亂皂𥴊仔店 ⓂⒺⒾⓃⓀⒾⓄⓈⓀ

聽無《台灣新眼界》總是綴我看久 mā 知影愛按怎掠重點發問，tshan-tshiūnn 2023.03.01 恬靜殺手肺腺癌！無薰嘛會致著！基因.族群.環境.性別 著癌機率無仝? 當譚敦慈老師手揤 123 仝桌同學隨問譚老師 teh 講啥。

「逐日食一碗青色菜蔬，ē-tàng 降低50% 著癌 ê 風險，白色十字花科 ê 草花、白花仔菜，有 β營養素 ê 紅菜頭、金瓜佮トマト、卵白質」話聲猶未行到塗跤，喙 teh 窒白色十字花科 ê 仝桌同學隨講「這碗攏 tsiâu-tsuân，To-siā。」

聽伊講「To-siā」我 ê 笑脈 buē-su hőng 揤著笑甲 kiōng-bueh 變蝦(痚)佮龜(呴)。

我笑甲 kiōng-bueh buē 喘氣 m̄ 是歧視，伊 mā 知影我笑 ê 因由是離鄉，無離腔 ê 臭奶呆實在太古錐。

「這久臺語又閣加一个腔，DE腔」伊笑講，紲落來認真講「物件燒度已經低過65度，咱愛較緊食」YouTube 隨閣揤落去「咱繼續看專家 ê 分拆」。

德國佮臺灣攏有相𫝛 ê 症頭，真愛綴專家講「這 ē-tang 食，彼 buē-tàng 食，食這較健康，食彼 ē 破病」，德國佮臺灣 mā  𫝛款 teh 推捒「我 ê 碗盤」，德國佮臺灣 mā  teh 放送醫療衛教節目。

翁按無料簞笥/Öffentlicher Bücherschrank 紮轉來 ê 冊

總是，德國受著區域(Hi̍k)限制，sòo-pái 我認捌 ê 醫療衛教節目 mā 佮臺灣相𫝛，臺灣 ê 醫療衛教節目我 kan-ta 捌《醫師好辣》，德國我 kan-ta 捌 Doc Esser 佮 Die Ernährungs DOCS，這兩个節目我個人較佮意 Die Ernährungs。

早前捌寫過我 tuì 專家講無啥興趣，起因自囡仔時見著爸母 uī-tio̍h 身體病疼這 buē-tàng 食彼 buē-sái 食這 hōo 我認捌著食物 kan-ta 分兩項，愛食佮無愛食。

Gún 翁 tuì 食食 ê 態度凡勢受著𪜶爸母 ê 影響，除了愛食甜粅粅掠外，伊佮𪜶爸母 mā 興專家講這愛食就拚勢食，專家講這 m̄-thang 食就連無拄好䀐著 mā 感覺健康隨無去。

伊這款態度 tī gún 猶未正式徛仝一間厝瓦無影響，當 gún 正式徛𫝛一个厝瓦 gún-ê 龍鳳四常就 tshan-tshiūnn 東、西羅馬 buē 合閣兼主教𪜶爸母愛插手 ê 吵家抐宅。

總是，猶原是咸豐三，講到今 ê 飫猶原愛閣寫一斗，我是 Jan Hus ê 信徒，準做𪜶 kā 我判定背骨，我 mā 無 bueh 綴𪜶踅金龜磨。

是講寫著 Jan Hus mā 愛認真解釋一下，我無虔誠 ê 宗教信仰，舉 Jan Hus 只是提伊 ê 信念做比論。

背骨 ê 代誌 mā 受著記錄甲啥物號做飫都無感覺就 kā 儉起來免閣記錄，總是愛記錄這件我真認同 ê Die Ernährungs DOCS「Essen als Moderne Medizin」(食食是上時行 ê 藥品)。

我凡勢受著爸母身體病疼 ê 影響，sóo-tí 我人生上大 ê 願望就是 kā 家己 ê 厝佮家具顧 hōo 好，莫 hōo 家己佮藥仔傷過米糕𣻸。

這个想法，凡勢 mā 因為家己夠堅持，sòo-pái 本底真愛綴專家講 ê gún 翁 mā 沓沓仔 teh 改變，tshan-tshiūnn 較早 ê 伊真愛講「牛奶是我頭痛 ê 火引」，sóo-tí 我 buē-tàng 啉牛奶。

這久 ê 伊 buē 閣講遮 ê 話，起因我綴遮 ê 節目實例佮伊做伙揣火引。

Tshan-tshiūnn Die Ernährung DOCS 掠病灶一定攏有愛食「糖」佮無食「菜蔬」這2項，我就招伊做伙做「食驗」減糖食菜蔬佮啉水，按呢食驗到今，牛奶原仔照啉火引卻 m̄ 捌挓著，雖罔伊猶原相信彼是因為伊「牛奶」啉較無遐 tsuē ê 因故。

Die Ernährung DOCS 有一集捌分張「頭痛」，彼集內容有人頭痛一夯是連頷頸一摸 mā 疼甲若 hōo 火車撞著，有 ê 人是24點鐘攏感覺頭 teh 痛、頭 teh 眩(hîn)。

