亂皂𥴊仔店 ⓂⒺⒾⓃⓀⒾⓄⓈⓀ

(2024.03.18 早起頓 䆀豆塗肉林檎 + 卵包 + 魚指 + 西洋萵仔菜 + 優格/1035kcal)

當我 teh 款早起頓，浴間仔 ê 磅仔 mā 綴我手頭 ê 物件 teh 行徙，我知影有人 uī-tio̍h 數字 tī 無閒，想 bueh 六月蚶，開喙臭，我討厭 ê 魚仔喙按我 ê 頭前泅過，隨關殼恬靜等待有緣人來 kā 咱挖，浴間仔 ê 人 mā 凡勢鼻無著臭，所以磅仔愈徙愈大聲。

「你敢無鼻著鳥鼠味」浴間仔 ê 人隔一堵壁喝。

「咱兜 ê 鳥鼠一直攏無洗身軀(有趣味)」我咂一喙茶清一下仔嚨喉大聲講。

「磅仔起磅.....」聲音愈來愈清，愈來愈明，越頭見著前幾日猶 teh 展風神講「Tsiâ 講糋膩瓤較莫食寡冰淇淋(ping-kî-lîm)」ê 人已經按浴間仔徙位到廚房。

「磅仔歹去，我較停仔來 Rossmann bué 台新 ê 」我紲伊猶未講齊 ê 話。

「磅仔無歹，我歹去矣...」

「你德國戰車 buē 歹，磅仔 tsiah-ē 歹，較停仔飯食飽我隨來 Rossmann」我這支喙無臭一下猶原 ē 著蛆。

「磅仔無歹，是我 ê 板膋(pán-lâ) 添 0.3 公斤通賣，你敢 ē-tang kā 我鬥相共」前幾日猶原若戰贏 ê 相拍雞仔，今仔日成做雞毛 hőng 拔了了 ê 無毛雞。

「這我無法度，你愛請教北爿專家」我那捧菜去食飯桌那講。

「伊若專家就 m̄ 免迵過艱苦來消瘦落肉...」

我無紲喙，靜靜送伊一个微微仔笑，紲落來請教伊「敢 bueh 做伙食飯抑是你 bueh 家己款」。

「我 bueh 綴你跤步行」翁應。

「綴我跤步行愛噤喙閣 buē-tàng 喙白」我講。

「我無綴你跤步行，無可能行到今」翁捻家己 ê 豬肚那講。

「你需要 Butterschmalz，我較停仔來 Netto 款」我講。

「我 buaih 食 Butterschmalz」翁知影我 teh 剾洗𪜶老母 ê 喙斗。

「做一个德國人就是愛食健康 ê Butterschmalz」我繼續剾這件 hōo 我氣甲包袱仔款 leh 隨 bueh 轉去臺灣 ê 代誌。

「遮是咱 ê 地盤 m̄ 是𪜶 ê 地盤」翁喙緊抺蜜 mā 緊宣示主權。

「我清楚知影遮 m̄ 是我 ê 地盤，m̄-koh 我是厝跤，所以我 ê 物 buē-tàng 無經過我 ê 同意就 hőng 擲挕捒」一想著這件代誌，我猶原規腹肚火，不過我是有教養 ê 人，所以猶原峇微仔笑 hōo 伊看，翁知影某 teh 敨中氣 mā 恬靜綴某峇微仔笑 m̄ 敢應話。

「遮 ê 過了代閣熥連豬 mā 嫌，總是我向望你 ē-tàng 注心別人 uī 你做 ê 代誌 m̄ 是要求別人愛綴你過你意愛 ê 大細項」我手捎攕仔指示食飯囉。

「我 buē 閣遮爾仔靠勢....聽某喙，大富貴」翁 kā 按我遮學來 ê 臺灣俗諺語搬出來 hōo 我想著這件代誌。

「僥倖，我呔 ē buē 記得這件代誌，愛 kā 你敲 112 無?」我 tuì 拄好 teh 享受魚指 ê 翁捾籃仔假燒金。

「這款代誌 m̄ 免聽某喙，若聽人生 kan-ta Omega-6，另外 gún 某 m̄ 是彼款歹油滓，歹豬母厚面屎愛搬死人債戲 ê 人」翁應。

「是講，你若 bueh 一條美國茄燒掉一罐 500ml ê 橄欖油我 mā 無意見，我是尊存牛食稻草，鴨食粟 ê Jedem das Seine」我笑應。

「彼 m̄ 是油 ê 問題，彼是歹戲鑼鼓 tsuē，歹人家私 tsuē ê 五錢豬仔，掛一支喙，慼人生，怨人孵 m̄ 知愛改進」翁食一喙䆀豆繼續講「若無搪著你，現此時 ê 我 buē 感覺䆀豆好食。」

我無應話 kan-ta kā 手徙去伊 ê 頭額講「溫度正常 m̄-koh 喙斗無正常。」

「搪著你我 m̄ 免繼續成做水鬼擢後跤」聽翁按呢講，我無確定伊敢正經 kā Bleeding Bonds 剪掉 ê 人，m̄-koh 我確定伊無閣要求我成做 Danny Boy。

