亂皂𥴊仔店 ⓂⒺⒾⓃⓀⒾⓄⓈⓀ

(2024.06.14 早起頓 三文魚鱷梨仔生菜盤 + 紅菜頭番薯烘 + 瑞典麭薄餅 + 優格/1193kcal)

YouTube 推薦我看為什麼我要減重？！ X《地表最大減肥營》｜唐綺陽Ｘ 王雅涵｜〈公視主題之夜SHOW〉，剾板膋這个議題 tī 歲數行到準備換年，伊已經 m̄ 是頭名敵人，不過我猶是好玄記錄片生做啥物面肉隨點落去，按第一秒到揤入去看到揤掉，時間差不多 5 分鐘，有比 YouTube ê Shorts 較長尻川一寡，畢竟我 tuì 這个議題正經是鼻無火燒雞寮芳貢貢 ê 氣味，我已經過彼个驚交無朋友抑是要意別人目神 ê 年歲。

這久 ê 我 kan-ta 要意，年歲寄金簿仔一直增加，健康寄金簿煞 m̄ 捌增加，顛倒 hōo 病院討數，sóo-tí 我清楚知影這支影片 ê 青磅白磅 mā 感謝這支影片，因為伊無頭神 ê 我這久 m̄-tsiah 有機會省去巡菜股，直接翻田塗 mā 紲手 kā 舊食譜 Si-á-geh hōo 伊閣較迷人一寡。

喔，自開始增加有氧運動磅仔 ê 數字猶原 m̄ 捌改變過，不過我 ê 體格有 teh 改變，猶 m̄-koh 自增加有氧運動𤆬 hōo 我上大 ê 改變是，按 1600kcal 無細膩搝到 2000 buē 閣 tshan-tshiūnn 早前按呢，一粒心臟 phīnn-phēnn-tshuán --- 夭壽骨，食超磅愛儉喙。

(2023.01.09 早起頓 阿草冷麵 + 玫瑰草花馬鈴薯煙腸湯 + 林檎雞肉生菜盤 + 鱷梨仔生菜盤 + 藍莓麥片優格/994kcal)

窮實，gún m̄ 知影家己四常食食到底食偌 tsuē 熱量。

Sóo-tí 採用德國政府建議 ê 熱量來做 gún-ê 減肥食食標準。

德國政府建議，一个大人一工上 tsuē 食 2000卡。

Gún 就用這个建議做一日食食 ê 標準，一日減食 500卡。

按呢實施，gún 發覺這件代誌。

Gún 進前感覺食無 tsuē ，論真是食傷 tsuē。

特別是 gún 翁，伊 ê 早頓食煞已經通 2000 ê 超過需求。

起因，Bá-tah、煙腸、果子醬等等。

踮遮，我無講遮 ê 物食 buē-tàng 食抑是無好，總是遮 ê 物食確實是食 buē 飽。

伊捷捷 tī 早起頓食煞 3 點鐘左右開始揣物件來食，Sòo-pái 一日愛食 6~8 頓。

伊 mā-ē 因為遮 ê 物食攏真料小就認為家己食無 tsuē，mā 認為現此時剾板膋剾 buē 落來是正常 ê 變化，起因這久 ê 歲頭已經 m̄ 是黑狗兄，伊 mā 認為這久 ê 我 ē 歕雞胿 m̄ 是𪜶 ê 麭造成，是我傷愛食含水碳素 --- 白飯。

面對專家 ê 開拆，我無興紲喙盤喙錦，不過我確實捌詳細稽考這个問題，德國麭敢真正遐爾仔健康，白飯就無健康，是講德國 ê 米若有遐爾仔好款，我 mā buē 較 bué 攏 bué 白米。

烏貓姊年間真時行「飯無食孤食菜」ê 減肥法，這个方法我 m̄ 捌試過，起因無飯是 bueh 按怎做穡，這久徙岫來遮當地喙斗決定市場，遮 ê 人佮意 Ben's Original 彼款米，我食 buē 敆喙 mā buē uī-tio̍h 一包米專工去大都市扛米轉來，sóo-tí 我就入人門，順人意綴 leh 食麭過三頓 ê 愈食愈膨風。

自翁慢𪜶老母 bueh 20 冬 hőng 𠞭膽，我 tsiah 想著烏貓姊捌 hōo 醫生提醒 ê 問題，我愛斟酌身體變化，特別是 gún 兜有人有遮 ê 病症 --- 高血油、糖尿病、高血壓、中風。 

