亂皂𥴊仔店 ⓂⒺⒾⓃⓀⒾⓄⓈⓀ

(2024.01.22 早起頓 紫頭菜塗肉林檎烘 + 白銀魚糋 + 卵包 + 北蔥搵醬 + 優格/1032kcal)

近來德國北爿推捒北爿食食，14 就是綴季節食物 m̄ 是綴時行食物，像枸杞遮 ê 成做超級食物就下性命食。

歐洲北爿若真講，菜蔬正經無蓋 tsuē 總是猶是有好食物，像紫頭菜、林檎、綠草花(Grünkohl,Kale,羽衣甘藍)遮 ê ē-tàng 囥倉庫過冬 ê 菜蔬。

寫著綠草花 mā 趣味，四常來講這个原生東地中海佮土耳其 ê 菜蔬伊較合德國南爿栽欉，m̄-koh 綠草花 tī 南爿足僫見，若是超市有 teh 賣 mā 是按北爿車落來，這个現象 m̄ 知佮南爿敢若較愛食肉 ê 喙斗敢有相干，起因德國南爿 mā 無啥好款著新沢 ê 紫頭菜，是講這是我個人經驗無表示規个德國南爿齊攏按呢生。

第一斗 tī 臺灣看著人寫「甜菜根」是 2010 無事踅網路見著 ê 字名，彼陣我一直掠做伊是德文 ê Mangold 台語 ê 牛皮菜(這久揣資料 tsiah 發見華文 mā 寫牛皮菜/ㄋㄧㄡˊ ㄆㄧˊㄘㄞˋ)押尾實在足好玄是按怎一陣人講這牛皮菜好食就揤落去讀，無讀 buē 講家己是 m̄ 捌字 buē 博假博，讀煞 tsiah 發見「甜菜根」是見去德國攏 ē 相拄搪 ê Rote Beete。

不過，彼陣 ê 我 m̄ 捌行灶跤 mā 看罐頭食食無目地，sóo-tí 自行踏德國到認捌 Rote Beete 就是甜菜根，我 m̄ 捌食伊一喙過。

2011 年兜阿母 mā 轉去塗州賣鴨卵，我開始學行灶跤，按臺灣行到德國 uī-tio̍h buaih 佮翁冤家量債，我開始 kā 窒倒街 ê 罐頭櫼入目墘，是講 mā 是家己手藝無夠好，款 ê 物無合翁 ê 喙斗，這就是我佮紫頭菜第一斗 ê 相拄搪，總是伊就 tshan-tshiūnn 我第一斗 ê Kiss 遐爾仔恐怖，我 m̄ 知影是按怎 Kiss 愛食人 ê 舌 mā 愛食人 ê 瀾，總是第一斗食罐頭 Rote Beete 就佮 Kiss 徛仝味攏是拒絕戶，一直到 2020 搪著按法國來 ê 紫頭菜 tsiah 閣發水泱，總是彼陣 ê 我 kā 落落長 ê 紹介看做伊是按「България」來，是講我是按怎看做保加利亞，歲愈 tsuē 愈無頭神，毋知，總是這久翻頭想凡勢佮國際編碼有相干，像人 tī 立陶宛 bué 物件 mā 是 ka̋ng lt 看做 it....立陶宛成做 I-tá-lih，by(Белару́сь/白俄羅斯) 看做 bg(保加利亞)。

德國紫頭菜大部份是罐頭裝，真罕得有真空包裝，sóo-tí 當我搪著這款包裝又閣是按保加利亞來(我真愛保加利亞 ê 山羊優格)隨捾一包轉來試，紲落來閣去捾一包 hōo 翁好玄綴 leh 讀紹介講「你是賣麵 ê 看人撒(suah)油，大細心，佮 gún 德國人相𫝛法國來 ê 物就是好食物。」

法國？我當時有遐爾仔好額通款厝邊來 ê 食物，隨餾紹介，阿娘喂，正經是法國來 m̄ 是保加利亞，是講這久 mā 敨開仝包裝按荷蘭、德國來 0.99€是按怎比物價較低 ê「保加利亞」1.29€ ê 無合理。

