亂皂𥴊仔店 ⓂⒺⒾⓃⓀⒾⓄⓈⓀ

(2023.09.27 早起頓 白花仔菜塗肉林檎挽肉炒 + 優格/897kcal)

 「你差不多一兩工一篇」我上堅實讀無字看相片 ê 翁那褒嗦家己 ê 攝相那講。

「是 ē-tàng 按呢講」我講。

「你家己算看 mā」伊手指後台 ê 數字。

「無遮 ê 數字，你敢記 ē 牢家己按底時糋膩瓤」我講。

「Buē，總是你 ê 食食攝相 mā 攝甲就媠--ê」伊講。

「曷著愛你講」我笑應。

窮實，我 ê 第一篇文章 m̄ 是食食記錄，是一篇早前寫踮面冊 ê 愛情散文，我佮 gún 翁熟似 ê 愛情散文。

總是，彼篇文章 m̄ 知影 ti 底時 hōo 我 kā 刣掉，不過我真清楚我是按怎 bueh kā 刣掉 ê 因端，當初寫彼篇文章是 uī-tio̍h 滿足別人 ê 好玄 tsiah 寫 ê 散文，sóo-tí 伊 tuì 我來講感情無深，另外 kā 伊刣掉 mā 是 bueh hōo 家己一个獨立 ê 空間，起因九月颱，無人知，咱無一个人 ē-tàng 預測(ī-tshik)網路 ē 按怎 kā 咱 ê 空間佮別人 ê 相疊，特別是 hōo 你無自在 ê 角勢。

「你敢需要我繼續 kā 你巡田園」翁問。

「我是無要意田稜未劈光，好比田園 leh 拋荒」我應。

自 Pixnet 通知 bueh kā 無 teh 使用 ê 口座筅黗，本底久久巡一逝田園又閣愛成做藏水艦 ê 翁開始成做逐禮拜攏愛出巡 ê 軍艦，總是這个出巡活動有法度凍 luā 久，我家己 mā 真好玄。

「敢需要我寫寡信息 tshan-tshiūnn 德語語法無順抑是字母鬥 m̄ 著」翁講。

「在你歡喜」我應。

「我若寫信息，你遮敢 ē 加較 tsuē 人來行踏」翁講。

「你敢無發見我 ê Blog 無社群媒體符號、Email mā 無人數看板」我應。

「按呢別人 bueh 按怎分張」翁問。

「你愛請教有分張 ê 人」我應。

Gún 翁某一人規个手機仔 tsiâu APP 兼一堆社群媒體，一个是 APP kan-ta PhaTaigi 台語輸入法佮 uī-tio̍h 伊上Google Play 掠 ê Telegram 賰 ê kan-ta 固定網頁 tshan-tshiūnn 教典。

我 buē 講，我無向望無人來我遮行踏，總是我清楚知影愛我臭膎(kê)閣 m̄ 除鈗(ńg)➀ ê 代誌，我肨奶膨皮無表示有夠本 m̄ 驚 hőng 漏風搤空。

另外，我 mā 真清楚家己寫 Blog ê 目的，雖罔寢頭仔寫甲落落離離閣無理路，總是彎彎曲曲 ê 路 ē-tàng kā 撨hōo 直，人 ê 理路 buē 順 mā-ē 受著著勞 tsiah-ē 做祖，愛跪 tsiah-ē 出穗 ê 骨力得著好收冬。

我知影 Pixnet 有獎金制度，我 mā 知影 gún 翁有淡薄仔向望某 ē-tàng 迵過寫 Blog 成做 Somebody，總是伊 ê 向望 m̄ 是我 ê，另外我 mā 猶未行到千辛萬苦，為著腹肚拚勢出巡。

講著出巡，聽朋友講伊有一位網路朋友就是迵過伊拚勢出巡佮人挨拶累積出「數字」hōo 伊有機會成做有人望 ê 網路者。

「你是 m̄ 是想著我分張 ê 故事」我問翁。

「啥物故事」翁問。

「有人迵過出巡得著人望 ê 故事」我講。

翁無應話表示我想 ê 代誌規欉好好，無剉(錯)。

「你 kā 我這个無人緣臭乞食羶 ê 人看甲傷過勥跤傷過𠢕掠外，你 mā 菱角喙，無食大心氣」我講。

「啥物意思」伊問。

「你 ê 貪心 hōo 你 kā 恁某 ê 歹癖放外外，不過你 ē-tàng 試看覓，因為你 mā 有口座 tī 遮」我講。

人講散鬼 buē 受得骨力，顧秧，較贏顧倉。

我知影 bueh 迵過網路成做有人望 ê 頭篩仔確實是比向時較簡單，總是 m̄ 是每一个人攏想 bueh 成做明星抑是想 bueh 行入有人望 ê 窟仔。

我知影迵過網路得著榮華富貴較贏學師仔三冬，總是每一个人 ê 需求自本就無相仝，這个無相仝又閣受著四常經驗影響，sòo-pái 適合別人 ê 事項並無表示逐人攏適合。

