 遮爾仔𠢕哭呻翁承𪜶爸母 ê 態度是按怎猶原祀佛公 tī 這段龍鳳生活？

因為，伊願意討論 mā 願意改變，以這件代誌做例，自我品明我 buē 閣跟綴伊惜花連盆並𪜶爸母是田無溝，水無流，伊 bueh 上北娛樂爸母，家己去，𪜶爸母落南來 gún 兜，我去蹛旅舍。上北我無出現好討論，落南我人 tī 德國煞 m̄ 願踮厝蹛，這款態度我相信脾氣較好 ê 翁婿 mā 無法度接受。

寫甲遮，我想著郭德田律師 tī《新聞挖挖哇》分張 ê 故事，不過郭德田律師是一開始就惜某，我 ê 惜某是家己爭取無倚靠別人。

「我若拍 m̄ 見，你 buē tshan-tshiūnn Jon 按呢艱苦」5.21 翁某約好做陣去看 Garfield 結束行向停車場我講。

「你無 tī 我 ê 目睭仁，我隨成做 Jon」翁應。

M̄ 管伊講白賊抑是真心話，攏合我 ê 味，起因願意佮我做陣看電影 mā 是一个 Change。

栽欉 2021.07.06

翻田塗 2024.05.22

白跤蝦生菜盤

...... 材料 ......

白跤蝦　250g

生菜

Kam-má-tooh，切塊　1

蒜頭，剁幼　1

芥辣醬　1TL

醋　1EL 

義大利芳醋　1EL

蜂蜜　1EL 

芳料草

Tshì-sù

鹽、胡椒

...... 步數 ......

1. 蒜頭、蜂蜜、醋、芥辣醬、鹽、胡椒濫做伙，抐 hōo 齊。

2. 生菜、khoo-má-tooh、Sòo-sù 濫做伙搜齊。

3. 白跤蝦、Tshì-sù、芳料草鋪落去，樂暢來食。

(2022.02.05  Abendessen)

Gestern, mein Mann musste die Rechnung vom Krankenhaus bezahlen.

Ich frage, viel kostet das Essen?

10€ pro Tag, sagt mein Mann.

Wow, du bist in erster Klass, sage ich.

Das Krankenhaus sagt, du zahlst das Geld nicht zuhause aber hier, sagt mein Mann.

Ja, es ist richtig.

Weil mein Mann hat das immer gedacht, ich wohne Gesund, ich esse Gesund, und ich zähle das Geld zur Sardine, dann esse ich Lachs qualität, sage ich.

Mein Mann so leise.

Weil er weiß das Problem.

Und wir haben das Problem über 10 Jahr.

Wir möchten das Geld sparen.

Aber, was er macht, für mich das ist nur eine Einbildung.

Zum Beispiel, er möchte ein Camping Ofen kaufen.

Den Tag, ich war in Taiwan.

Ich sage, wir backen das Brot nicht, wenn wir Campen.

Er sagt noch, ja, wir werden das Brot backen wenn wir Campen.

Und der Backofen ist billig und meine Eltern haben auch einen.

Ok, wenn du das möchtest, sage ich.

Danach 5 oder 4 Jahr vorbei sind, benutzen wir den Ofen?

Ja, nur einmal in Portugal, wenn er in meine Ohren das immer sagt;

" Wir haben den Ofen, wie haben den Ofen. "

Und ich möchte leise in mein Herz "peace" habe, dann backe ich einmal, dann fertig.

Einbildung kostet 400€ oder 500€ ist so billig.

Wie~ " mann, meine Küche ist so kleine ", sagt meine Mann's Mutter.

Aber die Wirklichkeit ist, obwohl sie hat ganze Paket von Zwillinge, Bosch usw...

Was essen wir, nur Supermarkt Brot, Käse, Butter, Marmelade und Kaffee mit Kaffeemilch.

" Mann, meine Küche ist so klein~ "

Mein Mann's Familie ist eine sehr gut Philosophie zum studieren.

Mein Mann auch, er ist eine sehr gut Philosophie Muster und meinem Frieden zu helfen.

Garnelensalat

...... Zutaten ......

Garnelen　6

Salat

Tomate in kleine Stücke geschnitten　1/2

Fein gehackter Knoblauch　1

Senf　1TL

Essig　1EL 

Aceto balsamico　1EL

Honig　1EL 

Kräuter

Käse

Salz ＆ Pfeffer

...... Zubereitung ......

1. Knoblauch, Honig, Essig, Salz, Senf und Pfeffer gut mischen.

2. Lollo Rosso, Rucola, Tomate und Soße gut mischen.

3. Garnelen, Käse hinzufügen und bestreuen mit Kräuter. Guten Appetit!

(20221.02.05 Dinner)

Yesterday, my husband had to pay the hospital bill.

I ask, how much does the meal cost?

€ 10 a day, says my husband.

Wow, you're first class, I say.

The hospital says you don't pay the money at home but here, my husband says.

Yes it is right.

Because my husband always thought, I live healthy, I eat healthy, and I pay for sardines, but I eat like salmon quality, i say.

My husband so quietly.

Because he knows the problem.

And we've had the problem for over 10 years.

We want to save the money.

But what he's doing for me is just an imagination.

For example, he wants to buy a camping stove.

The day I was in Taiwan.

I say we don't bake the bread when we camp.

He also says, yes, we will bake the bread when we camp.

And the oven is cheap and my parents have one too.

Ok, if that's what you want, I say.

After 4 years or 5 years, do we use the oven?

Yes, only once in Portugal, when he always says that in my ears;

" We have the oven, we have the oven. "

And I want a quiet holiday and peace of mind, then I bake once, then finish.

Imagination costs € 400 or € 500 is so cheap.

Like ~ " oh dear, my kitchen is so small ", says my husband's mother.

But the reality is even though she has whole pack of Zwillinge, Bosch etc ...

What do we eat, only supermarket bread, cheese, butter, jam and coffee with condensed milk.

" Oh dear, my kitchen is so small ~ "

My husband's family is a very good philosophy to study.

My husband too, he is very good at helping philosophy and my peace. 

Whiteleg Shrimp Salad

...... Ingredients ......

Whiteleg shrimp　6

Arugula　30g

Lollo Rosso　3 leaves

Cut the tomato into small pieces　1/2

Finely chopped garlic　1

Mustard　1TL

Vinegar　1EL 

Aceto balsamico　1EL

Honey　1EL 

Herbs

Cheese

Salt ＆ Pepper

...... Method ......

1. Mix the garlic, honey, vinegar, salt, mustard and pepper well together. 

2. Mix the lollo rosso, rocket, tomato and sauce well. 

3. Add shrimp, cheese and sprinkle with herbs. Bon Appetit!