亂皂𥴊仔店 ⓂⒺⒾⓃⓀⒾⓄⓈⓀ

(2024.09.22 早起頓 白草花生菜盤 + 塗肉林檎烘 + 優格/1013kcal)

按瑞典挪威轉來彼盤若生菜盤挐絞絞 ê 電線(Kabelsalat)總算 hōo 我搝著線來接 FM 佮 AM。

自猶未學習台文，我 ê 耳空 kan-ta 華文佮淡薄仔 ê 英、德文，自開始學習台文，我開始情緒叨撚事事項攏愛有台語 ê 氣口，這个從來 m̄ 捌出現 ê堅持成做綁跤帛 ê 阿婆行 buē 出門。我 ê 14 是當我認為是按呢，台文警總 ē 走出來講「台語無人按呢講」。

不過，這个「台語無人按呢講」已經 hōo 我送去火星，起因我 ê 想法佮阿愷之聲 Podcast ê 靈魂主角 mā 是台長 ê 阿愷 tī 台語話故事專訪 ê 一段話相𫝛，我無要意別人 ê 腔口佮講法，因為彼是伊文化 ê 一部份。

Tī《波士尼亞佮赫塞哥維納ⒷⒶ露營》來去歐洲交通巷路揣美人車日子  ⋯ 波士尼亞莫斯塔爾 ▪ Mostar, Bosna i Hercegovina 我有寫著這段心路過程 tī 遮就免閣咸豐三，講到今。不過想捌記錄 2024 行踏瑞典佮挪威 tī 這兩个 hōo 我掠做真文化語文攏誠獨立 ê 角勢引𤆬我生湠第三目看世界學，彼就是 m̄ 免要意彼是外來辭，因為咱使用 ê 語辭攏是互相照應栽出 ê 果。

Tī 這兩个角勢期間，gún 聽瑞典語掠伊做荷蘭語，瑞典人聽 gún 講德語掠伊做丹麥語，gún 翁聽挪威語步頻掠做是拆句聽有鬥做伙無半句 ê 母語，讀無丹麥文 ê 我目鏡無拭 hōo 清氣隨瓠仔看做菜瓜 tuì 翁哭呻「恁德國人是閒甲掠虱母相咬是 m̄，遮爾仔愛 kā 外國人考試。」

德文 m̄ 是 kan-ta 奧地利德文，瑞士德文猶閣有東德德文，像賊仔市西爿慣勢講 Flohmarkt，東爿講 Trödelmarkt，簡單一句按西德迒過柏林圍牆德文無講蓋好 m̄-koh 猶有法度 tsham 人盤撋兼讀字 ê 我隨成做青盲牛一隻。Tī 丹麥若無斟酌著 Ø, Æ, Å 佮無想著我人 tī 丹麥，我 ē 掠做伊是東德德文。

這斗 tī 捷克露營地搪著 Sachsen 朋友，𪜶 uī-tio̍h 我真認真講西爿慣勢 ê 語法 hōo 我儉 Bitte(敢 ē-tàng 閣講一斗)。

你知影英語、德語、荷語攏 bueh 相仝，準做聽無 mā 有法度按文字掠出重點，波蘭語是佮遮 ê 語言一屑仔攏無底代，準做𪜶 mā 使用羅馬字。

人 tī 波蘭搪著一位佮波蘭牽手做陣蹛波蘭 ê 荷蘭先生冇談離開家鄉到他鄉 ê 變化 hōo 我想著我上愛分張 ê 英文 Gift 佮德文 ê das Gift，相仝 ê 羅馬字相𫝛 ê 講法，無相仝 ê 14 mā 想著奧地利田庄 Fucking ê 新聞，這个田庄自 2020 改名做 Fugging 。咱台灣 tsuē-tsuē 角勢因為外來者認為地名歹聽 hőng 改名，奧地利因為別人捷捎𪜶 ê 文化來楔入𪜶 ê 庄名 kā 使用百外冬 ê 庄名改掉，這攏 hōo 我想著 hōo 面冊捷掠入櫳仔 ê 法國 Bitche 到今猶原無受影響 ê 像歐洲人講 ê 千外冬來法國一直是法國 m̄ 捌改變，像歐洲議會法國議員永遠講法語，德國議員 90% 以上攏講英語 hōo 德國電視台家己閣愛做翻譯，趣味乎。

