亂皂𥴊仔店 ⓂⒺⒾⓃⓀⒾⓄⓈⓀ

起手無回大丈夫，交翁品好早起頓牽手成做歐洲人食生冷菜蔬盤敆麭、塗肉林檎、意大利麵等屬伊意愛，下昏飯牽手成做亞洲人食一桌有五種喉韻交燒烙魂舒 ê 味素。

棋一行，起手無回大丈夫，準做好喙斗，自帕水就透血 ê 脾土猶是無本等 uī 愛轉脾土 kā 生冷菜蔬釘根。

歐洲有閏年➀無閏月，向時四季分明 ê 節氣 tī 地球溫度若人按平埔沓沓仔𬦰上懸山，遮 ê 寒人以德國做主體，逐冬若閏月雙春年，兩春夾一冬，無被燒烘烘僫得感受兩春夾一冬，十欄九个空 ê 寒。

漢醫講百病寒為先，生冷菜蔬屬五行、五色、五性 ê 寒性佮涼性適合 tī 熱人來降火氣。

西醫無這个概念，德國人敢 mā 自古就食生冷菜蔬，這个問題我無研究，總是交我成做龍鳳無愛食菜蔬 ê 德國翁婿講「生冷菜蔬比 gún 阿母白煠 ê 花仔菜、敏豆、紅白草花閣較好味素。」

Gún 翁慣勢 ê 喙白是𪜶兜阿母飼出來抑是自本生成，這个問題自我開始扞鼎已經揣著答案，所致臭臊 ê 清飯免閣熥 buē 離。

漢醫講百病寒為先，總是這个寒敢若較適合臺灣人。日本、韓國、越南遮 ê 齊捌接受儒家文化影響 ê 國家𪜶 ê 月內按怎做，我無一个認捌，總是以咱多數臺灣人齊知捌 ê 生囡後 ê 照護來講，西方人囡仔一生煞 a̋i-sīr-khu-lìn-mù 先來一大桶，咱臺灣人是隨關房間一月日無洗頭鬃、無食冰。

這个精差是按帕水生成抑是落地培養 tī 往過 m̄ 捌好玄過，這久比研究司迪麥 ê 阿貓呔討 ē 昏 tī 鋼琴頂閣較好玄，起因出世 tī 番薯島 ê 我比身軀邊 ê 德國朋友，m̄ 管是查埔查某抑是腹內有三把火 ê 少年囡仔 tī 寒人閣較 m̄ 驚寒。不過自起手無回大丈夫交翁品好早起頓做歐洲人，下昏飯做亞洲人我開始發見一月日總有黃金變水沖 ê 狀況。黃金變水沖 m̄ 捌造成我 ê 困擾，總是人愛追求完美，我愛食著照三頓，睏著照時陣看了好心情 ê 日日黃金，自然就起手斟酌繩問題。

骨頭是火爐，骨頭若含梢爐火就燒 buē 旺，無確定身體屬寒抑是屬熱 ê 我面對一月日總愛有無由來 ê 起畏寒開始繩問題。

年歲勻勻仔行到換年➁ê 我，筋骨無烏貓姊 ê 軟𩚨扭掠，總是猶算健欉有法度做䖙倒英雄 Yoga mā 無搪著翁朋友翁仔姐 ê 狀況，趨一倒手節骨碎甲若鹽，交寒人燒氣捘甲 25 度，太太 ê 換年若無夯翁仔姐就做陣喝厝內呔寒甲若冷凍庫 ê 譀呱呱。

骨頭猶算勇健無含梢，請繼續保持，換題繩。

一月日總愛來幾斗 ê 交懍恂按佗來？ 一日金烏烏金甲若烏魚仔，翁仔姐做陣那曝日頭欶維生素 D 那食早起頓，我 ê 腹肚步頻起畏寒，咂一喙燒咖啡，寒甲爍爍顫 ê 腹肚敢若幔著一領裘仔隨燒熱，盤內 ê 生冷菜蔬敆生冷白銀魚繼續送入喙，靜甲若死海 ê 腹肚又閣起蛟龍，食飯飽做金條 mā 開始勻勻仔出現金條伴水沖。

