亂皂𥴊仔店 ⓂⒺⒾⓃⓀⒾⓄⓈⓀ

(2024.03.29 早起頓 美國茄ひき肉雞心豆 Kari + 草莓鱷梨仔生菜盤 + 洋梨仔俗麭 + 優格/954kcal)

疫情期間 bué 著一月日食到飽 ê 連鎖飯店優惠票就隨出門四界蹛。

這本食譜冊就是疫情期間 tī 徛位踮萊茵河彼搭，一間四星飯店附近田庄紮轉來 ê 食譜冊之一。

講之一是因為我 m̄-nā 紮一本，是紮足 tsuē 本，只不過押尾留踮廚房冊櫥 kan-ta 賰伊一本，賰 ê 又閣 kā 伊送轉去 gún 遮 ê 公共冊櫥 hōo 伊有較 tsuē 機會 tsham 人結緣。

我 bué ê 冊習慣，除了無愛 bué 有一仙人成做冊皮掠外，食譜冊 mā 是其中一項，這个慣勢凡勢是按 gún 老爸遐來。

囡仔時老爸𤆬我去冊局 bué 冊，伊攏會講「bué 你讀了 ē 閣繼續反 ê 冊」。

囡仔時 m̄ 捌伊 ê 14 kan-ta ē 曉認為伊是柝(kho̍k)仔頭，大漢 bué 一堆穿插雜誌，bué 讀 kan-na 反反 suah 就隨送伊去糞埽桶 tsiah 理解伊 ê 14。

冊是一項無形抑是有形 ê 投資 m̄ 是虛華佮時行 ê 品並。

總是，猶未扞灶進前我 mā m̄ 捌想過來 bué 一本食譜冊，起因 gún 兜 ê 3 頓 m̄ 免我扞。

我開始扞灶是按阿母轉去塗州賣鴨卵 tsiah 開始，m̄-koh mā kan-ta ē 曉簡單 ê 炒青菜、煎卵摻豆油佮搣鹽按呢 niā-tiānn。

結束過冬鳥徙岫到德國，gún 翁無愛我 ê 手路，我又閣 m̄ 願意撏錢 bué 食譜冊，遮 ê 公共冊櫥佮生份人家厝排 tī 門跤口 ê 無料分張食譜冊是我 ê 救星。

伊解救我 ê 䆀手路 mā kā gún 翁按德國無好物通食 ê 食食地獄𤆬出來。

德國媽媽 ê 料理誠實真可怕，不過猶原愛講 m̄ 是每一个媽媽攏 tshan-tshiūnn gún 翁𪜶老母按呢生，無半粒星掠做家己有五粒星。

起因，猶是有 tsuē-tsuē 德國媽媽承認家己 buē 曉扞灶，sòo-pái 學料理 tī 德國是一件真時行 ê 活動。

是按怎我 ē 知影？

我 mā 有去上課，學一寡專業料理，總是專業料理食 buē 飽 mā buē 合我 ê 喙斗。

我猶是閣較佮意大碗閣滿墘 ê 範。

感謝無料分張食譜冊 ê 生份人，因為恁我佮 gún 翁 tsiah m̄ 免繼續食我 kan-na ē 曉 ê 炒豆油佮搣鹽 ê 料理。

早前 ê 外來語一搪著按日本轉音我就選擇寫我一屑仔攏無熟似 ê 50 音，像サラダ，總是日語 m̄ 是我四常使用 ê 文字，所以サラダ遮 ê 日文 m̄ 管我寫幾遍猶是比十外冬 m̄ 捌使用完全生疏 ê 客語閣較無力通成做海馬鉼針 ê 一部份。

我無排斥日語抑是日文，總是學習日語我是慣勢取羅馬字來記講法，寫法我就慣勢使用日文漢字，像「林檎」，不過「挽肉」我就佮意寫日文，因為伊有鬥漢字而且是家己 ê 講法 m̄ 是踅二手抑是三手 ê 發音，像 Avocado 我無法度綴日語發音成做第三手，畢竟這久 ê 人 buē 曉外來語 mā hōo 地球庄訓練甲外來語 mā 講甲真鑠奅輾轉，像 gún 媽一世人 kan-ta ē 曉講台語佮囡仔時捌學過 ê 簡單生活日語，伊搪著外國人 Hello 佮 Hallo mā 分甲清清清知影搪著喙白囡婿愛講「Há」ê 音 m̄ 是「Hè」。

