亂皂𥴊仔店 ⓂⒺⒾⓃⓀⒾⓄⓈⓀ

(2023.04.24 早起頓 Bolognese 醬 + Ì-tāi-lī 麵 + 青花仔菜煠 + 果子 Quark/866kcal)

寢寫台文，認為家己有華文漢字基礎，sòo-pái 羅馬字無重要。

台文寫一段時間沓沓仔發見 tsit 件代誌，我看起來是 ē 曉寫台文，總--是我是用華文用字拍寫台文.

Sóo-tí tsuē-tsuē buē 曉 ê 文字或是講法請教教典抑是其他 ê 詞典了後 m̄ 免等到後回相見再確認 lán kám 熟似過，tī tsia kā buē 曉 ê 文字抑是辭按清教 ê 所在 Khop-pih 徙來 tsia 貼好勢，接續後一段 tō suî 放水流 buē 記得了了。

就使已經發現 tsit 个問題，我 uân-á 認為漢字基礎算有夠 tsāi m̄ 免 koh 學習羅馬字。

直到一回讀著呂美親(Bi-chhin Li)老師 ê 文章看著 Hia 佮 Hiah 𤆬出--來 ê 語感佮意境 hōo 我 suî 決定我 bueh 來學習羅馬字。

起因，我口我寫，我寫我腔。

Tshan-tshiūnn 寫德文，𫝛款 ê ABC buē 使用英語 ê ABC 來寫來講來思考。

因由 he 是兩種無相𫝛 ê 語言、文法佮無相𫝛 ê 標音符號。

一想--著家己 ê 大細心 mā suî 想--著家己 tuì 日文 Oo-lóo-bo̍k-tsè ê 態度...莫怪我 ê 日語一直學 buē 好。

不過，自佮綴翁婿來 uì 日本來德國日本公司就任生活 ê Aiko 了後 tsit 个現象有較好寡。

不過，我 ê 50音 iû-guân lí-li-lo̍k-lo̍k，但是讀日本和字 buē koh tshan-tshiūnn íng-kuè 按呢 iōng lán 慣勢 ê 漢字準過。

Tshan-tshiūnn 林檎(Apfel)、人参(Möhre)、出発,発車(Shuppatsu/Abfahrt)等等 lóng buē koh kan-ta 一个角度。

不而過 uân-á 愛講我是 iōng 羅馬字學日文按呢講，sóo-tí 搪著五十音 ê 寫法 suî khiang 去 m̄-koh 講無問題，我 ê 意思是単語(Tango)。

畢竟，五十音 iû-guân 無一撇，bueh kā 日本単語鬥做一段話 he 比學過 m̄-koh mā lí-li-lo̍k-lo̍k ê 西班牙語佮義大利語 koh-khah 僫。

自決定學習羅馬字，我 uân-á m̄-bat 斟酌讀七聲八調，聲韻、聲母等等，tse 凡勢是本底 tō ē 曉台語 iū-koh tsia̍p 使用羅馬字 teh 書寫，sóo-tí 直透使用信望愛台語客語輸入法 ê 羅馬字拍寫台文 tuì 我來講 m̄ 是大問題，全台羅書寫 tō ē 搪著問題，起因我對七聲八調 ê 獅、虎、豹、鱉、猴、狗、象、鹿聽無路，不過 m̄ 是 kan-na 臺語有 tsit 个問題，是華語 ê 四聲 mā 有相仝 ê 問題。

我相信是 tsit 个問題造成我是 gún 兜3个囡仔內底唯一一个 m̄ 捌參加過合唱團，歌聲 koh 比牛聲馬喉 khah 恐怖 ê 因端。

M̄ 信?

台文 siah-siah-kiò koh 講 kah 雅緻 ê 呂美親老師、莊佳穎老師、王秀蓉老師 lóng 是佮 Freddie Mercury 唱 m̄ 知幾个懸八調 ê 人。

Sui-bóng 我 ê 七聲八調佮四聲平仄 lóng lóo kah buē 看--tit，無表示我 ê 語文能力 mā 真 lóo。

Bolognese 醬

...... 材料 ......

