一直有這个慣勢，看佮意抑是有興趣 ê 物就 kā 楔一張紙做記號。
這出菜自德國宣佈封城 hōo 我楔一張紙做有興趣料理 ê 提醒到今 m̄ 捌反過一斗，主要 ê 因端猶是網路太利便，利便甲準做食譜冊有媠媠 ê 相片 mā buē 起心動念 kā 翻一个仔身。
總是，網路猶是較攑香綴拜相趁相喊 ê 環境，一出菜準做美味しい無數字 kā 伊鬥讚聲，準做媠甲若玫瑰猶是比 buē 過圓仔花 ê 無較縒。
DAS GOLDENE KOCHBUCH 食譜冊是 tī 遮登記家甲市政府送 ê 伴手禮，菜譜百樣豐沛不過無啥相片就 hōo 我一直冷凍 tī 廚房 ê 冊櫃。
疫情進前猶有手面趁食通倚靠 ê 我，因為無法度閣自在冇手 tī 網路隔海款菜就開始綴廚房 ê 食譜冊行尞行跤花，這出菜就是按彼當時行出來 m̄-koh m̄ 捌綴 leh 栽 ê 一蕊花。
這站仔 tuì 三頓攏纏綴網路栽花栽欉感覺薄略仔𤺪就踅翻頭請教遮 ê 食譜冊，那讀遮 ê 食譜冊，我 mā 那發見家己 ê 紅龜 teh 生蟲，真龜怪。
我無法度斟酌甚至撥寡耐性 hōo 網路作者綴𪜶 ê 舌綴𪜶 ê 脾土成做一隻貓綴 leh 好玄行跤花，當遮 ê 舌遮 ê 喙斗成做厝瓦相扯 ê 食譜冊，我真享受佮𪜶敆一杯茶沓沓仔行尞，這个發現 mā hōo 我踅翻頭愖另外一个症頭，我無法度聊聊仔綴網路百樣信息行尞抑是勻勻仔讀一篇網路文章，m̄ 管啥物文體。
按呢 ê 四常若較孤𣮈，總是隨人有隨人 ê 自在佮脾土，我愛這个孤𣮈。
德國 Hamburg 是英國 The Beatles 起家角勢，是 Olivia Jones ê 出名地 mā 是歐洲重要 ê 海港。
早前飛來德國談戀愛捷愛綴翁上北娛樂𪜶爸母，sóo-tí 漢堡 tuì 我來講 buē 生疏，總是我 tuì 漢堡 ê 認捌 mā kan-ta 停跤 tī 過海磅空(St, Pauli-Elbtunnel/1911開放通行)佮 hōo The Beatles 出名 ê 紅燈區/Rotlichtviertel - Reeperbahn, St. Pauli。
講捌行過這兩个所在窮真 mā 無影無跡，起因我 ê 過海磅空是高速公路 hōo 車經過 ê 磅空 m̄ 是成做觀光保護區 ê St. Pauli-Elbtunnel，想 bueh 綴 The Beatles 慢慢仔行尞 tī Rotlichtviertel mā 因為 m̄ 通 hōo gún 爸母無歡喜，咱愛緊去娛樂𪜶，停睏無到半點鐘就繼續上北 ê 到今 tuì 漢堡上深 ê 印象 kan-ta 按市長成做總理 ê Olaf Scholz。
遮 ê 問題窮實有法度解決，總是當一个人願意 kā 別人 ê 情緒叨撚縛 tī 家己 ê 身軀惜命命彼就是另外一回事，這久 ê 我 kan-ta ē 講，猶無好好去行踏漢堡 kan-ta 這「貧惰」，不過過站仔 bueh 上北瑞典車日子，漢堡凡勢 mā-ē 算在。
漢堡是德國少數倚海 ê 聯邦角勢，所以愛食魚 ê 我，車一駛到漢堡我隨要求翁停車 hōo 我揣 Fischbrötchen，準做我無愛食 Fischbrötchen，人一到遐就是 ē 自動停跤揣家鄉 ê 氣味 --- 魚臊。
論真講平平倚海 ê 魚麭𩛩，丹麥、德國、荷蘭、波羅的海三國，我攏佮意唯獨德國到今食 buē 敆喙，食 buē 敆喙 m̄ 是德國䆀味是當你願意克虧家己，人生有 14 ê 五彩自然 buē 出現，總是遮 ê 克虧已經真久 m̄ 捌出現。
食譜冊紹介伊是漢堡經典食食，盤 ê 魚臊跟綴討海人 ê 收成，sóo-tí 你永遠 m̄ 知影今仔日 ê 煎魚盤是啥物魚。
我蹛南爿，魚臊較無市草，準做有市草 mā 鞏金 hōo 我 bué buē 冇手，這斗就趁三文魚大落價綴家甲紀念品出一盤屬於我家己 ê 漢堡煎魚盤，美味しい甲 m̄ 免翁 kā 我褒唆，我家己褒唆。
食譜冊是內容是魚敆 Bé-khòng，我無愛食 Bé-khòng mā 無愛大主大意 kā 人 ê 經典改甲若中國糜鹿(四不像)就請教 Google 大神，伊敢 kan-ta 這个面肉，大神 hōo 我非常確定 ê 答案，無。
我就順眾家手路菜 ê Pannfisch 敆食譜冊成做我家己 ê Pannfisch --- 櫻桃菜頭做 Bé-khòng，瓜仔哖加摻寡成做菜蔬比果子較 tsuē 寡 ê My Plate 。
...... 材料 ......
