亂皂𥴊仔店 ⓂⒺⒾⓃⓀⒾⓄⓈⓀ

(2024.04.25 早起頓 韭蔥荷蘭豆雞肉滷 + 糙米飯 + 俗麭 + 優格/1042kcal)

我愛食德文 uī-tio̍h bueh 區別蔥仔佮大蔥(我囡仔時攏聽序大按呢講) Porree，m̄-koh 翁嫌伊䆀味一直 m̄ 食 ê 韭蔥。

近來，凡勢真心接受食食是藥，灶跤是藥房伊開始接受這項 hōo 伊嫌甲臭頭 ê 韭蔥講「伊正經蓋好滋味，著時咱愛捷捷款轉來料理」。

往過聽伊按呢講我無講寡食甜食鹹，臭跤鼻臁(liâm) ê 話，我 ē 著蛆，這久我 buē 閣按呢做，起因我一想著家己 mā 愈來愈像𪜶兜 ê 副本，我就交懍恂。

Sóo-tí 自頂回好好仔佮伊斟甌仔茶講古，我就決定 buaih 閣纏綴過了代佮成做我家己 mā 無想 bueh 反 ê 天公伯 ê 數簿，大冊(慼)。

我 mā 確實無閣行這條路，像拜四伊家己 bueh 來車站接我去 bué 菜，轉來看著厝門口 ê 車位 hőng 停去隨講「後擺你愛較早寡」。

往過聽著這句話我 ē 一間貨賣了了佮伊冤甲通霄 m̄ 放伊煞，因為無想 bueh 成做𪜶兜 ê 副本，我恬靜無應話 kā 物件一項一項捾落車 mā 捾入厝排好勢，斟一甌茶等伊轉來。

伊門一拍開我知影伊 mā 發現問題想 bueh 會失禮，總是伊猶原愛纏綴爸母 ê 神魂承爸母 ê 瀾「後禮拜仝款落雨，咱駛車去 bué 菜」。

往過，往過，往過，我無可能按呢應話，水潑落地 buē 收回，我猶是 kā 潑出去 ê 水撈轉來，準做自囡仔時著 hőng 訓練有耳無喙較 buē 惹代誌，我 ê 14 聽著別 ê 囡仔講寡 543 耳仔隨臭耳聾，目睭隨起雺霧看 buē 著𪜶 ê 功夫。

總是，伊是翁 m̄ 是遐 ê 囡仔抑是𪜶爸母，我愛敨中氣抑無 ē 致病，m̄ 通。

伊看我無應話閣斟一甌茶坐 tī 食飯桌等伊，伊 mā 知影某有代誌 bueh 佮伊參詳。

 「我真正無遐爾仔荏身命抑是珍貴需要你來接我，自明仔載除了做伙出門行跤花，我 buē 上你 ê 車 hōo 你齷齪」話聲猶未落地，我隨感動甲目墘澹，因為我是遮爾仔平靜。

翁見某無 kā 𪜶爸母絞入來 mā 真 buē 慣勢，不過伊知影這表示伊若 bueh 繼續承爸母 ê 癖，gún ē-tàng 隨神歸龕(kham)，佛歸廟，隨人付米，隨人落鼎。

「我無.....」當伊準備 bueh 繼續成做囡仔和尚唸經，有口無心，我恬靜食一喙茶，目大力褫甲若牛目講「我先會失禮 mā 無愛熥這件代，總是有口無心 m̄ 是一支喙一直講我 uī-tio̍h 伊款 I-tá-lih bé-khòng 麵，伊煞無理解我做人老母 ê 愛，按呢無尊存 kā bé-khòng 一塊一塊揀出來 ê 掠做水鬼諞(pián) ē 過城隍」。

我無講𪜶爸母 ê 尻川後話，無，無，無，m̄-koh 我需要一銃得紅心 ê 例，這个例上合軀。

聽我按呢講，翁無閣老歲仔穿針，揣空揣縫講寡 Ich mache kein Käse(德國俗諺語 Wir machen kein Käse)，我 mā 無閣一粒田螺煮九碗湯按呢無味無素直直煮，kā gún 2人拍一个噗仔，O~JE。

