亂皂𥴊仔店 ⓂⒺⒾⓃⓀⒾⓄⓈⓀ

(2024.03.04 早起頓 䆀豆雞肉チーズ滷 + 糙米飯 + 優格/1006kcal)

德文䆀豆食譜無 tsuē 就請教英文食譜，無疑悟英文食譜 mā 是少甲 hōo 我又閣想 bueh 熥這句話按《驚驚袂著等》學來 ê 句，只不過這斗 kā 伊換軀新衫「䆀豆遮爾無人緣」，正經無滾耍笑 tī 這个英文窒倒街 ê 年間，德文佮英文 ê 䆀豆食譜平均起來，無夠疊(thia̍p)一个 20 尺 ê 無施捨。

雖罔按呢生，踅英文櫥窗猶是較有機會搪著 Muse，畢竟英文佮人敆線 ê 歷史比德文較久長，準做腹腸無德文遐爾仔闊閬閬猶是大目孔 hōo 鰮仔魚成做三文魚，像印度四常食食カレー tī 世界猶未成做啥物攏無啥稀奇 ê 年間，伊是印度人 ê 鰮仔魚，咱臺灣人 ê 三文魚。

是講，正經愛褒唆英國，我這个讀無 Hindī ê 青盲牛透過英國網頁捷捷搪著好食 ê 印度佮四爿厝邊料理。

凡勢一斗愛款雙人食額兼人又閣蹛 tī 德國 ê 入人門，順人意 ê 性地，致使我較 buē 綿爛認定甚至成做天霸王要求 gún 翁愛跟綴我自本 ê 喙斗，顛倒反是循𪜶 ê 喙斗款三頓，只不過較按怎循猶是無法度循甲峇峇峇，像「深圳「油畫村」，複製「梵谷名作」妙手畫師卻一輩子身無分文」m̄ 管你 ê Vincent Willem van Gogh 較按怎循你猶原 m̄ 是伊，sóo-tí 我無法度百分之百成做德國人喙斗 kā チーズ、パン當做牽手按呢意愛，翁 mā 相仝，伊無法度成做臺灣人 ê 脾土 kā 豆油、珍珠奶茶鏨落萬丈深坑 ê 胃腸。

Gún 有家己綿死綿爛 ê 主張 mā 有放伴 ê 相疼痛，雖罔一寢開始故事 m̄ 是按呢搬，總是我 m̄ 是天霸王伊 ê 頭殼 mā m̄ 是 A-ta-mah-khòng-ku-lī ê 一遍賊，百世賊 ê buē 曉軁鑽，gún tsiah 有法度 kā 伊慣勢 ê 三斑擾家、蜈蜞咬蛤(kap)送出門，畢竟這款天落紅雨 ê 代誌是無可能 tī 我 ê 身軀發生，kā 食蒜仔吐蕗蕎當做是寶 ê 褒唆，我 ê 耳仔生兩葉，家己看 ē 著。

無人緣 ê 䆀豆按德文徙來英文猶是這三款較 tsuē 1. 炒豆油 2. カレー 3. 德文佮英文攏紹介伊是傳統土耳其料理 ê 䆀豆 Kam-má-tooh 燉，我 tuì 料理煠、燉(tūn)、燖、煮、㴘、𤉙遮 ê 料理手路 m̄ 捌一个芋仔番薯，總是第 3.  項 tuì 我來講較成𤉙，起因照教育部臺灣閩南語常用詞辭典 ê 紹介伊較峇「燉」無適合「𤉙」，不過成果攏是若「豬跤𤉙甲爛爛爛」ê 無合 gún-ê 喙斗。

當我想 bueh 放棄這个敢若無法度成做頭篩仔 ê「䆀豆」，一篇應當是按美國來 ê 食譜「䆀豆チーズ排(Beans Cheese Steak)」成做電掃帚 Dyson 吸引我 ê 目睭隨點入去讀重點，我愛按怎款材料佮循手路，遮 ê 訣讀煞我隨想著伊蓋成 Keto，總是我 tuì 讀「食起來鹹汫味素是按怎」遮 ê 分張無興頭，起因隨人有隨人 ê 喙斗，這斗試了無佮意後斗莫閣佮伊相見就好。

這䆀豆無水 kā 煮 buē 好食，我 mā 無法度 kā チーズ當做飯配 leh 食，按呢我 bueh 按怎循這个食譜揣著新變撚？

啊，我想著矣，我 ē-tàng kā 厚甲若無料 ê 油換做 Kam-má-tooh 醬，菜配 ê 神魂チーズ ē-tàng kā 伊循頂擺 ê チーズひき肉白花仔菜按呢煮，本底節無經脈(king-me̍h) ê 問題，隨掠著筋 ê 鬆鬆鬆。

