亂皂𥴊仔店 ⓂⒺⒾⓃⓀⒾⓄⓈⓀ

(2024.04.18 早起頓 雞肉白花仔菜 Kari + 糙米飯 + 弓蕉藍莓俗麭𩛩 + 優格/997kcal)

「我逐日 uī 伊款三頓，伊 m̄ 食就是 m̄ 食」老母按受氣行向無 ta-uâ tuì 人開拆厝內囡仔是按怎喙白，hőng 投喙白 ê 囡仔 mā tshan-tshiūnn 有耳目無喙 ê Hello Kitty 恬恬陪伴老母接受訪問。

「你敢 bueh 佮 gún 分張你無愛糜飯 ê 因由？」

「糜飯是苦毒 m̄ 是享受」囡仔無 tshan-tshiūnn 這个年歲 ê 囡仔，bueh 講實話進前愛先檢查爸母 ê 態度。

我 uī 這个囡仔感覺無捨施，總是我猶原無法度阻止目汁㴙㴙落 ê 笑聲。

「這个囡仔應當 hőng 投甲慣勢」buē-su 見著雙生兄弟 ê 翁 mā 笑甲反肚那講。

前幾日那坐火車那讀 Stuttgarter Zeitung 紙本新聞讀著德國平均年歲愈來愈短，女性平均年歲減少猶原維持 80 歲以上，男性平均年歲減甲無到 80 歲，比厝邊國家攏短壽，報紙摺 hōo 好紮轉來佮翁分張，翁讀煞隨講「我好字運拄著你。」

「咱互相鬥相共」我應。

確實，我較按怎骨力出菜伊 m̄ 願食，gún-ê 食食四常 mā tshan-tshiūnn 這對母囡仝款無較縒，sóo-tí 我真正感謝遐 ê 替 gún 翁𪜶兜勥母好好飼囡仔 ê 西班牙佮葡萄牙媽媽，無𪜶 ê 鬥相共 gún 翁凡勢 mā 是《我是留德華：海獅的德國奇幻旅程》內底彼位 kā 𪜶 ê die Lebensmittel 兌現甲足透底 ê 厝跤，食物只是維持生存 ê 物件。

借『神奇海獅』這本冊其中一个標題〈你 ê 德國 m̄ 是你 ê 德國〉來表達我 tuì 德國食食問題 ê 觀察，這一切攏愛怪德國加工業傷過厲害，𠢕包裝、𠢕行銷、𠢕綴德國人 ê 意。

像，這粒卵包煎 buē 好勢，換這个煎鍋保證你煎甲媠媠媠，若是無時間通煎卵包，無要緊，gún 替你煎卵包 --- 冷凍卵包，你敢捌看過，我 m̄ 知影臺灣 ê 食食敢有進化到連卵包攏有法度冷凍，總是遮 ê 卵包已經進化到這个階段，卵包捎出來，直接微波就 ē-tàng 食 --- 這支影片揣無，準過。

早前分張德國農業部長 Cem Özdemir 計劃改善德國加工食品帶來 ê 問題，這个問題我個人是認為要求工廠改善，不如好好衛教人民按怎款三頓較重要。

德國因為食食湠出來 ê 問題寫到遮為止，畢竟彼 m̄ 是我有法度改善 ê 問題，總是厝內喙白翁 ê 問題，我 ē-tàng 出力 kā 改善 hōo 伊知影食食是享受 m̄ 是 uī-tio̍h 維持生存 ê 苦毒。