這是一个好吉兆，感謝韭蔥，感謝停車位，感謝家己成做挩窗擺撥鬼王。

德文 ê Porree 是按拉丁語 Porrum 來，不過 mā 是有人 kā 伊號做 Lauch，咱講 ê 蔥仔，不過這較少人講，我想這佮人類佮意分類有相干，Porree tī 德國 ê 歷史偌久長，我 m̄ 知影，總是我發見，德國人搪著 Porree mā 有這个古錐 ê 問題，伊是查埔 der，查某 die 抑是無分類 ê das ê 想法無相仝，準做有政府訂 ê 答案，tsuet-sue 人 mā 是照家己 ê 語感 teh 講，像 Butter，我蹛 ê 角勢慣勢講 das Butter m̄ 是課本 ê die Butter。踅轉來講韭蔥，我囡仔時隔壁厝邊是山東人，伊攏講 Porree 是「大蔥」日語捌無 tsuē 總是猶是講甲比華語較好 ê 阿母講「大蔥仔」，這久揣資料發見有人講 Leek/Porree 佮咱亞洲食 ê「京蔥」、「東京蔥」、「甜蔥」真相仝 m̄-koh 是無相仝 ê 物，斟酌綴資料看形體 mā 正港是無相仝，我 m̄ 是植物抑是食食專家捎無摠，總是我參考 Wiki ê 資料 kā 伊號做「韭蔥」，因為伊食起來正經 hōo 我想著大麵焿 ê 韭菜芳。

寫到遮 mā 感謝利便網路 ê 網路，起因我正經無烏白亂講彼是大蔥，m̄ 是「大蒜」。

烏貓姊年間男朋友愛食大蔥，我 kā 講彼是大蔥，伊講我 m̄ 捌，無智識，彼號做「大蒜」，我較按怎無智識猶是有法度區別蒜頭佮蔥仔佮𪜶 ê 華語按怎講，總是搪著事項攏我講了齊著 ê 人，我 mā 無興趣佮伊盤話看 tsiâ 較𠢕，像昨昏翁又閣 teh 講愛捷出門動一下 tsiah 有法度糋膩瓤，我開喙講「Nein」就無紲伊 ê 話題，不過「你有你 ê 認定」結束討論。

捷出門動一下喙 m̄ 噤若是有應效就 buē 一陣人猶是成做茶鈷呻 buē 離「呔無法度消風」，另外膩瓤收冬到今倚 bueh 3 冬 ê 成果，你若認為是伊出門動一下 ê 成果我 mā 據在伊去夢 buaih kā 攪吵，我 ê 天公伯又閣寫寡 543，總是這是我 ê Blog，這久寫遮 ê 事項 kan-ta bueh 記錄感謝生份人 ê 分張，因為分張 hōo 我認捌閣較 tsuē ê 智識，tshan-tshiūnn ' Welsh onion ' 我一直掠字 kā 認為伊是 Leek 另外一款講法，因為「京蔥」hōo 我又閣成做一隻貓開始請教 Allwissend/Omniscient/萬事通 ê 網路，得著伊是原生中國 ê 英文四常稱號是 Welsh onion 佮 Scallion 是無相仝 ê 物 mā 引𤆬我認捌德文 ê Lauchzwiebel 是佗一類佮是按怎 ē 加一句 ' Zwiebel '(洋蔥) mā 順紲牽線解答捷 hōo 我捎無摠 m̄-koh 齊 kā 算 tī 蔥仔 ê Frühlingszwiebel 佮 Winterzwiebel。

--- 2024.3.12

提醒翁想 bueh 翁某感情行透尾，頭殼雄雄閃過這句話。

我勸你 m̄ 通遮爾仔展風神，遮有 tsuē-tsuē 𠢕人。

M̄-koh，你 ē-tang 來我遮揤讚學習。

這句看起來若好心點拄咱愛知影輕重 ê 牛 m̄ 通𠢕行，人 m̄ 通出名若 ē 遮爾仔火燒豬頭 ê 面熟?

越轉身看齷齪隨笑出來，起因我揣著 hōo 火燒著 ê 豬頭。

「你 ê 耳仔敢是馬仔耳」我講。

聽我餾「吟詩作賦北窗裡，萬言不直一杯水。世人聞此皆掉頭，有如東風射馬耳」聽甲 buē 曉講 mā 知影我 teh 剾洗一耳空入，一耳空出 m̄ 敢出聲以避免厝內無人扞鼎。

「我 tuì 耳仔生兩葉，家己看 buē 著無意見，總是翁某 m̄ 是相欠債抑是愛十喙九尻川，特別是一个人盤十喙」我講。

「我 m̄ 是天霸王愛捎石頭硩毛蟹抑是掠做家己是阿兄蹛樓頂 ê 哥哥(高高)在上.....」

翁那講那䀐我 ê 表情，看我我聽你 teh 青盲 ê 放炮，烏白彈清楚知影閣講落去 kan-ta 柴樠點火較光油隨講「你 mā 知影我是囡仔和尚唸經，有口無心...」

西元 ē 增加，我 ê 修養 mā 是，往過真𠢕啉滾水囥茶米火大佮徛冰箱底佮伊講話 ê 冷言冷語成做一个目神送 hōo 你 ē-tàng 一條索仔繼續拍百个結莫 kā 敨。

