亂皂𥴊仔店 ⓂⒺⒾⓃⓀⒾⓄⓈⓀ

.(2024.03.06 早起頓 番薑仔ひき肉粟仔麵 + 草莓優格/1083kcal)

頭一擺見著伊是腹肚正枵又閣無想 bueh 食傳統 Balkans 料理 -- 肉、肉、肉佮 tshan-tshiūnn「Papa」四界生湠 ê 義大利料理雄雄一踅身 tī 一間看起來若猶生活 tī 阿祖年間 ê 餐廳門跤口看著一桌三个人食肉閣配一盤飯隨決定踮遮飼枵。

因為店東 buē 曉講英語 gún mā buē 曉講希臘(Hi-lia̍p)語，菜單又閣讀無路來就 iōng 上原始 ê 語言比跤畫手，先送一个笑容 hōo 彼桌 hōo 我停跤 ê 朋友挨拶(Aisatsu)紲落來開始遮比遐指，サラダ、Πίτα、肉...Mo？Me？Kônn？確定選牛、選羊、選豬，久無見著米 ê 我呔 ē-tàng 無來一盤飯隨 kā 手指過去。

店東佮三位 uī-tio̍h hōo 我 buē 點 m̄ 著菜 ê 朋友敢若知影我 ê 想法隨開始比跤畫手 hōo 我掠做傷晏來，清飯已經 Nóo-sut 隨表示按呢無要緊，我 mā 綴猶是男朋友 ê gún 翁食 Πίτα 就好隨 kā 手閣按 Πίτα 指過去，表示閣一份。

店東 kā 手頭 ê 紙條囥踮桌頂，手綴指我本底 bueh 點 ê 物食講「Kein Problem」這 hōo 我楞去捎無摠通搝，隨越頭請教翁德文後 ê 14。

「Kein Anhnung」伊應。

聽伊按呢應，我隨反白睚(píng-pe̍h-kâinn) hōo 伊食。

「我捌 tī 遮上班無表示我 ē 曉講希臘語，另外我上班 ê 公司是德國公司 」伊講。

我閣加送一个膨風水雞刣無肉，伊笑應「我 ê 希臘語是學趣味 tshan-tshiūnn 你 ê 西班牙語按呢，兩光兩光。」

無興佮伊繼續盤喙錦越頭繼續手指隔壁桌 ê 物食，只要店東講「Ja」我 mā「Ja」包括彼盤參我 ê 面桶面相比並伊猶原較大桶 ê「飯」。

Tī-leh 等待「飯」送來 ê 期間我問兩光先生講「遮敢有 teh 種米？」

 「M̄ 知」伊講。

清楚知影家己問一个逐日六頓攏 teh 食パン ê 人是白了工，時間 ē 𤆬答案 hōo 我。

「飯」一上桌隨 tuì 翁講「歹勢，大腸小腸枵甲攏無氣力相告，我先食」。

這米呔 ē 遮爾仔軟，敢是做 Pudding ê 牛奶米(Milchreis)，閣食一喙這是啥，這 m̄ 是米。

凡勢是我 ê 表情 hōo 翁雄雄恢復記持「伊是麵，Kritharaki」。

Tsuē 冬後再次行踏希臘，tī Itea 街路那行尞那揣中晝頓 tī 一間 kan-ta 一桌人客 teh 食飯 ê 餐廳見著「Kritharaki」隨決定停跤。

總是，已經過晝「Kritharaki」mā 歇睏無提供，就順店東手指 ê 推薦點菜，紲落來繼續 kan-ta 捌 Πίτα 其他攏是 m̄ 知是肉抑是菜，總是時間 ē 𤆬答案 hōo gún。

這斗 ê 驚喜，除了好食甲 hōo gún 呼噓仔 ê 羊肉掠外猶閣有這好食甲 buē 記得記錄希臘字名 ê「高麗菜捲」。

手機仔揣資料攏寫伊 Orzo mā 有華文寫美國兼 I-tá-lih(義大利)料理，寫美國是有較譀古寫 Italien 外國來 ê 麵齊是 Italia，這我彼个才調通講尻川後話 ，不過 Orzo 確實是按北美洲遮來，sóo-tí 我 mā buē-tàng 遮爾仔武斷(bú-tuàn)講紹介者烏白亂皂，起因我 tuì 紹介者佮美國攏無一个認捌，總是我認捌這份料理確實是按希臘遐來，Wikipedia mā 紹介著上捷料理這份料理 ê 角勢是希臘佮土耳其，我 mā 確實 kan-ta 捌 tī 希臘佮土耳其店看過伊，我 ê 14 是自第一斗佮伊 tī 希臘相拄搪，我 tī 德國 kan-ta 捌 tī 土耳其超市看過伊，不過彼陣我一直掠伊是價數較好 ê「米」，tī 伊猶 m̄ 捌出現 tī 我捷踅 ê 超市彼陣，伊是公賣局 ê 孤行獨市 kan-ta 土耳其超市有 teh 賣，而且死豬仔價 ê 鞏金。

