亂皂𥴊仔店 ⓂⒺⒾⓃⓀⒾⓄⓈⓀ

(早起頓  三文魚鱷梨仔生菜盤。鮭魚酪梨沙拉)

德國衛生部長 Lauterbach tī 猶未成做部長 ê 時，伊就著是通人捌 ê 醫學專家。

近來食生菜盤捷 buē 記得下兩粒仔鹽 hōo 我想著伊猶未成做部長 ê 故事。

「我無掠外食鹽 ê 起因是咱四常食 ê 物，鹽已經有夠額。」

真愛跟綴爸母跤步 ê gún 翁一聽專家按呢分張 mā 隨開始成做𪜶老母 ê 副本逐日來廚房嘓魚「咱鹽已經食夠額 m̄ 免閣下十粒仔鹽。」

我無興干涉別人 ê 喙斗，m̄-koh 我慼別人閒甲掠蝨母相咬來插我 ê 喙斗，特別是「聽我講綴我做包領你上青天」𠢕人。

「你 m̄ 通閣搣鹽落去，這三文魚，這水牛 Tshì-sù，這優格攏有濫鹽」勥伯又閣來巡廚房。 

無興攑香綴拜 ê 我無應話，勥伯 mā 綴勥母升級 kā 手伸過來那徙鹽那嘓魚「鹽有夠額，m̄ 通閣下十粒鹽」。

人講車是查埔人 ê 第二个某，我講食食味素是我 ê 第二个男朋友，我有法度成做臭耳聾青盲某，不過我無法度接受別人 ê 跤來手來。

總是人食到這个歲數，清楚知影這久 ê 血壓已經無法度跟綴烏貓姊年間，恬靜敕一口氣 kā 金瓜分兩位，攢好 ê Sòo-sù 秤好斤數，賰 ê 齊倒入潘桶，繼續我 ê 工課。

「你是按怎 bueh kā Sòo-sù 倒掉？」勥伯仔問。

「我無捌德國法律 sóo-tí tī 別人起訴我進前，我愛尊存別人 ê 需求，像 Jedem das Seine」我講。

人講 ē 吠 ê 狗免驚，buē 吠 ê 狗 m̄-tsiah 恐怖，翁凡勢想著我捌明白講明，我 tuì 𪜶兜大細項是「一人一家代，公媽隨人祀」我 buē 阻擋伊祀爸母牌，起因彼是伊 ê 根頭，總是我這个接枝 ê 無保證有法度綴𪜶生湠。

「Lauterbach 講鹽食傷好 tuì 身體無好.....」

我知影伊已經知影問題，總是按爸母遐來 ê 血緣 hōo 伊無法度無死鴨仔硬喙桮，繼續汰歹癖 m̄ 承認家己 ê 失誤佮數佻(siàu-tiáu)別人 ê 差錯較緊。

「Gún 講內行人看布底，外行人綴人 bué，我 ê 德語無你遐爾仔老，總是我知影按怎掠要點，伊無食鹽主要 ê 因由是伊是『老外』，你家己 mā 知影恁德國人食偌鹹，一片 Discounter Brot 就差不多 1.5g 無算其他 ê 配料，像 Käse, Wurst 遮 ê 物，簡單一句，你 ê 意愛是 Das ist mir Jacke wie Hose und das macht den Kohl nichts fett➀像你兜勥母來咱遮行踏，伊 bueh 扞廚房我 mā buē 風火著更加 buē 青龍盤柱，死豬鎮砧佮伊仙拚仙」我講。

「Wer hat hier die Hosen an? Bie uns zu Hause hat meine Frau die Hose an und sie macht meine Leben wie Gott in Frankreich➁」翁隨 kā 我分出去 ê 物徙過來我 ê 位「Hier, Ende der Katzbuckelei➂.」

➀ 我一屑仔攏無要意這件代誌佮一屑仔攏無困擾著我(德文諺語)

➁ 遮啥人主意?踮 gún 兜是 gún 某，伊主意 ê 事項 hōo 我過甲若 tī 天堂(德文諺語)

➂ 這是咱兜，m̄ 免跟綴別人 ê 規矩(德文諺語)

三文魚鱷梨仔生菜盤

...... 材料 ......

