亂皂𥴊仔店 ⓂⒺⒾⓃⓀⒾⓄⓈⓀ

當一陣人討論這愛按怎寫，彼愛按怎講 tsiah 著，我已經揣著德語號做 Hirse 英語號做 Millet 華語揣著 ê 資料 kā 伊號做雜穀 ê 澎祖。

寫這段臭酸話無任何特別 ê 意思，只有拄拄好想著遮 ê 綿精請教「你為什麼要說臺語」、「你 ê 意思是恁阿爸是 ē 曉講臺語 ê 外省仔？」𤆬 hōo 我 ê「阿嬤你怎麼沒感覺」。

遮 ê 話 tuì 目今 ê 我正經是無感覺，起因我清楚知機，我講 ê 話是咱人族其中一个語言，無啥特別。若 bueh 講伊有啥物特別，我 kan-ta ē 按呢講，世間萬物無一个固定，唯一 ê 固定只有咱人類慣勢 ê 西瓜倚大爿掠做猴穿衫 ē 變做人 ê 陷眠。

語言問題交 hōo 專業學者交軍隊接觸盤撋，平民老百姓 ê 我只要享受學者承 Martin Luther 生湠 ê 智慧，符號無屬任何族群，像拉丁語 ê Mare 轉化做 Meer，羅馬按一个拆做東西羅馬閣拆做一个 hōo Voltaire 伏爾泰講伊是一屑仔都無神聖，閣 m̄ 是羅馬、更加 m̄ 是帝國 ê 神聖羅馬帝國，跟綴 Napoléon Bonaparte 拿破崙行入歷史，遮 ê 過程千枝萬葉 mā 有紲壇較省紅包禮 ê 新面肉。

像 Engagements 一字，德語、法語、英語講法齊無相𫝛，準做 m̄ 捌葡萄牙語，認捌 Engagements mā 有才調看出 Engajamentos 大約仔 ê 意思，𫝛款 ê 意思，臺灣華/台/客語寫保證，日文寫保証，中國普通話寫保证，四个語言無仝講法。

台灣華語/中國普通話 ㄅㄠˇ ㄓㄥˋ

台語 Pó-tsìng

客語 boˋ ziin

日語 ほしょう(hoshou)

喋過頭，跟綴地球行過 8 千冬 ê Hirse, Millet 交華語雜糧抑是小米 tī 咱臺語愛按怎講?

我這个年間 ê 葵花寶典、肥底 hōo 我這个答案秮仔(Tai-á)、黍仔(Sé-á)。

一晃過三冬，一晃過一世人。

第一斗認捌秮仔就是囡仔時上愛食 ê 小米粥原料是踅隔壁庄頭熱人園遊會。

德國 ê 園遊會 tuì 我來講交臺灣 ê 商展無宛 2 體 ê 踅久 ē 厭𤺪，總是德國 ê 園遊會 m̄ 是逐禮拜攏有 ê 熱鬧 mā m̄ 是每一个庄頭攏有 teh 舉辦，所致準做感覺白汫無素我猶原繼續參加，畢竟遮 ê 安歇日連掠來相咬 ê 蝨母 mā 喝無局。

德國園遊會主要 ê 食食排擔仔交臺灣商展食食主要排擔 mā 無宛 2 體，臺灣是臭豆腐交雞排，德國是法國薄煎餅交煙腸 hōo 我 100% 踅無料➀。

我個人愛 tī 十二月天食葡萄，凍霜，所致拆票 ê 園遊會 buē 參加，這斗 ê 園遊會無拆票 mā hōo 我窮斤算兩，敢 bueh 參加，畢竟田螺循舊逝，較行 mā 彼逝 ê 自頭踅到尾，大腸猶原告小腸。

寂寞刣死一隻貓 mā 殺死一隻恐龍，德國 ê 安歇日 hōo 慣勢禮拜日猶原四界拋拋走 ê 我無議量甲著蛆，車票隨拆，放翁自在賴賴趖，孤一人出門變工藝。

這庄頭無比 gún 庄大，攤位 mā 無 gún 庄早前舉辦 ê 園遊會 tsuē，當我揣無體藝來消磨，一个交我 tī 這个箍仔是少數民族 ê 人徛踮攤仔外笑微微招呼人客 hōo 我隨做貓想 bueh 知影𪜶 ê 攤仔 teh 賣啥物好味素。