三文魚，切塊 250g
馬鈴薯，切塊 500g
洋蔥，切幼 1
滾水 400ml
麵粉 20g
Khu-lì-mù 100g
芥辣醬 1EL
瓜仔哖，切塊
櫻桃菜頭，切塊
蒜頭，刴幼
蔥仔，刴幼
芳料草
鹽、胡椒
...... 步數 ......
1. 三文魚落鼎煎 hōo 赤赤，提出來。
2. 洋蔥、蒜頭落鼎炒芳，馬鈴薯濫落去炒 hōo 芳，滾水淋落去，崁蓋煮 20 分鐘。
2. Khu-lì-mù、芥辣醬、麵粉濫落去抐 hōo 牽羮，三文魚濫落去搜齊，tiàu 寡鹽、胡椒。
3. 櫻桃菜頭、瓜仔哖、芳料草掖落去，樂暢來食。
Seit der Pandemie, seitdem Lachs auch Corona Virus aus China hat, ich habe die Idee, das Rezept zu probieren, aber leider... mein Auge isst mit Internet die meiste Zeit.
Ja, Handy ist leicht und leicht zu tragen und wichtig, das Bild ist immer dabei.
Ja, ich brauche nicht vermuten, Wahrscheinlich, das Gericht sieht so aus.
Ja, ich muss ein Muse sein, und ich habe das Problem, ich habe keine Kunstzellen.
Den Tage, ich habe nichts zu tun, ja die meiste Zeit lese ich das Rezept, wenn ich habe nichts zu tun oder kein neues Rezept gefunden.
Ich gucke das Regal mit den Rezeptbüchern, oui!
Ich habe das Kochbuch von der Regierung und da ist ein Rezept das ich mal probieren möchte, aber was, ich kann nich nicht daran erninnen, aber zum Glück, ich mache ein Aufkleber in jedem Buch wenn ich denke sie sind interessant oder wichtig sind.
Was gibt's?
Ich bin ein Katze.
Ach ja!!!
Hamburger Pfannenfisch, wir haben Lachs zuhause und es ist Zeit für das Rezept zu probieren.
Oui! Das ist sehr lecker, obwohl es nicht so aussieht wie auf den Bildern im Internet.
Aber, lecker, sehr lecker!!!
Hamburger Pannfisch
...... Zutaten ......
Kartoffel in Stücke geschnitten 500g
Lachs in Stücke geschnitten 250g
Fein gehackte Zwiebel 1
Wasser 400ml
Salatgurken in Stücke geschnitten
Radieschen in Stücke geschnitten
Senf 1EL
Sahne 100ml
Fein gehackter Knoblauch
Fein gehackter Lauch
Kräuter
Salz ＆ Pfeffer
...... Zubereitung ......
1. Lachs in die Pfannen geben und anbraten bis sie goldbraun sind, dann rausnehmen.
2. Zwiebel mit Knoblauch in die Pfanne geben und anbraten bis sie goldbraun sind, Kartoffel dazugeben und anbraten bis sie goldbraun sind.
3. Wasser dazugeben und Deckel drauf, ca. 20 Minuten kochen.
4. Sahne mit Senf und Mehl dazugeben und gut mischen bis sie cremig sind, mit Salz und Pfeffer abschmecken.
5. Lachs dazugeben und gut mischen. Gurken mit Radieschen und Kräuter dazugeben. Guten Appetit!
Since the pandemic, since salmon also has corona virus from China, I have the idea, trying the recipe, but unfortunately ... my eye eats most of the time with the Internet.
Yes, cell phones are light and easy to carry and, importantly, the picture is always there.
Yes, I don't need to guess, probably, the dish looks like this.
The days I have nothing to do, yes most of the time I read the recipe when I have nothing to do or not found a new recipe.
I watch the shelf with the recipe books, Oui!
I have the government cookbook and there is a recipe I want to try, but what, I can't remember it, but luckily, I make a sticker in each book if I think they are interesting or important.
What is it?
I am a cat.
Oh yes!!!
Hamburg stir-fry fish, we have salmon at home and it is time to try the recipe.
Oui! This is very tasty, although it doesn't look like the pictures on the internet.
But, delicious, very delicious!!!
Hamburger panfish
...... Ingredients ......
Potato cut into pieces 400g
Salmon cut into pieces 250g
Finely chopped onion 1
Water 400ml
Cucumber cut into pieces
Radish cut into pieces
Mustard 1EL
Cream 100ml
Finely chopped garlic
Finely chopped scallion
Herbs
Salt, Pepper
...... Method ......
1. Put the salmon in the pans and fry until they are golden brown, then remove.
2. Put the onion with garlic in the pan and fry until they are golden brown, add potatoes and fry until they are golden brown.
3. Add the water and cover the lid, cook for about 20 minutes.
4. Add the cream with mustard and flour and mix well until they are creamy, season with salt and pepper.
5. Add salmon and mix well. Add cucumber with radishes and herbs. Enjoy your meal!
留言列表
Camping (19)