「頭痛 ê 問題敢有法度迵過食食得著改善？」主持人請教專門研究佮治療頭痛 ê 先生。

「頭痛 ê 問題真複雜，我無法度講食啥物有法度改善，總是每一个病灶佮食食慣勢確實有關連」先生回答。

紲落來就是對照組，一个是【新聞挖挖哇】黃越綏暈眩為何找不到原因？天旋地轉吐到肝腸寸斷！過敏大腦竟有「特異功能」？怎麼預防暈眩症發作，更多健康知識一定要看！內底講 ê 狀況，一个是 kā 甜粅粅佮加工肉做三頓兼啖糝又閣 kā 紅牛當做滾水 teh 啉需要糋膩瓤佮控制血壓 ê 病例。

我 m̄ 知影德國 tuì 血壓懸 ê 標準，總是我相信 gún 翁 ê 血壓 teh 往過確實有較懸寡，總是伊攏 ē 講「伊 ê 血壓 tī 德國醫療標準值」，伊按呢搬德國標準出來，我 mā buē 閣繼續加講啥。

Huînn-ti̍t 時間 ē 證明是伊活 tī 家己幻想 ê 世界抑是我分張 ê 例是真實，不過愛講彼陣 gún 猶 m̄ 是龍鳯我 m̄-tsiah 有法度接受伊若𪜶爸母 ê 匪類。

Die Ernährung DOCS 是 2017 徙岫到德國 tsiah 發見 ê 節目，醫師好辣是自胡瓜主持就看到今 ê 節目。

 這兩个節目 tuì 我來講幫贊真大，特別是糋膩瓤堅持愛「食孤項」抑是「一日一頓食到哽胿」ê gún 翁，因為醫師好辣分張 ê 糋膩瓤方法 hōo 伊確信正常食食佮認真掠熱量 tsiah 是糋膩瓤上重要 ê 手路。

Die Ernährung DOCS 是一面照妖鏡 hōo 伊見著家己食食問題，一日24點鐘，一年365工 ê 食食有 90% 是肉佮甜粅粅，而且閣認為家己一屑仔攏食無 tsuē 閣食甲足健康 ê 身體病疼攏是因為年歲到。

我相信每一个人行到一个年歲決定有寡病疼， 總是遮 ê 病疼 mā 愛拆白講有一大部份是咱家己做「專家」所造成。

我 buē 講我認真綴 leh 食，好好過日子病疼就 buē 來相借問，總是我 ē-tàng 綴科學調整家己 ê 歹習慣。

Tshan-tshiūnn 糋膩瓤這件代誌，雖罔我 ka̋ng 營養師分張 ê「52減肥法」聽重耽，人是一禮拜5工正常食食，2工食食熱量掠500~600，我是一禮拜七工，一日食2頓熱量掠1400左右，總是按呢 ê 做法 mā 確實 hōo gún 翁減重成功，我家己 mā 是，而且是按無閣糋膩瓤彼日到今已經 bueh 2冬體重無增加 mā 無減少。

「我 m̄ 是專家，專家 ê 話我 mā buē 全部照做，起因每一个人有家己 ê 特殊，總是專家分張 ê 專業我 ē 囥踮心肝穎 buē 家己大主大意做專家，tshan-tshiūnn 我知影家己顛顛我就照專家建議認真寫食食日誌，就準做恁朋友剾洗我 ê 戇猶原無法度改變這个事實，照正常食食 ê 我就是保持半精白，恁朋友拚勢噤喙猶原是三層。」

頂站仔翁某做伙看 Die Ernährung DOCS 有一个人 tuì 營養師講桌頂 ê 3 頓佗位 teh「無健康」、「無營養」，翁隨講「遮 ê 物件我猶原有 teh 食，因為我有一个營養師替我算熱量。」

「我無替你算熱量，m̄-koh 我需要替我家己算熱量，起因我知影家己 ê 顛」我應。

確實，我無替伊算熱量，總是一日兩頓食食牽涉著兩个人，這部份我就 ē 認真掠熱量，起因我無想 bueh 出山了請醫生。

最後猶原愛寫，感謝網路發達 hōo 2个討厭食白花仔菜 ê 人成做白花仔菜 ê Fans 佮 kan-ta ē 曉款白菜滷 ê 我有法度變出這項料理 hōo 討厭白菜 ê 翁 buē tuì 我講「食你款 ê 料理，我甘願做仙。」

白菜挽肉意大利麵焗

...... 材料 ......

挽肉　250g　

白菜，切橛　1

Tshì-sù　120g

煠好 ê 意大利螺絲麵　180g

洋蔥，刴幼　1

蒜頭，剁幼

Khu-lì-mù　100g

滾水　300g

鹽、胡椒

...... 步數 ......

1. 洋蔥、蒜頭落鼎炒芳，挽肉濫落去炒熟。

2. 白菜、滾水摻落去搜 hōo 齊，煮20分鐘。

3. Khu-lì-mù、麵摻落去搜 hōo 齊，tiàu 寡鹽、胡椒。

4. Tshì-sù 鋪落去，落烘箱捘200度，烘12分鐘，樂暢來食。

Ich bin ein Fan von "Die Ernährung DOCS" und ich liebe ' Essen als Moderne Medizin '.