漢醫講火氣大食寒涼食物退火，不過身體驚寒繼續食寒涼食物 m̄-nā ē 呿呿嗽 buē 離，走腹 mā 走 buē 離。漢醫講 ê 寒性體質照目前 ê 狀況來看 kan-ta 五分一，明仔載閣來試一斗，看寒涼食物敢正港無適合做早起頓食，畢竟喙食隨 hōo 尻川坐數 ê 早起頓 ka̋nn 捌搪過這味，早頓店 ê 紅茶牛奶。

起手無回大丈夫，進前 m̄ 捌搪過 ê 喙食隨 hōo 尻川坐數 ê 走腹正港按生冷菜蔬盤來，這个一日月 tsiah 一兩斗 ê 走腹無嚴重甲愛成做勥母 ê 見本，kā 蠓仔做大象➂哭呻 hōo 翁聽，總是走腹出現現，uī-tio̍h 起手無回大丈夫舞豬舞狗 kan-ta 舞死家己 mā 誤著伊。

「你知影我是一位尊存隨人喙斗 ê 牽手」翁仔姐做陣看 Ghost(鬼，華：第六感生死戀)當 Oda Mae 歡喜成做好額人 Sam 要求伊 kā 手頭 ê 支票捐出去，我想著 2019 當我歡喜會使得順家己 ê 需求交勥爸母見面，翁像 Sam 按呢等支票到手 tsiah 講出實情 hōo 我心狂火著險 bueh 煏斷腦筋交這幾冬 uī-tio̍h 𪜶兜掠 buē 了 ê 喙白所湠 ê 冤家量債，我想著按怎解套 ê 講法。

今年是觀察年，聽牽手按呢講，雙目若牛 ê 伊瞪甲若牛見著鬼仝款 ê 驚惶問「我敢閣承著 gún 爸母 ê 歹癖 hōo 你無爽快？」

「你無有樣看樣，有例趁例，免驚」我笑甲腹肚疼 mā 若那搭伊 ê 心肝那講「1234 驚甲無代誌。」

小妹因為厝內慣勢離緣 2 斗(這是伊有分張 ê 數字)，我因為伊惜命命 ê 厝內傳統 mā 要求離緣，伊開人講聽入耳，鬼講擲一邊，坐騰騰聽候我 ê 換氣。

「好無相致蔭，歹煞相牽累，我個人發現我 ê 體質無適合 kā 生冷菜蔬盤做 365 頓早起頓，像屬寒 ê 紫頭菜 kā 伊轉做屬熱猶是走腹，所致我需要交你做伙商詳咱品好 ê 早起頓食歐洲，下昏飯時亞洲。」

聽著牽手 m̄ 是討論賣囝無叫囝名，當田無從田頭行 bueh 佮伊切甲透底隨講「早起頓食亞洲，窮實 mā 是好味素。」

近山知鳥音，近水知魚性，有緣鬥陣成做龍鳳 m̄ 是一冬抑是三冬 ê 短，巧手機仔隨囥伊眼前講「這猶歐洲味，咱明仔載做陣試這味你感覺按怎？」

「當然 mā 是好。」

原食譜是茄仔交蘑菇醬做伙煮 hōo 爛，我無佮意爛爛 ê 茄仔 kā 伊改做綿綿軟軟烘箱版本。

原食譜是敆清飯做伙食，我㧎 tī 飯煮好囥冷會使得維持血糖穩定交助減肥 ê 應效，這臨時臨曜 ê 菜單 buē 赴處理就大主大意 kā 伊換做塗肉林檎，押尾證實 buē 敆喙 ê 猶是全穀較敆脾土。

這是第一斗食甲十全欠一味繼續試驗 ê 版本，本底按算 ê 糙米因為無頭神 kā 浸水過暝囥冷，迒 buē 過 ê 食冷飯助減肥就放伊自由換秮仔。秮仔交糙米敢有相𫝛 ê 應效，我無趼究，總是順原食譜 ê 手路出菜，秮仔確實好味素 ê 敆喙 。

➀ 新曆 2 月 29，四年一斗

➁ Wechseljahre, Menopause，更年期

➂ 德文俗諺 Aus einer Muecke einen Elefanten machen 鳥鼠空當做圓拱門、Buē 直，刣雞用牛刀，磕著就司公姨、小題大作

秮仔美國茄蘑菇醬

...... 材料 ......

