亂皂𥴊仔店 ⓂⒺⒾⓃⓀⒾⓄⓈⓀ

(2023.06.28 五彩 Tortellini + 檨仔 Quark/1018kcal)

超市款菜見著豬油想著往過轉去彰化阿媽兜，阿媽攏 ē 問「你 bueh 食煠麵無？」、「bueh 攪豬油抑是豆油？」

「bueh 攪豬油抑是豆油？」hōo 我想著「豬油拌麵」臺語按怎講。

徛踮冷藏櫃前那看豬油價數那熥阿媽 ê 愛，走無去 ê 記持無牽阿媽 ê 轉來相揣卻敨放我㧎牢 ê 語法。

「豬油麵」、「豆油麵」、「大麵焿」遮 ê 名稱已經交代伊是按怎料理 m̄ 免閣加解釋「以豬油拌的麵」簡稱「豬油拌麵」按呢。

厝內序大攏轉去塗州十外冬，食食 lú 來 lú 簡化 ê 我 m̄ 知 luā 久 m̄ 捌見過豬油佮包過水餃。

「你敢 bueh 食水餃？」我問翁。

「當然 mā bueh，我愛食水餃」翁講。

款一包 TYPE 405，bué 一盒無 thang 選膩瓤 ê ひき肉越頭 tuì 翁講「Bueh 食，你 mā 愛鬥相共。」

料款好，麵皮 mā 研(gíng)好，翁某仝心徛𫝛位，一人那包水餃那暢甲 buē 顧，一人那煠水餃那鼻酸目紅珠淚㴙㴙滴。

「發生啥物代誌」翁緊捎棉仔紙順珠淚輾過 ê 角勢輕輕仔拭。

「好里佳哉，我無化妝抑無這久就按烏貓成做花貓」我笑講。

「M̄ 管媠某有妝無妝攏媠」翁閣剺一張綿仔紙拭若水沖 ê 鼻水。

「你猶閣有我」伊講。

「我無確定--ooh」大力擤(tshǹg)一下仔鼻，一陣燒烙 ê 風按頭頂鑽到跤底。

水餃 tuì 我來講 tshan-tshiūnn 倚海 ê 囡仔見著魚𫝛款食甲𤺪，食甲𤺪 m̄ 是講厝內無物件 thang 食 sòo-pái 愛食水餃過3頓，是經過戰爭 ê 阿爸有一種驚惶，驚無物件 thang 食，包好囥冰箱 ē-tàng 隨提來煠、糋、炊 ê 水餃自然就成做伊安心 ê 重要物資。

阿爸安心 ê 重要物資卻成做我做囡仔時痛苦 ê 記持，起因阿爸一喝講包水餃我就 buē-tàng 出去𨑨迌，紲落來就愛經過水餃包傷 tsuē 愛拚勢食 ê 日子。

窮實 mā m̄ 是 kan-na 水餃，愛家己種瓠仔、絲瓜 ê 阿母 mā 相𫝛 ê 症頭，厝內有菜蔬就愛先食厝內 ê 菜蔬。

囡仔人 m̄ 捌大人經過 ê 艱苦，sóo-tí 見著遮 ê 物件 buē-su 見著胡蠅虼蚻 hiah-nī-á 慼。

總是時間 ē 走甲 hōo 你揣無伊，慼甲無想 bueh 佮伊有交插 ê 食物 mā-ē 因為無機會閣相拄搪滓著相思病。

德國無瓠仔無絲瓜有冷凍水餃，總是冷凍水餃就敢若現此時 tsuē-tsuē 朋友佮意 ê「餃子」是我 ê「沒口福」。

數念總是無地相揣 tsiah-ē 想著伊，我無愛 ê 水餃 mā 因為無福氣 thang 食 tsiah 開始病相思。

總是凡勢有歲數，所以 tuì 愛情 buē 閣 tshan-tshiūnn 少歲按呢無見病相思，見著黏黐黐。

現此時 ê 我搪著翁 bueh 食水餃，我攏 ē 款 Tortellini 補伊 tuì 水餃 ê 數念。

畢竟，我 ê 年間佮 gún 爸母 ê 年間無相𫝛，m̄ 免堅持十路全。

另外，我蹛 ê 角勢 buē 孤𣮈 m̄ 免堅持 kan-ta 我慣勢 ê 喙斗 tsiah 有夠格佮我做朋友。

五彩 Tortellini

...... 材料 ......

