亂皂𥴊仔店 ⓂⒺⒾⓃⓀⒾⓄⓈⓀ

(2023.11.30 早起頓 金瓜馬鈴薯挽肉滷 + Quark/877kcal)

早起精神翁看我 tī 面冊硞硞趖，伊問「你想著啥物代誌 bueh 分張？」

「無」

聽我按呢應隨 kā 大頭鬥過來「誠重要 ê 款」。

「四常來投講聽無抑是讀無 gún 攏 ē 講無重要，m̄-koh 這久誠實足重要」我𥍉這下仔目尾笑講。

兩个隨笑甲軟骨，起因看著國王無穿衫，咱 buē-tàng 講國王無穿衫，因為逐家攏講國王 ê 新衫蓋媠，看著人讀無字 ê 冊，咱 buē-tàng 講彼無寫字，因為逐家攏講天機不可露洩。

檢采是大腸告小腸，告甲伊 mā 愛告我，四常 buē 趕我緊去款早起頓 ê 伊客氣仔問「咱攏看無藝術，咱敢 ē-tàng 先食飯？」

這句 buē-su 武功高強 ê 人按我 ê 笑脈(mē)揤落去 hōo 我笑 buē 離。

「發生啥物代誌」gún 翁看𪜶某笑甲敢若花枝 mā 想 bueh 鬥一跤隨問。

「無啥代誌，步頻想著 J ê 藝術分張 -- 伊 m̄ 捌 ê 攏 m̄ 是藝術，別人分張 ê mā m̄ 是藝術，簡單一句伊講 ê tsiah 是藝術」我講。

「我掠做啥物代誌遐爾仔好笑...」gún 翁那做簡單 ê Yoga 那應。

「是無啥--lah，總是㧎牢 ê 刺鑿 tuì 風飛--ah」我講。

一个人踮灶跤那款早起頓那熥作家鄭順聰先生寢陣仔 ê 分張。

華語 ê「酸民」tī 台語 bueh 按怎樣講 tsiah 著味。

一路按「害仔」、「遛穗仔」si-á-geh 到「漩尿仔」攏 hōo 我 ê 小小宇宙有足 tsuē 款畫面，特別是「漩尿仔」。

Oh, my god!

J tuì 我來講是漩尿仔，莫怪我一直感覺規身軀臭尿薟味重。

這是早前寫 ê 故事，這久閣提出來重熥一斗，アンモニア/Ammonia 消蝕。

我相信這佮我 ê 斷、挕、擲有真大 ê 關係。

--- 2022.11.20

這件代誌我寫甲真厭𤺪，總是有 ê 故事需要咸豐三，講到今 tsiah 有法得成做火車按呢一節閣一節，tshan-tshiūnn 這久 ê 水煙火車母接 IC(Intercity.城市快車)無按呢接故事寫 buē tsiâu-tsn̂g。

是講 mā 有啥通講，起因頂懸 ê 開放迷眾頁我 mā 無閣繼續指教，接續落來 ê 愛料理(ICook) mā 無 teh 使用，準做有人來行踏，我 mā 是 E-mail 讀煞隨刣掉 buē 保存，起因咱愛收藏有意義 ê 事項 m̄ 通收藏潘。

是，頂站仔又閣按愛料理收著 Thi-bī ê 指教，彼張電子批我無留底，起因 Thi-bī ê 指教讀煞，我 mā 隨 kā 刣掉 buē 閣特別 uī 伊翕一張仔相，畢竟我 m̄ 是一个愛翕相 ê 人 mā 清楚知影家己翕 ê 相片無可能濆出若《家離水邊那麼近》ê 文字。

我 tī 遮 ê 攝相 kan-ta 這幾个因由，一个是迒 buê 過 Blog 無囥相片 ê 龜怪，是，到今我一直認為寫 Blog 無囥相片真龜怪。我知影有 ê 人寫 Blog 並無囥相片，總是我就是認為寫 Blog 需要囥寡相片，抑無真無鹹無纖(siam)，一个是我有 bué 15g 基本空間(相片)無較捷 kā 使用是真討債 ê 一件代誌。