美國茄，剖半　2

黃番薑仔，切塊　1

紅番薑仔，切塊　1

大同仔，切塊　1

秮仔　150g

蘑菇，切片　400g

Kam-má-tooh，切塊　3

洋蔥，刴幼　2

蒜頭，刴幼

番薑仔粉

滾水

芳料草

鹽、胡椒

...... 步數 ......

1. 秮仔透水煮熟。

2. 洋蔥、蒜頭落鼎芡芳，Kam-má-tooh 濫落去炒軟，芳料草、番薑仔粉、滾水摻落去煮 15 分鐘，絞做醬。

3. 茄仔挲寡鹽、油，落烘箱捘 200 度烘 20 分鐘。

4. 洋蔥、蒜頭落鼎芡芳，蘑菇摻落去炒芳，番薑仔、大同仔濫落去炒芳，Kam-má-tooh 濫落去搜齊煮 15 分鐘，tiàu 寡鹽、胡椒。

5. 秮仔落盤、茄仔落盤，蘑菇醬鋪頂懸，樂暢來食。

Ich vermiss 飯包/弁当 und suche ich ein Bowl wie in Asien in Google.

Ja, ich bin ein sehr gute Frau, ich kümmere mich immer um meinen Mann Geschmack.

Mein lieber seltsam, ich würde gern am Morgen die Bowl essen, ist das Bild ok für dich? Ich zeige meinem Mann das Bild auf Google.

Die Bowl hat viel Gemüse, Radieschen, Avocado, Edamame, Spinat usw, sagt er.

Ja, aber leider ich bin Asiatin, nicht Europäisch und meine Bowl ist 飯包/弁当 kein Buddha-Bowl, 阿彌陀佛 Amitabha, sage ich.

Das sieht sehr lecker aus, anwortet mein Mann.

Schlauer Mann, weißt das bedeute wie mein lieber Sohn, Vater liebt ruhig - kein Münzen nur Rot, Orange, Lila.

Jedes Mal wenn ich Metall Buddha-Bowl mit Essen sehe, ich fühle seltsam obwohl ich verstehe das ist Exotik. Naja, wir haben das gleiche Problem, der Berg hat Schafe mit Hund, dann sagen wir hier ist Schweiz. Ja, jeder hat seine eigene Exotik und Fantasie.

Ich vermisse 飯包/弁当, aber ich bin ein sehr gute Frau, ich kümmere mich um meinen Mann Geschmack wie er braucht, Tomatensoße und meine Magen wie ich brauche, heiss essen.

Ich suche die Bowl in Google und habe das Bild gesehen, ich weiß nicht ist das Essen wie Bowl, aber das ist ein sehr gute Idee, obwohl erste mal nicht so lecker.

Das original Rezept ist das Gemüse mit Rice, ich wechsel zu Kartoffeln und ich muss sehr ehrlich sagen, das passt nicht.

Ich liebe den Geschmack und ich hätte gerne auch ein schönen Bild, dann probier ich das Essen nochmal, oje, Kartoffeln weg, Hirse kommt, das passt ganz genau, du bist mein Sauerkraut, denn wir sind füreinander bestimmt sagt die Schweinshaxe.

Bin ich mit meinem Mann wie Sauerkraut und Schweinshaxe, ich weiß nicht, aber ich kümmere mich um seinen Magen, das ganz bestimmt.

Hirse mit Champignonsoße und Auberginen

...... Zutaten ......

