亂皂𥴊仔店 ⓂⒺⒾⓃⓀⒾⓄⓈⓀ

(2024.01.07 雞肉菜蔬雙豆𤉙 + 優格/907kcal)

Buē 記得 tī tueh 讀著這 pha 新聞。

不而過，近來款「玫瑰草花」攏 ē 想著往過按臺灣飛來德國 kā tī 翁𪜶公司實習 ê 學生囡仔鬥攢飯包 ê 故事。

彼陣 ê 我鼎是扞甲無半桶好，這久 mā 是總是遐 ê 學生囝仔攏相信我 ê 喙斗，sòo-pái 我款 ê 物食𪜶 m̄ 捌成做 gún 翁 ê 副本「Nee 這 buē 食」，不過有一項食物 hōo 遮 ê 囡仔一看著菜單 ē 隨反應講𪜶確實無愛這味，彼就是「Rosenkohl」。

我 m̄ 捌請教遮 ê 囡仔是按怎無愛食這項 tuì 我來講比白草花抑是高麗菜閣較好食 ê 菜蔬，總是我尊存遮 ê 囡仔試過我手藝後 ê 分張 --- 飯包真正好滋味，m̄-koh Rosenkohl 真正 buē 敆喙。

這久寫遮 ê 故事猶 ē 想著綴飯盒轉來 ê 紙條仔，uī-tio̍h bueh hōo 我讀有𪜶寫 ê 字，逐个攏綴 leh kā 羅馬字寫甲若電腦刻出來 ê 清楚 hōo 我足感心。

這久想著彼久 mā 想著讀著新聞記錄 tī 後台 ê 記錄；

每100个德國大人有25个無佮意食「玫瑰草花/Rosenkohl」。

每100个德國大人有75个無佮意食「紺草花/Rotkohl/Blaukraut」。

每100个德國大人有20个無佮意食「德國酸菜/Sauerkraut/Sauerkohl」。

另外無記錄正經無法度比並，有記錄 tsiah 有法度發見 gún 翁 tsham 𪜶娘嬭攏是未來 ê 好心人，特別是喙白 ê 伊無著頂頭任何一組，這正經有 14。

總是，寫甲遮 mā 想著「媠䆀無止比，愛著較慘死」，物食 mā 是𫝛命，我愛食玫瑰草花自然 buē 感覺伊有學生囡仔分張 ê「Gá-suh 味」 。

熥舊文又閣 buē 記得 kā 初初寫 ê 日子記錄落來，總是換另外一个角度愖這件代誌，我 mā m̄ 免遮爾仔要意遮 ê 心情是記錄 tī 佗一日，起因 tsuē-tsuē 代誌攏是一个大概，咱 mā 因為這个大概 tsiah 有一條索通搝 leh 繼續向行前，繼續調整這一路行來 ê 鹹酸苦汫佮猶 buē 發見 ê 家己，像這个事項，無記錄我決定 buē 記得家己慣勢 ê 滋味是別人 ê 敵人佮繼續成做一隻貓愛按怎 kā 彼个 Gá-suh 崁掉。

是講，我 mā 無確定現此時按呢料理玫瑰草花敢有法度 hōo 遮 ê 學生囡仔 buē 感覺伊䆀味，總是 tī 每一个問題內底我攏學著家己 m̄ 捌愖過 ê 智慧，tshan-tshiūnn 雞心豆，我愛食雞心豆，彼是按自本 DNA 就佮意 ê 喙斗，無受著任何外來因素 ê 影響。

Gún 翁慼雞心豆慼甲若見著敵人按呢，主要因由是𪜶兜 ê 專家太𠢕扞鼎。

別人 ê 特殊 m̄ 通詬唸 buē 離，總是我愛 kā 家己褒唆，我呔 ē 遮爾仔厲害，有法度 kā 慼雞心豆 ê 人轉喙斗做雞心豆 ê Fans。

是講，這个厲害 mā 無需要啥物奇巧 ê 手藝 kan-ta 需要「愛」真真正正 ê 愛，m̄ 是彼款活 tī 家己世界彼款 ê 愛。

是，我無活 tī Milli Vanilli ê 世界，我接受家己 ê 欠點。

翁某做陣看 arte From Fame to Shame 我 tuì 翁講，這个事件拄好 ē-tàng hōo 你翻草我看著 ê 問題，恁爸母 ê 問題。

我理解每一个年間有家己 ê 面子問題佮彼陣 ê 時行，總是時行好跟綴，內才䆀揣。

你 ê 時行 buē 因為你 ê 假包就正經成做彼个形像 Milli Vanilli。

我又閣講人 ê 歹話，總是一个故事 ē 繼續傳落來決定有伊 ê 啟發。

閣較 tsuē Milli Vanilli ê 故事 --- Pop-Skandal Milli Vanilli Wie meine Stimme ohne mich Karriere machte

最後愛講，我總算理解少女年間 tuì Milli Vanilli 捎無摠 ê 頭尾。

雞肉菜蔬雙豆𤉙

...... 材料 ......