Tortellini　400g

滾水　500ml

番薑仔，切塊　3

洋蔥，刴幼　1

蒜頭，刴幼

Khu-lì-mù　50g

青豆仁　50g

鹽、胡椒

...... 步數 ......

1. 洋蔥、蒜頭落鼎炒芳，番薑仔摻落去炒軟。

2. 滾水、青豆仁、Khu-lì-mù 濫落去煮10分鐘，Tortellini 濫落去繼續煮5分鐘。

3. Tiàu 寡鹽、胡椒、芳料草，樂暢來食。

(28.06.2023 Tortellinisuppe mit Gemüse - Quark mit Mango/1018kcal)

Ich habe vergessen wieviele Jahre, ich das nicht gemacht habe.

Aber ich weiß, ich mag das nicht.

Weil, als ich Kind war, ich habe das fast jeden Tag gegessen.....

Deshalb seit ich erwachsen bin mag ich das nicht, obwohl viel Leute mir sage das ist sehr lecker.

Obwohl mein Mann auch.

Dieses Jahr ich weiß nicht so genau, warum ich möchte das Essen machen.

Vielleicht ich habe viele Bilder gesehen zum Luna Neues Jahr.

Dann macht mich ein bisschen traurig und vermisse mein Familie im Himmel.

Den Tag mache ich den Teig und mein Mann kocht die Taschen.

Ich denke, ich weiß was passiert.

Vielleich, meine Familie spricht zu mir.

Wir sind dabei obwohl wir sind im Himmel.

Weil, was wir machen, ist genauso als ich Kind war.

Mein Vater hat den Teig machen, mein Mutter kocht und ich und meine alte Schwester warten zum essen.

Einfache Mahlzeit aber, sehr lecker und Glück.

Ja, das war Tsuí-Kiáu, ein Teig wie Tortellini und Maultaschen.

Mein Mann würde gerne den Teig fortsetzen, aber leider ich bin so faul.

Dann koche ich Tortellini für ihn, das ist eine großartige Idee.

Tortellinisuppe mit Gemüse

...... Zutaten ......

Paprika in Stücke geschnitten 　3

Tortellini　400g

Fein gehackte Zwiebel　1　

Erbsen　50g

Sahne　50g

Wasser　500ml

Fein gehackter Knoblauch

Kräuter

Salz ＆ Pfeffer

...... Zubereitung ......

1. Zwiebel und Knoblauch in den Topf geben und anbraten bis sie goldbraun sind.

2. Paprika dazugeben und anbraten bis sie weich sind, mit Wasser, Sahne und Erbsen dazugeben dann gut mischen und ca. 10 Minuten kochen.

3. Tortellini dazugeben und weiter 10 Minuten kochen.

4. Mit Salz, Kräuter und Pfeffer abschmecken. Guten Appetit!

(28.06.2023 Breakfast Tortellini Soup and Vegetables - Crud Cheese and Mango/1018kcal)

I've forgotten how many years I haven't done this.

But I know I don't like this.

Because when I was a kid I ate this almost every day .....

That's why when i grow up, i don't like to eat them very much, even though many people tell me it's very delicious.

Though my husband too.

This year I don't really know why I want to make the meal.

Maybe I saw a lot of pictures for Luna New Year.

Then it makes me a little sad and miss my family in heaven.

The day I make the dough and my husband cooks the dumplings.

I think I know the reason.

Maybe my family is talking to me.

We are there even though we are in heaven.

Because what we do is just like how I was a kid.

My father makes the dough, my mother cooks and me and my old sister are waiting to eat.

Simple meal, but very delicious and luck. 

Yes, that was Tsuí-Kiáu, a dough like Tortellini and Maultaschen.

My husband would like to continue the dough, but unfortunately I'm so lazy.

Then I cook tortellini for him, that's a great idea.

Tortellini Soup and Vegetables

...... Ingredients ......

Paprika cut into pieces 　3

Tortellini　400g

Finely chopped onion　1　

Peas　50g

Cream　50g

Water　500ml

Finely chopped garlic

Herbs

Salt ＆ Pepper

...... Method ......

1. Put the onion and garlic in the pot and fry until they are golden brown.

2. Add paprika and sauté until soft, add water, cream and peas then mix well and cook for about 10 minutes.

3. Add tortellini and cook for 10 minutes.

4. Season with salt, herbs and pepper. Enjoy your meal!