亂皂𥴊仔店 ⓂⒺⒾⓃⓀⒾⓄⓈⓀ

(2023.11.23 早起頓 弓蕉 Tsíoo-kóo-lè-tòo 麥角優格 + 紅菜頭蘑菇雞肉咖哩 + 秮仔/1120kcal)

彼日踅著幾个線頂分享會資料(2021)感覺誠興趣時間 mā 鬥 ē 峇就隨寫落來報名，特別是德國時間 7am 這場。

Uī-tio̍h 這場峇峇 ê 線頂分享會，我 mā 比慣勢 ê 雞啼閣較早啼兩點鐘準備早起頓。

食頓飽 mā 小可梳妝打扮好勢，招翁做陣守踮電腦頭前靜候「允許(ín-tsún)」加入，總是時間一秒一秒過，gún 等 bueh 15 分鐘畫面猶是踅圓箍仔 ê「無允許」。

「你是 m̄ 是記 m̄ 著時間」翁問。

Tuì 人工兼手工記持誠有自信 ê 我，聽著翁按呢問 mā 隨綴 leh 自我起疑心，手機仔提出來斟酌繩(tsîn)一逝，「無剉(錯)，規欉好好，是這个時間」我講。

四常搪著這款店開開 m̄ 寫講「等下隨轉來」煞等無半人轉來 ê 店，我 ē 自動 kā 伊算入鉛粉掖無夠額 --- 離開，總是凡勢是足想 bueh 聽慣勢 ê 歌聲，sòo-pái phàng-kìnn ê 耐性又閣踅翻頭相揣 hōo 我願意成做等無人 ê 主角，只不過愛講我較好字運，我無等到海風笑我是戇人，海角笑我空等，彼个一直踅圓箍仔 ê 畫面總算按烏變五彩。

只是，趣味仔.......若無半个人 teh 講話，繼續等落去。

「大家早.....」

彼號，我又閣開始懷疑家己 ê 記持，手機仔閣提出來繩，含頭挖，無剉(錯) --- 我 ê 記持無錯，宣傳單寫「全程台語導覽」是按怎較聽攏是「全程華語導覽」。

好玄  ê 火一挓著隨想 bueh 知影敢有人有佮我有相𫝛 ê 想法，繩參加人數，Boy!!!我是唯一一个，若莫 kā gún 翁算落去。

四常我 buē 遮爾仔無尊存別人 ê 演講，準做我無佮意，我猶原 ē 參加到上押尾一秒。

不過，這斗 ê 狀況正經 hōo 我無想 bueh 浪費我 ê 尊存佮時間 kā 聽無內容 m̄-koh 聽聲調 mā 知彼是提羊頭來賣狗肉 ê 翁講「我 bueh 離開這个囮，你敢 bueh 繼續參加？」 

「當然 mā 是 buaih」翁應。

影像禁掉，我 tuì 翁講「這是第一斗搪著 kan-ta 我一个人 ê 線頂演講話，我 teh 愖是按怎 tsiah 我一隻貓。」 

「啥物原因」翁問。

「應當有 tsuē-tsuē 人發見這是一場囮，sòo-pái 到這場無人來參加，m̄-koh 主辦單位發見猶原猶有一隻貓 teh 等𪜶飼囮，所以就姑不而將開畫面」我講。

「講甲足複雜」翁講。

「我 mā 是按呢感覺，總是咱攏愛 Sherlock Holmes 一下」我笑講。

我無排斥(pâi-thik)華語，總是遲到閣提羊頭賣狗肉，這愛我繼續尊存𪜶 ê 用心，我做 buē 到。

弓蕉 Tsioo-kóo-lè-tòo 麥角優格

...... 材料 ......

弓蕉，切片　2　

優格　300g

牛奶　100ml

Tsioo-kóo-lè-tòo 麥角　30g

...... 步數 ......

1. 優格、牛奶做一伙濫 hōo 齊。

2. 弓蕉、麥角鋪落去，樂暢來食。

(23.11.2003 Frühstück Bananen-Joghurt mit Schoko Cornflakes - Hähnchencurry mit Champignons und Möhren - Hirse/1120kcal)

Den Tag auf Facebook, ich sehe auch etwas interessantes über Google meet.

Dann schreibe ich jedes Detail auf.

Heute Morge da gibt es ein Google Meet und heute ist Sonntag.

Mein Mann wartet auf die Zeit 7am mit mir.

Aber, das ist sehr interessant.

Wir warten und warten.

Ich weiß nicht wie lange.

Ich erinnere mich dass, die nicht pünktlich sind.

Ich möchte es bleiben lassen.

Mein Mann sagte, vielleicht hat das Internet Problem.

Taiwan hat Internet Problem, sagte ich.

Wir warten und warten.

Endlich, die Aktivität fängt an.

Aber, das ganze fängt mit  Werbung an.

Mein Mann sagte, vielleicht kommen die später.

Dann warten wir nochmal ca. 10 Minuten.

Er sagte, ok, lass uns die Gruppe verlassen.

Obwohl ich verstehe nicht was sie sagen, aber ich verstehe dass ist nicht das gleiche als vorher geteilt wurde sagte mein Mann.

Bananen-Joghurt mit Schoko Cornflakes

...... Zutaten ......

Bananen in Scheiben schneiden　2

Joghurt　300g

Milch　100ml

Schoko Cornflakes　30g

...... Zubereitung ......

1. Joghurt, Milch gut mischen, dann Bananen und Cornflakes oben drauf legen.Guten Appetit!

(23.11.2003 Breakfast Banana Yogurt and Chocolate Cornflakes - Chicken Curry with Mushroom and Carrots - Millet/1120kcal)

The day on Facebook, I also see something interesting about Google meet.

Then I write down every detail.

This morning there is a Google Meet and today is Sunday.

My husband and i wait for the time, 7am.

But that's very interesting.

We wait and wait.

I do not know how long.

I just remember they were not on time.

I want to leave.

My husband said maybe the internet has a problem.

Taiwan has internet problem, I said.

We wait and wait.

Finally, the activity begins.

But, it all starts with advertising.

My husband said maybe they'll come later.

Then we wait another 10 minutes.

He said ok let's get out of the group.

Though I don't understand what they are saying, but I understand that is not the same as what we have read, my husband said. 

Banana Yogurt and Chocolate Cornflakes

...... Ingredients ......

Slice bananas　2

Yoghurt　300g

Milk　100ml

Chocolate cornflakes　30g

...... Method ......

1. Mix yogurt, milk well, then lay bananas and cornflakes up on top.Enjoy your meal!