冬尾 bueh 歇寒，新正準備來接班 ê 這時，那整理文章用字，羅馬字轉漢字，是，寫 bueh 4 冬外，我揣著家己佮意 ê 漢羅書寫方式，辭典示範(sī-huān) ê 主要發音若佮我慣勢 ê 腔口無宛2體我就齊 iōng 漢字，有收腔口 m̄-koh 無發音示範，我就轉寫羅馬字，其他 ê 就照進前較捷 hut m̄ 著 ê 字繼續寫羅馬字，像 tsiah(才)、tsiah(隻)、tsiah(遮) ê 字，是講我已經有法度區別遮 ê 漢字，總是彼个 tsiah(才)我就無愛寫漢字，m̄ 知 uī-hô ē 按呢生，其他 ê 就照往過收藏 ê 印象繼續使用，像 m̄、mā、ê 遮 ê 字。

那整理遮 ê 文字 mā 若熥食譜，這久整理著這篇我確定我 buē 閣熥一斗，文字內容 mā hōo 我想著應當無到二月日抑是一月日 ê 指教，就按呢 kā 後台空空無寫字 ê 食譜轉來遮 mā 成做敨放彼條一直 kā 我縛牢牢 ê 繚索。

是，早前我認為記錄食食相片就是愛照12345按呢排落去 buē-tàng 耍跳年，這久隨在伊，起因我 m̄ 是萬年 buē 落塗 ê 彭祖，食食 mā tshan-tshiūnn 這陣看 ê 美國食食變遷 ê 報導𫝛款，以前咱感覺食肉真特別，彼是因為一年 tsiah 有法度食一擺抑是一世人攏真僫食著 ê 塗龍，這久塗龍窒倒街，咱自然就 buē 感覺伊有啥物特別，甚至感覺食遮 ê 物是一件真白汫無味 ê 代誌。

寫到遮，彼日翁綴我看這个節目，看著莓仔類是 Christoph Kolumbus 按美洲紮轉來到歐洲規个人 mā 成做 Kolumbus 發現新大陸按呢綴我看，看煞隨講「我一直掠做遐 ê 物件是按歐洲紮過去」，我 tuì 伊講 ê 話無啥物特別 ê 想法，起因這就是大自然，每一个自然 ē 恬靜揣家己適合 ê 方法湠種生存，buē 大聲嚷閣認為我是起造者，ē 按呢生 ê kan-ta 咱人類按呢 niā-tiānn。

寫到遮，翻草文章佮頂懸 ê 故事有啥底代？

無底代，只是拄好想著彼張按愛料理寄來 ê 批，紲落來想著這久 teh 做 ê 代誌 mā 順紲越頭看彼久 ê 想法敢閣綿精綴家己 m̄ 放。

明仔載 bueh 去捷克越南市場款物順紲絞頭鬃，摒 m̄ 管是家己抑是生份人 ê 情緒叨撚潘，2023 ê 冬尾正經是美好 ê 收冬！！！

金瓜馬鈴薯挽肉滷

...... 材料 ......

馬鈴薯，切塊　300g

金瓜，切塊　1/2

挽肉　200g　

洋蔥，刴幼　1

滾水

番薑仔粉　1TL

番薑仔，切塊　2

蒜頭，刴幼

芳料草

鹽、胡椒

...... 步數 ......

1. 洋蔥、蒜頭落鼎芡芳，挽肉、番薑仔粉、芳料草濫落去炒熟。

2. 番薑仔、金瓜、馬鈴薯、滾水濫落去，煮30分鐘。

3. Tiàu 寡鹽、胡椒，樂暢來食。

(30.11.2023 Frühstück Kürbis-Kartoffeln-Paprika mit Hackfleisch Eintopf - Quark/877kcal)

Das ist nicht die Stimme von Hesse.

Einmal teilte ich eine Hesse-Hördatei auf Facebook, und eine Freundin sagte zu mir, das ist nicht die Stimme von Hesse.

Ich möchte Miss Allwissenheit nicht beleidigen, also antworte ich einfach auf diese Audiodatei von der deutschen Website.

