亂皂𥴊仔店 ⓂⒺⒾⓃⓀⒾⓄⓈⓀ

(2021.11.01 減肥早起頓 Scottish Tattie Scones。蘇格蘭司康餅)

到今猶原 m̄ 捌行踏日不斜西，m̄ 捌去遐行跤花 ê 起因，我想應當是英鎊蓋貴。

總是，日不斜西猶原 ē 落山，現此時 ê 英鎊越來越細圓我原仔無出發是啥物因由？

窮實講我家己 mā 無啥清楚是按怎 ē 按呢生，總是我自囡仔時 tuì 𫝛款攏是講英語 ê 角勢就 kan-ta tuì 美國較有興趣，其他 ê 正經是鼻無佗一間厝有人放火 teh 燒。

是講，人生總有 hōo 你 buē 節 ê 意外，像 m̄ 捌 Malta(馬爾他) mā m̄ 捌認真研究英國文化 ê 我，人一行跤到 Malta 若 m̄ 是耳空猶閣利無重聽，我 ē kā Malta 準做是英國，是講，Malta 確實是英國 ê 楦闊，m̄ 管伊自本就情願抑是 m̄ 情願 tshan-tshiūnn 咱番薯島臺灣按呢，捷捷 hőng 當做是別人，總是 Malta 人若較成較愛家己，伊知影按怎順別人 ê 影湠家己 ê 實力，咱若較成 kan-ta 想 bueh 放捒家己隨成做心目中 ê 彼个人。 

我 m̄ 知影 Malta 真實 ê 狀況敢是按呢，總是我搪著 ê Malta 人準做 ē 曉講英語 mā 是 kā 伊當做是外來語，顧腹肚需要 ê 語言無 tshan-tshiūnn 咱 buē-su ē 曉講這个語言就加足有氣質按呢。

我知影，我按呢講較無公正，總是這 mā 是事實，起因咱真比並語言 ê 懸低，敢 m̄ 是。

M̄ 捌行踏英國現此時綴 leh 做 ê 英國料理攏是按行踏 Malta 來，大部份 ê 英國料理佮我印象中 ê 記持無宛 2 體 ê buē 敆喙，準做是人人呵咾 ê 英國早起頓(Full English)我 mā 佮伊是門扇枋鬥 buē 峇 ê 食頭一日後尾 ê 早頓錢就 kā 伊當做寄付按呢安搭家己 ê m̄ 甘。

總是，食食本底就是廣東目鏡，隨人佮意，我食 buē 合無表示別人食 buē 敆喙，像我佮意這个 Tattie Scones mā uī-tio̍h 伊 m̄ 是我印象中 ê 彼个 Scones tī 路邊暢甲 buē-su 食著 Môo-hui 按呢，有人一看著這个 Tattie Scones m̄ 是伊印象中 ê 彼个 Scones 隨斡頭講「彼呔 ē 是 Scones，正經烏白濺」ê 在人喙斗，在人佮意。

按 Malta 轉來德國，論真講 tī 遐 2 禮拜無搪著啥物佮意食 ê 食物，除了按義大利西西里島來 ê 餐廳掠外，我上佮意 ê 料理就是這个 Tattie Scones，只不過我一直 buē 記得伊 ê 名，總是感謝翁 ê 鬥相共，順我 ê 記持請教 Google 敢有 Scones 是濫馬鈴薯，押尾正經 hōo 伊揣著食譜，只不過無確定敢是十全 ê 蘇格蘭版本，起因是德國人寫 ê 食譜，總是英國 mā 蹛 tsuē-tsuē 德國人，sòo-pái 口味較按怎徙位應當猶是 buē 徙到月球遮爾仔遠就隨 kā 手䘼擘起來綴 leh 做，著，就是伊，這是我愛 ê Scones，不過我應當 buē 閣繼續做落去，起因食 buē 飽，正經講...

若無需要控制體重，我決定 ē 拚勢做來食，起因正經足合我 ê 喙斗。

人生，正經無法度逐項攏十全，總是就是無十全 tsiah 有數念佮 buē 因為相片䆀就隨刣掉。

--- 2021.11.02

蘇格蘭 Tattie Scones

...... 材料 ......

荷蘭薯沙　700g

Bá-tah　25g

高黐麵粉　60g

鹽　1/2TL

...... 步數 ......

1. 材料濫做一伙搜做麵粞。

2. 麵粞分切做一份100g，挲圓，研做薄餅，落鼎煎甲兩面赤赤，樂暢來食。

(2021.11.01 Frühstück zur Gewichtsabnahmen Tattie Scones)

Mein Mann hat mir das Rezept geschickt und sagt,

Moechtest du das Essen mal probieren?

Ich lese den Blog nicht aber sofort geantwortet : NEIN

Das sieht gut aus, sagt mein Mann.

Nein, ich liebe kein Scones, sage ich.

Ach so....aber weißt du, das Scones kommt nicht  aus England.

Das Scones kommt aus Scottland, sagt mein Mann.

Was ist der Unterschied, frage ich.

Du mußt einmal mal in den Blog gucken.

Nachdem ich in den die Blog geguckt habe.

Ich muß das Rezept probieren.

Das Scones sehr lecker!!!

Tattie Scones – Schottische Kartoffelpfannkuchen

...... Zutaten ......

Gekochte Kartoffeln in der Kartoffelpresse stampfen　700g

Butter　25g

Weizenmehl TYPE 405　60g

Salz ＆ Pfeffer

...... Zubereitung ......

1. Alle Zutaten gut mischen bis es ein Teig ist. Dann den Teig  zu 100g teilen und zur Kugel formen.

2. Den Teig ausdrücken, in die Pfanne geben und anbraten bis sie goldbraun ist. Guten Appetit!

(Breakfast for weight loss Tattie Scones)

My husband sent me the recipe and says

Would you like to try the food?

I don't read the blog but immediately replied: NO

That looks good, says my husband.

No, I don't like scones, I say.

Oh ... but you know, the scones is not from England but from Scotland, says my husband.

What's the difference, I ask.

You have to take a look at the blog.

After looking at the blog.

I have to try the recipe.

The scones very tasty !!! 

Tattie Scones - Scottish Potato Pancakes

...... Ingredients ......

Boiled potatoes and masher　700g

Butter　25g

All-purpose Flour　60g

Salt ＆ Pepper

...... Method ......

1. Mix all ingredients well until it is a dough. Then divide the dough into 100g and shape into a ball. 

2. Roll the dough into a pancake shape, put in the pan and fry until golden brown.Enjoy your meal!