「可憐 ê 囡仔，糜飯應當是享受 m̄ 是苦毒」翁若 ê 喙角若菱角尾翹翹那食那講。

「這我無確定。」

「我非常確定，現此時 ê 我若神仙蹛踮法國。」

「神仙攏蹛保加利亞➀。」

「我猶末退休，準做退休 mā m̄ 免搬去遐蹛就過甲若神仙。」

「這我無確定無，因為 gún 翁慼遮 ê 食物，有 tsuē-tsuē 俗物 buē bué 破家 ê 保加利亞，有加加好食 ê Tshì-sù 佮烘肉。」

「你 mā 知影，Tshì-sù 佮加工肉是 gún 兜唯二 m̄ 是維持生存 ê 好食物佮保庇 gún m̄ 免行向囡仔 ê 世界，糜飯是苦毒 。」

「這點我認同。」

我寫過翁𪜶兜勥母 tsuē-tsuē 尻川後話，這斗猶原愛寫，故事 tsiah 有法度煞鼓。

你是按怎 m̄ 食飯，kā 我食。

你這馬 m̄ 食，較停仔無甜路通食。

Kā 我食莫廢話。

翁應當真 m̄ 甘彼个 hőng 投講喙白 m̄ 合作 ê 囡仔，伊那食頓那講𪜶兜勥母 tuì 我講過 ê 話，只不過遮 ê 話攏有經過頓粉無遮爾仔「壓霸」。

凡勢我討厭別人壓霸 mā 發見壓霸 buē uī 我紮來啥物好心情抑是好結果，拄著意見佮我無相仝 ê 人，我 buē 繼續出聲佮伊討論，不過伊 buē 閣見著我，我 mā buē 閣見著伊，像翁𪜶爸母，自 2019 踏著我上押尾 ê 底線到今 m̄ 捌見過一面 mā m̄ 捌講過一句話。

「我無興趣成做捏麵尪仔師，你若無佮意，請坦白講 hōo 我知，起因我 tuì 草人幔棕簑，假鬼假怪嚴重過敏」這是我上捷 tuì 翁講 ê 話。

願每一个佮 gún 翁拄過相𫝛故事 ê 囡仔，有機會拄著佮 gún 翁相仝 ê 機會，拄著一位抑是一件引𤆬𪜶按糜飯是苦毒 m̄ 是享受行出來，並好好享受鹹酸苦汫帶來 ê 幸福佮健康。

本底掠做攏是有年歲 ê tsiah-ē 致著 ê 糖尿病、高血壓、高血油、肝包油遮 ê 問題 mā 沓沓仔出現 tī 德國囡仔 ê 身軀，而且比例漸漸 teh 搝懸。 

最後，最後愛記錄這支影片 uī-tio̍h『脂肪肝』請教 Google 大眾廟台語按怎講，大眾廟 m̄-nā 分張台語 mā 分張阿美族語『認識脂肪肝 pafana' to simal no atay - 阿美族語』hōo 我捶心肝是按怎囡仔時無好好佮阿美族阿姨學阿美族語，無定著這久 ê 我葡萄牙語抑是西班牙語攏有法度講甲較輾輾寡，特別是舌愛做卵捲 ê 音。

➀ 德國人近來時行去保加利亞過退休生活，tī 遐蹛德國退休庄 ê 人講 Mein Leben wie Gott in Frankreich，過甲真冇手 ê 14。

雞肉白花仔菜 Kari

...... 材料 ......

白花仔菜，剺蕊　1

雞襟胸　300g

洋蔥，刴幼　1

芥辣醬　1TL

滾水

荷蘭豆　200g

番薑仔粉　1TL

椰子奶　100g

蒜頭，剁幼

鬱金粉　1/4TL

印度 Kari 粉　1EL

薑，礤薟

芳料草

鹽、胡椒

...... 步數 ......

1. 雞肉、芥辣醬濫做伙，捉 hōo 齊，落鼎炒 hōo 赤赤，提出來。

2. 洋蔥、蒜頭、薑落鼎炒芳，白花仔菜、滾水、番薑仔粉、印度 Kari 粉、鬱金粉、芳料草濫落去煮10分鐘。

3. 荷蘭豆、雞肉、椰子奶濫落去，煮10分鐘，tiàu 寡鹽、胡椒，樂暢來食。

(18.04.2024 Frühstück Hähnchencurry mit Blumenkohl und Zuckerschoten - Reis - Toastbrot - Joghurt/997kcal)

Das Kind sagt, das Essen ist angespannt, ich sagt, das Essen ist zum genießen, sagt mein Mann.

Wir wissen nicht bis wann, sage ich.

Doch, mein Leben wie Gott in Frankreich.

Gott wohnt in Bulgarien.

Ich bin noch nicht in Renten und hier ist es wie im Himmel.

Ich weiß nicht, weil mein Mann hat viel Problem über das Essen, besonders Blumenkohl, Zuckerschoten und so weiter.

Naja, du weißt das Essen wie furchtbar über meine Mutter und wie große gespannt das Kind teilt.

Stimmt, sie ist der Gott deiner Familie, aber leider nicht mein Gott. 100 für das leckere Essen, bitte.