隔轉日隨照家己 ê 想法綴 leh 煮 hōo 翁閣 kā 我褒唆甲我掠做家己是詹姆士阿基師遮 ê 𠢕人。

「這就敢若 Schlacht bei Jena und Auerstedt，你掠做伊 buē 拍贏你，押尾伊煞 kā 伊拍甲塗塗塗」翁講。

RESIDENZSCHLOSS RASTATT 有 Sachsen 軍服伊佮 Preußen 軍服無相仝，這張是無頭神 tuì Sachsen 軍帽 ê 記持

「這佮Schlacht bei Jena und Auerstedt 有啥物底代」我問。

「番薑仔佮䆀豆是 Preußen 佮 Sachsen，gún 媠某是 Napoleon Bonaparte」翁講。

「你是中著 Wunderschön ê 毒，是 m̄」我雄雄想著 tsa̋ng-mê 翁某做陣看 Wunderschön 談著 Jena 這段歷史 ê 影響。

「番薑仔佮䆀豆是 hōo 我心驚膽嚇 ê 物食，因為媠某 ê 𠢕變撚佮軁鑽 hōo 我得著自由民主制度，m̄ 免逼家己成做臭耳聾 tsiah 有法度 kā 家己按苦海超度」聽翁按呢講我笑甲若一尾花枝小管仔。

⟡          ⟡          ⟡

陳耀昌醫師 ê《傀儡花》(斯卡羅)讀煞，想著讀這本冊進前捌 tī《台文通訊Bong報》讀著石牧民教授 ê 分享，劇齣神魂主角蝶妹無好收尾。

《傀儡花》

㊔ 陳耀昌

㊓ INK

ⓦⓦⓦ 博客來

這段話 tī 我猶未讀冊進前先愖這件代誌，是啥物因端改變我按有影戲看影戲有電視看電視就准過 ê 媽媽 hu-hu ê  馬馬虎虎。

愖仔想，慢牛厚屎尿 ê 個性又閣浮出來。

Huînn-ti̍t，這个牛牢請媽祖，無查埔 iōng 查某 ê 精彩無精差已經偷走厝 tsuē 冬，m̄ 免閣數念伊聽時 bueh 轉來相借問。

--- 2022.03.05

這陣餾舊食譜發見自第一篇寫到今猶原 m̄ 捌改變家己 ê 態度，串寫寡佮食譜無相干 ê 文字，總是這是我 ê Blog，我自本就無愛讀食譜文章，踅食譜 mā kan-ta ē 看相片佮按怎做，sóo-tí 這久翻頭看彼久，我 buē 講家己是紅龜生蟲，龜怪，不過毛呼龜粿粽，紅包隨你送 ê 食譜遐爾仔 tsuē 人寫，我就順家己 ê 意寫家己想 bueh 寫 ê 事項態度 m̄ 捌改變。

䆀豆雞肉チーズ滷

...... 材料 ......

雞襟胸，切塊　250g

䆀豆，切絲　300g

番薑仔，切絲　1

洋蔥，刴幼　1

蒜頭，刴幼

滾水　300ml

Kam-má-tooh，切塊　3

チーズ　90g

芳料草

鹽、胡椒

...... 步數 ......

1. 雞肉落鼎炒 hōo 赤赤，挈出來。

2. 洋蔥、蒜頭落鼎炒芳，Kam-má-tooh 摻落去炒軟，滾水、芳料草濫落去抐 hōo 齊，煮20分鐘，絞做醬。

3. 䆀豆、番薑仔落鼎炒 hōo 軟，Kam-má-tooh 醬、雞肉濫落去搜齊，tiàu 寡鹽、胡椒煮10分鐘。

4. チーズ摻落去，攪 hōo 牽絲，樂暢來食。

(03.03.2024 Frühstück Stangenbohnen mit Hähnchen und Käse - Reis - Joghurt/1006kcal)

Ich glaube, Bohnen und Paprika sind Feinde für englisch und deutsch.

Warum?

Ich habe gedacht, wenn ein Bohnenrezept auf deutsch Seiten nicht einfach zu finden ist, dann suche ich auf englischen Seiten.

Dann, A-ha!

Englisch Seiten sind nicht anders als deutsche Seiten, die Bohnen von beiden Seiten insgesamt, ich würde sagen, es nicht genung für 1 x 20 Ft Container von Hapag-Lloyd zu füllen.

Ja, so wenige. Das Problem erinnert mich an den Satz von einer  Authorin auf ihrem Buch teilt ' Süßkartoffeln sind unerwünscht'.

Arme Bohnen haben das gleiche Problem wie Süßkartoffeln, so arm, aber kein Problem ich liebe euch sehr, egal Bohnen oder Süßkartoffeln.

Ich liebe Bohnen, so ich habe genug Geduld das Rezept auf den englischen Seiten weiter zu lesen.

Aber leider, das Rezept ist gleich wie auf den deutschen Seiten, Bohnen mit Soysoße, Bohnen mit Curry, Bohnen mit Tomatensoße....nichts neues.

OK, lassen Sie es gehen und lass mich weiter gehen, wie Johnny Walker. Ich weiß, ich habe keine Talent über Humor, aber es ist mir egal. 