Du bist ein Lügner, sagt sie.

Ich antwortete nicht auf ihre Nachricht, denn ich sah den König eindeutig ohne seine Kleider.

Kürzlich sprach ich mit meinem Mann über verschiedene Dinge und dachte an Mr. und Mrs. Alleswisser.

Ich sagte etwas über meine Gedanken zu Mr. und Mrs. Alleswisser.

Oh, mann!

Das ist so sauer!

Ich fühle ich bin ein Troll und Hasserin.

Du denkst zu viel, sagt mein Mann.

Das glaube ich nicht, denn ich habe nicht über das Thema nachgedacht, sondern ich bin ihnen gefolgt, deshalb waren meine Worte sind sauer.

Ich möchte nicht diese Person sein, deshalb halte ich mich von diesen Leuten fern.

Aber ich die Erfahrungen anderer Menschen brauche, um meine eigenen Probleme zu entdecken.

Mann, ich bin sauer....

Aber, manchal sauer sei ist gesund, ich muss das ehrlich sagen.

Wie ein Freundin, die kein Deutsch spricht, aber festgestellt hat, das ist nicht Hesses Stimme, Jack, das ist wirklich erstaunlich (Das ist ein Werbung aus der USA in mein Jungend und sehr bekannt, wenn wir sagen Oh, mein Gott, Sie können alle wie Superman aber kein Übermenschen sein)

Kürbis-Kartoffeln-Paprika mit Hackfleisch Eintopf

...... Zutaten ......

Kürbis in Stücke geschnitten　1/2

Kartoffeln in Stücke geschnitten　300g

Fein gehackte Zwiebel　1

Wasser　

Paprikapulver　1TL

Fein gehackter Knoblauch

Hackfleisch　200g

Gelbe Paprika in Stücke geschnitten　1

Rote Paprika in Stücke geschnitten　1

Kräuter

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind, Hackfleisch dazugeben und anbraten bis es goldbraun ist.

2. Kartoffeln mit Kürbis, Paprika, Paprikapulver und Wasser dazugeben und gut mischen, dann ca. 30 Minuten kochen.  

3. Mit Salz und Pfeffer abschmecken. Guten Appetit!

(30.11. 2023 Breakfast Pumpkin, Potato, Bell Peppers with Minced Meat Stew - Curd Cheese/877kcal)

That is not the voice of Hesse.

Once I shared a Hesse listening file on Facebook and a friend said to me, that's not the voice of Hesse.

I don't want to offend Miss Omniscience, so I just reply to this audio file from the German website.

You are a liar, she says.

I did not reply to her message because I clearly saw the king without his clothes.

Recently I was talking to my husband about different things and I was thinking about Mr. and Mrs.Omniscience.

I said something about my thoughts on Mr. and Mrs. Omniscience.

Oh, man!

That's so mad!

I feel I'm a troll and a hater.

You think too much, my husband says.

I don't think so because I wasn't thinking about the issue, I was following them, so my words were salt and sour.

I don't want to be that person, so I stay away from those people.

But I need other people's experiences to discover my own problems.

Man, I'm so troll....

But, being troll sometimes is healthy, I have to say that honestly.

Like a friend who doesn't speak German but noticed, that's not Hesse's voice, Jack, that's really amazing (That's a commercial from the US in my youth and very well known when we say Oh, my God, you can be like Superman but no a superhuman)

Pumpkin, Potato, Bell Peppers with Minced Meat Stew

...... Ingredients ......

Pumpkin cut into pieces　1/2

Potatoes cut into pieces　300g

Finely chopped onion　1

Water　

Paprika powder　1TL

Finely chopped garlic

Minced meat　200g

Yellow bell pepper cut into pieces　1

Red bell pepper cut into pieces　1

Herbs

Salt ＆ Pepper

...... Method ......

1. Put the onion with garlic in the pan and fry until they are golden brown, add minced meat and fry until golden brown.

2. Add the potatoes with pumpkin, peppers, paprika powder and water and mix well, then cook for about 30 minutes.

3. Season with salt and pepper. Enjoy your meal!