亂皂𥴊仔店 ⓂⒺⒾⓃⓀⒾⓄⓈⓀ

今仔日是板膋收冬第三冬，翻頭看起手食食記錄到目今，阿貓閣倚來問「這斗 ê 定著是食歲抑是擘腹家己 ê 人生 ē 過甲拖帆無品質 m̄-tsiah 趁緊行無好步 ê 智慧？」

「這是其中一个因端，畢竟人生 tshan-tshiūnn 大舞台，苦齣笑料攏公開，做過 ê 戇代誌 m̄ 放手閣綿豉挲跤撚手，無適合我，畢竟我是一个討厭觸纏 ê 人。」

阿貓見無閒仔話通喋斡頭隨走，我 mā 無興熥過了代，畢竟《霍爾移動的城堡》蘇菲阿婆分張過一段話「假使這件代誌 hōo 你食到七八十歲想著伊猶原心狂火著，按呢就莫廕火 hōo 伊著。假使 buē 就放伊自由，m̄ 免交伊大麵炒圓仔，膏膏纏齪死家己。」

 人生第一斗減肥是參考二姊 bué ê 減肥冊，作者是溫小萍，冊名是《減肥.享瘦》。這本冊按現時 ê 標準來看，伊 m̄ 是減肥冊，伊是一本紀實短文，記錄作者交其他受訪者面對體重壓力交𪜶按怎處理「減肥」壓力。所致無需要減肥 ê 人讀這本冊 buē 有特別 ê 感受，需要減肥 ê 人讀著這本合該然交 gún 二姊相𫝛，認為伊是𤆬路冊。

烏貓姊 uī-tio̍h 別人 ê 喙所行 ê 減肥戇路是路蕎蔥，不成蒜無彼个價值紲講落去，總是無這本《減肥.享瘦》我 ê 減肥初體驗是一人一心，無錢通 bué 針 ê 無才調起鼓。起因我 tuì 腹肚做藥櫥無興趣 m̄ tuì 減肥二字捎無一个寮仔門。

第一斗交伊相拄搪，猶未交男朋友 mā 無人嫌我大箍，冊一讀煞鼓隨 hâinn hōo gún 二姊。上北讀書交著男朋友，因為自信無夠額 hōo 伊吩咐 bueh 落柴嫌東嫌西，一歇寒轉來臺中隨 kā 二姊借冊請教眾前輩𪜶按怎糋板膋。

一篇一篇巡，一篇一篇繩，押尾選擇這位前輩 ê 方式，一日食一頓敆食瀉藥，三月日瘦 15 公斤，數字誠媠 m̄-koh 我 ê 體格比較早閣較䆀，套句現今流行 ê 形容就是林檎體格，四肢瘦卑巴，腹肚若水櫃。這美麗 ê 15 公斤 tī 恢復四常食食 ê 半冬後，伊 m̄-nā 踅翻頭相借問閣紮等路來分張，我按蘋果成做麵龜。這麵龜按德國醫生 ê 講法就是 Bauchfett，我 ê 紅豆餡 tsiah 一屑屑仔，麵皮卻厚甲若壁堵。

這斗 ê 變化有頂擺 ê 經驗交我 mā 清楚認捌這位男朋友是 m̄ 驚火燒厝，驚跋落屎礐 ê 甕肚顧家己性地，我 m̄ 免 uī-tio̍h 這款人 ê 吩咐舞死家己，我就跟綴彼陣 ê 興趣跳 ok-sìn-gù 有氧運動交食食恢復正常，這个 tī 錢項增加是迷人，tī 體重增加是驚死人 ê 代誌，沓沓仔行向上四常 ê 我。 

這段期間我 mā 捌跟綴網路時行挑戰一日食 800 kha-lòo-lì 看磅仔 ê 數字敢有法度行向我心所向望 ê 數字交腹肚有馬甲線，像鄭多燕按呢，押尾發見彼是食飽換枵，舞死家己。體重確實有較減，m̄-koh 走無去 ê 林檎體格又閣翻頭來相揣，閣紮一个好朋友來停跤。彼陣 ê 我腹肚三不五時 teh 搐疼，請教醫生醫生講腹內大丈夫 hōo 我掠做家己致著啥物猶未成欉 ê 怪病，二十外冬後 ê 巴爾幹露營車日子，這个龜怪 ê 腹肚疼又閣來相揣，我 tsiah 斟酌注意這个 hōo 醫生檢查講大丈夫 ê 問題。

只要飯頓無照時間來食抑是飯額無夠額，伊隨來相揣。彼陣 ê 我 mā 沓沓仔發見 tī 歐洲這个比臺灣閣較寒 ê 角勢一日食 1400 kha-lòo-lì 實在是無夠額，就沓沓仔增加到 1600 ~ 1700 kha-lòo-lì，經過一冬實驗，我 ê 體重 m̄ 捌行向我心所向望 ê 數字，m̄-koh mā m̄ 捌翻頭行向有伸勼 ê XL。紲落來按 ió-gà 增加一段時間 m̄ 捌做 ê 有氧運動(iú-ióng ūn-tōng)，2024 行踏瑞典挪威發見一日食 1600 ~ 1700 猶是無夠額，開始增加到 2000 kha-lòo-lì 伴 tī 車頂有法度做 ê ABS 運動，今仔日是減冥收冬 ê 第三冬，彼領不只十冬前無伸勼 ê 牛仔褲到今猶原合合 m̄ 捌囊 buē 落去，而且閣掛一領衛生褲。

今仔日是減肥收冬第三冬，自頂冬磅仔看我 buē 慼，我看伊煞愈看愈慼 uī-tio̍h 解決這个問題，自瑞典挪威車日子轉來 uī-tio̍h 理解 ABS 趕有效應徛去磅仔看數字就 m̄ 捌閣交磅仔相借問過，起因莫看較 buē 傷心斷腦筋交 tuì 家己點磺火。

今仔日是減肥收冬第三冬，彼領不只十冬無伸勼 ê 牛仔褲交 tī 韓國 bué ê 外套猶原閬閬有空間，我接受肌肉重量比磅仔數字閣較重要。

第三冬，成功！YA！

蘑菇雞肉生菜冷麵

...... 材料 ......

