亂皂𥴊仔店 ⓂⒺⒾⓃⓀⒾⓄⓈⓀ

(減肥早起頓 金瓜珠仔豆飯。南瓜小扁豆飯)

翁某有家己 ê 五里無仝風，十里無仝俗 ê 食頓慣勢，特別是雙人意愛 ê 物食無法度敆做伙，我愛按怎 kā 手頭 ê 秤仔提 hōo 在 buē 重欹爿，這是徒岫來德國進前 m̄ 捌愖過 ê 四常。

總是這个雙人𫝛桌𫝛箸無𫝛喙斗 ê 問題 tuì 我來講 m̄ 是 peh 青天按呢 ê 就準倩仙來鬥相共猶原無變撚(piàn-lián)，起因我無真依賴(i-nāi)亞洲食食，遮 ê 超市賣啥我就款啥 buē uī-tio̍h bueh 食一塊豆腐家己撆手䘼抑是坐火車到點外鐘 ê 大城款豆腐。

我按呢寫 m̄ 是表示家己偌爾仔好喙斗，我按呢寫只是 bueh 表示，入港隨灣，入鄉隨俗，遮有啥物物我就綴遮 ê 物做我意愛 ê 物食，像金瓜 tī 臺灣我 kan-ta ē 曉提來𤉙雞肉濫豆油，來到遮我學 ē 曉捎來烘做飯食。

遮爾仔𠢕入港隨灣，入鄉隨俗 ê 我，猶是無法度入人門，順人意纏綴另外一个問題過日子，彼就是順翁自囡仔時就慣勢 ê 態度，只要無合伊喙斗抑是看無目地 ê 事項，伊隨 Nee 甲我掠做家己正經無尊存𪜶德國人 ê 文化。

總是，我 m̄ 是無自信抑是 m̄ 捌看過四海 ê 人，伊 ê Nee 真緊就 hōo 我摠著龜跤佮知影按怎節脈治病佮燃茉(bua̍h)草來治伊 ê 病症佮避邪，不過現此時 ê 我 kan-ta 有法度挽茉草避邪猶無法度 kā 針灸(Tsiam-kù)，起因我猶未摸著膏肓，準做伊認為伊無病到膏肓，我猶是斟酌 teh 揣，畢竟 gún-ê 紅線是縛甲比 gún 爸母中國佮臺灣閣較遠 ê 遠，另外 gún 2 个人正經是 You and I, we were meant to be I feel it in my soul Feel it in my soul，一日若是愛分離決定 m̄ 是 gún 其中一个做 m̄ 著代誌抑是無感情，sòo-pái 我願意放下本底 ê 個性，門扇枋鬥 buē 峇就莫鬥 ê 繼續佮伊做陣調角度 kā 門扇枋鬥 hōo 合，真正 ê 合 m̄ 是𪜶兜彼款假包 ê 空榫峇甲 m̄ 免倩小木大木來敆榫。

「日晝三時久，有 ê leh 食，有 ê teh 煮，我尊存你 ê 喙斗、食飯時間 mā 入港隨灣，入鄉隨俗，總是我做 buē 到入恁兜 ê 門，愛百分之百順恁兜 ê 意，特別是無合理兼無尊存別人 ê 意」當我決定 buaih 閣纏綴伊 ê 文化踅金龜磨，彼个凡勢 ē 拆股 ê 驚惶隨走甲無看尾溜 hōo 我清楚知影愛按怎擺撥這个按別人遐傳過來 ê 病症。

像這盤，早前真愛講我無食肉 m̄-koh 見出門款物攏齊款「煙腸」、「加工肉杮仔」遮 ê 食物 ê 伊，這久正經有法度成做無肉 mā ē-tàng 過日子 ê 人，我 mā tī 這个過程學著雞豆窮真 buē 䆀味，彼陣認定 ê 䆀味 kan-ta 運氣無好，搪著半桶仔師 ê 手路。

金瓜珠仔豆飯

...... 材料 ......

金瓜，切塊　1/2

珠仔豆　300g

蒜頭，刴幼　

羅馬萵仔菜

卵包　2

鹽、胡椒

...... 步數 ......