--- 2021.07.18

這出菜 m̄ 知餾過幾斗，總是無一斗 ê 面肉生做我記憶中 ê 伊，喙尾 mā 是。

近來，較 buē 成做火引 ê 菜蔬又閣踅翻頭漲懸價 hōo 我 bué buē 冇手，就較捷款這 ' 麵線藤 ' 按非洲來 ê 䆀豆佮番薑仔轉來做料理。

Kā 我愛食 ê 菜蔬形容做麵線藤實在是真對不住伊，總是 uī-tio̍h 𪜶 gún 翁仔某 ê 龍鳳生活正經險險成做壽山外來植物90種 一簾幽夢錦屏粉藤所到處寸草不生， 因為翁出世 tī Danny Boy ê 家庭，講著 Danny Boy 每一个人 ê 想法無仝，總是我 ê 感想有一部份是佮這 2 段留話相𫝛 1. This is actually so true and realistic...only change yourself 2. the only one wasn't blind and saw the world how it really looked like, got blinded by love.... uī-tio̍h 伊 ê Danny Boy 留話 2. gún 險險無法度繼續牽手落去，準做這久四兩破千斤，我循伊 ê 慣勢敆我 ê 耐性沓沓仔薅草，過了代 ê 無要意猶是若麵線藤 m̄ 管我按怎毒按怎剷草，伊 ê 根猶是老神在在 hōo 我款遮 ê 物並尊存牛食稻草，鴨食粟猶是殘殘豆干切五角，畢竟性地閣較好 ê 人 mā buē 堪得仝穿一領褲反起反倒就是 m̄ 承認伊愛我綴伊惜花連盆 ê 歹癖。

不過，就 tshan-tshiūnn 記錄 tī 遮 ê 哭呻，我並 m̄ 是牛仔未貫鼻 ê 人，人講愛縛跤帛我就綴 leh 縛，不過我清楚知影無耐性佮智慧是使牛去逐馬，牛去連馬無，畢竟我是 hőng 飼米大漢 m̄ 是飼 Brot。

我 ê 天公伯，我又閣喋詳遮 ê 過了代，總是有 ê 過了代 m̄ 是無講出喙就表示完全無要意，有 ê 過了代是點拄是提醒，像這篇較早 ê 記錄，提醒我現此時 ê 心好 m̄ 免食菜，朋友好 m̄ 免結拜 ê 活 tī 現實 m̄ 是幻想是我學 ē 曉出門看天色，炒菜看火色 ê 退進佮我清楚知影牛好駛，也著工，像這出菜看起來簡單 mā 是需要時間 tsiah 有法度料理出伊 ê 面肉。

經過遮 tsuē 冬，總算做 kā 伊捏甲較像伊家己，美味しい。

本底是想 bueh 通篇舊文刣掉記錄整理愛料理菜股 ê 一个是樹絡 ê 林檎, Pomme，一个是塗肉 ê 林檎, Pomme de terre，𫝛款是林檎，𫝛款是含水碳素，總是我愛𪜶攏齊做 Soupe ê 林檎，總是有 ê 過了代 m̄ 是歹代是提醒，我愛學 ē 曉按呢看齷齪。

          有對照 tsiah 知手藝敢有進步          

(2023.01.08 早起頓 敏豆馬鈴薯炒 + 三文魚煎 + 藍莓弓蕉 Quark + Kam-má-tooh 生菜盤/976kcal)

敏豆馬鈴薯炒

...... 材料 ......

馬鈴薯　600g

䆀豆，切橛　250g

蒜頭，刴幼　

芳料草

鹽、胡椒

...... 步數(炒) ......

1. 馬鈴薯切薄片落鼎炒熟，挈出來。

2. 䆀豆、蒜頭落鼎煏芳，馬鈴薯濫落去搜齊，tiàu 寡鹽、胡椒、芳料草，樂暢來食。

...... 步數(烘) ......

1. 馬鈴薯切塊，淋寡油攪 hōo 齊，落烘箱，捘200度烘35~40分鐘。

2. 䆀豆、蒜頭落鼎煏芳，馬鈴薯濫落去搜齊，tiàu 寡鹽、胡椒、芳料草，樂暢來食。

(18.03.2024 Frühstück Bratkartoffeln mit Bohnen - Fischstäbchen - Spiegeleier - Eisbergsalat - Joghurt/1035kcal)

Als ich das Frühstück zubereitet habe.

Es war viel Lärm im Badezimmer.

Ich weiß, mein Mann hat Problem mit seinem Gewicht.

Ich warte auf seine Antwort.

Nachdem er gesagt hat, egal wie viel Eis ich esse, ich verliere immer noch Gewicht.

Das Frühstück fertig gamacht, ich warte auf ihn am Tiscch.

Ich weiß nicht wie lange ich ihn gewartet habe.

Aber ich erinner sich an.

Er sieht so traurig aus und hat mir gesagt,

heute, habe ich 0.3kg zugenommen.....

Das ist ok.

1kg = 7700kcal.

