亂皂𥴊仔店 ⓂⒺⒾⓃⓀⒾⓄⓈⓀ

(2023.10.08 咖哩菜頭 + 芳料雞襟胸 + 清飯 + 優格/937kcal)

自早起頓食合我 ê 喙斗 --- 燒 ê 料理兼米糧，下昏飯食合 gún 翁愛食冷盤 ê 脾土，自按調整 ê 彼一日行到這久 m̄ 知敢有一月日，這久徛踮磅仔頂 ê 人開始 kā 咱褒唆「糋膩瓤猶是靠食食較贏運動，gún 兜 ê 營養師正經蓋𠢕掠漏。」

看伊半暝吹電風，暗爽甲若 Tintenfisch 我想 bueh 噤喙一下，總是搪著伊我就是有一大拖傳家佛經需要世世唸(踅踅唸）「糋膩瓤就是愛運動佮食孤項，無按呢做是讀甲博士班畢業，無校(無效)。」

凡勢是磅仔 ê 號碼傷過迷人 hōo 伊雄雄成做臭耳聾翁聽無我 ê 佛經，伊那一尾花枝喙笑目笑㽎仔㽎㽎到我面頭前講「人我擋過六月日無歕雞胿閣日日攏食好料，兼日日捧糖無洗手 ê Naschkatze。」

這是早前寫 ê 文字，現此時提出來閣餾一斗畫面猶原厚甲若窗仔外猶未成做碎鹽鹽 ê 霜雪。

翁某自2021.11月做陣糋膩瓤到今 ê 維持，gún 無枵過一擺腹肚 m̄-koh gún-ê 食食一直 teh 改變。

按寢開始三頓食サラダ到一日食兩頓早晏攏食燒無食冷，這一路行來無發生 Napoléon 講 ê Republicans(共和主義者)抑是 gún 兩人有一个人需要成做 Eugène Delacroix ê 這幅圖 La Liberté guidant le peuple 也是行向 Bayron 參加希臘抗爭 ê 路途。

Gún 翁 ê 食食慣勢我是咸豐三，講到今 ê 飫，總是我清清楚楚知影現此時 ê 改變 m̄ 是桌頂拈柑是我佮伊比賽 tsiâ 較有耐性徛踮戲棚跤，tshan-tshiūnn 這窒倒德國街仔 ê 菜頭因為伊 ê 喙斗 hōo 我等到今 tsiah 有機會佮伊做朋友，這个過程 m̄ 是手路好或是䆀 ê 問題，這个過程是無 kā 自 tī 帕水就鑿 tī 伊心肝穎 ê 偏見清 hōo 清氣啖啖，伊原仔 ē 認為伊是 Prometheus 佮𪜶爸母𫝛款。

𪜶爸母 ê 問題 m̄ 值我閣 uī 𪜶寫一篇，總是 Like father like son，這款病灶無處理伊有法度纏綴𪜶爸母戴小鬼仔殼繼續龍鳳生活，我無法度。

當路易十六無要意人民 ê 聲音，Charles-Maurice de Talleyrand-Périgord 講「殿下你 kā 馬車放 buē 記」這是我搪著衝突邀請伊做伙掠漏，伊 m̄ 願意 kan-ta bueh 諍喙唯一 ē 講 ê 話。

敢講這句話表示我無愛日時搬布袋戲，暗時唱歌仔戲，我信歹肉無割，好肉未生 buē 敆流 mā buē-tàng kā 歹話當做好話聽，食苦當做食補，畢竟 gún 慣勢 ê 家庭教育無相仝，特別是 gún 兜無一个人需要因為龍抑是鳳無愛這無愛彼規家伙 mā 愛綴 leh buē-tàng 挃。

Gún 翁是 m̄ 捌講過「你 buē-tàng 食菜頭」這種按𪜶爸母湠過來 ê 態度，總是見聽伊講「你愛食菜頭你 bué m̄-koh 我無愛食」tuì 我來講猶原是 teh 講空氣(Heiße Luft) ê 佮𪜶爸母無宛2體閣挓火引 hōo 我想 bueh kā 伊柴樠點火較光油 tshan-tshiūnn 菜頭按呢。

當柴樠正經 hōo 我點火較光油，我喙賤「夭壽骨，德國爸母講這是 siáng，這 m̄ 是 gún 後生，gún 後生遮 buē 食遮 ê 物。」

「Wenn das kochen deiner Mutter nicht lecker ist, denkst du dir das Essen immer schlecht ist/當你 ê 老母 buē 曉扞灶，好食 ê 物 tuì 你來講猶原是潘」翁講。

「我 bueh 投 hōo 恁爸母聽」我笑甲目汁㴙㴙滴。

「你佮𪜶門扇枋鬥 buē 峇」伊應。

這咖哩菜頭 m̄ 是我挑戰伊喙白 ê 第一份菜頭卻是 hōo 伊接受 mā 認為菜頭窮實無遐歹味 ê 一味。

咖哩菜頭

...... 材料 ......

