亂皂𥴊仔店 ⓂⒺⒾⓃⓀⒾⓄⓈⓀ

(2023.11.01 敏豆 Tortellini 法國焗 + 優格/1222kcal)

 一直 teh 想「Gratin」佮「Überbacken」愛按怎講，起因「德國德語」有這兩種講法，只不過「Gratin」伊有當時 ē 成做法國人，有當時 ē 成做英國人 ê 在人意愛。

「Gratin」自我認捌伊就是「焗烤」無其他若德語 ê 分類，Gartin 表示食材透濫チーズ、クリーム、卵落烘箱烘，Überbacken 表示 tī 熟 ê 食材頂懸鋪チーズ落烘箱烘。

總是社會 ē 變化，語言 mā-ē 變化，古早厚工 ê 料理 mā 綴著工業變化成做另外一種生張 tshan-tshiūnn 現此時 ê 德國較無 teh 講「Gratin」較捷講「Überbacken」抑是「Auflauf」。

Hähnchen mit cremiger Soße überbacken(Gartin)

Hähnchen mit Nudeln überbacken(Überbacken)

Hähnchenauflauf(Gartin)

M̄ 捌學習抑是慣勢講德語 ê 人應當 ē 感覺按呢 ê 講法足咬舌，總是每一个語言有伊 ê 文化理路，無地相比並 tsiâ tsiah 是正範。

 臺灣多元語言按西洋航海開始出現變化，總是這个變化猶原 m̄ 捌產生我這沿 ê 激烈變化，事事項項 kan-ta 一種語文一種文化思考。

我 m̄ 知影現此時 ê 囡仔敢閣 ē 自我檢查這句話敢無「標準」，我 ê 14 是文字通篇 kan-ta ē-tàng 寫四角字，講 ê 話 mā kan-ta ē-tàng 講「四聲」buē-tàng 有其他 ê 聲調。

總是這是我囡仔時受 ê 教育，慣勢講林檎 ê 我 buē-tàng 按呢講愛講「蘋果」，慣勢講「毋知」(mˇ diˊ) ê 我愛講「不知道」遮 ê hőng 調整甲慣勢 ê 海馬迴路 tī 沓沓仔楦闊家己 ê 跤步成做一款「好玄」，是按怎我講 ê 話定定 hőng 捎無摠，特別是我已經 kā 𪜶轉做外國腔 teh 講話，tshan-tshiūnn 尼采(Nietzsche)我已經講甲「泥猜」成做一个德國人 ê gún 翁猶原聽我無 teh 講𪜶兜啥物人。

寫遮 ê 事項 m̄ 是茶鈷直直呻，寫遮 ê 事項是 Das Vollkommene soll nicht geworden sein. - Wir sind gewöhnt, bei allem Vollkommenen die Frage nach dem Werden zu unterlassen: sondern uns des Gegenwärtigen zu freuen, wie als ob es auf einen Zauberschlag aus dem Boden aufgestiegen sei. --- Friedrich Nietzsche 完美應當 buē 成做十全，咱攏慣勢，tī 完美內底 kā 問題靠沙，而且咱歡喜現此時，若神仙 ê 蠓捽仔按塗跤一捽隨飛龍在天。

這是離開舒步箍仔學著 ê 智慧，tshan-tshiūnn 這久 ê 我思考華文 ê「焗烤」愛按怎講𫝛款。

Tī 猶未離開舒步箍仔，我 ē 慣勢字典、網路攏請教 buē 著答案就放棄「焗烤」tī 臺語愛按怎講，這久 ê 我行出舒步箍仔家己揣答案，準做我 ê 答案 m̄ 是正範，總是語言是活 ê tshan-tshiūnn Nietzsche ê 句徛踮21世紀，成做德國人 ê gún 翁 mā 有法度掠出問題，起因伊學 ê 語法佮 Nietzsche 無相𫝛 --- so angeberisches Altdeutsch und kompliziert(傷過咬舌佮 kan-ta 展示內才 ê 語法 --- 伊 ê 14 是現此時 ê 德國人 buē 遮爾仔咬舌講話 hőng 聽)伊講。