就按呢紫頭菜成做竹篙尾纏麵線按呢佮我膏膏纏，三不五時就傱去 kan-ta 伊有 teh 賣這味法國味 ê 超市款紫頭菜轉來食。 

頂站仔 m̄ 知敢是電視節目影響，南爿 mā 開始出現新沢紫頭菜，頭殼隨想著𫝛款 tī NDR 見著 ê 紫頭菜 Pizza 佮紫頭菜菜蔬烘，隨款幾粒轉來試紫頭菜烘，第一斗試就牢牢牢，總是我嫌排花䆀就 kā 翕好 ê 相片擲糞埽桶倒掉，第二斗閣試猶是無滿意，不過我清楚知影這个問題 m̄ 是按紫頭菜遐來，是我家己傷過頇顢 sóo-tí m̄ 通閣嫌伊面肉䆀，另外我靈感 kā 我講這斗閣擲糞埽桶就無通閣攝相，靈感正經有聖，自這斗到今無地 bué 新沢紫頭菜轉來烘。

紫頭菜按瑞典來，m̄-koh 聽瑞典朋友講𪜶無啥 leh 食，我想伊應當是瑞典 ê 豬母菜 a.k.a 豬母奶 ê 無人緣，需要商業倒推捒，總是我想瑞典人 tuì 伊應當 mā 是像咱臺灣人一想著番薯葉就隨越頭仝款，是講德國人 tuì 紫頭菜敢是這款想法，我無研究，總是我知影德國人真愛 Fast Tag(Fast 一語做兩語，德語：齊是，英語：速食) sóo-tí 這久 teh 推捒 Fast nix Tagen(m̄ 通齊食速食)，我 bué ē 著新沢紫頭菜 mā 拄好是 Podcast 佮電視大力推捒 ê 期間。

M̄ 知底時閣有機會佮新沢紫頭菜相拄搪，總是有記錄後回再相見 tsiah 有資料通請教 ê 愛學 ē 曉看內才 m̄ 是看肚臍。

華語「甜菜根」是按怎我 bueh kā 號做紫頭菜，起因向辭典請教「蕪菁」，辭典 hōo 我「大頭菜」我就 kā 伊號做紫頭菜，起因伊 tuì 我來講是紫色，準做德文 kā 伊分類 tī Rot(紅色) m̄ 是 Lila(紫色)。

本底 m̄ 是 bueh 款這項做早起頓，總是世間事 hōo 我 buē 按算，就愛學 ē 曉按怎佮紅龜生蟲，龜怪兼 A-ta-mah-khòng-ku-lī ê 家己鬥陣。

本成 ê 計劃是烘菜爌佮じゃがいも配 Kam-má-tooh 醬，菜蔬𥴊仔蓋一掀隨見著沓沓仔 teh 收水 ê 美國茄隨綴神明 ê 意思，「豬換狗，阿玉 á 換阿斗」(鄉史補記，陳雷◎著)。

菜擴 Papa 換美國茄隨想著今仔日 bueh 食 ê 熱量昨昏已經掠 hōo 正，這久雄雄 kā「換柱」敢 buē 成做阿倫仔穿美國西裝按呢傷過大軀(輸）？

一想著咱「柱柱姊」面對七个人睏兩頭，顛三倒四 ê 繼續佮𪜶九个人分十塊粿 ê 有冗(量)，我 mā 綴 leh 有量，若是磅仔 bueh 起磅就 kā 伊想做 Hagel bueh kā 我引𤆬做哲學家「Die Weltgeschichte ist der Fortschritt im Bewusstein der Freiheit」世界歷史是自由意識 ê 進步。

L'essentiel est invisible pour les yeux

我 ê 過去敢有進步？遮 ê 過了代佮未來敢有法度 iōng 目睭看？

𠊎毋知，總是 Friedrich der Große mā 分張按怎佮拗鬱鬥陣 ê 智慧「..., den hier mus ein jeder nach seiner Fasson Selich werden.」Tī 遮 ê 每一个人攏愛據伊 ê 本性得著快樂。

