(2023.10.27 早起頓 塗肉林檎挽き肉炒 + 玫瑰草花 + 優格/1001kcal)
那食下昏飯那聽 La-jí-ooh mā 那看露台影戲變化。
本底佮 gún 保持社交距離 ê 厝鳥仔，這久見著 gún 按灶跤行到食飯廳 buē 閣若較早按呢按呢隨飛甲無半隻。
Gún 那食飯那享受遮 ê 無經過彩排抑是設計 ê 影戲，步頻西北雨來相揣，厝鳥無愛佮伊做朋友斡頭隨走，賰 gún 隔一个窗佮西北雨相向。
Gún 鹹 ê 食 bueh 煞，西北雨 mā 接受家己正經是無人緣臭乞食羶願意離開。
「敢閣 bueh 食寡甜粅粅」我問翁。
「Bueh」聽伊應 bueh 開始窮碗箸 ê 我雄雄感受一个熟甲若火炭 ê 感覺隨 kā 頭擔起來揣「感覺」。
「你 tī 看啥？」翁問。
「雄雄感覺恁老母 tī 附近」我講。
「𪜶 tī 北部，而且𪜶 bueh 遐爾仔無禮數，無講一聲就來過家過宅」翁笑講。
我無應話靜心等待彼个感覺出現，來--ah，伊來--ah，祀佛公雙目金金看花坩喝「恁老母來--ah。」
看我遮爾仔認真，翁正經掠做𪜶爸母 ê 車停 tī 露台邊 ê 街仔路 mā 綿精綴 leh 揣「gún 爸母 tī 佗位？」伊問。
我手指 Daniel ê 露台，翁 mā 順我手指 ê 所在看過去。
「彼是 Amsel」翁笑甲強欲痚呴講。
「莫講話，斟酌看，斟酌看恁阿母今仔日 bueh 變啥物魍」我講。
Amsel 先按 Daniel ê 露台聊聊仔划過我種大同仔兼囥鳥仔飼料 ê 所在，又閣勻勻仔行轉去 Daniel 遐假做我無 teh 檢查敢閣有物件通食。
Gún 若看伊 tī Daniel 遐頭那越 gún 這爿，尾溜那翹「伊等一下 ē 閣划過來」我講。
Gún 翁想著 mā 是摔大雨 ê 晝，伊 kā 鳥飼料捎轉來厝內囥，雨停 buē 記得閣 kā 捎出去 ê 畫面 --- Amesl 氣甲趒跤蹔蹄 tuì gún 詈 ê 畫面隨講「今仔日我無 kā 飼料捎入來，伊 buē 閣咒讖詈--ah。」
「你家己 ê 阿母你上捌」我目𥍉一下。
翁某恬靜 tuì Amesl 貓貓相，Amesl mā 恬靜假做無要意 gún teh kā 相看伊當時 bueh 起手按呢忠孝東路行九逝。
「伊凡勢食飽」翁講。
「Gún 有一句話號做枵鬼假細膩，所以伊 buē 直接講你是青龍盤柱，死豬鎮砧，m̄-koh 伊有耐性，起因總舖師 buē 受得無桶師」我講。
「Amsel 你有聽著伊 ê 轉彎踅角，Durch die Blume 無?」翁笑應。
凡勢是 bueh 展示「日時 m̄-thang 講人，暝時 m̄-thang 講鬼」Amsel 雄雄停跤 tī 大同仔區佮 gún 對相，gún mā 認真 kā 看。
「漚戲拖棚已經結束」我講。
「總舖師窮實 ē 受得無桶師，總是無桶師 ê 吩咐 bueh 落柴，囉哩八嗦 ē hōo 總舖師甘願去做仙，閒仙仙」翁講。
「你當時搪著 Socrates」我笑問。
「咱兜」翁應。
Amsel 看 gún 猶原祀佛公，無半个人 bueh 請伊入來座就自動行入來做伙食麻油雞 --- 開始食飼料閣那食那 tuì gún 相。
「like Amsel, like your mother，伊 teh 講後回愛閣囥一杯茶，茶閣愛 iōng 啥物材質 ê 瓷仔泡」我講。
「我 buē 閣做寡得失土地公，飼無雞 ê 代誌」翁笑甲若花枝講。
「你兜 ê 土地公 tī 北爿」我講。
「M̄ 著，是 tī 南爿」翁那講 mā 那綴我窮碗箸。
我無要求 gún 翁愛翁親某親，老婆仔拋車輪，總是搪著愛食紅蟳 ê 老人，伊就愛溜溜瞅瞅，食兩蕊目睭曷無正經 ē 成做十一哥仔。
本底真愛食生菜冷盤 mā 認定莫 bué 市面包裝好勢彼款 ê 生菜利便包就 buē 搪著蟲豸(thuā)問題，總是四常就敢若一盒猶原拆盒 ê Tsioo-kóo-lè-tòo hōo 你 buē 按算。
彼日見著頭目萵仔菜➀彼尾肥甲若我尾指 ê 菜蟲，𫝻 Mein Propekt APP ê 超市落價單見著生菜 buē 閣講「我 bueh bué 這」。
