亂皂𥴊仔店 ⓂⒺⒾⓃⓀⒾⓄⓈⓀ

(2024.01.20 早起頓 ひき肉金瓜焗 + 藍莓優格/971kcal)

Tsuē-tsuē 冬前，翁某做伙去 Allgäu peh 山。

落山後，開始踮德國上懸 ê 埠頭 Oberjoch 揣下昏飯。

揣仔揣，揣甲人想 bueh 直接做仙莫食 tsiah 發見 gún 已經行到按百冬前到今猶原猶未解決 ê 歷史，總是這段歷史 tuì 當地人來 kóng tshan-tshiūnn 這塊土地 ê 變化。

伊甸(Ài-tiān)園原在，吐舌 ê 蛇 mā 原仔 tī 吐舌，逐家 m̄ 管 Adam、Eva 猶原 tī 𫝛一搭抑是離開，日子原仔過 m̄ 管彼粒林檎敢有合你 ê 脾土，起因無人知影 tī 家己成做塊土地肥底進前，眼前 ê 世界敢原仔是家己熟似 ê 世界。

Tshan-tshiūnn OPA Stoll(阿公)一世人綴時間成做 Preußen 人、Nazi 德國人、西德人，最後 ê 德國人 ê 外地人，我家己 ê 阿母按日本 ê 外地人成做臺灣 ê 外地人，我 mā 是，出世 ê 角勢無法度家己選擇，m̄ 宫我是啥物人我猶原清楚知影我是啥人，唯一 m̄ 知影 ê 是遐 ê 永遠枵燥並認定我 ê 權利就是你 ê 福利 ê 人。

按德國 ê 柴杙行過奧地利 ê 柴杙，我想著這句話好囝免祖公仔業。

「奧地利總理近來應當嫌祖公仔產無夠額 mā tsiah 反家甲」我講。

「伊是無事枵飽吵」翁應。

「向望伊 kan-ta 是 uī-tio̍h 選舉 m̄-tsiah 死蛇硬佯講是活鱔魚，m̄ 是目睭掛斗概，看人物就愛紲落來火燒厝燒過間」我講。

「年間早就無相𫝛，我相信奧地利人 tuì tsham 𪜶有𫝛字名 ê Südtirol 人攏聽有伊 ê 話尾，buē 遐爾仔簡單就 hōo 伊挓火」翁應。

「僫講--ooh」我講。

越頭看早就看 buē 著 ê 柴杙，我請翁行過去奧地利彼爿。

「你心情感覺按怎」我問？

「無按怎，m̄-koh 大腸告小腸」伊應。

我知影出世 tī 富裕年間 ê 西德又閣無親情 tī 東德 ê 伊真僫理解𪜶某 tī 變啥魍。

我隨 kā 家己成做水龍車 bueh 拍火按德國行過去奧地利閣行轉來講「現此時 ê 你 kan-na ē-tàng 留踮遮 buē-tàng 過來，連行來柴杙 ê 邊仔攏 buē-tàng，你感覺按怎？」

「啥物意思」伊問。

「有一日，你佮我攏愛遵照別人 ê 要求徛踮柴杙 ê 兩爿，你敢猶閣 ē 講遮 ê 人 tsham 我無相𫝛無底代」我講。

翁恬恬無應話。

「窮真講若是有彼一工，我家己 mā m̄ 知影我 敢 ē 悲傷，起因有法度講前說後攏是過了代 ê 歷史，現此時 ê 我原仔猶未成做過了代 sóo-tí 我無法度 tsham 你分張我 ê 想法，不過咱 ē-tàng 按遮 ê 故事學習比論講無一个人較低路抑是上等」我講。

人比人氣死人，跤腿比煙筒，我按德國行過去奧地利含情帶意 tuì 翁講認捌家己就 buē 一日到暗怨天慼地感覺家己是勇勇馬縛 tī 將軍柱 -- 滿足是尊重佮理解別人需求上基本 ê 基礎，比較是成做斤雞，斗米ê 好朋友，sóo-tí 咱敢閣 bueh 繼續世間事 ē hōo 你𠢕得。

「真害，我 tī buē 博假博刁意故成做 Nietusche 來展風神」我綴風行 mā 綴風講話。

「Gún 某 m̄ 是展風是 teh 點拄我愛有仝理心」翁講。

確實，gún 翁無啥仝理心，起因伊自囡仔時就 hőng 教講仝理心愛徛 tī 伊家己 ê 利益。

佮伊交往我敢 m̄ 知影這款代誌?