「𠢕早，這是 gún 厄利垂亞(Eritrea)傳統料理 Injera 因傑拉」我順店東 ê 手看生甲若黑糖牛肚粿 ê Injera，「傳統 ê Injera 使用 Teff 苔麩，伊 kan-ta tī 衣索匹亞佮 gún Eritrea 有，產量無 tsuē 所致 gún-ê Injera 是 Hirse 秮仔做--ê」店東笑微微仔講，我若枵貓 tuì Injera 金金相。

「Gún Eritrea 人食 Injera，四常敆豆仔佮菜蔬，你若佮意食肉遮有匈牙利燉肉(Gulasch)通敆做一份。」

「我 bueh 敆豆仔佮菜蔬，多謝。」

大腸無閣告小腸，我開始枵狗痟想豬肝骨，枵貓痟想海底魚，自認家己 ē 曉做寡麭，這 Injera 絕對 mā 大丈夫 ê 穩觸觸，開始請教有所不知 ê Google tsiah 知影代誌 m̄ 是戇人我想 ê 簡單隨放棄到今 m̄ 捌動手 m̄ 捌交伊再次拄搪，不過彼日 ê Hirse 勻勻仔行入我 ê 世界成做糙米掠外 ê 新喉韻。

➀ 德國園遊會有分拆票入場交無料入場，拆票入場 ê 園遊會多數有掛一个 Live Band 交麥仔酒布棚，像十月麥仔酒節。

頂站仔阿羅交阿珊邀請 gún 翁仔姐交𪜶一家四口做陣食早起頓，羅馬尼亞人按怎食早起頓我無一个認捌，總是按阿羅交阿珊 ê 食食慣勢，我想羅馬尼亞人應當真愛食「番薑仔生菜盤」，所致愛食甜 ê 𪜶敢若較無德國人 ê 福相交關節疼。

事實敢是按呢?

我 m̄ 知機，總是按我認捌 ê 羅馬尼亞人交德國人做比並，羅馬尼亞人 ê 體格確實無德國人 ê 福態，𪜶 ê 飯篋仔 mā 較捷出現家己出 ê 菜。

番薑仔是 gún 翁 ê 敵人，交阿珊𪜶做陣食早起頓伊 tuì 生番薑仔竟然一屑仔攏無喙白，而且褒嗦好味素 hōo 我安這个按算，轉來到厝我絕對 bueh 做試驗，伊是死愛面子看著無到 3 歲 ê Noah kā 番薑仔當做啖嘇食，伊無跟綴傷過 Chicken 抑是較早 ê 猌(gīn)是磺火效應。

今仔日款珠仔豆秮仔生菜盤，那切紅洋蔥，那看排 tī 桌頂 ê 羅馬萵仔菜交紅菜頭，Noah 古錐 ê 笑容捊過心肝穎，啊一聲，隨 kā 紅菜頭換番仔薑。

「咱借問先生，今仔日 ê 早起頓敢有敆你 ê 喙斗？」我刁意故問。

「番薑仔是敵人，我愛我敵人」伊笑講。

今年 ê 伊若有法度行入伊 ê 保證「我 buē 閣 hōo gún 爸母上童」，這份料理合該然 ē 捷出現 tī 今年 ê 露營食食。

栽欉 --- 2023.11.02

接枝- 2025.03.02

珠仔豆秮仔生菜盤

...... 材料 ......

煮好 ê 珠仔豆　100

煮好 ê 秮仔　100g

紅番薑仔，切塊　1　

紅洋蔥，切幼　

羅馬萵仔菜　100g

芥辣醬　1EL

蜂蜜　1TL

Lê-bóng 汁　1TL

蒜頭，刴幼

橄欖油　1EL

芳料草

鹽、胡椒

...... 步數 ......

1. 芥辣醬、蜂蜜、Lê-bóng 汁、橄欖油、鹽、胡椒濫落去，抐 hōo 齊。

2. 羅馬萵仔菜、番薑仔、芳料草、紅洋蔥、蒜頭、Sòo-sù 濫做伙，攪 hōo 齊。

3. 珠仔豆、秮仔濫落去攪 hōo 齊，樂暢來食。

Als ich Hirse im Bio Laden gesehen habe, bin ich sie sehr neugierig, wie sie schmeckt.

