亂皂𥴊仔店 ⓂⒺⒾⓃⓀⒾⓄⓈⓀ

(2024.03.27 早起頓 美國茄雞肉咖哩 + 草莓俗麭 + 優格/1098kcal)

總算 tī Google Podcast 停止服務進前，我學 ē 曉按怎掠 tsuē-tsuē Podcast 其中一个 --- Spotify。

按無耐性轉做有耐心 ê 人，這愛感謝 YouTube，準做 tsuē-tsuē 人慣勢 tī YouTube 聽 Podcast，我猶是佮意無「臆你佮意」佮若豬母牽去牛墟 ê「推薦」ê kan-ta 聲音 ê Podcast 。

感謝 Google 感謝 YouTube，因為恁我 tsiah 有這个機會發現家己 ê 潛力(Tsiâm-li̍k)闊閬閬。

是講 uī-tio̍h bueh 收聽 Podcast 我 mā 申請 tsuē-tsuē 佮我無底代 ê 口座，像「SoundOn」、「Firstory」遮 ê 我 kan-ta bueh 成做聽眾 m̄-koh m̄ 知影佗一節脫(thut)箠，我 kan-ta ē-tàng 開節目 buē-tàng 收聽。

這个問題 hōo 我齷齪，起因我有這个癖，我無佮意抑是無 bueh 使用 ê 物就愛隨清掉 buē-tàng「收藏」來鎮地。

這个癖有好 mā 有䆀，總是好 ê 部份大過䆀，像露營車 Caddy，自我接手內底 ê 空間按一米闊變做十米闊 ê hōo 翁講家己講「我真正發覺我種著 gún 爸母 ê 譀想症。」

德國人 ê 露營車生做啥物款，Der Camping-Check 有真詳細 ê 分張。

Gún 翁佮意𪜶老爸 ê 露營車，sóo-tí kā gún-ê Peugeot 佮𪜶老爸交換，交換進前伊講「Gún 爸母真𠢕款露營物，gún 老母 mā 真愛清氣」捌綴這台車露營過幾擺猶原 m̄ 捌見過事實 ê 面肉無應話，等到車按北爿牽轉來，我 kan-ta tuì 翁講這句話「這台車 ê 整齊就 tshan-tshiūnn 真𠢕製造聲量 ê 前高姓立法女委員，伊外表媠媠清氣，私底下是虼蚻厝，你佮恁爸母 ê 癖佮伊無宛 2 體 ê 鋪面聖，浸水蚵，m̄-koh 恁 ê 病症嚴重甲送開刀房兼加護病房照護攏無應效。」

我想 bueh kā 遐 ê buē 使用 ê 口座刣掉，總是目前捎無摠頭通處理，我 mā 愛學習接受「現實」佮伊平和鬥陣，是講我 kan-ta 註冊無使用 APP，無定著過站仔遮 ê APP mā-ē 行向 PIXNET ê 跤步清幽魂人口，按呢我 ê 口座就 ē 無看影，人生世事愛學 ē 曉伸勼 m̄ 是 kan-ta 學起性搦地佮自我叨撚。

新 Podcast 掠好 mā 按舊節目湠出《科博做伙講》、《李講古我來聽》、《巷仔口的臺語》、《台語好代誌》講著台語好代誌，郭ê 佮阿燕 ê 聲音真正足迷人，雖罔𪜶攏講彼 m̄ 是四常講話 ê 聲調，猶是 hōo 我欣羨甲向望有一日家己 ê 台語 mā ē-tàng 講甲遮爾仔媠氣，另外 EP16 聽甲我足想 bueh 飛轉去故鄉參加臺灣唸歌節，總是現實猶是愛顧，飛轉去臺灣 ê 箍箍 ē-tàng hōo 我 tī 北歐車日子至少兩月日，我愛家己 ê 故鄉，總是故鄉已經無依無倚，新家鄉猶有依倚，我 tuì 新家鄉 ê 依賴(nāi)比故鄉飽穗。

那整理 Blog mā 那敨放無愛「收藏」ê 癖，按 Ghana 來德國實習 ê Antiato 徛在眼前。

我無面冊、IG、Tiktok 遮 ê 時行物，無表示我 ê 生活是烏白、無色緻抑是無愛認捌世界 ê 孤𣮈人。

我清楚知影我想 bueh 做 ê 代誌，像你愛恬靜讀家己有意神 ê 文章，我愛佮有緣 ê 人冇談練仙。

你佮我準做 tī 面冊相拄搪 mā 成做朋友，咱猶原是生份人，敢 m̄ 是。

真慣勢看少年家攏 teh 耍遮 ê 社群媒體，見著 Antiato 下課攏 teh 聽Bob Marley ê 音樂 hōo 我成做一隻貓開始佮伊破豆。

伊 mā 因為我無加入老師要求 ê 群組感覺我真有 14，總是文化 ê 隔間 hōo 伊 m̄ 捌揣我破豆。

Gún 隨人有隨人 ê 故事 mā tī 語言課結束了後 m̄ 捌閣相借問，總是彼段佮 Antiato 談非洲談 Bob Marley 談世事，攏是我人生上僫得 ê 寶藏。

人生本平等，咱敢真正平等？

準做憲法已經 hōo 咱平等 ê 權利。

原本 ê 食譜是泰國紅 Kari，gún 無食薟就 kā 伊換做黃 Kari --- 鬱金粉做主角、蒜頭、番薑仔粉、薑做配角，我無食鴨 kā 鴨肉換做雞肉，泰國九層塔 tī 遮鞏金，我 kā 伊換做著時 ê 熊蔥(Bärlauch)，東南亞食食靈魂 ê 魚露 gún 攏無愛，就無濫，椰子奶我無法度食甲像德國人按呢，一斗一罐 400ml 齊 hōo 焦，就自動 kā 減量，按呢無照起工來行 ê 味素猶是好食甲 hōo 翁舌觸 buē 離，我家己 mā 仝款。

泰國 Kari 紹介 --- 愛吃泰國料理？認識「黃綠紅」4 種泰式咖哩！

美國茄雞肉咖哩

...... 材料 ......