雞襟胸，切塊　200g

地中海生菜　125g 　

蘑菇，切片　400g

紅洋蔥，切絲　1 

洋蔥，刴幼　1

煠好 ê 螺絲麵　160g

蒜頭，刴幼

Khu-lì-mù Tshì-sù　50g

橄欖油

鹽、胡椒

...... 步數 ......

1. 雞肉落鍋仔煎 hōo 赤赤，挈出來。

2. 洋蔥落鍋仔炒芳，蘑菇摻落去炒軟，Khu-lì-mù 濫落去抐 hōo 齊，tiàu 寡鹽、胡椒。

3. 生菜、蒜頭、橄欖油、紅洋蔥濫做伙攪 hōo 齊，麵、蘑菇雞肉摻落去，樂暢來食。

Heute ist das Jahr des Abnehmens und der Aufzeichnung des Ergebnisses.

Ich weiß nicht, wie viele Kilo ich wiege, aber heute sind 3 Jahre vorbei  und meine nicht dehnbare Jeans ist noch ok, so ich glaube mein Bauchfett ist nicht wieder gekommen.

Seit letztem Jahr bevor wir nach Schweden sind, ich fühle mich deprimiet weil die Zahl sieht nicht gut aus.

Ja, die Zahl hat sich nicht bewegt, ich weiß die Zahl ist nicht wichtig, aber leider ich kann dem Problem nicht entkommen.

Das Problem muss weg, ich muss die Streß los werden, ich muss die Lösung finden, weil ich mag kein Streß, das Leben ist so kurz, die Zahl ist nichts.

Ja, die Zahl ist nichts, wichtig ist das die nicht dehnbare Jeans noch ok ist. Besonders die Jeans aus Frankreich.

Ja, Frankreich nicht Deutschland. Deutschland w 36 ist Frankreich 32 oder 34, also, ich weiß nicht welche ist die Eitelkeitsgröße, aber ich bin sehr sicher, die Zahl 36 ist ganz unterschiedlich in Deutschland und Frankreich immer so klein. 

Heute ist das 3. Jahr der Aufzeichnung. Ich weiß nicht wie viele Kilo ich habe, aber ich weiß die nicht dehnbare Jeans ist fast 30 Jahre alt, sie passt mir genauso als wie ich jung war.

Und das ist meine Mahlzeit, das Gewichtabnehmen ohne hungrig zu bleiben und lecker, Wunderschön oder?

Nudelsalat mit Hähnchen und Champignon

...... Zutaten ......

Hähnchenbrust in Stücke geschnitten　200g

Fein gehackter Knoblach

Pflücksalat　125g

Champignon in Stücke geschnitten　400g

Rot Zwiebel in Scheiben schneiden　

Fein geahckte Zwiebel　1

Frischkäse　50g 

Olivenöl

Gekochte Nudeln　160g

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist.

2. Zwiebel in die Pfanne geben und anbraten bis sie goldbraun sind, Champignon dazugeben und anbraten bis sie goldbraun sind.

3. Frischkäse mit Salz und Pfeffer dazugeben und gut verrücken.

4. Rot Zwiebel mit Salat und Olivenöl gut vermischen.

5. Nudeln mit Hähnchen dazugeben und gut vermischen. Guten Appetit!

Today is the year of losing weight and recording the result.

I don't know how many kilos I weigh, but today 3 years have passed and my non-stretchy jeans are still ok, so I don't think my belly fat has come back.

Since last year before we went to Sweden, I feel depressed because the number doesn't look good.

Yes, the number has not moved, I know the number is not important, but unfortunately I can not escape the problem.

The problem has to go, I have to get rid of the stress, I have to find the solution, because I don't like stress, life is so short, the number is nothing.

Yes, the number is nothing, the important thing is that the non-stretchy jeans are still ok. Especially the jeans from France.

Yes, France not Germany. Germany w 36 is France 32 or 34, so, I don't know which is the vanity size, but I'm very sure the number 36 is quite different in Germany and France always so small. 

Today is the 3rd year of the record. I don't know how many kilos I have, but I know the non-stretch jeans are almost 30 years old, they fit me the same as when I was young.

And this is my meal, losing weight without staying hungry and delicious, Wonderful right?

Chicken Pasta Salad with Mushroom

...... Ingredients ......

Chicken breast cut into pieces　200g

Finely chopped garlic

Mediterranean Salad　125g

Mushroom cut into pieces　400g

Red onion cut into slices

Finely chopped onion　1

Cream cheese　50g 

Olive oil

Boiled pasta　160g

Salt,pepper 

...... Method ......

1. Add the chicken to the pan and fry until golden brown.

2. Add the onion to the pan and fry until golden brown, add the mushroom and fry until golden brown.

3. Add the cream cheese with salt and pepper and mix well.

4. Mix the red onion with the lettuce and olive oil well.

5. Add the pasta with chicken and mix well. Enjoy your meal!