亂皂𥴊仔店 ⓂⒺⒾⓃⓀⒾⓄⓈⓀ

Liebesgedichte

按 冊櫃分張/Öffentlicher Bücherschrank 提轉來 ê 冊

Ich lese das Gedicht nicht, weil ich liebe Aufsatz und Roman.

Ich möchte das Gedicht nicht mitnehmen als ich es im Öffentlicher Bücherschrank gesehen habe.

Aber das Gedicht ist für mich interessiert zum schauen.

Ich lese das Gedicht nicht so Details, und ich fühle das Buch ist nicht so interessant.

Dann möchte ich das Buch zurückgeben, plötzlich sehe ich viele Korrekturen,  das ist sehr interessant für mich.

Weil, bisher, ich weiß in deutsch habe ich das gleiche Problem für Grammatik und Aussprache.

Ja, wie " Manchmal" ich spreche wie lokal, aber meine Lehrerin mir sagt das ist FALSCH. Ich muss sagen...blah, blah, blah...das ist richtiges deutsch.

Naja, wer ist richtig?

Sie oder lokal?

Jeder ist richtig für mich, aber habe ich lokal Aussprache gewohnt. Das ist alles.

Ich habe die Gedichte fertig lesen.

Ich muss ehrlich sagen, also... ich verstehe nicht den Unterschied, ich meine Grammatik oder Worte, aber ich habe mehr bekannte Autor gelernt, ich meine die Autoren vor100 oder 300 Jahren.

 詩 tuì 我無路  uī-hô 又閣讀這本詩冊？

因由無啥物特別 kan-ta 受著反冊 ê 時讀著 m̄ 知是第一手抑是第二、三手 ê 語辭調整隨決定規本讀 hōo 煞。

德文自底 ê 生張敢是現此時咱看著學著 ê 生張？

我相信 m̄ 是。

德國 ê 德語佮德文標準化到今猶 teh 討論。

民眾 mā-ē īng 家己 ê 講法來形容現此時 ê 通用德語佮德文。

Tshan-tshiūnn 南爿 ê 朋友 ē 講我學 ê 德語佮德文是北方德語文，北爿 ê 朋友 ē 講彼是 Hannover 彼搭 ê 德語文，東爿 ê 朋友 ē 講 gún ē 曉講佮寫政府選 ê 德語文，不過 gún 原仔較意愛 Luther ê 語文 ，意思就是一个符號無屬於任何一个特有 ê 族群。

遮 ê 人四常 buē tuì 任何人按呢講，畢竟大多數 ê 人攏纏綴 Max Weinreich ê 這段話行「語言，就是有軍隊 ê 方言」。

你是一般老百姓 bueh 佮軍隊相觸，除非你 ê 軍隊比這个有咱這箍仔內 ê 政府扞牢牢 ê 軍隊閣較勇壯，抑無大部份攏是戇猴搬石頭，食飽傷閒，自揣齷齪火兼請老人食紅蟳，白講--ê。

Sòo-pái 無想 bueh 浪費時間佮軍隊相觸 ê 人伊就會按呢做，家己恬靜仔做，恬靜仔湠。

起因，逐家攏知影咱出世 ê 朝代無保證永世 buē 消失，咱講 ê 聲音 mā buē 永世 buē 變化，像現此時 ê 文字無表示是往過 ê 14，咱掠做是咱獨一無二 ê 語法窮實是人類一出現就開始互相學習互相透濫 ê 果，無屬於任何一个人，只不過咱攏食著林檎 hōo 咱烰私心。

我 m̄ 是專家學者 mā 無興趣教語言，tī 遮就 buaih 閣浪費家己 ê 時間舉例，起因我真清楚朝代 ē 替換，語言文 mā 是，sóo-tí 無人是茌茌仔馬 kan-na 家己認為家己是茌茌仔馬。

