照本底 ê 性地，這看起來殕殕 ê 相片 buē 出現 tī 遮。
照本底 ê 相趁相喊輸人 m̄ 輸陣 ê 驚人笑，逐張相片攏愛翕甲若 NON-NO ê 性地，這看起來料小閣無鹹無纖(siam) ê 攝相 buē 出現 tī 遮。
總是，樹仔 ē 恬靜添歲我 mā 是。
Tī 這个連蠓攏無興來行踏 ê Blog，我按猴神學 ē 曉挑花刺繡兼引述陳麗君老師《銀河鐵道 ê 暗暝》銀河鉄道 の 夜 ê 這段話；
阮 teh 翻譯 tsit 篇作品 ê 時，阮 ê 人生旅程也拄好 tshiāng 著選擇 ê 交叉路口、無主張、孤單 ê 心境，tng 翻譯過程漸漸行到尾站 ê 時，阮也 tshuē 著「kā ka-kī 放下」ê 領悟。
整理這篇文章時翁 mā 問我近來 ê 食食是家己愖抑是踅網路得來 ê 露感。
「按家己 Blog 來 ê 翻塗，因為我嫌𪜶䆀，不過我 mā 按䆀行出一條路，彼就是圓仔花 m̄ 知䆀，大紅花䆀 m̄ 知 ê 自信，起因激派頭 buē 𤆬 hōo 我任何 ê 智慧 kan-ta 烏白開錢。」
「你無烏白開錢」翁隨紲喙講。
確實我 uī-tio̍h 一張相片一四界款瓷仔、換翕相機遮 ê 有 ê 無 ê，不過我浪費足 tsuē 時間 tī 遮拔大索，像台文一逝閣一逝羅馬字佮華文遮 ê 無聊代。
我講 ê 無聊代 m̄ 是批評，是針對我家己心無定 ê 剾洗。
心定就 buē 慢牛厚屎尿 mā buē 計較做這件代誌 ē-tàng 得著啥物，像本底講興趣押尾成做有你 ê 支持是我繼續向行前 ê 力量。
四常睏無 8 點鐘 buē 起床 ê 我，步頻 tī 亂鐘仔猶未挵鼓就擘金金佮天篷相對看。
倒看、正看、直直看閣大聲喝「周公矣、姜子牙，莫閣奕，好轉來食飯」。
M̄-koh 𪜶兩个這回敢若食著熊膽，無人 bueh kā 我應一聲。
我氣甲趒跤頓蹄，那頓那講，煞煞去講 buē 伸捙，規氣逐家攏來做仙。
燃一鼎燒水，看窗仔外 ê Romeo 佮 Julia tī 月斜西主導 ê 貓霧光談戀愛。
耳那聽 ラジオ(Rajio) Deutsche Bundeswehr fliegt nach Afghanistan（德國軍機飛往阿富汗)...
喘一氣大氣。
今仔日 ê 平靜是偌 tsuē 人 iōng 𪜶 ê 性命來鋪路。
那看窗外 ê 平靜那感受神魂 ê 寧靜。
茶鈷 ê 呻聲 kā 我按太古咻轉來。
𫝻手機仔看時間。
8月16
這支號碼 buē 䆀，愛來敲電話。
想著阿母在生時，tuì 號碼那有感覺就隨敲電話 hōo 阿舅，兩个姊弟仔就一人徛一鄉迵過一條線討論 bueh 買佗一張獎券 ê 畫面。
沖一杯紅茶，紅茶 ê 色水宛然窗外猶原 tī 𬦰山並向望有一日 ē-tàng 佮先落山 ê Diana 再相逢 ê Apollo。
滴一湯匙牛奶勻勻仔抐。
出大日 ê 天幕因為 Apollo ê 傷心成做月斜西。
「Was ist los, ist der Winter schon da？」（曷-----發生啥物代誌，寒人又閣踅翻頭）
拄起床目睭猶原沙微沙微 ê 翁 tuì 窗仔外燃茶鈷。
我無應話恬恬越頭看菜櫥，遐 ê tsa̋ng 已經款好 ê 早起頓材料。
步頻爍爁閃過。
8月16
Ah～
今仔日是翁 ê 生日.....
Alles gut zum Geburtstag（生日快樂）
翁本底沙微 ê 目睭成做 Diana 思念郎君 ê 月眉佮我數念 ê 菱角 。
笑咍咍講「Dankeschön，多謝」。
看伊歡喜甲喙裂獅獅，我隨講；
「彼號...歹勢，tsa̋ng 無想著今仔日是你 ê 生日致使無通款腥臊 kā 你做壽」，我講。
「無要緊，咱兜日日攏是隨碗出」翁笑甲若窗外彼隻那食露台 ê 物食那唱歌 ê Amsel(歐洲黑鶇)。
--- 2021.08.17
挽肉紅菜頭意大利麵
...... 材料 ......
煠好 ê 幼麵 200g
紅菜頭 200g
挽肉 200g
Kam-má-tooh，切塊 2
糖 1/4TL
豆油 1EL
洋蔥，刴幼 1
滾水
蒜頭，刴幼
鹽 & 胡椒
...... 步數 ......
1. 洋蔥、蒜頭落鼎芡芳，kam-má-tooh 濫落去炒軟。
2. 挽肉、紅菜頭摻落去炒熟，滾水淋落去煮20分鐘。
3. 豆油、糖摻落去，繼續煮5分鐘，麵濫落去搜齊，tiàu 寡鹽、胡椒，樂暢來食。
Normalerweise ich schlafe über 8 Stunden.
