亂皂𥴊仔店 ⓂⒺⒾⓃⓀⒾⓄⓈⓀ

(2024.02.28 早起頓 青花仔菜蘑菇ひき肉 + 糙米飯 + 優格/963kcal)

Google ê Podcast 沓沓仔徙來 YouTube 這个變化 tuì 頇顢揣 Podcast 來聽 ê 我是一个好現象，起因迵過這个變化我 tsiah 知影引𤆬我行入寫台語文世界 ê 黃越綏老師 mā 有出 Podcast《恁祖媽來了》真好聽，特別是這集EP481 黃越綏｜【名人專訪】發生在台灣首席災難記者身上的靈異事件 Feat. 眭澔平，真向望眭教授 ē-tàng 閣上一改節目，伊 ê 人生故事正經是蓋精彩。

是講是按怎 ē 講黃越綏老師是我 ê 台語文𤆬路雞，這愛按《黃越綏的意外人生》講起，讀這本冊進前我 m̄ 捌啥物號做台語詩 mā m̄ 知影台語窮實有字通寫文章，總是愈來愈無頭神 ê 我猶 ē 記持第一斗佮這本冊 tī 諾貝爾相拄搪 mā 讀有黃老師寫 ê 台語詩，我 ê 心池就開始發水泱(iann)想 bueh 綴老師我口我寫 tshan-tshiūnn 寫德文、英文、華文按呢，只不過這段路我有 kā 伊行有較久淡薄仔，總是我猶是感覺家己足幸運，有機會搪著黃老師 ê 台語詩 hōo 我知影台語 m̄ 是 kan-ta 人講 ê 口說文化，伊 mā ē-tàng 成做展風神 ê 神奇符號。

一个食譜記錄寫到遮爾仔遠 mā 是有意思，總是這是我 ê Blog，我寫遮 ê 代誌 mā 決定有伊 ê 因由。

因為 Google 沓沓仔 kā Podcast 徙來到 YouTube 無訂閱像《華視潮台》這款網路節目 ê 我 mā 因為 Google 業務調整有機會聽著閣較 tsuē ê 節目。

是，YouTube tuì 我來講上大 ê 功能 m̄ 是看影片是聽影片/音樂。

Tsa̋ng tī Google 圖庫揣食譜 YouTube mā 隨紹介 Keto 料理佮影片，是講 YouTube 是按怎直直紹介 Keto 食食，這个因由到今我 mā 捎無摠，總是 tī 這段使用英文揣圖 ê 期間，我發見 Keto 食譜 tī 英文世界真時行。

Keto 食食法 tī 英文食譜真好搪著 m̄ 知敢有受著「超磅文化」ê 影響，起因頂站仔看 Abnehmen, um zu überleben | ARD Doku 分張各國縮胃手術比例，其中美國 ê pha̋-siàn-tòo 就 tshan-tshiūnn 𪜶家己製作 ê My 600-lb Life 仝款 ê tsuē。

我 m̄ 是 Keto 食食 ê 信仰者 mā tuì 伊無一个認捌，總是這站仔 ê 我確實捷捷綴 Keto 食譜做料理，雖罔我無確定我做 ê 料理敢是 Keto 總是我愛坦白講遮 ê 食譜攏真簡單做閣好滋味，像這味青花仔菜蘑菇ひき肉，好食甲 hōo gún 翁講「膩瓤按呢糋實在足快樂」。

我 m̄ 知影按呢糋膩瓤敢快樂，總是我清楚知影我無法度食傷 tsuē 肉，m̄ 是我無愛食肉是肉食傷 tsuē 胃腸 ē 罷工 m̄ 作穡，sóo-tí 我就減肉 ê 額 m̄-koh 增加植物牛肉 ê 量 --- 蘑菇 mā 是好食甲舌觸 buē 離。

因為 Keto mā hōo 我有機會接觸最受討論飲食減肥法 進食時間.三餐食物怎調整？│台語tsin輾轉│第274回 2024.02.16 學著足 tsuē 智慧，特別是低醣食食(kē-thn̂g-tsia̍h-si̍t)佮生酮食食(Tshinn-tâng-tsia̍h-si̍t)這兩款我一直掠做是仝一位 ê 食食法，這 pha 影片聽煞總算 hōo 我捎有摠頭，另外聽影片 mā 學著「碳水化合物」ê 講法「含水碳素」蓋讚。

 有對照 tsiah 知影手藝敢有進步 

(2022.11.02 早起頓 青花仔菜蘑菇ひき肉  + 水蜜桃甜路杯 + 清飯/737kcal)

《Kā 家己呵咾》

家庭煮婦看俗物，無買 ē 克虧。

眼睛金金相，心內算盤斟酌擉。

跤步踏 hōo 在，一 tâu 十八仔。

十八、十八、十八...

那買那唸，我絕對無俗物食破家。

我是俗物𠢕拑家。

踮德國 bué bueh 落手 ê 碗這 斗 tī ME ê Euroshop bué 著，一甌1.5歐元足感心。

--- 2022.11.21

青花仔菜蘑菇ひき肉

...... 材料 ......