這是我按遮 ê 朋友學著 ê 代誌 mā 成做我無興趣綴人喋啥物 tsiah 是臺灣字，啥物 tsiah 是正確 ê 講法。

起因，Luther ê 文字 tī 這个年間 mā 無包領正確，我 ê 意思是合軀我存在 ê 年間。

現此時掠做好 ê 俗諺語 mā m̄ 是絕對 ê 意思。

舉一个我上愛講 ê 得著一隻豬抑是𢯾著一隻豬(Schwein gehabt)，伊本底 ê 意思 m̄ 是咱現此時理解 ê 好字運，伊是一句 ka̋ng 剾洗 ê 句。

無才調 ê 人煞有法度得著比有才調 ê 人閣較好 ê 物件。

Schwein gehabt 是按怎按一句剾洗句成做好字運，起因真簡單有軍隊 ê 財力「商業廣告」。

Mā 拆白講，寢頭我 tuì 遮 ê 議題是過敏甲連欶空氣攏感覺有歹物 teh 齪嘈，不過我有一个好慣勢就是歹物來我 buē 隨揣美國仙丹處理，我 ē 靜心觀察伊是佗一个物 tsiah 安排後尾 ê 治療，簡單講就是我無愛 tsham 人盤撋，連揣先生 mā 是。

這款性地窮實無好，起因真像孤鳥，總是我 mā buē 繼續孤鳥插人群，我只是需要時間觀察家己 ê 跳童，整理家己 ê 想法 ，畢竟無法度佮家己鬥陣是 bueh 按怎佮人好好仔佮人跳 Tango，是 m̄。

Einstein 講時間是篩仔，伊 ē uī 我篩掉 tsuē-tsuē 無枷夯交椅。

我無興趣討論我 tī 做 ê 代誌，畢竟人 ê 喙一直攏是掩 buē 密，更加免講 一个手機仔抑是攝相機就 ē-tàng 成做放送台 ê 年間，sóo-tí 我需要更加理解別人認定 ê 自由佮我認定 ê 無相𫝛，tshan-tshiūnn 這久讀這本詩冊，照往過 ê 性地我 ē 寫甲若跤帛，這久冊一反隨 kā 想 bueh 烰 ê 認為撈去潘桶。

我 m̄ 是專家 m̄ 免 uī 遮 ê 代誌費神抑是凝心，我唯一需要做 ê 代誌就是綿精做家己意愛 ê 事工，總是綿精 ê 事工 m̄ 是獨家創造，是纏綴標準化，準做我這久 ê 標準化百冬後成做需要調整 ê 文字，伊猶原馬勢徛在在若德國已經定案「Die Butter」，各角勢 ê 人猶原纏綴家己 ê 慣勢講「Das Butter」、「Der Butter」，起因「Butter」就是 Butter 伊 buē 因為你我 ê 詩性成做別物，tshan-tshiūnn 古埃及文字 ê 看鳥 m̄ 是鳥 ê 因為搦權者 ê 意愛消失抑是存在。

是講，我寫 ê 物件凡勢 mā-ē 消失，起因咱無一个人 ē-tàng 知影搦權 ê 人 ē 做啥物決定，總是無寫咱攏無機會成做 Venetian Arsenal 大門前 ê 獅子伊身軀頂 ê 盧恩文(Runes)，sóo-tí 正經 m̄ 免了工直 tuì 食紅蟳 ê 老人開拆抑是聽𪜶講牛 ē 哺棉被這款無可能 ê 代誌。 

我是詩 ê 青盲牛，m̄ 捌鬥句，m̄ 捌合音，sòo-pái 這本詩冊我 mā 是紲 m̄ 捌字，看告示 ê 態度 kā 準過。

我 mā m̄ 知影詩冊 ê 逐位作者有偌 tsuē 人保留家己 ê 語文，總是我知影 tī 遐 ka̋ng 畫紅線講別人 ê 文法有問題 ê 人，伊決定 kan-na ē 曉張身勢按呢 niā-tiānn。