Heute ich weiß nicht was ist passiert, als der Wecker klingelt, bin ich aufgestanden.
Ich habe nochmal versucht zu schlafen.
Aber leider, ich kann nicht wieder einschlafen.
Deshalb gehe ich nach Küche und trinke ein Tee.
Ich gucke raus, Romeo und Julia sind auf dem Baum und Küssen und sagt ich liebe dich.
Ich höre das Radio, die Bundeswehr fliegt nach Afghanistan...
Mann......
Was kann ich tun.....
Bedanken für was ich habe........
Ich giesse einen Teelöffel Milch in den Tee.
Den Tee wie Apollon läuft auf den Weg, und hat Diana fast eingeholt.
Aber, leider...er sieht sie nicht.
Den Himmel von Gold zu Grau.
「Was ist los, ist der Winter schon da？」sagt mein Mann.
Ich antworte nicht, ich bereite das Frühstück vor.
8.16
Die Nummer ist wie ein Blitz und in meinem Kopf.
" Das ist eine gute Nummer, ich muss ein Lotterielos kaufen. "
Ich lache weil das sagte meine Mutter, wenn sie ein Lottolos kaufen möchten.
Ich denke die gute Nummer und mein Mann anschaue.
Ach so!
Die gute Nummer ist Geburtstag.
" Alles Gute zum Geburtstag, mein lieber Schatz ", sage ich.
Dankeschön, mein Mann ist wie eine Tintenfisch so glücklich.
Heute, ich mache kein Sarkasmus zu dir nicht, ich probiere, sage ich.
Dankeschön, lacht mein Mann.
Alles Gute zum Geburtstag, mein lieber Schatz, obwohl du bist seltsam, ich liebe dich noch.
Und entschuldigen, du musst Gewicht verlieren, deshalb essen wir heute Normal, keine Süßkeiten.
Wir beschreiben eine Frau, die sehr glücklich als “花枝亂顫”。
Die “花枝” normalerweise ist Blume.
Aber, Tintenfisch ist auch “花枝”.
Warum?
Kein Kein Ahnung.
Nudeln mit Möhren und Hackfleisch
...... Zutaten ......
Gekochte Nudeln 200g
Möhren in Scheiben schneiden 200g
Hackfleisch 200g
Tomaten in Stück geschnitten 2
Zucker 1/4TL
Sojasoße 1EL
Fein gehackte Zwiebel 1
Wasser
Fein gehackter Knoblauch
Salz ＆ Pfeffer
...... Zubereitung ......
1. Zwiebel, Knoblauch in die Pfanne geben und anbraten bis sie goldbraun sind, Tomaten dazugeben und anbraten bis sie weich ist.
2. Möhren und Hackfleisch dazu geben und anbraten bis sie goldbraun sind, Wasser dazugeben und ca. 20 Minuten zum kochen.
3. Sojasoße und Zucker dazugeben und weitere 5 Minuten Kochen.
4. Nudeln dazu geben und gut mischen.
5. Mit Salz und Pfeffer abschmecken. Guten Appetit!
I usually sleep over 8 hours.
Today I don't know what happened, When the alarm goes off, I have gotten up.
I tried to sleep again.
But unfortunately, I can't go back to sleep.
So I go to the kitchen and have some tea.
I look out, Romeo and Juliet are on the tree and kissing and saying I love you.
I hear the radio, the German air force is flying to Afghanistan ...
Oh my dear......
What can I do.....
Thanks for everything I have.
I pour a teaspoon of milk into the tea.
The tea like Apollon is on the way, and has almost caught up with Diana.
But, unfortunately ... he doesn't see her.
The sky from gold to gray.
「What's going on, is winter already here？」 says my husband.
I do not answer, I am preparing breakfast.
8.16
The number is like lightning and in my head.
"That's a good number, I have to buy a lottery ticket."
I laugh because that's what my mother said when they wanted to buy a lottery ticket.
I think the good number and look at my husband.
Oh I see!
The good number is birthday.
"Happy birthday, my dear darling," I say.
Thank you my husband is so happy as an squid.
Today, I don't do sarcasm to you, I try, I say.
Thank you, my husband laughs.
Happy birthday, my dear darling, even though you are strange, I still love you.
And sorry, you have to lose weight, that's why we're eating normal today, not sweets.
We describe a woman who is very happy as “花枝亂顫”。
The "花枝" usually is flower.
But, squid is also “花枝”.
Why?
I don't know.
Minced Meat Carrot Pasta
...... Ingredients ......
Cooked pasta 200g
Minced meat 200g
Cut the carrots into slices 200g
Tomotoes cut into pices 2
Sugar 1/4TL
Soy sauce 1EL
Finely chopped onion 1
Water
Finely chopped garlic
Salt,pepper
...... Method ......
1. Put the onion, put the garlic in the pan and fry until they are golden brown, add tomatoes and fry until they are soft.
2. Add the carrots and minced meat and fry until golden brown, add water and cook for about 20 minutes.
3. Add soy sauce and sugar and cook for another 5 minutes.
4. Add the pasta and mix well.
5. Season with salt and pepper. Enjoy your meal!
留言列表
冊 ▪ Bücher ▪ Books (4)