絞肉　350g

Thoo-má-tooh，切塊　3

洋蔥，刴幼　1

滾水　200ml

甜椒粉　1/4TL

芳料草　1EL

酒　300ml

蒜頭，刴幼　2

鹽、胡椒

...... 步數 ......

1. 洋蔥、蒜頭落鼎煏芳，絞肉 tsham 落--去炒熟，落 thoo-má-tooh 炒軟，hē 甜椒粉、芳料草 tshá 芳。

2. Hē 滾水𤉙30分鐘，落白酒繼續𤉙15~20分鐘，tiàu 寡鹽 hām 胡椒，樂暢來食。

(24.04.2023 Frühstück Soße Bolognese mit Spaghetti - Brokkoli - Quark mit Frucht/866kcal)

Das erste mal in Bologna.

Mein Magen hat Problem.

Weil ich habe zuviel Eis gegessen...

Dann habe ich keine Chances mit Freude im Restaurant Spaghetti Bolognese zu probieren.

Zweimal reise ich mit meinem Mann nach Bologna.

Ich sage ihm ich möchte Spaghetti Bolognese probieren.

Und wir suchen das Essen, aber leider es ist nicht so einfach zu finden.

Dann frage ich mein Freunde per Email und haben dann das Restaurant gefunden.

Nach der Spaghetti Bolognese.

Ich sage meinem Mann.

Ich weiß, das Essen ist nicht typisch von hier.

Aber ich bin Auslander und ich möchte meine Wünschen erfüllen, wenn ich die Chance habe.

Und egal ob das Essen von hier ist oder nicht.

Ich liebe Bologna und ich liebe das Essen.

Soße Bolognese

...... Zutaten ......

Hackfleisch　350g

Tomaten in kleine Stücke geschnitten　3

Zwiebel in kleine Stücke geschnitten　1

Wasser　200ml

Paprikapulver　1/4TL

Kräuter　1EL

Weißwein　300ml

Fein gehackter Knoblauch　2

Salz ＆ Pfeffer

...... Zubereitung ......

1. Zwiebel und Knoblauch in die Pfanne geben, kräftig anbraten bis sie glasig sind. 

2. Fleisch in die Pfanne geben kräftig anbraten. Dann die Tomaten dazu geben und kochen bis sie weich sind.

3. Wasser, Paprikapulver, Kräuter in die Pfanne geben und kurz anschwitzen.

4. Den Weißwein in die Pfanne geben und zum kochen bringen ca. 15~20 Minuten. Dann mit Salz und Pfeffer abschmecken. Guten Appetit!

(04/24/2023 Breakfast Bolognese sauce with spaghetti - Broccoli - Curd Cheese with fruit/866kcal)

The first time in Bologna.

My stomach has a problem.

Because I ate too much ice cream ...

Then I have no chance to try spaghetti Bolognese with friends in the restaurant.

After that, I went to Bologna again, this time with my husband.

I tell him I want to try spaghetti Bolognese.

And we're looking for the food, but unfortunately it's not that easy to find.

Then I ask my friends via email and have found the restaurant.

After tasting the spaghetti Bolognese.

I tell my husband.

I know the food is not typical here.

But I am a foreigner and I want to grant my wishes when I have the chance.

And it doesn't matter whether the food is from here or not.

I love bologna and i love the food. 

Bolognese sauce

...... Ingredients ......

Minced meat　350g

Tomatoes cut into small pieces　3

Onion cut into small pieces　1

Water　200ml

Paprika powder　1/4TL

Herbs　1EL

White wine　300ml

Finely chopped garlic　2

Salt ＆ Pepper

...... Method ......

1. Add the onion and garlic to the pan and fry until they are translucent. 

2. Fry the meat in the pan, then add the tomatoes and cook until they are soft.

3. Add water, paprika powder, herbs to the pan and mix well. 

4. Add the white wine to the pan and bring to a boil for about 15 ~ 20 minutes. Then season with salt and pepper. Enjoy your meal!

Lán 圓仔花 m̄ 知䆀，大紅花䆀 m̄ 知。

Tsit 張 tī 2022.02.09 攝 ê 相 lán 感覺媠媠 m̄-kam khe̍h 掉 tō 繼續囥 tiàm tsia 展風神。