亂皂𥴊仔店 ⓂⒺⒾⓃⓀⒾⓄⓈⓀ

(2024.01.21 早起頓 I-tá-lih 雜菜湯 + 魚指 + 藍莓優格/921kcal)

我一直掠做 2024.03.08 是翁食油秤頭 ê 第三冬，sóo-tí 無特別提醒家己愛斟酌注意我彼歇甲若大理石鼠(Murmeltiere➀) ê 無過磅日子。

是，自寒人行跤到我就無閣逐日過磅，起因清楚知影家己無勇壯 ê 抵抗力通對抗風邪，總是我 mā 無受著這个變化來匪類，iōng 腦像力(náu-siōng-li̍k)「我維持甲誠好」來過日子，逐禮拜日透早一精神，彼領按 Slovenská 賊仔市款轉來 ê 全新4€ Tom Tailor 佮彼領十冬前 ET BOÎTE 無 Dehnbar/Stretchy 若鳥擗仔 ē-tàng 伸勼 ê 牛仔褲成做我固定秤磅 ê 工具。

3月8日 ê 前一工，我猶認真 tuì 翁講明仔載是你滿三冬 ê 膩瓤收冬，你 ē-tàng 選擇食少來食秤頭抑是我 kā 你款寡較 buē 鎮胃 ê 食食來唬磅仔，我講甲若里長伯/姆 ê 熱心，翁 mā 選擇莫鎮胃 ê 食物像雞豆(Linsen)遮 ê 厚纖維米糧，結果當我準備 bueh 記錄伊 ê 收冬 tsiah 發現頂一篇是伊 ê 收冬 m̄ 是我 ê，這聲好耍矣，我無秤磅仔通知影收冬 ê 數字，總是我已經學 ē 曉莫 tuì 家己情緒叨撚 ê 放冗，磅仔是參考，無 Dehnbar ê 衫褲 tsiah 是事實。

Tsa̋ng 出門款菜，ET BOÎTE 佮 2011 tī 韓國 Zara bué ê M 號外套疊一領衛生褲佮一領衛生衫，一領膨紗衫，一領短䘼 T-Shirt，一領連帽運動衫攏猶有冗剩，隨知影 m̄ 免倩道士來誓驚。

論真講，2024進前我 m̄ 是這款性地，無過磅氣持ち猶是遮爾平棒(pāng)無起海波浪，應當講無做痟狗湧，是講做痟狗湧 mā 較譀古，不過我確實真𠢕纏綴磅仔 ê 數字成做雞𧉟神 kā 家己舞甲忝頭鬱傷，總是我清楚知影磅仔 m̄ 是一切，家己 mā buē 閣踅翻頭綴仙女食物，這个實牢 ê 中氣一敨成格(tshiânn-kik) ê 世界隨闊莽莽 ê 知影按怎接受虼蚻胡蠅遮 ê m̄ 管你按怎濺 Bayer 伊就是活比你閣較久長閣較安然自在。

2024.03.08 我 ê 膩瓤自開始決定好好仔 kā 糋到今已經2冬，我 ê 體重 m̄ 捌行轉去烏貓姊 ê 數字，m̄-koh 這久 ê 體格比烏貓姊年間閣較媠，特別是烏貓姊年間足要意 ê 彼 khian 肚，伊猶原無馬甲線通見人，總是伊 mā m̄ 捌繼續無守規矩硬 bueh 出頭，徛踮褲頭頭前 hōo 我頭痛。

我 m̄ 知影烏貓姊年間 ê 腰，不過按十冬前若林檎囊 ET BOÎTE 佮這陣無重頭輕需要纏綴「你是蘋果型身材嗎?顯瘦遮肉穿搭技巧大公開」成做副本來妝娗，這 buē-tàng 算 tī「走山」愛算 tī 佗？

我知影寫走山決定有人 ē 講彼是使用 tī 自然災害，總是 Schwein gehabt ē-tàng 按剾洗人 ê 句成做講人好運，是按怎這句走山 buē-tàng 囥 tī 體格變化，像美容手術遮 ê 變化敢 m̄ 是走山 ê 一款，經過大大 ê 破壞成做另外一个新面肉。

