亂皂𥴊仔店 ⓂⒺⒾⓃⓀⒾⓄⓈⓀ

書讀無半撇 m̄ 知論文生做啥物生張，總是規本冊讀煞，我 ē 感覺讀「論文」mā 是一件有意思 ê 代誌。

第一擺看著這本冊 ê 興趣無大，起因冊名就敢若作者 ê 後記「這本書是從我的碩士論文改寫而成」。

「論文」是 hōo 學問飽滇 ê 研究者來讀文寫文閣論文言文 m̄ 是 hōo 我這款倒吊無墨水 ê 人 kā 伊當做暝時尪仔冊來讀消遣。

不過，當我 uī-tio̍h 運費姑不而將閣踅翻頭 kā Books ê 冊櫃閣搜一斗原仔揣無家己意愛 ê 讀本，我想著德語課按 Iraq 來 ê Kurds 同學。

這位 Kurds 同學 uī-tio̍h 未婚妻願意重餾 A1.1 佮已經 tsham 我 tī 無相仝時間上課 ê 伊佮牽手兩人 tshan-tshiūnn 往過按呢，手牽手專工坐公車來我上課 ê 所在分張𪜶成做龍鳳 ê 快樂 hōo 我隨踅轉去 冊櫃揣這本冊讀紹介 tsiah 發見伊是 tsuē 冬前捌 tī gún-ê 箍仔討論 ê「愛情故事」。

每一个人 tuì「愛情故事」有家己 ê 認知佮想法，sòo-pái tuì 我來講無啥物好接續喋落去，總--是自新聞挖挖哇認捌作者佮牽手 ê 故事到這本冊一目𥍉十冬外，我 kan-ta 這个想法，無勇氣講偌愛攏是廢話，無獨立 ê 人格講偌信賴偌 buē 分級攏是虛--ê。

我 ê 佯青 tsham 冊無底代，總--是自新聞挖挖哇彼集閬縫到今接續第二集，真歡喜看著作者佮女朋友成做龍鳳閣有一个古錐 ê 後生，這是我讀這本冊上大 ê 感受。

《庫德的勇氣》(The Courage of the Kurds)

㊔ Zanst Othman(許善德) & 陳鳳瑜

㊓ 八旗文化

ⓦⓦⓦ 博客來