菜頭，切片　1

蒜頭，刴幼　

洋蔥，刴幼　1

Khu-lì-mù　100g

滾水　500ml

芳料草　1EL

咖哩粉　1TL

鬱金粉　1/4TL

番薑仔粉　1TL

薟椒仔粉，薟　1/4TL

薑母粉　1/2TL

鹽、胡椒

...... 步數 ......

1. 洋蔥、蒜頭落鼎炒芳，落菜頭、鬱金粉、咖哩粉、番薑仔粉、薑母粉、薟椒仔粉、芳料草搜 hōo 齊。

2. 落滾水煮20分鐘，Khu-lì-mù 濫落去煮10分鐘，tiàu 寡鹽、胡椒，翕10分鐘，樂暢來食。

(08.10.2023 Rettich-Curry - Hähnchenbrust mit Kräuter - Reis - Joghurt/937kcal)

Der Rettich aus Europa - Mittelmeerraum, aber ich sehe ihn mehr in Asien als in Europa.

Warum?

Warum?

Warum?

In Asien, ich kann viele Rettichrezepte suchen, aber in Deutschland... Salat und Salat, dann Salat - Rettich mit Sahne... ich habe das Rezept ausprobiert, ich mag es überhaupt nicht.

Ich meine nicht, dass das Rezept nicht gut ist, aber leider muss ich sehr ehrlich sagen, bei uns das Problem ist ein großes Problem.

Ich liebe Rettich, aber ich mag kein Salat.

Ja, in Asien wir essen auch Rettichsalat, aber nicht mit der Sahne. Und ich esse keinen Salat in Asien, weil ich mag kein Sauer oder Scharf.

Mein Mann mag keine Asien Rettichsuppe, zum Beispiel mein Lieblingsessen - Rettichsuppe mit Hähnchen oder Gulasch oder Gekochter Rettich mit Soja.

Aber Mann!

Rettich ist immer so charmant im Laden und lächelt mich an.

' Ich bin so herrlich und lecker, komm zu mir, mein Schätzchen ' 

Rettich ist die Loreley, ich bin eine Seefrau, ich weiß sie ist gefährlich, aber die Stimme ist so hübsch.

Ich weiß, die Loreley von Heinrich Heine war gefährlich, aber ich habe es überlebt als ich sie besucht habe.

Das bedeutet ich werde die Lösung finden für uns beide.

Lecker!

Rettich-Curry

...... Zutaten ......

Rettich in Scheiben schneiden　1

Fein gehackter Knoblauch　

Zwiebel in kleine Stücke geschnitten　1

Sahne　100g

Wasser　500ml

Gewürze der Provence　1EL

Currypulver　1TL

Kurkumapulver　1/4TL

Paprikapulver, edelsüß　1TL

Paprikapulver, pikantes　1/4TL

Ingwerpulver　1/2TL

Salz ＆ Pfeffer

...... Zubereitung ......

1. Zwiebel, Knoblauch in der Pfanne anbraten bis sie glasig sind. Dann Rettich dazu geben und verquirlen.

2. Curry, Kurkuma, Ingwer, Paprikapulver, Gewürze der Provence dazugeben und gut mischen.

3. Wasser dazugeben und gut mischen, dann ca. 30 Minuten kochen.

4. Sahne,dazugeben und gut mischen, dann ca. 10 Minuten kochen.

5. Mit Salz und Pfeffer abschmecken. Guten Appetit!

(08.10.2023 Radish Curry - Chicken Breast with Herbst - Rice - Jogurt/937kcal)

The radish from Europe - Mediterranean, but I see more in Asia than in Europe.

Why?

Why?

Why?

In Asia, I can search for a lot of radish recipe, but in Germany ... salad and salad, then salad - radish with cream ... I tried the recipe, I don't like it at all.

I don't mean that the recipe is not good, but unfortunately I have to say very honestly, the problem is a big problem for us.

I love radish, but I don't like a salad.

Yes, in Asia we also eat radish salad, but not with the cream. And I don't eat a salad in Asia either because I don't like sour or spicy.

My husband doesn't like Asia radish soup, for example my favorite food - radish soup with chicken or goulash or cooked radish with soy.

But man!

Rettish is always so charm in the store and call me.

'I'm so wonderful and tasty, comes to me, my Treasure'

Rettich is the Loreley, I am a sailor, I know it is dangerous, but the voice is so pretty.

I know Heinrich Heine's Loreley was dangerous, but I am surviving when I had visited her.

That means I will find the solution like the dishes for both.

Yummy!

Curry Radish

...... Ingredients ......

Cut the radish into slices　1

Finely chopped garlic　

Oions cut into small pieces　1

Cream　100g

Water　500ml

Herbes de Provence　1EL

Curry powder　1TL

Turmeric powder　1/4TL

Paprika powder　1TL

Paprika powder, spicy　1/4TL

Ginger powder　1/2TL

Salt＆ Pepper

...... Method ......

1. Fry the onion, garlic in the pan until they are glassy. Then add the radish and mix well.

2. Add curry, turmeric, ginger, paprika powder, add spices of Provence and mix well.

3. Add the water and mix well, then cook for about 30 minutes.

4. Add cream, add and mix well, then cook for about 10 minutes.

5. Season with salt and pepper. Enjoy your meal!