罐頭雞心豆　1

玫瑰草花　200g

雞豆　100g

洋蔥，剁幼　1

滾水　1200ml

紅菜頭，切塊　1

雞襟胸，切塊　400g

椰子奶　100ml

芳料草

鹽、胡椒

...... 步數 ......

1. 洋蔥、蒜頭落鼎煏芳，落雞肉、紅菜頭炒 hōo 赤赤。

2. 雞豆、滾水、椰子奶、芳料草摻落去，煮20分鐘。

3. 雞心豆、玫瑰草花濫落去，繼續煮10分鐘，tiàu 寡鹽、胡椒、芳料草，樂暢來食。

(07.01.2024 Frühstück Hähnchen mit Kichererbsen und Gemüse - Joghurt/907 kcal)

Ich habe vergessen wo ich die Nachricht gelesen habe.

Aber, wenn ich den Rosenkohl einkaufen, ich denke an Nico.

Mein Mann's Junger Kollege.

Rosenkohl ist Feind für ihn.

Nachdem die Nachricht lesen, ich lache und sage meinem Mann.

Nico ist normal.

Du bist nicht normal.

Warum, fragt mein Mann.

Weil, in Deutschland, je 100 Erwachsene, gibt's 25 Leute die mögen kein Rosenkohl.

Je 100 Erwachsene, gibt's 75 Leute die mögen kein Rotkohl.

Je 100 Erwachsene, gibt's 20 Leute die mögen kein Sauerkraut.

Wegen Geschmack oder Geruch.

Du liebst alle 3.

Du bist wie deine Mutter aus der Zukunft.

Wenn du es nicht magst alles ist schlecht, wenn du es magst alles ist gesund.

Bitte nicht Milch, Brot, Eier...essen.

Kaffee?

Ja, mit 5 Zucker, bitte.

Ich liebe Extra 3.

Hähnchen mit Kichererbsen und Gemüse

...... Zutaten ......

Rosenkohl　200g

Kichererbsen aus der Dose 　1

Linsen　100g

Möhren in Stücke geschnitten 　1

Hähnchen in Stücke geschnitten　400g

Kokosmilch　100ml

Wasser　1200ml

Fein gehackte Zwiebel　1

Kräuter

Salz ＆ Pfeffer

...... Zubereitung ......

1.  Zwiebel mit Knoblauch in die Pfanne geben und anbraten bis sie goldbraun sind, dann Hähnchen mit Möhren dazugeben und anbraten bis sie goldbraun sind.

2. Linsen mit Wasser, Kräuter und Kokosmilch dazugeben und gut mischen, dann ca. 20 Minuten kochen. 

3. Kichererbsen mit Rosenkohl dazugeben und gut mischen, mit Salz und Pfeffer abschmecken. Guten Appetit!

(07.01.2024 Breakfast Chicken with Chickpeas and Vegetables - Yogurt/907kcal)

I forgot where I read this news.

But when I buy Brussels sprouts, I will think of Nico.

My husband's young colleague.

Brussels sprouts are enemies for him.

After reading the news, I laugh and tell my husband.

Nico is normal.

You're not normal.

My husband asks why.

Because in Germany, for every 100 adults, there are 25 people who don't like Brussels sprouts.

For every 100 adults, there are 75 people who don't like red cabbage.

For every 100 adults, there are 20 people who don't like sauerkraut.

Because of taste or smell.

you love all 3.

You are like your mother from the future.

If you don't like it everything is bad, if you like it everything is healthy.

Please do not eat milk, bread, eggs...

Coffee?

Yes, with 5 sugars please.

I love extra 3.

Chicken with Chickpeas and Vegetables

...... Ingredients ......

Brussels sprouts　200g

Chicken cut into pieces 　400g

Coconut milk 　100ml

Carrot cut into pieces　1

Water　1200ml

Finely chopped onion　1

Canned Chickpeas　1

Lentils　100g

Herbs

Salt,pepper 

...... Method ......

1.  Put the onion with garlic in the pan and fry until they are golden brown, then add chicken with carrots and fry until they are golden brown.

2. Add lentils with water, herbs and coconut milk and mix well, then cook for about 20 minutes.

3. Add chickpeas with Brussels sprouts and mix well, season with salt and pepper. Enjoy your meal!