我確實想 bueh 食美國茄，總是美國茄是瘦田𠢕欶水 ê 𠢕食油，按呢我愛按怎做 tsiah-buē hōo 家己佮翁 ê 數字成做 kā 啞口問路 ê 無彩工，畢竟我 m̄ 知影循希臘做法煎美國茄，伊敢猶有法度維持本底 hōo gún 食 m̄ 驚 ê 100g/25kcal。

是講一直提醒家己 m̄ 通遮愛纏綴翁𪜶爸母 ê 性地愛講人尻川後話，總是這段 m̄ 是尻川後話，絕對 m̄ 是，伊是舉例。

Gún 翁𪜶老母捌 uī-tio̍h 煎美國茄 hōo 愛食茄 ê 囝食，kā 一罐 500ml ê 橄欖油煎甲焦。 

是按怎愛按呢煎，這就佮個人 tuì 希臘料理 ê 認捌有相干，像「上蓋重要的物件，用目睭是看袂著的」(小王子，前衛出版)，希臘人按怎料理美國茄，我是綴著尾名 hōo 人剾洗得著一隻豬(Schwein gehabt) ê 人仝款，學習德文期間有機會搪著厝內遠近就若大膽小膽這兩島佮中國大陸遠近相仝 ê 希臘同學伊 ê 分張。

是講我ひき肉 mā 褪冰，100g/234kcal ê 伊 mā 愛算在內，含水碳素 I-tá-lih 麵 100g/358 ~ 362 kcal，160g/579kal，ひき肉 200g/468kcal，這兩項加起來就 1047kcal，這久 ê gún 綴宋晏仁醫生分張 ê 食1400kcal/日，是講 1400kcal 正經有較少寡，sóo-tí 我掠 1500kcal/日，按呢 ê 鬥搭無敆翁 ê Naschkatzen(著甜路災 ê 人)暗頓差不多愛做牛羊....我 buaih!!!

當我猶閣纏綴翁𪜶老母 ê 手路，講台語 ê Le Petit Prince 出聲 tuì 我講「上蓋重要的物件，用目睭是看袂著的」隨脆力(tshè-la̍t)按頭殼額𢼌落去，我呔無想著彼位古錐希臘同學𪜶兜仝面肉無仝性地 ê 雙生仔。

感謝講台語 ê Le Petit Prince hōo 我看著 Run buē kan-ta 想著減一點 ê 潤(rùn)。

--- 2023.07.23 熥舊文添新思

紫頭菜塗肉林檎烘

...... 材料 ......

紫頭菜，切片　2

馬鈴薯，切橛　5

羅馬萵仔菜　

蒜頭，刴幼　

芳料草

油　

鹽、胡椒

...... 步數 ......

1. 除了羅馬萵仔菜，其他 ê 材料齊濫做伙，落烘箱捘200度烘40分鐘。

2. 羅馬萵仔菜濫落去，樂暢來食。

(22.01.2024 Frühstück Ofenkartoffeln mit Rote Beete  - Panierter Fisch -  Spiegelei - Schnittlauchsoße - Joghurt/1032kcal)

Ich wollte das gleich Rezept Auberginen mit Nudeln und Gemüse wieder machen, aber leider, ich habe keine interesse an dem Rezept mehr.

Dann ändere ich das Rezept, das ich im Fernsehen gesehen habe, obwohl das Originalrezept Pizza ist.

Mein Leben mit die Pizza ist wie Magensauer im Hals, genug!

Aber das Rezept ist noch interessant für mich, besonders, rote Beete im Ofen überbacken.

Dann suche ich das Rezept über rote Beete, oje, das ist eine gute Idee mit den Kartoffeln und Salat, und das ist wirklich lecker, aber ich weiß nicht warum, meine Kartoffel möchte wie rote Beete sein, weil auf den Bildern, Kartoffeln ist noch Kartoffeln so gelb, aber meine Kartoffeln ist so pink wie meine Schulausaufgaben, die Leherin sagt kein Farben über deine Kleidung, aber mein Kleidung ist immer, ja, immer, mein Kunst sieht immer wie Färberei aus.