心徛 hōo 在自然 buē 去要意別人紮𪜶 ê 文化看咱 ê 文化，抑是驚人 m̄ 知咱 tī 講啥，像台語話故事羅生門(Rashōmon)譯者林東榮先生分張伊 tuì 人名、地名 ê 想法 --- 加一个聲音，加一个文化 m̄ 免刁意故轉做咱家己 ê 文化，這是我家己做 ê 註解 mā 是我 tī 瑞典學著 ê 文化包容，雖罔我 tuì 瑞典 m̄ 捌一箍芋仔番薯，總是自第一工行跤到我從來 m̄ 捌 uī-tio̍h 家己 buē 曉講瑞典語感覺家己做 m̄ 著代誌，tsham 瑞典人成做龍鳳抑是交往 ê 男女 mā 無人因為佮對方講英語感覺𪜶做 m̄ 著代誌佮 tuì 人無尊重。

「你若閣綴人嫌我德語䆀，你看恁家己人 tsham 瑞典人成做龍鳳 ê 人敢有人講半句瑞典語，buē 曉瑞典語 mā 無計劃蹛遮 ê 我來到遮無幾工已經 ē 曉講 Hej 佮 Tack。」

我 m̄ 知影瑞典有偌 tsuē 人佮德國人成做龍鳳，總是這逝旅行搪著 ê 瑞典德國成龍 tsuē 甲 gún 翁某雙跤雙手做伙算指頭仔 mā 無夠算。不過 hōo 我感覺上特別 ê 代誌是一位瑞典爸爸 uī-tio̍h bueh hōo 亞洲太太知影伊佮囡仔講啥物話，齊佮囡仔講英語無半句瑞典語，這个現象 hōo 我成做一隻貓愖較早捌讀過 ê 文章「瑞典人 tuì 語言 ê 尊重佮自由」，總是這个現象 mā 蓋紅龜生蟲，龜怪，人蹛瑞典 m̄ 講瑞典語，按呢囡仔是 bueh 按怎成做瑞典人？敢講囡仔 mā 讀美國學校？準做讀美國學校離開學校規个環境猶原是瑞典語 m̄ 是英語，敢 m̄ 是？抑是瑞典人 mā 有台灣出名人𪜶兜 ê 傳統，一語看 buē 過一語 --- 我的中文不好，英文是我的母語。

人兜家事免我擘腹，總是這逝瑞典行跤花引𤆬 hōo 我上深 ê 感受是，按一个國家 tuì 語言 ê 開放佮包容成做這个國家上迷人 ê 部份。瑞典無德國、法國、西班牙遮 ê 國家有豐沛 ê 人工資產通吸人目睭仁，瑞典 tuì 我 ê 吸引力猶原大過遮 ê 國家 hōo 我想 bueh 繼續行踏，準做遐 ê 貓佮狗 tsuē 甲若鰮仔魚(Raining cats and dogs)，準做熱人若咱番薯島 ê 寒人，我猶原想 bueh 繼續行踏這个國家，而且 buē uī-tio̍h 閣 bueh 行踏瑞典佮 gún 翁 tī 遐盤話 buē 離。是按怎愛閣去西班牙，是按怎 buaih 閣行踏西班牙。

按瑞典轉到德國頻道一調整好勢隨上 Spotify 聽 Hena Ma ê 節目台灣人台灣事，其中一集拄好佮我手頭當 leh 切 ê 菜蔬相仝扁頭佮尖頭高麗菜 hōo 我想著家己 tuì 白草花 mā 紮家己 ê 文化對待伊隨笑甲歪腰。

Bueh 講別人尻川後話正經愛繩家己 ê 態度 tsiah buē hōo 家己洗面。

我 tuì 白草花 ê 印象就是德文記錄 ê 部份，無鹹無纖，白汫無素，連滾水攏比伊好味素。總是人生就若 Forrest Gump 分張𪜶阿母 ê 智慧，人生 tshan-tshiūnn 一盒 Tsioo-kóo-lè-tòo 你永遠 m̄ 知影你 ē 食著啥物款口味。

這幾冬去捷克越南人市場剪頭鬃無閣去 Babylon 食餐廳，這斗受著天氣奱化臨時臨曜決定頭鬃剪好隨轉來德國 buaih 閣過暝，翁某隨 kā 車駛去 gún 意愛 ê 餐廳食中晝頓，餐廳設備無 tshan-tshiūnn 別間餐廳凡勢 uī-tio̍h 德國人喙斗攏淡薄仔改裝抑是規組改裝，這間餐廳猶原維持本底 ê 生張，連菜單攏無改變，豬跤猶原 tī 菜單，tsuē-tsuē 餐廳轉做賣美國食食 Hamburger 佮 Pizza 無傳統食，講著這德國傳統酸菜 mā 沓沓仔 bueh 退出市場，新聞已經 teh 報導。

