亂皂𥴊仔店 ⓂⒺⒾⓃⓀⒾⓄⓈⓀ

(2023.12.18 早起頓 挽肉米蘭草花白醬滷 + 清飯 + 優格/904kcal)

 Tī《讀台語,學科學科學，讀台語 Tha̍k Tâi-gí, o̍h kho-ha̍k》讀著〈是按怎來美國生活了後定定予人大箍？Sī-án-tsuánn lâi Bí-kok sing-ua̍h liáu-āu tiānn-tiānn hōo-lâng tuā-khoo〉我笑甲邊仔 ê 人掠做我見著啥物好笑 ê 影片 mā 文文仔笑 kā 目神細膩徒來我遮䀐。

轉來到厝，裘仔猶未褪隨 tuì 佮手機仔黏相倚 ê 翁講「我揣著一年膨風 15 公斤 ê 因端，起因我是泰國族群。」

「你底時又閣透著泰國血統」目 m̄ 捌離開手機仔 ê 翁問。

「咱攏 m̄ 知影咱有透著偌 tsuē 血統，總是按科學研究我有綴著泰國族群 ê 跤步」我講。

「Die Ernährungs-Docs 又閣出新 ê 集數」翁問。

「講臺語 ê Die Ernährungs」我隨 kā 手機仔畫面分 hōo 伊看。 

「彼是美國人」翁隨講。

「恁德國人佮美國人是半斤八兩」我應。

Tī 臺灣開始時行生機(sing-ki)飲食，我 mā 捌綴專家講過日子，不過搪阿母開始需要洗腰子，我佮遮 ê 專家講「食這健康，食彼無健康」就愈行愈遠，m̄ 是講我無相信遮 ê 專家講，是阿母 ê 無爽快 hōo 我學著咱人 ê 食食應當順自然，順咱徛地 ê 自然 mā 順咱上天然 ê 喙斗，m̄ 是喙白。

遮講 ê 徛地 ê 自然是，咱家己 ê 徛地自本就有午仔魚，咱 m̄ 免一直 kan-ta 認定食魚就愛三文魚，因為三文魚 tsiah 有 Omega-3，順上天然 ê 喙斗是，每一个人有鏨 tī DNA ê 喙斗，像網路出名人視網膜慼芫荽就是伊上自然 ê 喙白，芫荽食 buē 著 ê 營養，伊 ē-tàng 按瓜仔、洋蔥、花仔菜遮 ê 菜蔬食著，m̄ 是堅持講無食這項就 buē 得著營養抑是傷害健康。

猶未徒岫來德國，無一个德國朋友出喙 tuì 我講「大箍」，徒岫來德國一冬開始有朋友講「你若加較福相，而且足福相」，猶未徒岫來德國，我 ê 出恭無問題，徒岫來德國無到半冬我就捷捷 tui-tio̍h 出恭 teh 艱苦，遮 ê 問題 tuì 我來講攏 m̄ 捌造成困擾，唯獨這項 hōo 我掠做家己正經是林黛玉，彼就是感冒而且是加啉水、成做柴頭人攏無法度好到離離 ê 無到一月日就 ē 來相揣 ê 齷齪。

囡仔時有爸母送 hōo 我 ê 禮物，四肢健全，身體無啥病疼，總是見身軀邊 ê 人一个一个按妖嬌美麗成做蕉蔫 ê 弓蕉雙糕潤 --- 我 buē 記得伊號做啥，總是囡仔時𥴊仔店攏 ē 賣，伊看起來若雙糕潤，我就 kā 伊號做弓蕉雙糕潤，伊看起來烏烏一條像連結 ê 椰子奶弓蕉，遮 ê 人 uī-tio̍h bueh kā 健康揣轉來 ê 人生故事成做我儉驚惶 ê 本 mā 提醒我健康 buē 因為你 kā 伊當做空氣伊就 ē 無去。

雖罔我遮爾仔要意遮 ê 代誌，伊猶是比 buē 過一想著揣醫生 ê 囉嗦。

按呢慢牛厚屎尿到 gún 翁 mā 綴著𪜶老母 ê 跤步無膽去，我 tsiah 想著翁佮我分張 ê 故事佮因為故事揣著 ê 文章膽囊炎症狀有哪些？如何治療與飲食？醫師圖文說明 --- 膽囊炎是個已開發國家中常見的疾病，其中九成五以上的膽囊炎是膽結石所引起的，在統計上又以女性、白人、肥胖、中年人這些族群率發生率最高。