Als ich die englisch Seiten verlassen möchte, ein Rezept Hackt meine Augen ' Bohnen Cheesesteak '.

Cheesesteak? Was ist Cheesesteak? 

Ich muss das Rezept lesen!!!

Errrrrrrr, das Rezept sieht aus wie Keto nochmal, obwohl schreibt es nicht.

Viel Öl, Viel Fleisch, Viel Käse. Ja, für mich das ist Keto Essenstyl.

Ich liebe das Rezept, aber ich habe Problem über das Öl, das Fleisch, der Käse. 

Ja, ich möchte nicht das Problem Magenschmerzen nochmal. Ich bin kein Panzer wie mein Mann.

Viel Zucker, viel Salz, viel Öl, viel Fleisch sind ok, außer viel Gemüse. Er ist allergisch auf Gemüse und Getreide.

Mann, Mann, Mann, ich liebe das Rezept, aber...Mann!

Als ich das Rezept verlassen möchte, Muse kommt zu mir und sagt, du kannst den Styl mal probieren, die Bohnen mit Tomatensoße kochen dann Käse darüber geben und gut mischen als letztes - Blumenkohl mit Hackfleisch und Käse.

Oje, das ist ein sehr gute Idee. Muse, Danke sehr und bitte komme zu mir jeden Tag, bitte.

Stangenbohnen mit Hähnchen und Käse

...... Zutaten ......

Hähnchenbrust in Stücke geschnitten　250g

Stangenbohnen in Stücke geschnitten　300g

Paprika in Stücke geschnitten　1

Fein gehackte Zwiebel　1

Fein gehackter Knoblauch

Wasser　300ml

Tomaten in Stücke geschnitten　3

Käse　90g

Kräuter

Salz, Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind. 

3. Tomaten dazugeben und anbraten bis sie weich sind, Wasser mit Kräuter dazugeben und gut mischen und ca. 20 Minuten kochen, dann pürieren.

4. Bohnen mit Paprika in die Pfanne geben und anbraten bis sie goldbraun sind, Hähnchen mit Tomatensoße dazugeben und gut mischen, dann weitere ca. 10 Minuten kohcen.

5. Käse dazugeben und gut mischen, mit Salz und Pfeffer abschmecken. Guten Appetit!

(13.04.2023 Breakfast Runner Beans with Chicken and Cheese - Rice - Yogurt/1006kcal)

I think beans and peppers are enemies for English and German.

Why?

I thought, if a bean recipe is not easy to find on German sites, then I'll search on English sites.

Then, a-ha!

English sides are no different than German sides, the beans from both sides in total, I would say it is not enough to fill 1 x 20 Ft container from Hapag-Lloyd.

Yes, so few. The problem reminds me of the phrase of an author on her book. 'Sweet potatoes are undesirable'.

Poor beans have the same problem as sweet potatoes, so poor, but no problem I love you very much, no matter beans or sweet potatoes.

I love beans, so I have enough patience to read the recipe on the English sites.

But unfortunately, the recipe is the same as on the German sides, beans with soys sauce, beans with curry, beans with tomato sauce .... Nothing new.

Ok, let it go and let me go like Johnny Walker. I know I have no talent about humor, but I don't care.

When I want to leave the English pages, a recipe hacks my eyes 'Beans Cheesesteak'.

Cheesesteak? What is cheesesteak?

I have to read the recipe !!!

Errrrrrrrrr, the recipe looks like keto again, although it doesn't say it.

Lots of oil, lots of meat, lots of cheese. Yeah, that's keto food style for me.

I love the recipe, but I have problem about the oil, the meat, the cheese. 

Yes, I don't want the stomach ache problem again. I am not a tank like my husband.

Lots of sugar, lots of salt, lots of oil, lots of meat are ok except lots of veggies. He is allergic to vegetables and grains.

Man, man, man, I love this recipe, but...man!

As I'm about to leave the recipe, Muse comes to me and says you can try the style, cook the beans with tomato sauce then add cheese on top and mix well last - Cheesy Cauliflower and Mince.

Oh dear, that's a very good idea. Muse, thank you very much and please come to me every day, please.

Runner Beans with Chicken and Cheese

...... Ingredients ......

Chicken breast cut into pieces　250g

Runner beans cut into pieces　300g

Bell pepper cut into pieces　1

Finely chopped onion　1

Finely chopped garlic

Water　300ml

Tomatoes cut into pieces　3

Cheese　90g

Salt,pepper

...... Method ......

1. Put the chicken in the pan and fry until golden brown, then take it out.

2. Put the onion with garlic in the pan and fry until they are golden brown.

3. Add the tomatoes and fry until they are soft, add water with herbs and mix well and cook for about 20 minutes, then puree.

4. Add the beans and peppers to the pan and fry until golden brown, add the chicken and tomato sauce and mix well, then cook for another 10 minutes.

5. Add cheese and mix well, season with salt and pepper. Enjoy your meal!