ひき肉　200g

蘑菇，切片　400g

洋蔥，刴幼　1

蒜頭，剁幼　1

豆油　1EL

青花仔菜，切蕊　1

滾水　100ml

糖

鹽、胡椒

...... 步數 ......

1. 洋蔥、蒜頭落鼎煏芳，ひき肉、蘑菇濫落去炒甲肉熟。

2. 豆油、滾水、糖濫落去煮20分鐘。

3. 落青花仔菜搜 hōo 齊，崁鼎蓋 kā 青花仔菜翕 hōo 軟。

4. Tiàu 寡鹽、胡椒，樂暢來食。

(28.02.2024 Frühstück Hackfleisch mit Brokkoli und Champignons - Reis - Joghurt/963kcal)

YouTube hat mir das Video 最受討論飲食減肥法 進食時間.三餐食物怎調整？│台語tsin輾轉│第274回 2024.02.16 mit mir geteilt, dann habe ich mir Keto Essenstyl auf YouTube angesehen.

Ich bin kein Keto Fans und auch weiß nicht was Keto ist, aber ich muss ehrlich sagen, das Rezept schmeckt gut.

Oh, ja, ich folge nicht Keto Rezept, ich nehme es als Idee zum kochen. Es ist so.

Und bis jetzt, ich fühle, ich habe Schwein gehabt, weil die Schale aus Montenegro ist wirklich gut und billig als in Deutschland.

In Deutschland die Schale die ich bis jetzt gesehen habe, kostet nur, Ja, nur 7 ~ 9 €.

Für den Preis denke ich die Schale hat Gold, deshalb so teuer in Deutschland.

Und, ich vermisse den Kater aus Montenegro.

Mein Schatz bis du ok?

Ich glaube, Ja, weil du hast einen guten Besitzer.

Ich bin so niedlich, egal ob jemand mir sagt ich bin so dick.

Stimmt, du bist so niedlich und du bist nicht dick aber Voluminös!

Ja, mein Mann ist Eifersüchtig auf den Kater, weil er so niedlich ist.  

Ich habe keine Chance nach Taiwan zu fliegen, aber ich habe Geduld.

Ja, endlich!!!

Ich kaufte die Reisschale für unter 2 Euro.

Ja, ich kaufe die Schale aus gleiche Land China, aber nicht in Deutschland in Montenegro.

Hackfleisch mit Brokkoli und Champignons

...... Zutaten ......

Hackfleisch　200g

Champignons in Stücke geschnitten　400g

Fein gehackte Zwiebel　1

Fein gehackter Knoblauch　1

Sojasoße　1EL

Brokkoli in Stücke geschnitten　1

Wasser　100ml

Zucker

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie gold braun sind.

2. Hackfleisch und Champignons dazugeben und braten, bis sie goldbraun sind.

3. Sojasoße mit Wasser und Zucker dazu geben und gut mischen, dann ca. 20 Minuten zum kochen.

4. Brokkoli dazu geben und gut mischen, deckel drauf und ca. 5 Minuten zum kochen.

5. Mit Salz und Pfeffer abschmecken. Guten Appetit!

(28.02.2024 Breakfast Broccoli with Mince and Mushrooms - Rice - Yogurt/963kcal)

YouTube shared the video 最受討論飲食減肥法 進食時間.三餐食物怎調整？│台語tsin輾轉│第274回 2024.02.16 with me, then I keep watched Keto meal style on YouTube.

I'm not a keto fans and I don't know what keto is, but I have to honestly say the recipe tastes good.

Oh, right, I don't follow Keto recipe, I take it as an idea for cooking. It is like that.

And until now, I feel, I had pig because the bowl from Montenegro is really good and cheap than in Germany.

In Germany the bowl that I have seen so far costs only, yes, only 7 ~ 9 €.

For the price I think the bowl has gold, that's why it's so expensive in Germany.

And, I miss the cat from Montenegro.

My darling, are you ok?

I think so, because you have a good owner.

I'm so cute, no matter if someone tells me I'm so fat.

That's right, you're so cute and you're not fat but just chubby!

Yes, my husband is jealous of the cat because he is so cute.

Cat from Romania

I have no chance to fly to Taiwan, but I have patience.

Yes, finally!!!

I bought the rice bowl for under 2 euros.

Yes, I buy the bowl from same country China, but not in Germany in Montenegro.

Broccoli with Mince and Mushrooms

...... Ingredients ......

Minced meat　200g

Mushrooms cut into pieces　100g

Finely chopped onion　1

Finely chopped garlic　1

Soy sauce　1EL

Broccoli cut into pieces　1

Water　100ml

Sugar

Salt＆ Pepper

...... Method ......

1. Add the onion and garlic to the pan and fry until golden brown.

2. Add the minced meat and mushrooms and fry until golden brown.

3. Add soy sauce with water and sugar and mix well, then boil for about 20 minutes.

4. Add the broccoli and mix well, put the lid on and cook for about 5 minutes.

5. Season with salt and pepper. Enjoy your meal!