美國茄，切塊　2

雞襟胸，切塊　400g

洋蔥，礤簽　1支

蔥仔，刴幼　1支

蒜頭，礤簽　

薑，礤簽　

熊蔥

椰子奶　100ml

番薑仔粉　1TL

薟椒粉　1/4TL

鬱金粉　1EL

滾水　400ml

鹽、胡椒

...... 步數 ......

1. 雞肉、美國茄落鼎煎 hōo 赤赤，提出來。

2. 洋蔥、蔥仔、蒜頭落鼎芡芳，番薑仔粉、鬱金粉落鼎炒芳，雞肉、美國茄濫落去搜 hōo 齊。

2. 椰子奶、滾水、熊蔥濫落去抐 hōo 散，煮10分鐘，tiàu 寡鹽、胡椒，樂暢來食。

(27.03.2024 Frühstück Curry mit Hähnchen und Auberginen - Toastbrot mit Erdbeeren - Joghurt/1098kcal)

Seit ich mein Facebook geschlossen habe, ich denke an den Tag, wenn die Leute Antiato gefragt haben und er das geantwortet hat.

Warum, brauche ich Facebook, IG oder Tiktok?

Ohne die, mein Leben ist noch bunt.

Weil es gibt viele Informationen überall, nicht nur in Facebook oder IG...

Als ich das gehört habe, habe ich immer wieder überlegt, warum ich immer noch auf Facebook bin, weil ich Facebook nicht mag und nur für meine Freunde da bin und niemand E-Mails schreiben will.

Dann mache ich mehr Stress...

Aber, ich weiß, ich muss nicht gestresst sein, wenn ich nein sage.

Ohnehin,  nach fast einem Jahr, ich schließe Facebook.

Aber, ich danke Antiato den Tag als er das gesagt hat.

Weil, endlich ich sage nein und schließe Facebook, obwohl Freunde blah...blah...blah...

Seit ich kein Facebook mehr habe, ist mein Leben so schön, weil ich einfach neidisch auf die Bilder aus dem Rezeptbuch sein muss.

Mein Bild ist hässlich, aber mega lecker.

Curry mit Hähnchen und Auberginen

...... Zutaten ......

Hähnchenbrust in Stücke geschnitten 　400g

Geraspelter Knoblauch　

Auberginen in Stücke geschnitten　2

Geraspelte Zwiebel　1

Geraspelter Ingwer　

Paprikapulver　1TL

Kurkumapulver　1EL

Lauch in Stücke geschnitten　1

Kokosmilch　100ml

Bärlauch in Stücke geschnitten

Chilipulver　1/4TL

Wasser　400ml

Salz, Pfeffer

...... Zubereitung ......

1. Hähnchen mit Auberginen in die Pfannen geben und anbraten bis sie goldbraun sind, dann rausnehmen.

2. Zwiebel, Knoblauch, Ingwer, Lauch, Paprikapulver, Chilipulver und Kurkumapulver in die Pfanne geben und braten, bis sie gut duften.

3. Wasser mit Kokosmilch und Bärlauch dazugeben und gut mischen, ca. 10 Minuten.

4. Mit Salz und Pfeffer gut mischen. Guten Appetit! 

(27.03.2024 Breakfast Chicken and Aubergine Curry - Toast and Strawberries - Yogurt/1098kcal)

Since I closed my facebook, i think of the day when people asked Antiato and he answered that.

Why, do I need Facebook, IG or Tiktok?

Without them, my life is still colorful.

Because there is a lot of information everywhere, not just on Facebook or IG ...

When I heard that, I kept thinking why I'm still on Facebook, because I don't like Facebook and I'm only there for my friends and nobody wants to write emails.

Then I make more stress ...

But, But I know, I don't need to be stressed, as long as i say no.

Anyway, after almost a year, I'm closing Facebook.

But, I thank Antiato the day he said that.

Because, finally I say no and close Facebook, although friends blah ... blah ... blah ... 

Since there is no Facebook anymore, my life is so beautiful because I just have to be jealous of the pictures from the recipe book.

My picture is ugly, but super tasty.

Chicken and Aubergine Curry

...... Ingredients ......

Chicken breast cut into pieces 　400g

Grated garlic

Cut the aubergines into pieces　2

Grated onion　1

Grated ginger

Paprika powder　1TL

Turmeric　1EL

Scallion cut into pieces　1

Coconuts milk　100ml

Wild garlic cut into pieces

Chili powder　1/4TL

Water　400ml

Salt, Pepper

...... Method ......

1. Put the chicken with eggplants in the pans and fry until they are golden brown.

2. Add the onion, garlic, ginger, leek, paprika powder, chili powder and turmeric powder to the pan and fry until fragrant.

3. Add the water with coconut milk and wild garlic and mix well, about 10 minutes.

4. Mix well with salt and pepper. Enjoy your meal!