Auberginen halbiert　2

Paprika, Mix in Stücke geschnitten　1

Hirse　150g

Champignons in Stücke geschnitten　400g

Tomaten in Stücke geschnitten　3

Fein gehackt Zwiebel　2

Fein gehackter Knoblauch

Paprikapulver

Wasser

Kräuter

Salz ＆ Pfeffer

...... Zubereitung ......

1. Aubergine mit Olivenöl, Salz und Pfeffer beträufeln, im Backofen bei 200 Grad 35 Minuten backen. 

2. Hirse mit Wasser in den Topf geben und ca. 15 Minuten kochen.

3. Zwiebel mit Knoblauch in die Pfanne geben und anbraten bis sie goldbraun sind, Tomaten dazugeben und anbraten bis sie weiche sind.

4. Kräuter mit Paprikapulver dazugeben und gut mischen, Wasser dazugeben und gut verrühren ca. 15 Minuten kochen, dann pürieren.

5. Zwiebel mit Knoblauch in die Pfanne geben und anbraten bis sie goldbraun sind, Champignons mit Paprika dazugeben und anbraten bis goldbraun sind.

6. Tomatensoße dazugeben und gut verrühren ca. 15 Minuten kochen, mit Salz und Pfeffer abschmecken.

7. Hirse mit Auberginen in die Bowl geben, Champignonsoße hinzugeben. Guten Appetit!

I miss 飯包/弁当 and I'm looking for a bowl like in Asia in Google.

Yes, I am a very good wife, I always take care of my husband's taste.

My dear strange, I would like to eat the bowl in the morning, is the picture ok for you? I'll show my husband the picture on Google.

The bowl has lots of vegetables, radishes, avocado, edamame, spinach, etc., he says.

Yes, but unfortunately I'm Asian, not European, and my bowl is 飯包/弁当 not a Buddha bowl, 阿彌陀佛 Amitabha, I say.

That looks very tasty, my husband replies.

Clever man, know that means like my dear son, father loves calm - no coins only red, orange, purple.

Every time I see metal Buddha bowl with food, I feel strange although I understand this is exoticism. Well, we have the same problem, the mountain has sheep with dog, then we say here is Switzerland. Yes, everyone has their own exoticism and fantasy.

I miss 飯包/弁当, but I am a very good wife, I take care of my husband taste as he needs, tomato sauce and my stomach as I need, hot food.

I search the bowl in google and saw the picture, I don't know is the food like bowl, but this is a very good idea, although first time not so delicious.

The original recipe is the vegetables with rice, I switch to potatoes and I have to be very honest, it doesn't fit.

I love the taste and I would also like a nice picture, then I try the food again, oh dear, potatoes gone, millet comes, that fits perfectly, you are my sauerkraut, because we are meant for each other says the pork knuckle.

Am I like sauerkraut and pork knuckle with my husband, I don't know, but I take care of his stomach, that's for sure.

Millet with Mushroom Sauce and Eggplant

...... Ingredients ......

Eggplants cut in half　2

Bell peppers, mix cut into pieces　1

Millet　150g

Mushrooms cut into pieces　400g

Tomato cut into pieces　3

Finely chopped onion　2

Finely chopped garlic

Smoked paprika powder

Water

Herbs

Salt＆ Pepper

...... Method ......

1. Drizzle the eggplant with olive oil, salt and pepper, then bake in the oven at 200 degrees for 350 minutes. 

2. Add the millet and water to the pot and cook for approx. 15 minutes.

3. Add the onion and garlic to the pan and fry until golden brown, add the tomatoes and fry until soft.

4. Add the herbs with paprika powder and mix well, add water and stir well for about 15 minutes, then puree.

5. Put the onion with garlic in the pan and fry until they are golden brown, add the mushrooms with peppers and fry until golden brown.

6. Add the tomato sauce and stir well for about 15 minutes, season with salt and pepper.

7. Put the millet with eggplants in the bowl, add mushroom sauce. Enjoy your meal!