Aber leider, sie ist sehr sehr teuer im Bioladen, und ich habe das Problem --- geizig.

Ja, wenn ich die Sache nicht kenne, ich würde sie nicht kaufen. Ich meine wenn sie hat original Preis.

Ja, ich achte nicht was mein Mann braucht, weil mit ihm, mein Leben ist Schwarz und Langweilig.

Ja, er hat viele Probleme mit Essen.

Ich weiß, über das Problem habe ich viele Mal geschrieben.

Aber für die Hirse, haben wir nochmal das gleiche Problem.

Ich esse das nicht, aber wenn du magst, das ist auch ok.

Quatsch?!

Natürlich, das ist Quatsch.

Aber, ich bin ich wie führ, ich würde nicht was er magst nicht dann sagen Ja, kaufe ich nicht und essen ich nicht.

Diese Mal, haben wir in einen Türkischen Laden besucht. Da gibt's viele Getreide und Preise so Charme.

Ja, wo wohnen wir, die Preise im TürkischenLaden nicht so Charme, das macht mein Tasche tut weh.

' Oje, die Hirse unter 2 Euro, ich möchte sie mal Probieren! ' sage ich.

' Ich esse sie nicht ' sagt mein Mann.

Ich habe die Anworte schon über Billion Mal gehört, mein Ohren sind kaputt.

Nachdem einkaufen, ich koche die Hirse sofort mit Tomatensoße.

Dann was sagt über mein Mann?

' Wir müssen die öfters essen '

Quatsch!

Aber, kein Problem, ich bin ein sehr gute Frau, mein Ohren sind immer kaputt, ich höre nicht.

Ich liebe Hirse!!!

Hirsesalat mit Linsen

...... Zutaten ......

Gekochte Hirse　100g

Gekochte Linsen　100g

Rot Paprika in Stücke geschnitten　1

Fein gehackte Zwiebel　1

Olivenöl　1EL

Senf　1EL

Fein gehackter Knoblauch

Zitronensaft　1TL

Romanasalat　100g

Kräuter

Salz ＆ Pfeffer

...... Zubereitung ......

1. Olivenöl mit Knoblauch, Salz, Pfeffer, Zitronensaft und Senf gut verrühren. 

2. Romanasalat mit Zwiebel, Paprika, Kräuter und Soße gut vermischen.

3. Hirse mit Linsen dazugeben und gut vermischen. Guten Appetit!

When I saw millet in the organic shop, I was very curious to see how it tastes.

But unfortunately, it is very very expensive in the organic shop, and I have the problem --- stingy.

Yes, if I don't know the thing, I wouldn't buy it. I mean if it has original price.

Yes, I don't pay attention to what my husband needs, because with him, my life is black and boring.

Yeah, he has a lot of problems with food.

I know, I have written about this problem many times.

But for the millet, we have the same problem again.

I don't eat it, but if you like, that's okay too.

Rubbish?!

Of course, it's nonsense.

But, I'm like lead, I wouldn't like what he doesn't like then say yes, I don't buy and I don't eat.

This time, we went to a Turkish shop. There are many cereals and prices so charming.

Yes, where do we live, the prices in the Turkish shop not so charming, that makes my pocket hurt.

Oh dear, the millet is under 2 euros, I'd like to try it! I say.

I don't eat it' says my husband.

I have heard the answer a trillion times, my ears are broken.

After shopping, I immediately cook the millet with tomato sauce.

Then what does my husband say?

' We must eat them more often '

Rubbish!

But, no problem, I am a very good woman, my ears are always broken, I don't hear.

I love millet!!!

Millet Salad with Lentil

...... Ingredients ......

Red bell pepper cut into pieces　1

Boiled millet　100g

Boiled lentil　100g

Finely chopped red onion　1

Finely chopped garlic

Romain lettuce　100g

Herbs　

Mustard　1EL

Lemon juice　1TL

Olive oil　1EL

Salt ＆ Pepper

...... Method ......

1. Mix the olive oil with the garlic, salt, pepper, lemon juice and mustard.

2. Mix the romaine lettuce with the onion, bell pepper, herbs and sauce well.

3. Add the millet and lentils and mix well. Enjoy your meal!