「我真正無彼个意思」伊手倚過來想 bueh 迵過這个動作知影我 ê 火燒到佗。

人生 ê mǹg-sǹg 搪 tsuē 準做火燒甲尻川 mā buē 出聲兼家己燒香 buē 講歹話來佮對方比賽 tsâi 較𠢕做妖魔鬼怪。

翁發現伊 ê 暝尾戲無法度閣繼續搬，知影 m̄ 通繼續請鬼拆藥抑是 kā 伊 mā 無佮意煞一直撏牢牢 ê 藥店甘草𫞼 tī 厝 m̄ 擲「相信我，我 bueh 佮你大麵炒圓仔，膏膏纏一世人，總是我 mā 足火大家己逐擺攏按呢生，我 kā 你會失禮。」

「相信我，我 mā 無愛豬八戒拜天公，家己刣家己，總是咱有家己 ê 家庭，咱愛要意咱家己 ê 問題 m̄ 是捎別人 ê 問題來佮咱大麵炒圓仔，膏膏纏。另外，我無要求啥物，總是一句歹勢就 ē-tàng hōo 咱 ê 感情繼續柴樠點火較光油 m̄ 是比賽啥人較𠢕𫞼路燈，一葩火」我講。

正經，我無求伊啥物，總是我慼伊 kā 𪜶爸母 ê 喙鬚貼膏藥，有毛病當做是聖旨來扶。

「咱爸母需要去看心理醫生」這句話是𪜶小妹家己講出喙 m̄ 是我，我這久只是循這句來表達我無法度承𪜶爸母 ê 喙斗，sóo-tí gún 翁 ē-tàng 放棄這个想法，若是伊想 bueh 佮我繼續大麵炒圓仔，膏膏纏一世人。

--- 熥舊文添新思 2022.11.22

韭蔥紅菜頭雞肉滷

...... 材料 ......

韭蔥，切塊　250g

雞襟胸　300g

荷蘭豆，切橛　200g

洋蔥，刴幼　1

芥辣醬　1TL

滾水

酸 Khu-lì-mù　100g

蒜頭，剁幼

鹽、胡椒

...... 步數 ......

1. 雞肉落鼎炒 hōo 赤赤，提出來。

2. 洋蔥、蒜頭落鼎炒芳，韭蔥、芥辣醬濫落去炒芳。

3. 滾水、酸 Khu-lì-mù 濫落去，煮 10 分鐘。

4. 雞肉、荷蘭豆濫落去，煮 5 分鐘，tiàu 寡鹽、胡椒，樂暢來食。

(25.04.2024 Hähnchen mit Porree und Zuckerschoten - Reis - Toastbrot - Joghurt/1042kcal)

Was soll ich es sagen?

Endlich, der Porree zuhause!!!

Ja, mein lieblings Gemüse ist jetzt zuhause, endlich!!!

Das ist eine gute Zeichen!

Ich wollte den Artikel löschen, aber wenn ich ihn lese, muss ich ihn behalten.

Weil, das bedeutet wir sind langsam ok, ich hoffe!!!

Ja, ich hoffee, mein Mann ist nicht mehr Mama Boy, obwohl er mir sagt, nein, ich bin kein Mama Boy, aber, doch!

Vor allem Persönlichkeit, alles ist die Schuld von jemandem, nicht meine Schuld.

Und, ich frage mein Mann, Porree die, der, das?

Ich weiß nicht, sagt er.

Ich bin ein Ausländer, mein Deutsch ist besser als seins, weil ich weiß, dass der Porree.

Ich liebe das Porree!!!

Porree du bist die der das?

Es ist mir egal, ich bin Porree.

Ja, mein Mann sagt, nein in Norden, die Menschen sagen das Porree.

Deutschland hat Problem wie wir. Was ich gelernt habe, jetzt viel Kinder mir sagen, das ist FALSCH.

Naja, es ist mir auch egal!

Weil, mein Muttersprache ist kein Mandarin.

Porree, egal du bist die, der, das, du bist mein Zelle, ich liebe dich!

Wir müssen das machen...

Wenn mein Mann spricht wie seinen Eltern Styl, " weil ich liebe dich deshalb möchte ich das machen ". 

Ich denke an die Frau aus Facebook.

Ich kenne sie nicht, aber wir waren in gleich Gruppe, Kochgruppe.

Ich schlage dir vor, hier nicht so anzugeben weil hier sind so viele bekannte Leute, aber du kannst meinen Blog besuchen.

Errr...

Das ist ein Vorschlag oder Werbung?

Ich weiß nicht, aber ich weiß es daß sie viele Beschwerden hatte.

Sie Beschwerd sich das die Leute sie nicht kennen. Sie Beschwerd sich das die Verleger sie nicht sehen. 