我知，不過人總有目睭 hōo 蜊仔肉滒著 ê 時陣。

是講，gún 翁 ê 無仝理心猶是比𪜶爸母好幾仔百倍，hōo 我有法度一耳空入，一耳空出按呢 kā 較無要緊 ê 代誌准過。

是，伊較無仝理心，伊猶是有法度接受我 tuì 伊講 ê 問題像，伊若是 bueh 邀請別人來咱家蹛，你就愛接受這幾日 ê 無相仝，抑無你就是佮恁爸母相仝 kan-ta bueh 展風神 è hōo 人慼閣尻川話講 buē 離。

「這我就 m̄ 知--looh，總是這久我清楚知影愛綴風神 ê 跤步」我那講鼻仔那成做好獅仔綴風行。

「啥物意思」翁問。

「你敢無鼻著火燒雞寮，芳貢貢 ê 氣味」我問。

「無」翁應。

「Mā 著，厝內有一个世界上𠢕扞灶 ê 總舖師，這款蝨目仔氣味無法度按恁 ê 鼻空𫝻過」我那講那綴這芳甲 hōo 我掠做人 tī 阿媽灶跤 ê 氣味行。

一間無招牌 m̄-koh 綴流籠徛位 ê 餐廳，人已經若滇流沓沓仔 tsuē 起來，我緊三划做一划划向餐廳「Grüß Gott」𫝛款是外國人 ê 走桌的 tìm 一下个仔頭表示位家己揣。

我順芳貢貢成做 Rattenfänger von Hameln(Hameln ê 掠鼠人/華：吹笛人) ê 鳥鼠纏綴伊轆轆走，尾手選一搭上接近阿媽灶跤 ê 角勢恬靜成做綴日鬚轉踅 ê 日頭花若看菜單若想歷史 ê 變化佮伊𤆬來 ê 四常結合並享受這个結合 ê 好味素 Hirtenmakkaroni(看羊仔人麵)。

--- 2022.04.18

原食譜記錄是看羊仔人麵，總是我清楚知影家己 buē 閣專工款這來做，sóo-tí 思來愖去押尾猶是決定 kā 原圖刣掉食譜 mā 換這項捷做，而且看起來閣蓋成萊茵河岸酸肉烘(Sauerbraten) ê 葫蘆金瓜(Butterkürbis)。

ひき肉金瓜焗

...... 材料 ......

金瓜，切橛　1

ひき肉　200g

蘑菇，切片　400g

洋蔥，切幼　1

酸クリーム　50g

蒜頭，切幼　

韭蔥，切絲　1

薟椒仔粉　1/4TL

番薑仔粉　1TL

滾水　300ml

チーズ　100g

芳料草

鹽、胡椒

...... 步數 ......

1. 洋蔥、蒜頭落鼎炒芳，ひき肉、韭蔥、蘑菇、番薑仔粉、薟椒仔粉、芳料草摻落去炒 hōo 熟。

2. 滾水、酸クリーム、鹽、胡椒濫落去搜齊煮10分鐘。

3. 菜蔬肉落瓷仔，金瓜鋪頂懸，チーズ掖落去，落烘箱捘200度烘40分鐘，樂暢來食。

(03.01.2023 Frühstück Kürbis mit Hackfleisch-Gemüse überbacken - Joghurt/971kcal)

Wir waren in Oberjoch wandern und danach suchen wir Abendessen im Dorf.

Aber, leider......

Ich bin Ausländerin, mein Magen kann nicht deutsch sein.

Dann suchen wir fast bis nach Tirol....

Nur weitere 2 oder 3 Minuten, wir könnten in Tirol sein,nicht in Oberjoch.

Ich stehe an der Grenze in Deutschland und gucke nach Österreich.

Vielleicht... Essen wir in Österreich, sage ich?

Bist du sicher, fragt mein Mann.

Ich weiß nicht so genau....in diesem Moment, lache ich.

Ja, ich weiß viele Leute sagen mit, Wiener Schnitzel und Süßigkeiten sind lecker in Österreich.

Aber... ich bin eine Person die nicht viel Fleisch oder Süßigkeiten isst.

Obwohl ich bin nicht Vegetarier.

Als ich noch überlege, plötzlich ein Wind von irgendwo und lecker riecht in meine Nase kommt.