「焗」本身就有烘 ê 意思，tshan-tshiūnn 一个番薯 ē-tàng iōng「炕」、「炰」來表示，這兩个字 ê 無相𫝛 kan-ta 表示徛地 ê 慣勢無其他 ê 懸低抑是正範佮錯誤。

我 bueh 按怎 kā 號名，零下2度 ê 日時，窗仔半開ラジオ tī 放送少年記者徛跤東方小巴黎 Liban ê 故事，談著當地人講當地語、阿拉伯語、法語透濫 ê 新 Liban 語 hōo 我想著囡仔時，阿母講「ラジオ好關仔，愛睏仔」，入港隨灣，入鄉隨俗 ê 阿爸講「愛睏仔，收音機關起來」一个我現此時慣勢講 ê das Radio 是兩个接觸無仝文化 ê 演變，無一个人正範抑是毋著(mˇ cog)。

德國 ê「Blätterteig」是「酥皮」，法國 ê「Pomme de terre」是「林檎」，臺灣 ê「荷蘭豆」是「碗豆」，按呢法國來 ê「Gratin」就 kā 伊號做「法國焗」tshan-tshiūnn 馬鈴薯條(公視台語台按呢號名) a.k.a 我較佮意講法國糋按呢 hőng 隨看隨知影伊按佗來。

敏豆 Tortellini 法國焗

...... 材料 ......

敏豆，切橛　400g

煠好 ê Tortellini　400g

牛奶　200ml

卵　1

Tshì-sù　100g

蒜頭

芳料草　

鹽、胡椒

...... 步數 ......

1. 卵、牛奶、蒜頭、芳料草、鹽、胡椒濫做一伙抐 hōo 齊。

2. 敏豆、Tortellini、Tshì-sù 摻落去搜 hōo 齊，落烘箱捘200度烘20分鐘，樂暢來食。

(01.11.2023 Tortelliniauflauf mit grünen Bohnen - Joghurt/1222kcal)

Ich glaube mein Schwein pfeifft!

Ja, ich weiß, ich gebe so an mit Sprichwörter.

Aber, mein Schwein pfeifft wirklich.

Warum?

Bohnen sind Feinde für meinen Mann, aber jetzt sagt er, die Feinde gehen durch meinen Magen.

Ich weiß, ich bin ein gute Frau, weil ich arbeite immer mit seinen Feinden.

Er hasst Feinde aber ich liebe Feinde. XD

Tortelliniauflauf mit grünen Bohnen

...... Zutaten ......

Grüne Bohnen in Stücke geschnitten　400g

Milch　200ml

Gekochte Tortellini　400g

Fein gehackter Knoblauch

Käse　100g

Eier　1

Kräuter

Salz、Pfeffer

...... Zubereitung ......

1. Milch, Eier, Kräuter, Salz, Pfeffer und Knoblauch gut mischen.

2. Tortellini mit Grüne Bohnen und Käse dazu geben und gut mischen, dann im Backofen auf 200 Grad 20 Minuten backen.Guten Appetit!

(01.11.2023 Tortellini Green Beans Casserole - Jogurt/1222kcal)

 I think  my pig is whistling!

Yes, I know, I'm showing off with proverbs.

But my pig really does whistle.

Why?

Beans are enemies to my husband, but now he says the enemies go through my stomach.

I know I'm a good wife because I always work with his enemies.

He hates enemies but I love enemies. XD

Tortellini Green Beans Casserole

...... Ingredients ......

Cut the green beans into pieces　400g

Milk　200ml

Boiled tortellini　400g

Finely chopped garlic

Cheese　100ml

Eggs　1

Herbs

Salt＆ Pepper

...... Method ......

1. Mix the milk, eggs, herbs, salt, pepper and garlic well.

2. Add the green beans with tortellini and cheese and mix well, then bake in the oven to 200 degrees for 20 minutes. Enjoy your meal!