Sie Beschwerd sich warum die Leute die nicht besonders sind, aber  bekannt, auf Facebook, IG, Blog.

Aber sie ist noch niemand.

Warum, ich bin so gut, meinem Mann aus UK blah blah blah...

Ich weiß nicht, warum ich denke an sie wenn mein Mann den Styl von seinen Eltern kopiert hat.

Aber, ich weiß ich mag den Styl nicht.

Sagt, ich liebe dich, aber wirklich ist, ich sage so, " don't let me down und don't let me get angry ".

Du kannst Ohren wie Pferd haben, alles klar.

Aber, ich bin Nikolaus aus SWR3, ich bin fertig, weil meine Nase ist voll.

Ja, ich bin so müde die Dinge zu wiederholen und wiederholen.

O, ja...

Ich weiß nicht was passiert für die Frau.

Weil ich bin nicht mehr auf Facebook.

Aber, wenn ich an sie denke, ich möchte sie meinem Mann Mutter vorstellen. 

Weil, mein Mann Mutter denkt sie ist auch super.

Oh, schade, mein Mann hat falsch Frau geheiratet.

Hähnchen mit Porree und Möhren

...... Zutaten ......

Porree in Stücke geschnitten　250g

Hähnchenbrust in Stücke geschnitten　300g

Zuckerschoten in halbe Stücke geschnitten　200g

Fein gehackte Zwiebel　1

Senf　1TL

Wasser

Sauerrahm　100g

Fein gehackter Knoblauch

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Porree dazugeben und anbraten bis sie goldbraun sind.

3. Wasser mit Sauerrahm und Senf dazugeben und gut mischen, ca. 10 Minuten kochen.

4. Hähnchen mit Zuckerschoten dazugeben und gut mischen, ca. 5 Minuten kochen.

5. Mit Salz und Pfeffer abschmecken. Guten Appetit!

(25.04.2024 Chicken with Leek and Snow Pea - Rice - Toast - Yoghurt/1042kcal)

What should I say?

Finally, the leek at home !!!

Yes, my favorite vegetables are now at home, finally !!!

This is a good sign!

I wanted to delete the article, but when I read it, I have to keep it.

Because, that means we are slowly ok, I hope !!!

Yes, I hope, my husband is no longer Mama Boy, although he tells me, no, I'm not a mom boy, but, yes!

Above all personality, everything is someone's fault, not my fault.

And, I ask my husband that leek in German is die or der or das?

I don't know, he says.

I am a foreigner, my German is better than his because I know is ' der Porree ' the leek.

I love das Porree, the leek!!!

Leek which one your are, die der das?

I don't care, I'm leek.

Well, my husband says no in the north, people say das Porree, the leek.

Germany has a problem like us. What I have learned, now a lot of children tell me that is wrong.

Well, I don't care!

Because my mother tongue is not a mandarin.

Leek, no matter you are die, der, das, you are my cell, I love you!

We have to do this...

When my husband talks like his parents style, "because I love you that's why I want to do this". 

I think of the woman from Facebook.

I don't know her, but we were in the same group, cooking group.

I suggest you don't brag here because there are so many famous people here, but you can visit my blog.

Errr...

Is that a suggestion or advertising?

I don't know, but I know she's had a lot of complaints.

She complains that people don't know her. She complains that publishers don't see her. 

She complains why people who are not special but known, on Facebook, IG, blog.

But she is still nobody.

Why, I am so good, my man from UK blah blah blah....

I don't know why I think of her when my husband copied the style from his parents.

But, I know I don't like the style.

Says I love you, but really is, because i say so and "don't let me down and don't let me get angry".

You can have the ears like horse, that's fine for me. 

But, I'm Nicholas from SWR3, I'm done, because my nose is full(Enough!).

Yes, I'm so tired of repeating and repeating things.

Oh, yes...

I don't know what's happening for the lady.

Cause I'm off Facebook.

But, when I think of her, I want to introduce her to my husband mother. 

Because, my husband's mother thinks she's great too.

Oh, too bad, my husband married wrong woman.

Chicken with Leek and Carrots

...... Ingredients ......

Leek cut into pieces　250g

Chicken cut into pieces　300g

Snow pea cut into pieces　200g

Finely chopped onion　1

Mustard　1TL

Water

Sour cream　100g

Finely chopped garlic

Salt,pepper 

...... Method ......

1. Put the chicken in the pan and fry until golden brown, then take it out.

2. Put the onion with a garlic in the pan and fry until they are golden brown, add leek fry until they are golden brown.

3. Add the water with sour cream and mustard and mix well, cook for about 10 minutes.

4. Add chicken with snow peas and mix well, cook for about 5 minutes.

5. Season with salt and pepper. Enjoy your meal!