M̄-nā 豬跤、白草花好味素

連踮德國 kiōng-bueh phàng-kìnn ê Pastinaken mā 是美味しい甲

「我 bueh 豬跤閣加一份大份 ê 馬鈴薯條」菜色交代好勢隨出外繼續看有啥通繼續紮轉來德國 ê 寶。

別人掠做英文是歐洲主要語言，總是自歐盟成立這个問題到今猶 m̄ 捌統一成功過，不過以我個人經驗來講準做英文愈來愈 tsuē 少年人 ē 曉講，德語猶是比英語較通行，畢竟銀兩是實櫼 ê 實力。

「菜上桌矣，好轉來食飯」翁敲通電話通知我轉去，見著桌頂 ê 馬鈴薯條我問「這敢是掠外 ê 點單？」翁幌頭表示 m̄ 是隨 kā 腹內彼尾蟲安搭到行出餐廳 tsiah hōo 伊擽。

「看來，這間餐廳 mā 無法度無接受文化轉移 kā 傳統馬鈴薯條(軟𩚨芳肨奶)換做美國馬鈴薯條(油焦燥瘦鹹)來維持上自本 ê 面肉。」

「我無特別 ê 感受，馬鈴薯條就是馬鈴薯條，好食」翁應。

「莫怪法國一直是法國，看 ARTE 節目罕得見著法國人講英語，m̄-koh 你德國人百分之 90%」翁知影我 teh 剾洗德國人 tuì 家己 ê 語文 mā 無自信，除了 bueh 展家己比別人閣較優秀 ê 賰一个語言有通仔佮人相比並，因為罕得有外國人 ē 曉講德語，無應話。

「這斗我 mā 揣著白草花生菜盤好食 ê 秘密。」

「啥物秘密？」

 「家己動手豉白草花，鹹酸度就有法度調整，像這間餐廳按呢，𪜶這斗 ê 白草花生菜盤按外形就有法度看出彼 m̄ 是按工廠來 ê Drive-thru。」

因為德國白草花生菜盤影響我 tuì 別搭白草花生菜盤 ê 態度，總是這斗人 tī 瑞典挪威菠薐仔、青花仔菜、夏金瓜食甲驚， 見著無意愛 ê 白草花生菜盤 mā 成做軍營阿兵哥捷講 ê 做兵兩三冬，豬母 mā 當做是西施隨送入喙 tsiah 發現，這白草花佮進前 ê 白草花無相仝有夠合我 ê 脾土隨請教 Google 眾大眾廟，大眾廟 hōo 我 ê 籤詩猶原佮較早無宛 2 體，總是這斗我已經著頭，知影按怎調整我無佮意 ê 酸佮鹹，彼就是醋換做 Lê-bóng 汁，豉兩點鐘 kā 豉透暝，好食甲隨閣去款一粒轉來囤。

捷克豬排

白草花生菜盤

...... 材料 ......

白草花，切絲　1/2

洋蔥，切絲　1/2

Lê-bóng 汁　1EL

橄欖油　3EL

芳料草

糖

鹽、胡椒 

...... 步數 ......

1. 洋蔥、鹽、糖、胡椒、Lê-bóng 汁濫做一伙浞 hōo 齊。

2. 白草花、鹽、胡椒、Lê-bóng 汁濫做一伙浞 hōo 齊。

3. 洋蔥、白草花、芳料草濫做伙，油淋落去浞 hōo 齊，落冰箱冷藏至少 2 點鐘，樂暢來食。

Also, Weißkohl für mich ist wirklich langweilig, aber, die Welt ist ein Schokotafel, du weißt nicht was drinnen gibt.

Ich fühle den Kohl langweilig ist weil... ja, ich mag kein sauren Geschmack, aber leider in Deutschland das Lebensmittle egal Dose oder Salat sind sauer für mich, ich weiß nicht warum.

Aber ich glaube, das ist normal in Deutschland, das Essen muss sauer/salzig und süß sein, ja nur die 2 Geschmäcker wie das Leben nur Schwarz und Weiß ist, nicht bunt.

Frühstück, Brot mit Käse.

Mitttagessen, Brot mit Käse.

Abendessen, Bort mit Käse.

Das ist ein Essensstil, den ich gesehen habe und der einen großen Kampf ausmacht.