我知影厝內有人有遮 ê 家己飼出來 ê 症頭，無表示我 mā-ē 跟綴𪜶 ê 跤步，總是我身軀邊 ê 朋友十个有八个有行出這个Solitär, Solitaire，車囝綴車母走鐵支。

我無法度掌握未來，m̄-koh 我 ē-tàng 控制家己莫遐爾仔愛耍硩撚寶(lián-pó)抑是活用阿 Q ê 精神「你 ê 鼻仔有問題莫烏白亂講我有臭尿酸味。」

自2017徙岫來遮，無到三冬 ê 時間，我 kā 家己飼甲若 bueh 拜天公 ê 無感覺，起因遮 ê 人清彩揣一个攏比我閣較大隻，而且我猶有法度 bué M 號衫褲，準做按臺灣紮來 ê M 號衫褲一屑仔攏櫼 buē 落去...

這款態度就若面皮若 Shar Pe，猶原相信水粉胭脂有法改改變家己仝款 ê 阿 Q，寫著阿 Q 我 bué 無 54 ê 版本，正經一句攏讀無，準做伊看起來是白話文，不過佮阿 Q 仝故鄉 ê 倩倩講真簡單矣，意思就是彼个，這个...

接受現實 tsiah 有法度按鼓井水雞跳出新生活，認捌世界有偌大。

我人無頭神 mā 好玄家己一日到底食偌 tsuē，sóo-tí 選擇逐日記錄熱量，按呢記錄落來，正經解決我 ê 歹癖 mā hōo 我清楚知影剾板膋窮實 m̄ 免遐爾仔痛苦，這 buē 食，彼 m̄ 通，不過我愛講我自底就無愛甜粅粅、糋路遮 ê 物，sóo-tí 我 ê 剾板膋之路較無愛食糖 ê 翁遐爾仔艱苦 --- 頭痛。另外有白紙烏字正經較好㧣真𠢕喙飽目睭枵 kā Heißhunger 當做分怦(phenn)神主牌慢牛厚屎尿 ê 翁 hōo 伊清楚 m̄ 是人行到佗一个年歲就有鳥仔胃，大象肚 ê 問題，。

我正經愛 kā 家己褒囉嗦，伊有法度牽著我 ê 手，正經是頂世人佮頂世人燒著好香。 

--- 2021.07.29

繼續記錄按 minBunun 《成為真正的人》看來 ê 上熟似 mā 上生份 ê 語辭；

1. 石楠花：石楠花

2. 黑腹燕鷗：烏渡鳥

3. 馬鞍藤：馬鞍(uan)草、Ivalino(達悟族語)

4. 千金榆：雞油舅

5. 柔荑ㄊㄧˊ花：貓咪花(Catkin = Kätzchen，這是我家己按伊 ê 14 kā 號名)

6. 歐石楠：Erica

7. 鼠菊草：鼠麴草(tshí-khak-tsháu)

台文新辭有 ê 按教典來，有 ê 按網路資料，像特色植物報報，我個人是慣勢跟綴教典抑是公視台語視台跤步行，無屬教典抑是公視台語台 ê 用辭，未來有見著 tsiah 來修正。

三文魚鱷梨仔生菜盤

...... 材料 ......

鱷梨仔，切片　1

三文魚，切橛　180g

西洋萵仔菜　100g 

瓜仔哖，切片　1

Lê-bóng 汁　1/4TL 

蜂蜜　1/4TL 

橄欖油　1EL

蒜頭，剁幼

鹽、胡椒

...... 步數 ......

1. 三文魚落煎鍋煎 hōo 赤赤，提出來。

2. 蜂蜜、Lê-bóng 汁、橄欖油、鹽、蒜頭、胡椒濫做伙抐 hōo 齊。

3. 鱷梨仔、西洋萵仔菜、Sòo-sù 濫做伙搜 hōo 齊，三文魚鋪頂懸，樂暢來食。

(14.06.2024 Avocadosalat mit Lachs - Ofensüßkartoffeln mit Möhren - Wasabröd - Joghurt/1193kcal)

Ehrlich gesagt, wir wissen nicht wie viel Kalorien habe wir über den Tag gegessen haben.

Dann lesen wir der Vorschlag auf jeder Packung ' Reference intake' : Referencemenge für einen durchschnittlichen Erwachsenen (8400kj/2000kcal).

Und wir nehmen 1500 kcal.

Vorher wir haben nicht die Kalorien beachtet.

Und wir denke das, dass was wir essen hat weniger, besonders mein Mann.

