亂皂𥴊仔店 ⓂⒺⒾⓃⓀⒾⓄⓈⓀ

(2024.03.26 早起頓 Rigatoni Tshì-sù 法國焗 + 串仔生菜盤 + 洋梨仔俗麭 + 優格/1102kcal)

我慣勢綴食譜出菜 mā 慣勢 tī 仝一个時間無出相𫝛 ê 菜色，所以 tī 這出菜出現進前 Muse 窮實無來相揣，總是我 mā 已經學 ē 曉放過家己莫情緒叨撚 -- 招姜子牙佮周公做陣行棋。

 「今仔日早起頓愛較晏食」我那𫝻手機仔那講。

「食啥攏好，只要你出 ê 菜攏好食」翁 mā 那𫝻伊心愛--ê 那應。

「當然 mā 是按呢生，我出 ê 菜攏好食，總是德國人講 ê 話 buē-tàng 認真，抑無按怎死攏 m̄ 知影，像彼對母女 hőng 請出去就隨倒塗跤 m̄ 捌閣𬦰起來」我刁意故講。

M̄ 敢保領實膜(tsa̍t-mo̍oh) buē 來行踏 ê 翁恬靜接受我 ê 日本剾刀，倒剾。

按德國 Google 趨湧到以英語做通用語言 ê 國家，猶是若 Fernão de Magalhães 猶未出帆進前 ê 茫茫渺渺，好玄海 ê 另外一爿 ē 是啥物面肉。

喙焦來食一杯燒茶燒烙這个 hőng 倖歹 ê 千金小姐 --- Tsa̋ng 猶閣 tsham 逐家歡喜食太陽餅，今仔日隨曝杮粿做杮霜。

到底是 bueh 款啥來食，咂一喙茶，Muse 猶 m̄ 來，繼續咂一喙茶問家己敢著遮爾仔貓神?

當我想 bueh 放棄 Hegel ê 智慧 --- ....denn Wahrheit heißt eben Übereinstimmung des Begriffs mit seiner Wirklichkeit，事實 ê 意思是現實佮理念 ê 一致，歇寒一段期間 ê 厝鳥佮我隔一个窗仔門相互 tuì 看。

 「內底彼个金主講日子猶 buē 到，所以這久 ê 我猶無飼料通奉待恁逐家，歹勢。」

厝鳥仔若知影我 teh 講啥，喙直直擘佮合頭 mā 直直 tìm。

 「有玻璃窗你較 buē 驚生份謼，按呢敢 ē-tàng kā 恁請教一下，Muse 走去佗位𨑨迌？」

話聲猶未落塗，隨个仔隨个做𪜶飛 hōo 我想著果真是欠錢走主顧，咱按呢好心 kā 奉待，𪜶煞按呢薄情。

當悲觀五分改一錢，暗頭改半暝，歐洲烏鳥雄雄按壁角探頭，彼日假仙假觸 ê 愛食隨浮在眼前。

多謝你，可愛 ê 烏鳥，我知影 Muse 在那裡(tsai-nà-lí)？

記錄這篇食譜資料，我又閣成做貓好玄這 tī 德國 buē 講僫 bué，外表佮四常食法 mā 佮 Penne 無宛 2 體 ê 伊，是按怎伊是蕗蕎 Penne 佮 Macaroni 是蒜仔 mā 好玄伊 tī 華文世界按怎號名?

請教 Wiki 無華文資料 m̄-koh 香港話，香港話 kā 伊號做 「長通粉」，我 m̄ 捌香港話，總是我 ē 記得香港人講 ê 長通粉是臺灣講 ê「筆管麵」、「鉛筆麵」隨閣請無所不知 ê Google 賜我智慧，tī 香港 Yahoo 揣著這篇意粉唔只得Spaghetti！教你9種意粉英文 千層意粉要點叫？並確定我久年 ê 記持無 m̄ 著。

早前記錄 I-tá-lih 麵食食我 buē 分甲遐爾仔細，起因 m̄ 管華語抑是台語我攏慣勢講「I-tá-lih 麵」，自聽公視台語台 Podcast S3EP25 - 出名人相借問 - 民間鳥類台語專家蘇民弦分張厝鳥仔 ê 分類，當我記錄這片食譜隨想著德國人面對自本 m̄ 是家己文化 ê 態度 --- 像日語按呢綴 leh 唸 mā 綴 leh 寫無閣做變化 --- 凡勢無拄好踅來遮 ê 朋友 ē 講我聽你 teh 講漫画，總是我清楚知影日文 ê サラダ 就是德語佮英語 ê Salat & Salad。

按呢我 bueh 按怎表達遮 ê 本底 m̄ 是咱文化 ê 物件？

我貧惰愖...就照伊 ê 原文記錄，畢竟頭殼加一个音階，減一个機會致著戇人症頭。

食譜是設計 hōo 囡仔 ê 食食 m̄-koh gún 兩个半老老 mā 感覺伊好食甲舌觸 buē 離。

那食 Ka-pi 那看又閣按熱人轉踅寒人 ê 影戲。

當我 Ka-pi 食甲差不多無飼甲半尾金魚。

Amsel(烏鳥)按斡角翼股那展那行來花矸，我雄雄想著 tsuē 冬前，彼个古錐 ê 查某囡仔。

老爸 tī 冊房接受新聞台 ê 採訪，伊那唱歌那搖入去冊房 bueh 佮爸爸分享伊 ê 快樂 ê 畫面。

烏鳥這久 mā 按呢按斡角搖 leh 搖 leh，翼股閣展 leh 展 leh。

按正手爿 ê 斡角行到我 ê 頭前 tsham 我相相，又閣繼續搖 leh 搖 leh 按我 ê 面頭前搖 leh 搖 leh 到厝邊遐。

最後一喙甘甜落喉，徛起身。

Also(原來)...我 mā 是烏鳥看戲 ê 影戲演員之一。

Hallo, merkwürdig,

Vermisst du mich?