Und habe ich gewonnen? Ja, weil ich sage meinem Mann, ich bin ein gute Frau, weil mein Hobby keine kontrolle enthält.

Mein Mann's Problem, ich habe keine interesse weiter zu schreiben, weil das ist BORING, ganz BORING.

Ich möchte mich mehr auf mich selbst konzentrieren, nicht auf sein Problem.

Ich habe große Probleme über Weißkohl, aber leider Weißkohl ist überall, ja! ÜBERALL in Europa.

Wenn ein Tag kein Gemüse nur Weißkoh. Was kann ich tun?

Oh, mann...das ist ein großes Problem für mich und macht mir Angst. 

Aber jetzt, mein Angst ist weg, weil... ich habe ein sehr gute Anleitung aus Tschechien. Ja, ich habe ein sehr gut Geschmack aus Tschechien.

Den Kohl ist auch Salat, aber nicht Sauer, den Geschmack macht ich wie eine Katz so neugierig und sucht das Rezept auf Google, und was Google mir zeigt wie vorher ist, so viele Essig und Salz. Ich habe kein deutschen Zunge und Magen, ich denkt für den Essig kann Zitronen sein, für das Salz ich kann das wechseln, von 5 zu 1. und übernacht in Kuhlschrank stellen.

Und, was passiert?

Weißkohl ist jetzt auch mein Lieblingsgemüse.

Manchal denke ich, ich habe gleich Problem wie mein Mann, ich habe Stein Kopf, aber glücklich, das Essen ist sehr wichtig für mich, deshalb mein Stein wird immer rollen, nicht wie mein Mann Familie, warte bis Flechte kommt.

Weißkohlsalat

...... Zutaten ......

Weißkohl in Scheiben schneiden　1/2

Zwiebel in Scheiben schneiden　1

Zitronensaft　1EL

Olivenöl　1EL

Kräuter

Zucker

Salz, Pfeffer

...... Zubereitung ......

1. Zwiebel mit Salz, 1EL Zitronensaft und Zucker gut mischen.

2. Weißkohl mit Salz, 1EL Zitronensaft und Zucker gut mischen, Zwiebel dazugeben und gut mischen.

3. Öl dazugeben und gut mischen, im Kühlschrank stellen und ca. 2 Stunden ziehen lassen, dann Guten Appetit!

Well, white cabbage for me is really boring, but, the world is a chocolate bar, you don't know what's inside.

I feel the cabbage is boring because... yes, I don't like sour taste, but unfortunately in Germany the food no matter canned or salad are sour for me, I don't know why.

But I think that's normal in Germany, the food has to be sour/salty and sweet, just the 2 tastes like life is only black and white, not colorful.

Breakfast, bread with cheese.

Lunch, bread with cheese.

Dinner, bread with cheese(Abendbrot).

This is a style of meals that I have seen and that makes a big fight.

And did I win? Yes, because I tell my husband I'm a good wife because my hobby doesn't involve ' control '.

My husband's problem, I have no interest in writing any more, because this is BORING, totally BORING.

I want to focus more on myself, not on his problem.

I have big problems about white cabbage, but unfortunately white cabbage is everywhere, yes! EVERYWHERE in Europe.

If one day no vegetables only white cabbage. What can I do?

Oh, man...that's a big problem for me and it scares me. 

But now, my fear is gone because... I have a very good guide from the Czech Republic. Yes, I have a very good taste from the Czech Republic.

The cabbage is also salad, but not sour, the taste makes me like a cat so curious and searches the recipe on Google, and what Google shows me as before is so many vinegar and salt. I don't have a German tongue and stomach, I think for the vinegar can be lemons, for the salt I can change that from 5 to 1 and put it in the fridge overnight.

And what happens?

White cabbage is now also my favorite vegetable.

Sometimes I think I have the same problem as my husband, I have stone head, but happy, food is very important for me, so my stone will always roll, not like my husband family, wait until lichen comes.

White Cabbage Salad

...... Ingredients ......

Slice the white cabbage　1/2

Slice the onion　1

Lemon juice　1EL

Olive oil　3EL

Herbs

Zucker

Salt, Pepper

...... Method ......

1. Mix the onion well with the salt, 1 tbsp lemon juice and sugar.

2. Mix the white cabbage well with the salt, 1 tbsp lemon juice and sugar, add the onion and mix well.

3. Add the oil and mix well, place in the fridge and leave to infuse for approx. 2 hours, then enjoy!