我 ê 天公伯，我又閣捏死舊年 ê 問題 m̄ 放，總是我清楚知影我 m̄ 是彼款認定家己是博士博 ê 人，像S3EP18-出名人請借問-台文食譜頭一人曾偉旻這段「阿旻是自家己 ê 生活經驗 hâm 我拄著 ê 物件 hâm 我數念 ê 料理來去出發按呢」，2024.3.8 膩瓤收冬，遐 ê 過了代 mā 愛學 ē 曉 kā 𪜶筅黗，起因我 ê 態度佮曾偉旻抑是亞特聊聊天台語話故事丨【專訪】青虫aoi的「偏愛」－《海海人生 Hái-Hái Jîn-Sing》談著學習其他族語佮咱攏生活 tī 地球庄 ê 世界相仝，無一个語辭是專有名詞 m̄-koh 伊 ē 纏綴無仝族群成做無仝 ê 用句 tshan-tshiūnn「Gift」tī 德語並 m̄ 是英語 ê「毒藥」，準做𪜶仝音仝字猶是無相𫝛 ê 14。

2024.03.08 早前紀錄 ê 食譜「玫瑰草花雞肉麵」 buē 閣熥來餾去就徙來寫收冬，後台猶未鋪出來 ê 料理照歷日(la̍h-ji̍t)行 mā 是拄著 I-tá-lih 語是一碗豐沛腥臊 ê 湯 ê Minestrone 就 kā 伊成做今仔日 ê 主角，起因 gún-ê 食油秤頭食食 m̄ 捌苦毒過家己食孤項 m̄-koh Minestrone ê 腥臊，魚、肉、含水碳素、油、甜路遮 ê 攏有食到夠無一項落勾。

➀ 請教公視台語台台語新辭庫佮 ChhoeTaigi 台語辭典攏寫「番鼠」我想著早前猶 tī 踅面冊彼陣當 teh 流行「PUI PUI 天竺鼠車車」mā 有人 kā 伊翻譯做「番鼠」只要外來 ê 物攏加一个「番」我無意見，總是這久 m̄ 是 1642 m̄ 捌 ê 事項抑是無認同 ê 物攏講做番抑是加荷蘭兩字，sóo-tí 我個人並無認同這个翻譯，這个問題我 tī 別篇捌寫過，這久 m̄ 免熥清飯。

我 m̄ 知影別人按怎講土撥鼠，總是我是遵照德語 ê 講法「大理石動物」 kā 伊翻做「大理石鼠」，「天竺鼠」kā 伊翻譯做「厝海豬」這个講法 mā 照德語「Hausmeerschweinchen」 ê 講法轉來，閣加一个「食蟻獸」有人翻譯做「食狗蟻獸」抑是「鯪鯉」總是鯪鯉佮「食蟻獸」生做無相仝，華語有通 kā 𪜶分做「食蟻獸」佮「穿山甲」台語 mā 有法度，tī 遮我 mā 是照德語「Ameisenbären」佮家己佮伊四目對看 ê 感覺 kā 伊翻譯做「狗蟻熊」，準做有人講 tsiah 無人按呢講，我 mā 無要意，起因你 ê m̄ 著無表示我 ê 翻譯是無根據任何一个語源來做功課。

頂幾日看《醫師好辣》步頻發見...

我 ka̋ng 營養師 ê 分享聽甲走縒。

人營養師分張 ê 5:2 減肥法 ê「2」是禁喙 m̄ 是噤喙。

是講，我 ka̋ng「2」ê 部份成做豬母牽去牛墟，總是我 mā 無烏白清彩無揀食 ê 無噤喙。

我逐日猶是認真寫食油秤頭日誌，記錄早頓佮暗頓 ê 食食 mā 認真算熱量，無捎腦像力(náu-siōng-li̍k)來滇喙空，像翁按呢認為家己食足少，窮真是自精神到睏進前一支喙 m̄ 捌歇 ê 莫怪是油無跤，人兩跤 ê 按怎糋膩瓤，膩瓤猶是綴牢牢 ê 押尾只好成做若魯迅 ê 阿Q抑是 Don Quijote ê 歡歡喜喜一工，煩煩惱也一工 ê 據在膩瓤成做血油小姐佮家己大麵炒圓仔 ê 膏膏纏。