文章 ê 女性、白人、肥胖、中年人𪜶老母攏齊著，不過𪜶老母是 tī 40 歲進前就 kā 膽提掉，現此時 ê 我除了白人這項無其他攏齊著，一想著這點我就交懍恂 mā 隨認真檢查家己 ê 食食變化，起因人講爸母有啥物病症，咱 mā 有機會承著，gún 翁承著𪜶老母 ê 問題，朋友承著阿母 ê 糖尿病，遮 ê 問題現此時 ê 科學攏有法度控制，總是 mā 無需要 kā 家己舞到這个坎站，像《美的好朋友》分張 ê 「稍微吃油一點就會拉肚子」故事佮朋友認為家己 buē 遐爾仔衰尾道人跟綴𪜶阿母 ê 跤步，押尾 mā 是綴齊齊，我按呢講真失德，總是有攢便便 ê 見本 hōo 咱做參考，咱正經 m̄ 通掠做家己 buē 綴 leh 做副本。

自開始堅心改變食食，無 bueh 綴 gún 翁三頓食德國健康 --- 三頓攏是パン佮生菜，我 ê 秘結開始改善，感冒 mā buē 閣遐捷來相借問，本底掠做是鞋造成 ê 跤後蹬痛 mā 走甲無見半項，我知影這佮體重變化有關係，總是我 m̄ 捌想過這个腹內 ê 細菌 tsuē 少有關係，這凡勢佮我一直掠做家己準做無食甲佮臺灣 bueh 相仝，野菜猶是食有夠額有關係。

我捷講翁活 tī 幻想，我家己 mā 是，總是我運氣好，感謝翁 ê 膽，無伊 ê 膽我凡勢 mā-ē 綴伊佮𪜶老母 ê 跤步愛去 hőng 𠞭。

這份料理窮實早就記錄，總是我迒 buē 過家己 ê 虛華，別人 ê 草花炒甲青青翠翠若熱人，我 ê 草花 m̄ 是炒甲白白黃黃若寒露就是若按炭坑出來 ê 塗炭工，總是迒 buē 過 ê 齷齪 mā-ē 因為日子一日仔一日仔過成做隨在伊 ê 尊存。

我佮意食洋蔥 mā 佮意 kā 洋蔥炒甲若烏糖，紲落來我 buē uī-tio̍h 攝像就 kā 伊分鼎煮，特別是這款需要透水做伙煮 ê 菜色。

我知影若是驚營養無去，煠菜 ê 水 ē-tàng 徙來做醬料，總是這猶是無法度解決規鼎煮煞猶是無法度成做立春 ê レモン芳料草，一片白 ê 土地頂發一欉青，除非我拆開料理，一知影家己 ê 問題隨放這項料理自由，起因好食比目睭綴 leh 食(Das Auge isst mit)較重要。

挽肉米蘭草花白醬滷

...... 材料 ......

米蘭草花，切絲　1/2

酸 Khu-lì-mù　100g

挽肉　20g

洋蔥，剁幼　1

滾水　500ml

番薑仔粉　1TL

蒜頭，刴幼

鹽、胡椒

...... 步數 ......

1. 洋蔥、蒜頭落鼎芡芳，挽肉、番薑仔粉摻落去炒 hōo 赤赤。

2. 米蘭草花、滾水摻落去搜 hōo 齊，煮20分鐘。

3. 酸 Khu-lì-mù、鹽、胡椒濫做陣，攪 hōo 齊，樂暢來食。

(18.12.2023 Frühstück Wirsing mit Hackfleisch und Weißesoße - Reis - Joghurt/904kcal)

《是按怎來美國生活了後定定予人大箍？Sī-án-tsuánn lâi Bí-kok sing-ua̍h liáu-āu tiānn-tiānn hōo-lâng tuā-khoo》

Vor Deutschland, ich meine wohnen in Deutschland, ich habe kein Problem über Stuhlgang und weinger erkältet habe und mein Gewicht ist fast immer gleich, nicht so Dick, durchschnittlich geblieben.