因為伊無閣堅持愛食生菜過日，記錄踮遮 ê 百外篇サラダ自然就 buē 閣有啥物機會 kā 熥 buē 離，m̄-koh 記錄 ê 文字是檢視家己 ê 彼久佮這久上好 ê 翻草。
這份食譜是 gún 翁按公共簞笥紮轉來 ê 食譜冊「Low Fat」遮來，我已經捌做過幾仔擺，總是早前攝 ê 相片真無滿意。
這斗攝 ê 相片猶原真無滿意，總是我 mā tī 遮 ê 無滿足學著滿足 tshan-tshiūnn 厝鳥 ê 哲學。
➀ Kopfsalat 揣著 ê 資料是 kā 號做「波士頓奶油萵苣」佮「奶油萵苣」這个號名按怎來我 m̄ 是專家就免講古，tī 遮我敢若記錄家己號名 ê 因由。按南歐洲來 ê 伊 tī 德國號做 Kopfsalat tī 奧地利號做 Häupt(e)lsalat，照字翻譯一个是「頭」生菜，一个是「頭人」生菜，這兩个名我攏佮意，總是我閣較佮意「頭目」這辭，準做教典講伊有貶(Pián)義。另外，萵苣 tī 公視台語台辭庫網揣著萵苣 ê 講法「萵仔菜」，我就順這个萵仔菜加頭目兩字，準做有人講伊愛講波士頓バター萵仔菜，我猶是綴德語 ê 講法，畢竟這个世界 m̄ 是英語一款，另外我捌這項生菜 mā 是按德語來 m̄ 是英語。
塗肉林檎挽肉炒
...... 材料 ......
馬鈴薯，切塊 600g
挽肉 200g
洋蔥，刴幼 1
蒜頭，剁幼
Khu-lì-mù 50g
滾水 500ml
麵粉 20g
鹽、胡椒
...... 步數 ......
1. 洋蔥、蒜頭落鼎炒芳，挽肉、麵粉 lām 落去炒熟。
2. 馬鈴薯、滾水摻落去煮30分鐘，Khu-lì-mù 淋落去煮10分鐘，tiàu 寡鹽、胡椒，樂暢來食。
Wir essen und wir gucken was auf dem Balkon passiert.
Vorher, die Spatzen halten über 10km Abstand.
Nein, das ist ein Witz.
Jetzt wenn ich am Fenster bin, sie fliegen nicht weg.
Aber , wenn ich die Tür oder Fenster öffne,
sie fliegen sofort weg.
Gut Spatze kennen die Menschen sind gefährlich, muss immer Abstand halten.
Wir essen wir gucken.
Ich frage mein Mann, hast du die Königin gesehen?
Wer, fragt mein Mann.
Die Amsel, sage ich.
Ach so, natürlich, sie kommt jeden Morgen, sagt mein Mann.
Wirklich?
Natürlich, und fast alles gegessen, lacht mein Mann.
Vielleicht, die Amsel hat die Beschwerden gehört.
Sie kommt.
Aber dieser mal sie sieht aus wie ene Diebin.
Sie versteckt sich bei Paprika und guckt auf den Balkon.
Dann, sie kommt wie normal Besucher und geht zum Ziel(Futterkerne).
Dann nochmal zurück zur Paprika und macht Pause.
Wie, hey... ich mache nichts und denke nicht zu viele nach.
Ich gucke und warte wann sie zum Ziel kommt.
1,2,3...
He...he...he...
Sie kommt.