肺炎彼陣 m̄ 知是 I-tá-lih 麵欠貨抑是按怎，這个本底是土耳其公賣局 ê 粟仔麵開始出現 tī 若番薯 m̄ 驚落塗爛，只驚枝葉無法度代代湠 tī 歐盟申根國家四界掖種四界湠 ê Lidl、Aldi mā 開始賣粟仔麵，價數無講蓋媠，總是猶是比土耳其超市閣較吸人目睭仁，起因促銷價 kan-ta 1.69€，是按怎我 ē 記甲遮爾仔清楚，因為我 mā 綴 leh hōo Lidl、Aldi 廣告去，捾幾仔包轉來囤貨閣寶惜仔食 m̄ 敢料理甲像 Spaghetti 遮 ê 四常甲無稀奇 ê 冇手。

這久想起來 mā 好笑，起因自國門重開門無閣關門到今，這粟仔麵 ê 價數已經落甲賰無到1€，甚至囥 tī 跳樓大拍賣彼區 0.49€ mā 無啥人 bueh 挃，因端是按怎，毋知，總是我 tī 這區款誠 tsuē 包轉來囤 m̄-koh 真罕得 kā 伊攝相，起因糙米、豆仔遮 ê tuì 翁銷無路開始成做有市草開始，我就真罕得款 I-tá-lih、越南米粉、泰國米粉遮 ê 食物，若是有款 mā 是排 teh 下昏飯，起因較好款 mā 佮翁愛食 ê 西洋萵仔菜、兔仔耳遮 ê 生菜較合掠外，我 mā 決定無 bueh tī 遮記錄下昏飯，起因我無攝影棚 sóo-tí m̄ 免 uī-tio̍h 這款做議量 ê 代誌逼死家己，特別是秋分行跤到無到4點紅冇冇 ê 紅霞就成做烏布一塊 ê 揣無日頭光 hōo 我通妝娗遮 ê 䆀手路。

今仔日透早精神本底想 bueh 款飯來食，押尾想著冰箱蓋成猶有頂禮拜四按 Lidl 款轉來 ê 落價三色番薑仔，隨檢查，正經是規欉好好無剉(錯)隨挈出來 mā 隨請教家己 ê Blog，看敢有啥物好味素佮番薑仔較鬥峇。

2023 ê 這時有記錄 Kritharaki 總是彼陣 uī-tio̍h 翁 ê 喙斗 kā 番薑仔換做青豆仁，這久認捌青豆仁算是米糧 m̄ 是菜蔬，我就較罕得款青豆仁轉來食，起因食了感覺空虛虛，猶是米、雞心豆、馬鈴薯、花豆、秮仔遮 ê 食物較實櫼 mā 好鬥搭，按呢就來款這項，總是相片翕甲 buē 䆀敢 bueh kā 換？

換，起因這久 ê 色緻較成我佮伊第一斗拄搪 ê 面肉，彼陣我掠做是 Risotto 抑是牛奶米 ê 無清飯 Risotto mā ē-tàng 接受 ê 記持。

另外，是按怎 bueh kā 號做粟仔麵，起因照希臘語唸我 ē 唸甲舌拍結，照德語唸我 ē buē 記得伊是 tsiâ，照華語講一粒田螺煮九碗湯，無味無素，按呢 bueh 按怎 kā 伊轉做台語?

我第一斗掠伊做米，米是粟仔按呢就 kā 伊號做粟仔麵，準做有人講「Tsiah 無人按呢講」我 mā buē 要意，起因是按怎愛 uī-tio̍h 別人 ê 鳥仔目來剿(tsâu)家己 ê 想像力。

    有對照 tsiah 知影手藝敢有進步    

.(2023.03.07 早起頓 菜蔬ひき肉粟仔麵 + 王梨優格/936kcal)

番薑仔ひき肉粟仔麵(Kritharaki)

...... 材料 ......

ひき肉　200g

番薑仔，切塊　3

チーズ　80g

Kam-má-tooh，切塊　2

洋蔥，刴幼　1 

滾水　200ml

煠好 ê 粟仔麵　160g

蒜頭，刴幼

新娘衫

鹽、胡椒

...... 步數 ......