Er denkt Käse ist klein, dann kann er  viel essen.

Und ich habe Probleme mit Reis.

Ich bin den Styl gewöhnt.

Wie viel Reis ich koche,so viel esse ich.

So, ich glaube was wir an einem Tag gegessen haben,war über 2000 kcal.

Mann........

Endlich, ich verstehe das.

Warum, wir nehmen zu jedes Jahr.

Kurz geschrieben... mein Mann mir gesagt.

Ich esse weniger; warum ich bin noch dick?

Vielleicht, du möchtest nicht heiß essen zum Frühstück, sage ich.

Warum?

Weil, normalerweise wenn die Leute heiß gegessen haben, essen sie mehr, anworte ich.

Wirklich?

Ich glaube, weil ich so bin.

Möchtest du das Essenstyl wechseln?

Wir essen ein bisschen heiß zum Frühstück, dann essen wir mehr Gemüse zum Abendessen.

Aber nochmal mit Kohlenhydrate, sage ich.

Das ist ein gute Idee, aber bitte nicht so heiß, sagt mein Mann.

Es ist Sommer, ich esse nicht so heiß. 

Aber ich brauche Nudeln oder Reis als meine Mahlzeit.

Ich kann nicht den Styl überleben, Käse, Butter, Wurst...so viel kaltes Essen für meine Mahlzeit.

Ich bin Asiatin, sage ich.

(09.01.2023 Grüner Nudelsalat - Kartoffelsuppe mit Rosenkohl und Wurst - Avocado Salat - Hähnchensalat mit Apfel - Joghurt with Heidelbeeren und Cornflakes/994kcal)

Avocadosalat mit Lachs

...... Zutaten ......

Avocado in Scheiben schneiden　1

Gurke in Scheiben schneiden　1

Eisbergsalat　100g 

Lachs in Stücke geschnitten　180g 

Zitronensaft　1/4TL 

Honig　1/4TL 

Olivenöl　1EL

Fein gehackter Knoblauch

Salz ＆ Pfeffer

...... Zubereitung ......

1. Lachs in die Pfanne anbraten bis er goldbraun ist.

2. Salz, Honig, Öl, Zitronensaft, Knoblauch, Salz und Pfeffer gut mischen.

3. Eisbergsalat, Avocado und Soße gut mischen, Lachs dazugeben. Guten Appetit!

(14.06.2024 Salmon, Avocado & Cucumber Salad - Roasted Sweet Potato and Carrot - Wasabröd - Yogurt/1193kcal)

Frankly, we don't know how many calories we've eaten over the day.

Then we read the suggestion on every pack of 'Reference intake': reference amount for an average adult (8400kj / 2000kcal).

And we take 1500 kcal.

Before we didn't pay attention to the calories.

And we think that what we eat has less, especially my husband.

He thinks cheese is small, then he can eat a lot.

And I have problems with rice.

I'm used to the style.

How much rice I cook, that's how much i eat.

So I think what we ate in one day was over 2000 calories.

Man........

Finally, I understand.

Why, we're increasing every year.

In short ... my husband told me.

I eat less, why am I still fat?

Maybe you don't want to eat hot for breakfast, I say.

Why?

Because usually when people have eaten hot they eat more, I reply.

For real?

I believe because I am like that.

Do you want to change the food style?

We eat a little hot for breakfast, then we eat more vegetables for dinner.

But again with carbohydrates, I say.

That's a good idea, but please don't be too hot, says my husband.

It's summer, I don't eat that hot.

But I need pasta or rice as my meal.

I can't survive the style, cheese, butter, sausage ... so much cold food for my meal.

I am Asian, I say. 

(01.09.2023 Green Pasta Salad - Brussels sprouts with Sausage and Potato Soup - Avocado Salad - Chicken Apple Salad - Yogurt with Blueberries and Corn Flakes/994kcal)

Salmon, Avocado & Cucumber Salad

...... Ingredients ......

Cut the avocado into slices　1

Iceberg Lettuce　100g 

Salmon cut into pieces　180g 

Cut the cucumber into slices　1

Lemon juice　1/4TL 

Honey　1/4TL 

Oliven oil　1EL

Finly chopped garlic

Salt,pepper 

...... Method ......

1. Fry the salmon in the pan until golden brown.

2. Mix the leom juice, salt, honey, oil, garlic, salz and pepper well together. 

3. Mix the iceberg lettuce, avocado and sauce well, add the salmon. Enjoy your meal!