Ich habe kein Problem mit Malzeiten, weil mein Mutter hat mir immer gesagt, isst du nicht, kein Problem, weil, sie weiß ich komme später...wenn ich hungrig bin

Hier in Deutschland, ich habe das gesehen, ich kann nicht sagen wie oft ich es gesehen habe, aber genug wie das Kind aus Fernsehen teilt --- Das Essen für mich immer angespannt.

Warum isst du nicht, Isst!

Du isst jetzt nicht, kein Eis, kein Bonbon, kein Nachtisch, kein....!

Ich sage, Isst, jetzt!!!

Ich bin kein Fan davon, Leute zu kontrollieren, und mein Hobby ist es nicht, ein Gott zu sein, der den Leuten sagt, was sie zu tun haben, wie die Mutter meines Mannes, die jede Minute wütend ist und sich beschwert. Das ist schrecklich und macht mich so müde. 

Ich liebe den Frieden, und ich möchte, dass die Menschen das Essen und das Leben mit mir genießen.

Ich hoffe, dass jedes deutsche Kind, das das Problem wie mein Mann hat, in Zukunft das Essen nicht als anstrengend, sondern als angenehm und genussvoll empfindet, wie mein Mann.

Hähnchencurry mit Blumenkohl und Zuckerschoten

...... Zutaten ......

Blumenkohl in Stücke geschnitten　1

Hähnchenbrust in Stücke geschnitten　300g

Zuckerschoten　200g

Fein gehackte Zwiebel　1

Senf　1TL

Wasser

Kokosmilch　100g

Paprikapulver　1TL

Currypulver　1EL

Kurkumapulver　1/4TL

Fein gehackter Knoblauch

Geraspelter Ingwer

Kräuter

Salz, Pfeffer

...... Zubereitung ......

1. Hähnchen mit Senf gut mischen und in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch und Ingwer in die Pfanne geben und anbraten bis sie goldbraun sind.

3. Blumenkohl mit Currypulver, Kurkumapulver, Kräuter, Paprikapulver und Wasser dazugeben und gut mischen, ca. 10 Minuten kochen.

4. Hähnchen mit Zuckerschoten und Kokosmilch dazugeben und gut mischung, ca. 10 Minuten kochen.

5. Mit Salz und Pfeffer abschmecken. Guten Appetit!

(18.04.2024 Breakfast Chicken Cauliflower Curry and Snap Pea - Rice - Toast - Yogurt/997kcal)

The kid says the food is tense, I say the food is to be enjoyed, says my husband.

We don't know until when, I say.

Yes, I live like God in France(Good life).

God lives in Bulgaria.

I'm not in pensions yet and it's like heaven here.

I don't know because my husband has a lot of problem about the food, especially cauliflower, snow peas and so on.

Well, you know how awful the food is about my mother and how much tension the kid shares.

That's true, she's the god of your family, but unfortunately not my god. 100 for the delicious meal, please.

I don't have a problem with meal times because my mom always told me if you don't want to eat, it's not a problem because she knows I'll come later ... when I'm hungry.

Here in Germany, I've seen that, I can't say how many times I've seen it, but enough like the kid from TV shares --- Eating is always tense for me.

Why aren't you eating, Eat!

You don't eat now, no ice cream, no candy, no dessert, no....!

I say eat now!!!

I'm not a fan of controlling people, and my hobby is not being a god telling people what to do, like my husband's mom who is angry and complaining every minute. That's horrible and so tired for me. 

I love peace and I want people to enjoy food and life with me.

I hope that every German child who has the same problem as my husband will not find eating stressful in the future, but pleasant and enjoyable, like my husband.

Chicken Cauliflower Curry and Snap Pea

...... Ingredients ...... 

Cauliflower cut into pieces　1

Chicken breast cut into pieces　300g

Snap pea　200g

Finely chopped onion　1

Mustard　1TL

Water

Coconut milk　100g

Smoked paprika　1TL

Curry powder　1EL

Turmeric　1/4TL

Finely chopped garlic

Grated ginger

Herbs

Salt, Pepper

...... Method ......

1. Mix the chicken well with the mustard, add to the pan and fry until golden brown, then remove.

2. Put the onion with garlic and gingerin the pan and fry until they are golden brown.

3. Add cauliflower with curry powder, turmeric powder, herbs, paprika powder and water and mix well, cook for about 10 minutes.

4. Add the chicken, mangetout and coconut milk, mix well and cook for about 10 minutes.

5. Flavour with salt and pepper. Enjoy your meal!