Nach Deutschland, weniger 1 Jahr, ich habe 15 kg zugenohmen und viele Mal erkältet habe und sehr stark.

Vorher, ich habe gedacht ist Deutschland zu kalt für mich, aber....nein, die Winter in Deutschland  sind für mich ok. Zum Stuhlgang, ich habe gedacht, ist wegen meinem Alter, ja, ich bin nicht jünger als vorher, aber ich esse noch als ob ich jung bin, deshalb habe ich Verdauungsprobleme.

Ja, ich denke so einfach.

So, ich denke ohne das Gallenproblem von meinem Mann, ich würde nicht über das Problem nachdenken.

Warum, ich habe das Problem und ich muss mein Leben wechseln, aber auch so, ich hätte das nie gedacht, das Essen mir Probleme macht.

Weil, ich habe gedacht was essen wir ist Gesund.

Jeden Tag, Vollkornbrot mit Sauerteig oder Salat.

Ja, seit in Deutschland wohne, ich esse jeden Tag nur Brot mit Salat, fast kein warmes Essen oder Reis, weil mein Mann mag das nicht.

Jetzt essen wir fast alles, Gemüse, Fisch, Getreide und so weiter, die Problem die ich vorher hatte, sind jetzt fast weg, ich bin weniger erkältet und kein Problem mit Stuhlgang und wichtiger ist mein Gewicht ist züruck.

Und warum?

Der Artikel hat mir erklärt, ich töte meine Gesundheit wegen meinem Lebensstyl.

Ja, Essen als Medizin.

Wirsing mit Hackfleisch und Weißesoße

...... Zutaten ......

Wirsing in Stücke geschnitten　1/2

Sauresahne　100g

Hackfleisch　200g

Fein gehackte Zwiebel　1

Wasser　500ml

Paprikapulver　1TL

Fein gehackter Knoblauch

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind, Hackfleisch mit Paprikapulver dazugeben und anbraten bis Hackfliesch goldbraun ist.

2. Wirsing mit Wasser dazugeben und gut mischen, Deckel drauf, dann ca. 20 Minuten kochen.

3. Sauresahne mit Salz und Pfeffer mischen. Guten Appetit!

(18.12.2023 Breakfast Savoy Cabbage with Minced Meat and White Sauce - Rice - Jogurt/904kcal)

《是按怎來美國生活了後定定予人大箍？Sī-án-tsuánn lâi Bí-kok sing-ua̍h liáu-āu tiānn-tiānn hōo-lâng tuā-khoo》

Before Germany, I mean living in Germany, I have no problem about bowel movements and have less colds and my weight has almost always remained the same, not so fat, average.

After Germany, less 1 year, I have gained 15 kg and many times I got cold and very strong.

Before, I thought Germany was too cold for me, but.... no, winters in Germany are ok for me. About bowel movements, I thought it was because of my age, yes, I'm not younger than before, but I still eat like I'm young, so I have digestive problems.

Yes, I think that simple.

So, I think without the bile problem from my husband, I wouldn't be thinking about the problem.

Why, I have the problem and I have to change my life, but even so, I never thought that food would cause me problems.

Because I thought what we eat is healthy.

Every day, wholemeal bread with sourdough or salad.

Yes, since living in Germany, I only eat bread with salad every day, almost no hot food or rice, because my husband doesn't like that.

Now we eat almost everything, vegetables, fish, grain and so on, the problems I had before are almost gone now, I have less colds and no problem with bowel movements and more importantly my weight is back.

And why?

The article told me I was killing my health because of my lifestyle.

Yes, food as medicine.

Savoy Cabbage with Minced Meat and White Sauce

...... Ingredients ......

Savoy cabage cut into pieces　1/2

Sour cream　100g

Minced meat　200g

Finely chopped onion　1

Water　500ml

Paprika powder　1TL

Finely chopped garlic

Salt ＆ Pepper

...... Method ......

1. Put the onion with garlic in the pan and fry until they are golden brown, add minced meat with paprika powder and fry until golden brown.

2. Add the savoy cabbage with water and mix well, on top of it, then cook for about 20 minutes.

3. Mix the sour cream with salt and pepper. Enjoy your meal!