Wahrscheinlich, ich habe das Problem mit meiner Kunst, deshalb heirate mit meinen Mann. Oh, warum, ich habe den Vorschlag des Lehrers nicht gehört.

Meine erste Idee ist Spaghetti mit Pesto.

Aber, wenn ich das Gemüse nehme, ich finde die Auberginen, sind schon weich.

Sofort ich denke das Frühstück muss wechseln.

Aber, ich möchte die Nudeln essen und die Auberginen brauchen viel Öl, das bedeutet nachdem Frühstück keine Nachtisch und Abendessen auch nicht.

Mann...

Was kann ich tun.....

Ich bereite Zwiebel, Bohnen... vor

Äh......oje.....Mousaka

Ich erinnere mich den Tag, was der Griechische Freund sagt.

Ich liebe Mousaka, aber ich möchte nicht dicker werden.

Dann mache ich Auberginen mit Salz und warte 10 Minuten bis 20 Minuten, dann Öl abtupfen zum Braten.

Das wird mir helfen, weniger Kcal aufzunehmen.

Oje, das ist eine super Idee.

Das braucht bisschen Zeit, aber funktioniert so gut.

Weil nach dem Kochen, dieser Teller hat nur 566kcal.

Wir haben den Platz noch um Naschkatzen zu sein.

Ofenkartoffeln mit Rote Beete

...... Zutaten ......

Kartoffeln in 1/2 cm dicke Scheiben schneiden　5

Rote Bette in 1/2 dick Scheiben schneiden　2

Romanasalat

Fein gehackter Knoblauch

Kräuter

Öl

Salz, Pfeffer

...... Zubereitung ......

1. Die Zutaten ohne den Salat gut vermischen, im Backofen bei 200°C Ober-/Unterhitze 40 Minuten backen.

2. Salat dazugeben und gut mischen. Guten Appetit!

I wanted to make the same eggplant with pasta and vegetables recipe again, but unfortunately, I'm no longer interested in the recipe.

Then I change the recipe I saw on TV, although the original recipe is pizza.

My life with pizza is like sourness in my throat, enough!

But the recipe is still interesting for me, especially baked beet in the oven.

Then I look for the recipe about beet, oh my, that's a good idea with the potatoes and salad, and that's really delicious, but I don't know why, my potato wants to be like beet, because in the pictures, potatoes is still potatoes so yellow, but my potatoes is so pink like my schoolwork, the teacher says no colors about your clothes, but my clothes is always, yes, always, my art always looks like dyeing.

Probably, I have the problem with my art, that's why I'm getting married to my husband. Oh, why, I didn't hear the teacher's suggestion.

My first idea is spaghetti with pesto.

But when I take the vegetables, I think the eggplants are already soft.

Immediately I think breakfast has to change.

But, I want to eat the pasta and the eggplants need a lot of oil, which means no dessert after breakfast and no dinner either.

Oh my dear...

What can I do.....

I'm preparing onion, beans ...

Uh ...... oh dear ..... Moussaka

I remember the day what the Greek friend said.

I love Moussaka, but I don't want to get fat.

Then I make eggplant with salt and wait 10 minutes to 20 minutes, then dab off oil for frying.

This will help me get less calories.

Oh dear, that's a great idea.

It takes a little time, but it works so well.

Because after cooking, this plate only has 566kcal.

We still have the space to have a sweet tooth. 

...... Ingredients ......

Potatoes cut into 1/2 cm thick slices　5

Beetroot cut into 1/2 cm thick slices　2

Romaine lettuce

Finely chopped garlic

Herbs

Oil

Salt ＆ Pepper

...... Method ......

1. Mix the ingredients well without the salad, bake in the oven at 200°C top/bottom heat for 40 minutes.

2. Add the salad and mix well. Bon appetit!