2500g Eis, 4375kcal.

Die Mahlzeit... ich weiß nicht so genau.

Aber, ich glaube, was isst du jetzt noch weniger als vorher.

Deshalb hast du nur 300g zugenommen, das ist noch ok.

Normalweise, jetzt sind 5kg zurückkommen auf dich, sage ich.

So, du kannst weiter eingebildet sein, ich esse Eis unbegrenzt.

Das ist kein großes Problem weil meine Mahlzeit kleine ist.

Nein; meine Mahlzeit ist genug zum Essen, sagt mein Mann.

Ich weiß nicht so genau.

Du bist deutscher.

Du hast deine Idee und deutsche Idee ist immer richtig als andere.

Aber ich muss sagen, fast 2 Woche, ich habe 0.6kg verloren.

Obwohl, ich habe gleich Problem wie du.

Erhöhen und verlieren.

Aber, normalerweise, die Gewicht ist noch weitergehen.

Obwohl es ist so langsam, nicht wie du, ein Tag 1kg oder 0.6kg.

Aber funktionieren gut bis jetzt.

Du musst das denken.

Du isst was du brauchst, oder du isst nur was du möchtest.

Kurzzum, die Gesundheit ist deine und meine.

Niemand kann unsere Geundheit kontrollieren.

Wie ich möchte nicht Diabetes bekommen.

Dann folge ich was der Artz mir sagt, Gewicht verlieren.

Aber, Gesunder Stil Gewicht zu verlieren, nicht böser Stil.

Wie was machst du vorher.

Keks ist Mahlzeit.

Mein Mann wird verstehen was ich sage, lass mich weiterschreiben.

Bratkartoffel mit Bohnen

...... Zutaten ......

Kartoffeln　600g

Bohnen in Stücke geschnitten　250g

Fein gehackter Knoblauch　

Kräuter

Salz ＆ Pfeffer

...... Zubereitung(In die Pfanne) ......

1. Kartoffeln in Scheiben schneiden, in die Pfanne geben und anbraten bis sie goldbraun sind, dann rausnehmen.

2. Bohnen, Knoblauch in die Pfanne geben und anbraten bis sie goldbraun sind, dann den Kartoffeln dazu geben und gut mischen.

3. Mit Salz, Peffer, Kräuter abschmecken. Guten Appetit!

...... Zubereitung(aus dem Ofen) ......

1. Kartoffeln und Öl gut mischen auf das Blech legen und auf 200 Grad 35~40 Minuten backen.

2. Bohnen, Knoblauch in die Pfanne geben und anbraten bis sie goldbraun sind, dann die Kartoffeln dazu geben und gut mischen.

3. Mit Salz, Peffer, Kräuter abschmecken. Guten Appetit!

(18.03.2024 Breakfast Green Beans and Potatoes - Fish Finger - Fired Eggs - Lettuce - Yogurt/1035kcal)

When I was preparing breakfast.

There was a lot of noise in the bathroom.

I know my husband has a problem with his weight.

I'm waiting for his answer.

After he said no matter how much ice cream I eat, I'm still losing weight.

Breakfast ready, i am waiting for him at the dining table.

I don't know how long I've been waiting for him.

But I remember.

He looks so sad and told me,

today, I gained 0.3kg .....

That's OK.

1kg = 7700kcal.

2500g ice, 4375kcal.

The meal ... I don't know exactly.

But, I think what are you eating now are still less now than before.

That's why you only gained 300g, that's still ok.

Usually, now 5kg is back on you, I say.

So you can continue to fantasize, I can eat ice cream no limited.

That's why this is not a big problem because my meal is small.

No; my meal is enough to eat, says my husband.

I'm not sure.

You are German.

You have your idea and a German idea is always right than others.

But I have to say, almost 2 weeks, I lost 0.6kg.

Although, I have the same problem as you.

Raise and lose.

But, usually, the weight is still going on.

Although it's so slow, not like you, 1kg or 0.6kg a day.

But work fine so far.

You have to think that.

You eat what you need or you just eat what you want.

In short, health is yours and mine.

Nobody can control our health.

Like i don't want to get diabetes.

Then I follow what the doctor tells me to lose weight.

But, healthy style to lose weight, not bad style.

Like what are you doing before.

Biscuit is meal.

My husband will understand what I am saying, let me keep writing. 

Green Beans and Potatoes

...... Ingredients ......

Potatoes　600g

Green Beans cut into pieces　250g

Finly chopped garlic　3

Herbs

Salt ＆ Pepper

...... Method(in the pan) ......

1. Cut the potatoes into slices, add to the pan and fry until golden brown, then take out.

2. Add the beans and garlic to the pan and fry until golden brown, then add the potatoes and mix well.

3. Season to taste with salt, pepper and herbs. Enjoy your meal!

...... Method(from the oven) ......

1. Mix the potatoes and oil well, place on the baking sheet and bake at 200 degrees for 35 ~ 40 minutes.

2. Add the beans and garlic to the pan and fry until golden brown, then add the potatoes and mix well.

3. Season to taste with salt, pepper and herbs.Enjoy your meal!