Aha... die deutschen machen wie die Spanier, ich lache.

Was, fragt mein Mann.

Nicht mehr siesta machen, sage ich.

Mein Leben wie Kuh hier, hat keine Eile, lacht mein Mann.

Wir folgen dem Wind und haben das Restaurant gefunden.

Und genießen das Essen wie auf dem Bild bis jetzt.

Sehr lecker, aber Wandern?

Ich muss nochmal überlegen.

Nudeln müssen Makkaroni sein.

Ich habe keine Makkaroni zuhause.

Dann koche ich die Penne als Alternative.

Original Rezept ist Hirtenmakkaroni, aber ich würde das Rezept nicht wiederholen, aber ich liebe die Zahlen - Ja, manchmal die Zahl auf den Blog ist wichtig.

Und für mich, der Butterkürbis sieht aus wie Fleisch besonders Sauerbraten, ich weiß, ich habe viele Fantasie Aber, das Leben braucht Fantasie kein Phantombild, das ist unterschiedlich.

Kürbis mit Hackfleisch-Gemüse überbacken

...... Zutaten ......

Kürbis in Scheiben schneiden　1

Hackfleisch　200g

Champignons in Scheiben schneiden　400g

Fein gehackte Zwiebel　1

Sauerrahm　50g

Fein gehackter Knoblauch

Porree in Scheiben schneiden　1

Paprikapulver, Scharf　1/4TL

Paprikapulver　1TL

Wasser　300ml

Käse　100g

Kräuter

Salz ＆ Pfeffer

...... Zubereitung ......

1. Zwiebel, Knoblauch in die Pfanne geben und anbraten bis sie goldbraun sind, Hackfleisch mit Champignons, Porree, Paprikapulver und Kräuter dazugeben und anbraten bis es goldbraun ist.

2. Wasser mit Sauerrahm, Salz und Pfeffer dazugeben und gut mischen, ca.10 Minuten kochen.

3. Hackfleisch-Gemüse in Ofenschale legen, Kürbis auf das Hackflesich-Gemüse legen.

4. Käse darüber geben und bei 200 Grad 40 Minuten backen. Guten Appetit!

(01.03.2023 Breakfast Pumpkin with Mince and Vegetables Bake - Yogurt/971kcal)

We were hiking in Oberjoch and then we are looking for dinner in the village.

But unfortunately......

I am a foreigner, my stomach cannot be German.

Then we look almost as far as Tyrol ...

Just another 2 or 3 minutes, we could be in Tyrol, not Oberjoch.

I'm standing at the border in Germany and looking to Austria.

Maybe ... shall we eat in Austria, I say?

Are you sure? Asks my husband.

I'm not sure ... right now, I laugh.

Yes, I know a lot of people say that Wiener schnitzel and sweets are delicious in Austria.

But ... I'm a person who doesn't eat a lot of meat or sweets.

Although I am not a vegetarian.

When I was still thinking, suddenly a wind from somewhere and a delicious smell comes into my nose.

Aha ... the Germans do like the Spaniards, I laugh.

What? Asks my husband.

No more siesta, I say.

My life like a cow here, i don't need to be busy, my husband laughs.

We follow the wind and have found the restaurant.

And enjoy the food like in the picture until now.

Very tasty, but hiking?

I have to think again. 

Pasta must be macaroni.

I don't have any macaroni at home.

Then I cook the penne as an alternative.

The original recipe is shepherd makoni, but I would not repeat the recipe, but I love the numbers - yes, sometimes the number on the blog is important.

Pumpkin with Mince and Vegetables Bake

...... Ingredients ......

Cut the pumpkin into slices　1

Minced meat　200g

Cut the mushrooms into slices　400g

Finely chopped onion　1

Sour cream　50g

Finely chopped garlic

Cut the leek into pushing　1

Paprika powder, spicy　1/4TL

Paprika powder　1TL

Water　300ml

Cheese　100g

Herbs

Salt ＆ Pepper

...... Method ......

1. Add the onion, garlic in the pan and fry until they are golden brown, with mushroom, minced meat, leek, paprika powder and herbs and fry until golden brown.

2. Add the water with sour cream, salt and pepper and mix well, cook about 10 minutes.

3. Place the minced meat and vegetables in the oven dish, place the pumpkin on top of the minced meat and vegetables.

4. Sprinkle with cheese and bake at 200 degrees for 40 minutes. Enjoy your meal!