1. 洋蔥、蒜頭落鼎炒芳，Kam-má-tooh、番薑仔、ひき肉落鼎炒熟。

2. 滾水、新娘衫摻落去煮10分鐘。

3. 粟仔麵、チーズ、新娘衫濫落去搜 hōo 齊。

4. Tiàu 寡鹽、胡椒、芳料草，樂暢來食。

(06.03.2024 Frühstück Kritharaki mit Hackfleisch und Paprika - Joghurt mit Ananas/936kcal)

Erstmal, ich habe das Gericht in Griechenland gesehen, ich bin so aufgeregt.

Endlich, Reis ist da, egal ob das Gericht Salat ist oder nicht.

Wichtig ist da gibt es REIS!

Ich liebe Πίτα aber ich habe den Reis vermisse.

Aber, nachdem es probiert habe, ist es wirklich Reis? Ich bin nicht so sicher, allerdings Hammer!

Super lecker, ich liebe es sehr und ich möchte die Sache einkaufen, aber leider kenne ich den Namen nicht.

Und in Griechenland besuchen wir immer Lidl und weitere Lidl, so... ich denke das ist auch Problem, das ich die Sache nicht finden kann.

Warum, kann ich die Sache nicht finden.

Ich glaube, dass das Lidl ist Lidl, sogar der Name ist Lidl Griechenland, aber die Realität ist ... Lidl ist noch Deutschland.

Ja, die meiste Zeit, ich fühle, ich bin noch in Deutschland geblieben.

Überall ist deutsch, Überall ist Lidl, Aldi, Penny....

Ich beschweren mich nicht.

Aber, ich hoffe, dass es mehr Auswahl gibt

Naja, es ist ein Geschäft und ich bin kein Geschäftsmann.

Diesmal, in Lidl Deutschland da gibt es Kritharaki und der Preis ist gut 0,79€(500g), ich kaufe die Nudeln und habe das Gericht sofort gemacht.

Ich bin nicht professionell, aber ich muss sagen, das Gericht ist Hammer!

Kritharaki mit Hackfleisch und Paprika

...... Zutaten ......

Hackfleisch　200g

Paprika in Stücke geschnitten　3

Tomaten in Stücke geschnitten　2

Fein gehackte Zwiebel　1 

Wasser　200ml

Gekochte Kritharaki　160g

Käse　80g

Fein gehackter Knoblauch

Rosmarin

Salz ＆ Pfeffer

...... Zubereitung ......

1. Zwiebel und Knoblauch in der Pfanne geben und anbraten bis sie goldbraun sind.

2. Tomaten, Paprika und Hackfleisch dazu geben und anbraten bis sie goldbraun sind. 

3. Wasser, mit Rosmarin dazu geben und gut mischen, dann ca. 10 Minuten zum kochen.

4. Kritharaki mit Käse dazu geben und gut mischen, mit Salz und Pfeffer abschmecken. Guten Appetit!

(06.03.2024 Breakfast Orzo with Mince and Bell Peppers - Yogurt/1083kcal)

First time, I saw the dish in Greece, I'm so excited.

Finally, rice is there, regardless of whether the dish is salad or not.

The important thing is that there is rice!

I love Πίτα but I missed the rice.

But after trying it is it really rice? I'm not so sure, but awesome!

Super yummy, I love it a lot and I want to buy the thing, but unfortunately I don't know the name.

And in Greece we always visit Lidl and more Lidl, so.... I think that's also problem that I can't find the thing.

Why, I can't find the thing.

I think that the Lidl is Lidl, even the name is Lidl Greece, but reality is ... Lidl is still Germany.

Yes, most of the time, I feel I still stayed in Germany.

Everywhere is German, Everywhere is Lidl, Aldi, Penny....

I am not complain.

But, I hope there is more choice.

Well, it's a business and I'm not a businessman.

This time, in Lidl Germany there is Kritharaki and the price is good 0,79€(500g), I buy the noodles and made the dish immediately.

I'm not a professional, but I have to say, the dish is awesome!

Orzo with Mince and Bell Peppers

...... Ingredients ......

Minced meat　200g

Cut bell peppers into pieces　3

Cheese　80g

Cut tomatoes into pieces　2

Finely chopped onion　1 

Water　200ml

Cooked Orzo　160g

Finely chopped garlic

Rosemary

Salt, Pepper

...... Method ......

1. Add the onion and garlic in the pan and fry until they are golden brown.

2. Add the tomatoes, peppers and minced meat and fry until they are golden brown.

3. Add water with rosemary and mix well, then boil for about 10 minutes.

4. Add the Kritharaki with cheese and mix well, season with salt and pepper. Enjoy your meal!