亂皂𥴊仔店 ⓂⒺⒾⓃⓀⒾⓄⓈⓀ

愛是...

伊看起來就是伊。

M̄ 是你意愛看著 ê 伊。

愛是 hōo 每一个人自在成做伊家己。

翁講真愛今仔日 ê 對句，頭一段是 uī 網路讀來 ê 辭，後一段是按德國歷史作家 Sebastian Haffner ê 「Jedem das seine」改編。

頂站仔 uī-tio̍h buaih 食冷盤抑是パン𩛩 tsiah 出門行尞行跤花，所以 bueh 出門前一暝，隔轉日 bueh 食 ê 早起頓 mā 齊攢好勢。

總是，按呢 ê 準備猶是 hōo 我感覺家己是九月蟳，無膏，腹肚空空，有食若無食攏仝款，雖罔 gún 兜有微波爐通微波，款好 ê 物食 tuì 我來講猶是若𫝏鋼(kǹg)，外燒內冷，無味無素。

3月13翁某攏免做穡，想 bueh 踮厝綴烏寒成做樹趖，無疑悟 kha-tián 一挩，gún mā 綴膨鼠 tī 樹絡(le)跳探戈。

「我想 bueh 出門做日頭花，你敢 bueh？」

「當然 mā bueh」翁應。

隨一人傱浴間仔洗跤手面，一人傱廚房準備早起頓。

啊，原早 ê 秮仔美國茄紅菜頭無適合今仔日。

煮麵？

按捷克款轉來 ê 米粉佮泰國米粉仝款攏愛浸水浸透暝麵 tsiah-ē 𩚨軟。

食麭？

食飽無到三點鐘，大腸隨告小腸，無擋頭。

食....當我相拍電 tsa̋ng 暝提出來退冰 ê 三文魚成做我 ê Wickie und die starken Männer --- Vicke。

Blog 有一篇食譜是記錄人 tī Italia 學著 ê 好味素，按社區資源回收桶抾轉來 ê Für Diabetiker über 120 köstliche Rezepte für jeden Tag 有一篇是 Linguine mit Sardinen，這兩个 ē-tàng 鬥做伙，成做另外一个變體 ê 變體。

像遮 ê 變體；

ソーセージ/Sōsēji = 煙腸(Ian-tshiâng)，Wurst, Sausage, 煙｜ienˊ 腸｜congˇ

パスタ/Pasuta = Ì-tāi-lī 麵，Nudeln, Pasta, Fideos & Pasta, 義｜ngi 大｜tai 利｜li 麵｜mien

我 tī 意大利食著 ê 版本是專門 uī 無食臊 ê 人設計 ê 菜單，tī 馬爾他 Malta 行尞行跤花 tī Sicily 西西里人經營 ê 餐廳食 ê 變體是添 Bé-khòng 佮 Tshì-sù，這久翻頭餾 ê Für Diabetiker 掠肥食瘦，伊 kā Bé-khòng 佮 Tshì-sù 換做茴香頭(Knolle/Tuber)佮𠕇仁，Bé-khòng 換新沢鰮仔魚，其他食材攏相𫝛。

No tengo pasta，我無錢

鮮沢鰮仔魚鞏金我無法度冇手，不過我有罐頭鰮仔魚，美味しい閣好緊出菜。

鰮仔魚麻仔葉意大利麵

...... 材料 ......

煠好 ê 扁意麵　160g

蒜頭，剁幼

罐頭紅菜頭穎　1

麻仔葉　80g

罐頭鰮仔魚　2

芳料草

橄欖油　1EL

Lê-bóng 汁

鹽、胡椒

...... 步數 ......

1. 蒜頭、橄欖油、Lê-bóng 汁、鹽、胡椒濫做伙，抐 hōo 齊。

2. 麵、麻仔葉、紅菜頭穎、芳料草濫做伙搜齊。

3. 1+ 2 濫做伙攪 hōo 齊，鰮仔魚鋪落去，樂暢來食。

Liebe ist....

Jemanden so zu sehen wie er ist.

Nicht wie man ihn gerne hätte.

Liebe ist jedem das seine.

Mein Mann hat mir sagt, ich liebe den Spruch heute.

Und ich liebe das Gericht.

Könne wir das noch mal essen?

Gerne sage ich.

Linguine mit Sardinen und Rucola

...... Zutaten ......

Gekochte Linguine　160g

Fein gehackter Knoblauch

Sardinen aus der Dose　2

Rucola　80g

Möhren aus der Dose　1

Zitronensaft

Kräuter

Olivenöl　1EL

Salz ＆ Pfeffer

...... Zubereitung ......

1. Knoblauch mit Öl, Zitronensaft, Salz und Pfeffer gut mischen.

2. Rucola mit Möhren, Linguine und Kräuter gut mischen, Soße dazugeben und gut mischen.

3. Sardinen hinzufügen. Guten Appetit!

Love is, he looks like him.

Not the one you like to see.

Love is to allow everyone to be himself freely.

My husband told me I love the saying today.

And I love the dish.

Can we eat that again?

My pleasure, i say.

Linguine with Sardines and Arugula

...... Ingredients ......

Cooked Linguine　160g

Finely chopped garlic

Canned carrots　1

Arugula　80g

Olive oil　1EL

Herbs

Canned sardine　2

Lemon juice

Salt ＆ Pepper

...... Method ......

1. Mix the garlic with oil, lemon juice, salt and pepper well.

2. Mix the Arugula well with carrots, linguine and herbs, add the sauce and mix well.

3. Add sardines. Enjoy your meal!