Aber nochmal, sie geht wie ein Kind nachzum Spielgplatz geht.....Singt und Tanzt.
Dann sofort springt in die Esszone, dann gucken und gucken.
' Oh, mann... wo bin ich, wo bin ich...'
Dann isst sie und fliegt weg.
Ich sage meinem Mann.
Like Amsel, like you Mom.
Sie möchte unsere Haus besetzen.
Aber sie sagt es nicht.
Weil Sohn hat ihr gesagt.
Hier ist mein Haus und meine Frau ist in CHARGE.
Aber leider sie möchte unser Haus so dringend besetzen.
Sie kommt an jeden Platz wo ich bin, und ' so ', ' so ', ' so '...
Also ob sie etwas sucht.
Aber ich weiß, sie sucht nichts.
Sie will einfach das Haus besetzen.
Weil, das ist mein Sohn das ist mein Mann, ich bin Königin, niemand können mein Mann und mein Sohn von mir wegnehmen.
Zustimmen?
Mein Mann so leise.
Weil, er ist wie die Amsel.
Den Tag verärgert, kein Essen gefunden.
Oh, mann, ich liebe die Amsel.
Sie ist mein Philosophieprofessor.
Gebratenes Hackfleisch mit Kartoffeln
...... Zutaten ......
Hackfleisch 200g
Kartoffeln in Stücke geschnitten 600g
Fein gehackte Zwiebel 1
Fein gehackter Knoblauch
Sahne 50g
Wasser 500ml
Mehl 20g
Salz ＆ Pfeffer
...... Zubereitung ......
1. Zwiebel mit Knoblauch in die Pfanne geben und anbraten bis sie goldbraun sind.
2. Hackfleisch mit Kartoffel und Mehl dazugeben und anbraten bis sie goldbraun sind, Wasser dazugeben und gut mischen, dann ca. 30 Minuten kochen.
3. Sahne dazugeben und gut mischen. Mit Salz und Pfeffer abschmecken. Guten Appetit!
We eat and we watch what happens on the balcony.
Before that, the sparrows keep a distance of more than 10km.
No, that's a joke.
Now when I'm at the window, they won't fly away.
But when I open the door or window
they fly away immediately.
Smart sparrows know people are dangerous, must always keep their distance.
We eat we watch.
I ask my husband, did you see the queen?
Who? Asks my husband.
The blackbird, I say.
Oh, of course, she comes every morning, says my husband.
For real?
Of course, and ate almost everything, my husband laughs.
Perhaps the blackbird heard the complaints.
She comes.
But this time she looks like a thief.
She hides with paprika and looks out onto the balcony.
Then, she comes as normal visitor and goes to the goal (food kernels).
Then back to the paprika and take a break.
Like, hey ... I don't do anything and don't think too much.
I watch and wait when she gets to the goal.
1,2,3 ...
He ... he ... he ...
She comes.
But again,She pretends to be like a child about to go to the playground ..... sings and dances.
Then immediately jump into the dining area, then look and see.
'Oh dear ... where am I, where am I ...'
Then she eats and flies away.
I tell my husband.
Like blackbird, like you mom.
She wants to occupy our house.
But she doesn't say it.
Because son told her.
Here is my house and my wife is in CHARGE.
But unfortunately she wants to occupy our house so badly.
She comes to every place where I am, and 'so'(well), 'so'(well), 'so'(well) ...
As if she was looking for something.
But I know she's not looking for anything.
She just wants to occupy the house.
Because, this is my son, this is my husband, I am queen, no one can take my husband and my son away from me.
Agree?
My husband so quietly.
Because he's like the blackbird.
Upset for the day, can't find what he wants to eat.
Oh dear, I love the blackbird.
She is my philosophy professor.
Minced Meat with Potato Stir Fry
...... Ingredients ......
Minced meat 200g
Kartoffeln cut into pieces 600g
Finely chopped onion 1
Finely chopped garlic
Cream 50g
Water 500ml
starch 20g
Salt＆ Pepper
...... Method ......
1. Add the onion and garlic to the pan and fry until golden brown.
2. Add the minced meat with potatoes and flour and fry until they are golden brown, add water and mix well, then cook for about 30 minutes.
3. Add the cream and mix well. Season with salt and pepper. Enjoy your meal!
留言列表
冊 ▪ Bücher ▪ Books (4)