Sóo-tí 我真正愛講我是好牽手，起因我無放伊匪類抑是成做伊人生另外一位天霸王，我講食啥就食啥，我講一日愛食八頓恁就愛食八頓，m̄ 管枵無枵攏愛 kā 我食落腹 ê 大石頭硩毛蟹，壓霸，是講 mā 龜怪，這款天霸王𪜶兜 ê 人 kā 伊當做寶 teh 寶惜，無人敢 Wiederstehen 反抗，啊，這別人兜 ê 代佮我無底代，我 m̄ 免成做名探偵コナン抑是六月蚶，開喙臭。

今仔日翁 ê 體重已經行到 bueh 倚 72 公斤，伊本底 ê 目標是 74 公斤，我講閣減 2 公斤較穩心仔，伊愖一睏仔接受我 ê 建議 ê 今仔日，伊講綴某行正經 buē 走精。

我無確定綴我行敢正經 buē 走精，總是我清楚知影無加掠 2 公斤，照我 ê 個性是無可能捎桌布櫼耳空，假做無聽著伊又閣成做𪜶爸母 ê 副本，一鈷茶鈷呻 buē 離 ê 三講五講攏齊我著 ê 就是你害我成做按呢生。

伊自7月6日開始糋膩瓤到今，已經按 82 公斤行到今仔日 ê 72.9公斤。

感謝專家無料分張 hōo gún 隔海隔山有食閣有掠綴 leh 實踐，快樂糋膩瓤食油秤頭。

I-tá-lih 雜菜湯

...... 材料 ......

罐頭白鳳豆　1

洋蔥，刴幼　1

蒜頭，刴幼

雞襟胸，切塊　200g

煠熟 ê 粟仔麵　100g

滾水　800ml

紅菜頭，切塊　2

Kam-má-tooh，切塊　2

尖頭草花，切絲　1/2

芳料草

鹽、胡椒

...... 步數 ......

1. 雞肉落鼎煎甲赤赤，提出來。

2. 洋蔥、蒜頭落鼎炒芳，紅菜頭、尖頭草花、Kam-má-tooh、芳料草濫落去炒 hōo 芳，滾水淋落去煮20分鐘。

3. 雞肉、麵、白鳳豆濫落去搜齊，繼續煮5分鐘，tiàu 寡鹽、胡椒，樂暢來食。

(17.01.2024 Frühstück Minestrone - Fischstäbchen - Joghurt/921kcal)

Ich habe gedacht, heute hat mein Mann Jahrestag beim Gewicht aufzeicnen zum abnehmen.

Aber, Wahrheit ist meiner, nicht meinem Mann, oh Mann!!!

Ja, ich habe vergessen das Gewicht auf der Waage zu kontrollieren. Mann!

Aber, kein Problem, meinen Mann hat auch dieses Problem.

Heute ist mein 2ter Jahrestag der Kontrolle beim Gewicht abnehmen, ich weiß nicht die Zahl auf der Waage, aber meine Tom Tailor und über 10 Jahre alte ET BOÎTE  nicht dehnbare Jeans sind noch ok, ich bin noch schlank für ihn. Lieber Gott, Danke!

Ja, langsam lerne ich, dass die nicht dehnbare Kleidung wichtiger ist als die Zahl auf der Waage.

Ja, ich muss ganz ehrlich sein, was die Waage macht, ist die meiste Zeit angespannt!!!

Naja, egal, heute sind es 2 Jahre, Oje!!!

Wir machen kein JO JO Leben, weil mein Mann im November wird 3 Jahr Kontrolle, und bis jetzt er ist noch schlank, niemals zurück 82kg.

Ja, er bleibt 72kg über 2 Jahr schon. 

Ich gucke einen Fernsehenshow auf YouTube.

Dann finde ich...

Mann!