貓神你有數念我無？ 

--- 2022.04.04

Rigatoni Tshì-sù 法國焗

...... 材料 ......

煮好 ê Rigatoni　160g

Tshì-sù　80g

牛奶　150ml

洋蔥，刴幼　1

麵粉　30g

俗麭　1塊

蒜頭，刴幼

麥片　60g　

芳料草

鹽、胡椒

...... 步數 ......

1. 俗麭落果汁機絞做麭幼仔。

2. 洋蔥、蒜頭落鼎炒芳，麵粉、牛奶濫落攪做羮，Rigatoni、50g ê Tshì-sù、鹽、胡椒摻落去攪 hōo 齊。

3. 麭幼仔、30g ê Tshì-sù、麥片、芳料草濫做伙搜 hōo 齊，鋪 tī 麵 ê 頂懸，落烘箱捘180度烘20分鐘，樂暢來食。 

(26.03.2024 Frühstück Rigatoni-Käse-Auflauf - Thunfischsalat - Toastbrot mit Birne - Joghurt/1102kcal)

Ich habe Problem, sage ich zum meinen Mann.

Was?

Ich weiß nicht was ich kochen soll,  sage ich.

Es ist mir egal, sagt mein Mann.

Natürlich, das ist mir egal, dann tun mir die Ohren weh, sagte ich.

Ich weiß nicht, was ich kochen soll, aber ich brauche eine Tasse Tee.

Ich gehe zur Küche, die Spatzen sind schon da und auf dem Fenster um mir zuzuschauen.

Hätten Sie ein gute Idee für mich, ich frage die Spatzen.

Ja, wir haben eine sehr gute Idee, sagen die Spatzen.

Bitte, frage ich.

Als ich warte, die Amsel kommt, die Spatzen sind amweg.

Ach so, ich weiß was ich koche soll, ich habe ein Rezeptbuch von Groß und Kleine.

Ja, yummy.

Ich habe Kaffee getrunken und aus dem Fenster geguckt.

Und überlege, was passiert...

Der Winter kommt zurück.

Und wo ist der Schnee?

Ja, ich habe länger als ein Jahr gewartet.

In Deutschland gibt es überall Schnee.

Ich trinke Kaffee und schaue aus dem Fenster 

Wenn der Schnee kommt wie der Wetterbericht sagt.

Plötzlich, ein kleine Schwarze Sache an der Ecke.

Ich warte, was ist das.

Katze oder....

Ich warte und trinke Kaffee.

Die Amsel wie Disney's Prinzessin.

Singt und tanzt auf dem Balkon.

Ich gucke die Amsel.

Die Amsel  guckt mich an.

Plötzlich, ich lache.

Also, wir beobachten uns gegenseitig.

Sie ist mein Schauspieler, ich bin auch ihre Schauspielerin.

Rigatoni-Käse-Auflauf

...... Zutaten ......

Gekochte Rigatoni　160g

Käse　80g

Milch　150ml

Fein gehackte Zwiebel　1

Mehl　30g

Semmelbrösel　1EL

Fein gehackter Knoblauch

Haferflocken　60g　

Kräuter

Salz, Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbruan sind.

2. Das Mehl und die Milch hinzufügen und gut verrühren, bis eine cremige Masse entsteht.

3. Rigatoni mit 50g Käse, Salz und Pfeffer dazugeben und gut mischen.

4. Die Semmelbrösel mit den Haferflocken, 30 g Käse und den Kräutern gut vermischen und über die Nudeln verteilen.

5. In Backofen auf 180°  20 Minuten backen. Guten Appetit!

(03.04.2023 Breakfast Rigatoni Cheese Casserole - Tuna salad - Toast and Pear - Yogurt/1102kcal)

Berlin, we have a problem, I say to my husband.

What?

I don't know what to cook, I say.

I don't care, says my husband.

Of course, I don't care, then my ears painful, I said.

I don't know what to make, but I need a cup of tea.

I go to the kitchen, the sparrows are already there and on the window to watch me.

If you had a good idea for me, I ask the sparrows.

Yes, we have a very good idea, say the sparrows.

Please, I ask.

As I wait, the blackbird comes, the sparrows are gone.

Oh, I know what to cook, I have a recipe book from Adult and Kid.

Yes, yummy.

I drank coffee and looked out of the window.

And think, what happens ...

The winter comes back.

And where is the snow?

Yes, I waited for more than a year.

In Germany there is snow everywhere.

I drink coffee and look out of the window

When the snow comes like the weather report says.

Suddenly, a small black thing on the corner.

I'm waiting, what is that.

Cat or ....

I'm waiting and drinking coffee.

The blackbird like Disney's princess.

Sings and dances on the balcony.

I look at the blackbird.

The blackbird looks at me.

Suddenly, I laugh.

So, we watch each other.

She is my actor, I am also her actress.

Rigatoni Cheese Casserole

...... Ingredients ......

Cook Rigatoni　160g

Cheese　80g

Milk　150ml

Finely chopped onion　1

Flour　30g

Breadcrumbs　1EL

Finely chopped garlic

Oatmeal　60g　

Herbs

Salt, Pepper

...... Method ......

1. Put the onion with garlic in the pan and fry until they are gold bruan.

2. Add the flour and milk and mix well until you have a creamy mixture.

3. Add the rigatoni with 50g cheese, salt and pepper and mix well.

4. Mix the breadcrumbs with the oatmeal , 30g of cheese and the herbs and spread over the pasta.

5. Bake in oven to 180 ° for 20 minutes. Enjoy your meal!