自開始寫 Blog 我一直 tī 愖「沙拉」按怎講，按「Sa-la」寫甲「サラダ」我猶是感覺 buē 自在，所以請教伊窮實是我 ê 啟蒙老師，m̄-koh 這久 ê 我較慣勢請教「教典」佮公視台語台「台語辭庫」就沓沓仔 buē 記得 ê「愛台語」按怎寫，當初 ê「Sa-la」是按「揣台語」請教來 ê 辭，這久請教愛台語 tsiah 發見「揣台語」mā 是按愛台語編輯這个辭目，猶原感覺 buē 合軀隨繼續綴 leh 揣見著「生菜餐」感覺真合軀，起因伊 hōo 我想著「冷盤」，是講一開始我 mā 是寫冷盤，因為遮 ê「Salat」tsuē-tsuē m̄ 是料理好勢囥 hōo 冷 tsiah 出菜，m̄ 是「芹菜莖(Huâinn)」、「紅菜頭橛」、「瓜仔哖橛」就是「Salat」。

是講，這是我印象中 ê「沙拉」，烏貓姊年間第一斗綴朋友食 I-tá-lih 餐廳就是按呢食「沙拉」hōo 我慼「沙拉」慼甲甲險 bueh 佮拄開始交往 ê 翁扯，因為伊 bueh 𤆬我食「Salat」。

「沙拉」這个外來辭 tuì 我來講 m̄ 是新 ê 辭類，起因 gún mā 綴 leh 講「Sa-lá」像沙拉油(Sa-lá-iû) ê Sa-lá，總是一搪著 bueh kā 伊轉做「文字」表達，我 tuì「Sa-la」這个寫法就真無佮意 m̄ 知影敢有受著我愛 ê「冷盤」ê 影響。

我是貧惰愖新辭 ê 人，準做愖有新辭搪著教典抑是公視台語台 ê 建議，我猶是隨綴 leh 改，像本底綴青瓦厝 ê 安妮寫「刺莓仔」、「藍莓仔」我這陣攏改寫「洋刺波」、「藍莓」。

華語「沙拉」紹介伊是倚音記錄，我 tuì 沙拉這兩字 ê 感受是想 bueh 成做仙女 ê 人 teh 食 ê 物，所以無愛跟綴「Sa-la」這个寫法，總是我佮意「生菜餐」這个寫法，起因伊佮實是生菜 mā 是一頓，不過我愛「盤」這个寫法，起因伊 tuì 我來講就是生菜加冷盤 ê 組合。

草莓鱷梨仔生菜盤

...... 材料 ......

草莓　100g

鱷梨仔　1

兔仔耳　

寮仔 Tshì-sù

...... 步數 ......

1. 草莓、鱷梨仔、兔仔耳濫做伙，寮仔 Tshì-sù 鋪落去，樂暢來食。

 (29.03.2024 Frühstück Auberginen-Hackfleisch-Kichererbsen-Curry - Erdbeersalat mit Avocado - Joghurt - Toastbrot/954kcal)  

Jeder hat sein eigenes Hobby.

Ich lese und kaufe gerne Bücher, aber nicht alle.

Das Rezeptbuch ist eines meiner seltsamen Hobbys, ich kaufe es nicht.

Warum?

Ich habe es schon mehrmals gesagt. .. ..

Ich weiß es nicht.

Wahrscheinlich, auch wenn man nicht kochen kann, kann man trotzdem kochen.

Deshalb kaufe ich das Rezeptbuch nicht. Vielleicht.....Weiß der Kuckkuck.

Wie auch immer, ich danke den Leuten, die das Buch mit mir teilen.

Auch wenn ich Sie nicht kenne, haben Sie mich davor bewahrt, unzulänglich zu sein.

Der Salat ist wirklich leicht und lecker, wenn auch ohne Öl.

Ja, das Rezept ist mit Öl, aber leider für mich Erdbeeren mit Öl, ist nicht ein bisschen seltsam, es ist sehr seltsam, aber immer noch lecker.

Erdbeersalat mit Avocado

...... Zutaten ......

Erdbeeren Scheiben schneiden　100g

Avocado in Scheiben schneiden　1

Feldsalat

Körniger Frischkäse

...... Zubereitung ......

1. Erdbeeren mit Avocado und Feldsalat gut mischen, Körniger Frischkäse hinzufügen. Guten Appetit!

(29.03.2024 Breakfast Aubergine Curry with Mince and Chickpea - Strawberry Salad and Avocado - Yogurt - Toast/954kcal)

Everyone has its own hobby.

I like to read and buy books, but not all of them.

The recipe book is one of my strange hobbies, I don't buy it.

Why?

I've said it several times. .. ..

I don't know it.

Probably, even if you can't cook, you can still cook.

That's why I don't buy the recipe book. Maybe..... no idea...

Anyway, thank you to the people who shared the book with me.

Even though I don't know you, you've saved me from being inadequate.

The salad is really light and delicious, even though without oil.

Yes, the recipe is with oil, but unfortunately for me strawberries with oil, is not a bit strange, it is very strange, but still delicious.

Strawberry Salad and Avocado

...... Ingredients ......

Cut the strawberries slices　100g

Cut the avocado  slices　1

Lamb's lettuce

Cottage cheese

...... Method ......

1. Mix the strawberries with the avocado and lamb's lettuce, add the cottage cheese. Enjoy your meal!