5:2 Gewicht verlieren ist 5 Tage essen, 2 Tage Pause machen.

Der Styl  ist nicht was wir machen.

5 Tage, wir essen ungefähr 1500kcal.

2 Tage, wir essen ungefähr 1200kcal.

Mann!

Ich weiß nicht, was passiert....

Aber, ich muss sagen, das versehen ist gut.

Kann zwei Tage nicht essen, wir bleiben gerne dick.

Und, da wir das versehen entdeckt haben, sind wir weiter bei dem versehen geblieben.

Bis jetzt mein Mann hat 72kg fast erreicht.

Und meine Jeans von vor 10 Jahre, passt langsam wieder.

Ja, seitdem ich in Deutschland wohne, ich kaufe viele neue Kleider....

Minestrone

...... Zutaten ......

Riesenbohnen aus der Dose　1

Fein gehackte Zwiebel　1

Fein gehackter Knoblauch

Hähnchenbrust in Stücke geschnitten　200g

Gekochte Kritharaki　100g

Wasser　800ml

Möhren in Stücke geschnitten　2

Tomaten in Stücke geschnitten　2

Spitzkohl in Stücke geschnitten　1/2

Kräuter

Salz ＆ Pfeffer

...... Zubereitung ......

1. Hähnchenbrust in die Pfanne geben und anbraten bis er goldbraun ist, dann rasunehmen.

2. Zwiebel mit Knoblauch in die Pfanne geben und anbraten bis sie goldbraun sind, Tomaten mit Möhren, Spitzkohl und Kräuter dazu geben und gut mischen, dann ca. 20 Minuten kochen.

3. Hähnchen mit Kritharaki und Riesenbohnen dazugeben und gut mischen, ca. 5 Minuten kochen.

4. Mit Salz und Pfeffer abschmecken. Guten Appetit!

(21.01.2024 Breakfast Minestrone - Fish Fingers - Yogurt/921kcal)

I was thinking that today is my husband's anniversary of losing weight.

But, truth is mine, not my husband's, oh boy!!!

Yeah, I forgot to check the weight on the scale. Man!

But, no problem, my husband also has this problem.

Today is my 2nd anniversary of weight loss control, I don't know the number on the scale, but my Tom Tailor and 10+ year old ET BOÎTE non stretch jeans are still ok, I'm still slim for them. Dear God, thank you!

Yes, slowly, I'm learning the non-stretchy clothes are more important than the number on the scale.

Yes, I have to be very honest, what the scale does is tense most of the time!!!

Well never mind, it's 2 years today, Oh dear!!!

We don't do JO JO life because my husband in November will be 3 year control, and until now he is still slim, never back 82kg.

Yes, he remains 72kg for 2 years.

I'm watching a TV show on YouTube.

Then I find ...

Oh my dear!

5: 2 Losing weight is eating 5 days, taking a 2 day break.

The style is not what we do.

5 days, we eat about 1500kcal.

2 days, we eat about 1200kcal.

Oh my dear!

I do not know what happens ....

But, I have to say, this is a beautiful mistake.

Can't eat for two days, we like to stay BIG. 

And since we discovered the mistake, we have continued this beautiful mistake.

So far my husband has almost reached 72kg.

And my jeans from 10 years ago are slowly fitting again.

Yes, since I've lived in Germany, I've been buying a lot of new clothes ... 

Minestrone

...... Ingredients ...... 

Canned Jack bean　1

Finely chopped onion　1

Finely chopped garlic

Chicken breast cut into pieces　200g

Boiled Orzo　100g

Water　800ml

Carrot cut into pieces　2

Tomato cut into pieces　2

Pointed cabbage cut into pieces　1/2

Herbs

Salt＆ Pepper

...... Method ......

1. Put the chicken breast in the pan and fry until it is golden brown, then take it.

2. Put the onion with garlic in the pan and fry until they are golden brown, add tomatoes with carrots, pointed cabbage and herbs and mix well, then cook for about 20 minutes.

3. Add the chicken, kritharaki and giant beans and mix well, cook for about 5 minutes.

4. Season with salt and pepper. Enjoy your meal!