Ich liebe Essen als Moderne Medizin aber das bedeutet nicht ich glaube Essen ist wirklich Medizin.

Aber, ich glaube Essen ist ein Problem für die Krankheit.

Weil, mein Vater hat das Problem vom Essen wie Diabetis und weil er hat Diabetis bin ich gespannt.

Warum? 

Ich möchte nicht auch das gleiche Problem haben.

Essen ist wunderbar, ich will nicht kurz glücklich werden, dann muss ich viele Jahre lang wie ein Vogel essen ... so langweilig.

Ja, das ist mein Ziel.

Ich weiß nicht, was für ein Problem ich bekommen werde, aber zumindest kann ich das Problem des Essens kontrollieren.

Mein Mann hat das gleiche Ziel, aber was wir über das Essen denken ist ganz unterschiedlich.

Mein Essensphilosophie ist Lecker und nicht lecker.

Mein Mann Essensphilosphie ist Süßigkeiten sind Lebensmittel, und ich esse nur wenn die Menschen sagen das ist gesund.

Was ist gesund, was ist nicht gesund?

Ich weiß es nicht, aber ich weiß, dass gesunde Ernährung nicht nur ein einziges Lebensmittel ist.

Z.B.  Avocado ist superfood dann essen wir jeden Tag nur Avocado.

O.k. viel Quatsch nochmal. 

Ich möchte das nur sagen, vorher wir haben viele Probleme.

Wie mein Mann denkt was er isst ist gesund.

Wie Chinakohl, ich habe ihm geteilt, Chinakohl ist lecker, low-calorie, viele Faser und macht dich satt.

Er sagt, nein, ich mag kein Chinakohl.

Seitdem die Ernährungs DOCS so viele Beispiele genannt hat, muss ich ihm nicht mehr sagen, dass dieses Gemüse lecker ist, aber ich muss das richtige Rezept finden.

Er wird nach dem Rezept suchen und es mit mir teilen, wie dieses "einfach und sehr lecker"!

Nudeln mit Hackfleisch und Chinakohl überbacken

...... Zutaten ......

Hackfleisch　250g

Chinakohl in Stücke geschnitten　1

Wasser　300ml

Käse　120g

Gekochte Nudeln　180g

Fein gehackte Zwiebel　1

Fein gehackter Knoblauch

Sahne　100g

Salz ＆ Pfeffer

...... Zubereitung ......

1. Zwiebel und Knoblauch in die Pfanne geben und anbraten bis sie goldbraun sind, Hackfleisch dazugeben und anbraten bis es goldbraun ist.

2. Chinakohl mit Wasser dazugeben und gut mischen, dann ca. 20 Minuten kochen.

3. Sahne mit Nudeln, Salz und Pfeffer dazugeben und gut mischen.

4. Käse darüber streuen, im Backofen auf 200 Grad ca. 12 Minuten backen. Guten Appetit! 

I am a fan of 'The Nutrition DOCS' and I love 'Food as Modern Medicine'.

I love food as modern medicine but that doesn't mean I believe food is really medicine.

But, I think food is a problem for the disease.

Because, my father has the problem of eating like diabetes and because he has diabetes I am curious.

Why? 

I don't want to have the same problem.

Food is wonderful, I don't want to be happy for a short time, then I have to eat like a bird for many years ... so boring.

Yes, that's my goal.

I don't know what a problem I will get, but at least I can control the problem of eating.

My husband has the same goal, but what we think about food is very different.

My food philosophy is delicious and not delicious.

My husband's food philosophy is sweets are food, and I only eat when people say it's healthy.

What is healthy, what is not healthy?

I don't know, but I know that healthy food is not just a single food.

E.g. avocado is superfood then we only eat avocado every day.

Okay, a lot of rubbish again. 

I just want to say that before we have a lot of problems.

My husband thinks what he eats is healthy.

Like Chinese cabbage, I have shared with him, Chinese cabbage is delicious, low-calorie, lots of fibre and makes you full.

He says, no, I don't like Chinese cabbage.

Since the nutritionist has given me so many examples, I no longer have to tell him that these vegetables are delicious, but I have to find the right recipe.

He will look for the recipe and share it with me, like this "simple and very tasty"!

Minced Meat Cabbage Pasta Bake

...... Ingredients ......

Minced meat　250g

Cream　100g

Chinese cabbage cut into pieces　1

Cheese　120g

Boiled pasta　180g

Finely chopped onion　1

Finely chopped garlic

Water　300g

Salt ＆ Pepper

...... Method ......

1. Put the onion and garlic in the pan and fry until they are golden brown, add minced meat and fry until golden brown.

2. Add the Chinese cabbage with water and mix well, then cook for about 20 minutes.

3. Add the cream with pasta, salt and pepper and mix well.

4. Sprinkle the cheese over it, bake in the oven to 200 degrees for about 12 minutes. Enjoy your meal!