亂皂𥴊仔店 ⓂⒺⒾⓃⓀⒾⓄⓈⓀ

(2023.01.06 早起頓 Tshì-sù 煠卵生菜盤 + 挽肉蘑菇醬 + 煙筆麵 + 林檎弓蕉寮仔 Tshì-sù 盤/870kcal)

2021年兜發見定期 ē 過數 ê 健保費無閣過數想 bueh 敲一通電話轉去健保局請教，總是我這个真愛看範來決定一个錢愛拍幾个結 ê 人一想著 uī-tio̍h 健保敲一通國際電話就隨放棄。

M̄ 是講我無照規矩來行抑是無尊存臺灣法律，是我真清楚我 ê 國健兩保是按怎納數，sóo-tí 無過數 ê 半冬猶原無收著銀行佮國健兩保 ê 通知，這表示我無問題。

自交往到成做龍鳳，猶未行到有翁某名無翁某行，總是 mā 行到內心親家，無話講松柏瘤 ê 坎站「真久無看數，今仔日上網路看數 tsiah 發現我 ê 國健兩保真久無人來收」我講。

「你呔 ē kā 遮爾仔重要 ê 保險停掉」講著錢比我閣較𠢕拍結 ê 翁講。

出喙進前我已經知影伊決定 ē 按呢講，總是人喙上毒，比刀較利，你曷 m̄ 是 m̄ 捌𪜶某做代誌 ê 態度就按呢含血霧天驚我 kā 食倒擔「我無遐爾仔 Àu-tah，放心」我應。

水潑落地歹收回「我無彼个意思....」翁講。

我無應話，一个原因是我無興犀牛照角，另外我 tuì 國健保無繼續扣數是主心定 ê m̄ 驚。

一日透早翁某攏免做穡，翁談著伊 ê 外路仔，𤆬 Ghana 來 ê 小姐去病院檢查問題。

「伊按 Ghana 來？」我問。

「護照是 kan-ta Ghana 無 m̄ 著」翁應。

「伊 ê 醫療費用 tsiâ 納」我問。

「M̄ 知影」翁應。

因為 Mrs. Ghana gún 開始互相分張臺灣佮德國按怎分配外來者 ê 勞健保問題，步頻 gún 翁喝一聲「臺灣政府猶未休歇」手機仔隨捎 hōo 我愛我敲電話轉去臺灣 kā 問題問 hōo 清楚。

「出境兩冬，家甲就自動遷出去....」

Kā 答案講 hōo gún 翁聽，伊隨問「按呢你愛等 luā 久遮有法度恢復家甲？」

「滿六月日」我講。

「佮德國相𫝛」伊應。

「你若是驚我 kā 你食倒擔，我 ē-tàng 轉去蹛六月日」我講。

「我 m̄ 捌 kā 你鬥相共臺灣 ê 一銀一仙，你踮德國卻 kā 我照顧甲 Leben wie Gott in Frankreich，我無想 bueh Klappe zu, Affe tot➀」伊講。

「法國是厝邊，猴 mā 一四界，免驚」我應。

➀ 結束

Tshì-sù 煠卵生菜盤

...... 材料 ......

生菜　100g

Tshì-sù，切塊　50g

紅洋蔥，切絲　1　

煠卵，切塊　3

橄欖油　1EL

蜂蜜　1/4TL

義大利芳醋　1/4TL

蒜頭，剁幼　

鹽、胡椒

...... 步數 ......

1. 醋、橄欖油、蒜頭、蜂蜜、鹽、胡椒濫做伙，抐 hōo 齊。

2. 生菜、紅洋蔥、Sòo-sù 濫做伙搜齊。

3. 煠卵、Tshì-sù 鋪落去，樂暢來食。

(06.01.2023 Frühstück Eiersalat mit Käse - Champignon Sauce mit Hackfleisch - Nudeln - Apfel mit Banane und Frischkäse/870kcal)

Mein Krankenkassenbeitrag wird plötzlich nicht mehr eingezogen.

Das verwirrt mich sehr.

Ich möchte in Taiwan anrufen, um nachzufragen, aber ich vergesse es immer wieder.

Ich weiß nicht, womit ich beschäftigt bin, aber ich vergesse es einfach.

In den letzten Tagen habe ich deutsche Nachrichten gelesen und darüber gesprochen.

Menschen, die sich weigern, sich impfen zu lassen, bekommen COVID-19 und werden ins Krankenhaus eingeliefert.

Die Versicherungsbeiträge müssen erhöht werden.

Oh...mann!

Ich habe mein Problem noch nicht gelöst.

Nehme einen Stift und schreibe es auf, um mich daran zu erinnern, dies nicht zu vergessen.

Nach einem Anruf in Taiwan, habe ich den Grund verstanden.

Fühle mich so entspannt .

Aber das Entspannendste ist, dass ich nicht bei jedem Satz, den ich sage, DIE DER DAS und Verben denken muss.

Eiersalat mit Käse

...... Zutaten ......

Gemischter Salat　100g

Käse　50g

Fein gehackte Zwiebel　1　

Gekochte Eier in Viertel geschnitten　§

Olivenöl　!EL

Essig　1/4TL

Honig　1/4TL

Fein gehackter Knoblauch　

Salz ＆ Pfeffer

...... Zubereitung ......

1. Essig, Olivenöl, Knoblauch, Honig, Salz und Pfeffer gut mischen.

2. Zwiebel, Salat und die Soße gut mischen. 

3. Käse und Eier hinzufügen. Guten Appetit.

(01.06.2023 Breakfast Egg Cheese Salad - Minced Meat Mushroom Sauce - Pasta - Apple Banana and Cream Cheese/870kcal)

My health insurance contribution is suddenly no longer collected.

This confuses me a lot.

I want to call Taiwan to check, but I keep forgetting.

I don't know what I'm busy with, but I just forget.

In the last few days I have been reading German news and talking about it.

People who refuse to be vaccinated get COVID-19 and are hospitalized.

Insurance premiums must be increased.

Oh dear!

I haven't solved my problem yet.

Take a pen and write it down to remind me not to forget this.

After calling Taiwan, I understood why.

Feel so relaxed .

But the most relaxing thing is that I don't have to think DIE DER DAS and verbs with every sentence I say. 

Egg Cheese Salad

...... Ingredients ......

Mediterranean salat　100g

Cheese　50g

Finely chopped onion　1　

Boiled eggs cut into quarters　§

Olive oil　!EL

Vineger　1/4TL

Honey　1/4TL

Finely chopped garlic　

Salt ＆ Pepper

...... Method ......

1. Mix the vinegar, olive oil, garlic, honey, salt and pepper well. 

2. Mix the onion, salad and sauce well. 

3.  Add cheese and eggs. Enjoy your meal!