亂皂𥴊仔店 ⓂⒺⒾⓃⓀⒾⓄⓈⓀ

花飛、白鯧、烏鯧、肉鯽仔、Sàn-bah、麻虱目仔齊是我愛食 ê 魚，總是遮 ê 魚 tī 德國除了花飛齊僫揣。

我愛食花飛，德國 mā 有冷凍花飛通選擇，總是我徛 ê 家甲地區人民敢若無興魚臊，準做興魚臊 mā 獨獨鹹篤篤花飛煙一味通選擇。

這斗踅超市，鹹篤篤 ê 花飛煙大落價到以德國人民所得來計算，這花飛煙已經落價到 bueh 敗價隨揀一尾轉來做下昏飯 hōo gún 翁掠做𪜶兜牽手得 Lotto，起因一尾花飛三盒挽肉。 

「我愛掠外貼你偌 tsuē」翁問。

「俗物 buē bué 破家」我講。

「這魚凡勢臭膎閣 m̄ 除鈗」翁講。

「這魚無食秤頭，免驚」我笑應。

花飛大落價敢是討海人出門掠花飛大豐收，𠊎毋知。不過順近來新聞㨨線索約約仔會使得放裒，歐盟已經決定 tī 2027 抑是 2030 禁止人工柴薰芳料 ê 使用，起因這類 ê 人工化學芳料已經確定有毒性。

「這花飛煙絕對無照起工來薰，你若 buaih 食厝內有鰮仔魚罐頭通食」我講。

「這大尾鰮仔魚久久食一斗，大丈夫」翁笑應。

一回 tī 葡萄牙見著大尾青鱗(lán)仔掠伊是花飛，就此 hōo 翁笑到今。

寫到花飛想著飛烏，想著飛烏想著飛烏虎(鬼頭刀)，趁記持猶食 ē 著餌緊 kā 伊記錄落來。 

花飛生菜盤

...... 材料 ......

花飛　200g

羅馬萵仔菜　120g

蒜頭，刴幼

芳料草

...... 步數 ......

1. 材料全部濫做陣，樂暢來食。

Ich liebe Makrele, frisch Makrele, aber leider sie sind nicht einfach zu sehen in Deutschland.

Ich möchte Makrele aus der Dose kaufen, aber leider der Geschmack passt mir nicht, besonders mit Tomatensoße.

Ich mag keine geräucherte Makrele, weil sie ist so salzig, aber wenn der Preis ist gut, natürlich werde ich das Leben mit SENZA SALE vergessen.

Makrelesalat

...... Zutaten ......

Makrele　200g

Römersalat　160g

Fein gehackter Knoblauch　

Kräuter

Salz ＆ Pfeffer

...... Zubereitung ......

1. Alle Zutaten gut mischen. Guten Appetit!

I love mackerel, fresh mackerel, but unfortunately they are not easy to see in Germany.

I want to buy mackerel from the can, but unfortunately the taste doesn't suit me, especially with tomato sauce.

I don't like smoked mackerel because it is so salty, but when the price is good, of course I will forget life with Senza Sale.

Mackerel Salad

...... Ingredients ......

Mackerel　200g

Romaine lettuce　30g

Finely chopped garlic

Herbs

Salt ＆ Pepper

...... Method ......

1. Mix all ingredients well. Enjoy your meal!