1. 金瓜、蒜頭、油、鹽、胡椒濫做伙搜齊，落烘箱捘200度烘35分鐘。

2. 珠仔豆落滾水煮15分鐘。

3. 金瓜、珠仔豆、萵仔菜濫做伙，卵包鋪落去，樂暢來食。

(Frühstück zur Gewichtsabnahme Kürbis mit Linsen und Spiegeleier)

Essgewohnheiten sind tägliche Killer.

Wilde Essgewohnheiten verletzen nicht nur unsere Gesundheit, sie werden auch unsere anderen geschätzten Dinge verletzen.

Wie in der Ehe.

Das sagte meine Mutter zu mir.

Ich habe es vorher nicht für wichtig gehalten.

Als ich von Taiwan nach Deutschland kam.

Ich stellte fest, dass dies ein anderes ernstes Problem ist, da kann ich nicht mit seinen Eltern auskommen.

Aber ich muss sagen...

Das Problem des Essensstils zu lösen ist immer noch einfacher als das Problem seiner Eltern.

Seit dem Umzug nach Deutschland, etwa zwei Jahre, das Problem der unterschiedlichen Essgewohnheiten, lösen.

Das Problem seiner Eltern war in den letzten zehn Jahren, bis ich beschlossen, die Scheidung, mein Mann ist bereit, dieses Problem zu lösen.

Ich bin ein guter Mensch, ich werde nicht unvernünftig sein.

Es ist nur so, dass das Problem noch zu lösen ist, nicht wahr?

Und Scheidung ist die einzige Entscheidung, die ich damals tun konnte.

Immerhin ist das Leben kurz.

Wir müssen alle lernen, sich nicht in den Bedürfnissen anderer zulassen.

Und das Leben wie ein Zombie.

Kurz gesagt, ich möchte ein Beispiel mit diesem Teller machen.

Vorher gab es kein Fleisch, mein Mann hat es nicht gegessen.

Bitten Sie mich, Salat zu essen, ich wäre lieber hungrig.

Jetzt haben wir kein Problem mehr.

Kürbis mit Linsen und Spiegeleier

...... Zutaten ......

Kürbis in kleine Stücke geschnitten　1/2

Linsen　150g

Fein gehackter Knoblauch　

Romanasalat

Spiegeleier　2

Salz ＆ Pfeffer

...... Zubereitung ......

1. Kürbis, Knoblauch, Öl, Salz und Pfeffer gut mischen auf das Blech legen und auf 200 Grad 35 Minuten backen.

2. Linsen und Wasser in den Topfen geben und auf kleiner Stufe zum kochen bringen, dann weitere ca. 20 Minuten köcheln. 

3. 1+2 und Salat gut mischen, dann mit Salz und Pfeffer abschmecken.

4. Spiegeleir oben auf legen. Guten Appetit!

(Breakfast for weight loss Pumpkin with Lentil and Fried Eggs)

Eating habits are daily killers.

Wild eating habits not only hurt our health, they will also hurt our other estimated things.

As in marriage.

That said my mother to me.

I did not care for it before.

When I came to Germany from Taiwan.

I realized that this is another serious problem, as i can't get along with his parents.

But I have to say...

Solving the problem of eating style is still easier than the problem of his parents.

Since moving to Germany, about two years, the problem of different eating style, solve.

The problem of his parents had been in the last ten years until I decided to divorce, my husband is willing to solve this problem.

I am a good person, I will not be unreasonable.

It's just that the problem is still to be solved, right?

And divorce is the only decision I could do at that time.

After all, life is short.

We must all learn not to allow ourselves to be caught up in the needs of others.

And live like a zombie.

In short, I want to make an example with this plate.

Before there was no meat, my husband did not eat it.

Ask me to eat salad, I would rather be hungry.

Now we have no problem anymore.

Pumpkin with Lentil and Fried Eggs

...... Ingredients ......

Pumpkin cut into small pieces　1/2

Lentils　150g

Finely chopped garlic　

Romana lettuce

Fried eggs　2

Salt ＆ Pepper

...... Method ......

1. Pumpkin, garlic, oil, salt and pepper mix well put on the tray and bake at 200 degrees for 35 minutes.

2. Add lentils and water to pot and bring to a low boil, then simmer for another 20 minutes or so. 

3. 1+2 and lettuce mix well, then season with salt and pepper.

4. Place the fried egg on top. Enjoy your meal!