鱷梨仔，切片　1

三文魚　125g

水牛 Tshì-sù，切片　1　

橄欖油　2EL

Lê-bóng 汁　1/4TL

糖　1/4TL

蒜頭，刴幼　

鹽、胡椒

...... 步數 ......

1. 油、Lê-bóng 汁、胡椒、鹽、蒜頭、糖濫做一伙抐 hōo 齊。

2. 鱷梨仔、三文魚、水牛 Tshì-sù 囥做陣。

3. Sòo-sù 淋落去，樂暢來食。

(Frühstück zur Gewichtsabnahme Lachssalat mit Avocado und Mozzarella)

「Lauterbach hat das geteilt, Salz ist nicht gesund」

Ich weiß nicht wie oft ich gleich Vorschlagen gehört habe.

Das Öl ist nicht Gesund, du muss mit Butterschmalz kochen.

Das Hähchen ist nicht Gesund, du muss Bio Rindfleisch kaufen und essen....

Ja, ja, ja....

Viele und viele...nicht Gesund aber Süßigkeiten sind Gesund und man muss 6 mal am Tag essen.

Ich weiß mein deutsch ist furchtbar aber ich gluabe, Lauterbach hat und sehr gut erzählt warum und wie so.

In der heutigen Zeit kaufen viele von uns ihre Mahlzeiten auswärts oder kaufen Fertiggerichte und diese Art von Mahlzeit enthält bereits genug Salz usw....

Ja, ich weiß aber Salz ist nicht Gesund, das sagt Lauterbach, mein Mann sagt.

Naja, alles klar.

Du weiß, deine Frau ist Großzügig, ich werde dir nicht sagen, Du musst so leben, wie ich leben möchte.

Ich weiß, anwortet mein Mann.

Willst du ein priese Salz in deiner Soße, fragt ich.

Natürlich, bitte, sagt mein Mann.

Ich kann nichts tun, um die Einstellung meines Mannes zu ändern, seine Eltern zu kopieren.

Aber ich kann ihm mit Geduld sagen, dass ihr nicht meine Eltern sind und ich nicht das Kind ihrer Eltern bin.

Wenn ich will, dass unsere Ehe weitergeht.

Lachssalat mit Avocado und Mozzarella

...... Zutaten ......

Avocado in Scheiben geschnitten　1

Lachs　125g

Fein gehackter Knoblauch　

Mozzarella in Scheiben geschnitten　1

Öl　2EL

Zitronensaft　1/4TL

Zucker　1/4TL

Salz ＆ Pfeffer

...... Zubereitung ......

1. Öl, Salz, Pfeffer, Zitronensaft, Zucker und Knoblauch gut mischen.

2. Avocado, Lachs, Mozzarella gut mischen. 

3. Die Soße übergießen. Guten Appetit!

(Breakfast for weight loss Salmon Salad with Avocado and Mozzarella)

「Lauterbach shared that, salt is not healthy」.

I don't know how many times I heard the same suggestion.

The oil is not healthy, you have to cook with clarified butter.

The chicken is not Healthy, you need to buy organic beef and eat it....

Yes, yes, yes....

Many and many...not healthy but sweets are healthy and you have to eat 6 times a day.

I know my German is terrible but I believe Lauterbach has told us very well why and how so.

In this day and age, many of us buy our meals out or buy ready meals and this type of meal already contains enough salt etc....

Yes, I know but salt is not healthy, that's what Lauterbach says, my husband says.

Well, all right.

You know, your wife is generous, I will not tell you, you have to live the way I want to live.

I know, my husband replies.

Do you want a pinch of salt in your sauce, I ask.

Of course, please, says my husband.

There is nothing I can do to change my husband's attitude, to copy his parents.

But I can patiently tell him that you are not my parents and I am not your parents' child.

If I want our marriage to continue.

Salmon Salad with Avocado and Mozzarella

...... Ingredients ......

Avocado cut into slices　1

Mozzarella cut into pieces　1

Smoked salmon　125g　

Lemon juice　1/4TL

Sugar　1/4TL 

Olive oil　2EL

Finely chopped garlic　

Salt＆ Pepper

...... Method ......

1. Mix the oil, salt, pepper, lemon juice, sugar and garlic well.

2. Mix the salmon, avocado, mozzarella well.

3. Pour the sauce over it. Enjoy your meal!