Tshan-tshiūnn 這久寫這篇文章，我 tuì gún 翁慣勢 ê 相趁相喊 buē 閣隨風火著，顛倒是好玄伊 ê 想法佮替伊掠漏，雖罔講是替伊掠漏 tī 這个過程我 mā 替家己掠漏。

像這久，我知影我是綴家己 ê 心，沿家己 ê 愛循相𫝛 ê 事項 kā 這个 tī 車日子進前就捌攝相 ê 相片佮文字閣整理一斗，只 uī-tio̍h 我家己 ê Das Auge isst mit 無 uī-tio̍h 別人 ê 目睭愛綴 leh 食。

白花仔菜塗肉林檎挽肉炒

...... 材料 ......

白花仔菜，剺蕊　1

馬鈴薯，切塊　600g

洋蔥，刴幼　1

挽肉　200g

Khu-lì-mù　50g

滾水　500g

蒜頭，剁幼　

鹽、胡椒

...... 步數 ......

1. 蒜頭、洋蔥落鼎煏芳，落ひき肉炒熟。

2. 馬鈴薯、滾水濫落去，煮20分鐘。

3. 白花仔菜濫落去，煮10分鐘。

4. Khu-lì-mù 淋落去，煮5分鐘，tiàu 寡鹽、胡椒，樂暢來食。

(27.09.2023 Frühstück Hackfleisch mit Blumenkohl und Kartoffeln - Joghurt/897kcal)

Also, das Rezept habe ich vor Juni gekocht.

Aber, ich fühle das Bild sieht nicht gut aus, obwohl das Rezept für mir gut schmeckt.

Naja, ich weiß, ich habe das Problem, ich liebe ein schönes Bild mehr als einen guten Geschmack.

Aber, ich muss sehr ehrlich sagen, ich liebe das Problem, weil es führt mich weiter und weiter, bis ich ein schönen Platz finde.

Ich meine, das Problem ist da, dann schick ich es weg, nicht nur weiter beschweren.

Hackfleisch mit Blumenkohl und Kartoffeln

...... Zutaten ......

Hackfleisch　200g

Kartoffeln in Stücke geschnitten　600g

Blumenkohl in Stücke geschnitten　1

Fein gehackter Knoblauch　

Fein gehackte Zwiebel　1

Wasser　500g

Sahne　50g

Salz ＆ Pfeffer

...... Zubereitung ......

1. Zwiebel mit Knoblauch in der Pfanne anbraten bis sie goldbraun sind, Hackfleisch dazugeben und anbraten bis es goldbraun ist.

2. Kartoffel mit Wasser dazugeben und gut mischen, dann ca. 20 Minuten kochen.

3. Blumenkohl dazugeben und gut mischen, dann weitere 10 Minuten kochen,.

4. Sahne dazugeben und gut mischen, dann weitere 5 Minuten kochen.

5. Mit Salz, Knoblauch und Pfeffer abschmecken. Guten Appetit!

(27.09.2023 Breakfast Cauliflower, Minced Meat with Potato - Jogurt/897kcal)

I cooked the recipe before June.

But, I feel the picture doesn't look good even though the recipe tastes good to me.

Well, I know I have the problem, I love a nice picture more than a good flavour.

But, I have to be very honest, I love the problem because it leads me on and on until I find a nice place.

I mean, the problem is there, then I send it away, not just keep complaining.

Cauliflower, Minced Meat with Potato

...... Ingredients ......

Minced meat　200g

Cauliflower cut into pieces　1

Potatoes cut into pieces　600g

Finely chopped onion　1

Water　500ml

Cream　50g

Finely chopped garlic

Salt,pepper 

...... Method ......

1. Fry the onion with garlic in the pan until they are golden brown, add minced meat and fry until golden brown.

2. Add the potato with water and mix well, then cook for about 20 minutes.

3. Add the cauliflower and mix well, then cook for another 10 minutes.

4. Add the cream and mix well, then cook for another 5 minutes.

5. Season with salt, garlic and pepper. Enjoy your meal!