亂皂𥴊仔店 ⓂⒺⒾⓃⓀⒾⓄⓈⓀ

(2022.03.14 減肥下昏飯 雞心豆餅生菜碗。油炸鷹嘴豆餅沙拉)

我足愛食雞心豆做 ê 料理像雞心豆沙(Hummus)、雞心豆餅(Falafel)遮 ê 物食，總是若是 bueh 講我佮雞心豆料理 ê 第一回接觸，應當是按人 tī 印度 tsiah 開始。

不而過，彼陣 ê 我 tuì 世界 ê 認捌是十八港跤行透透，月光下看人影 ê 水仙(Narcissus)，看印度食物 kan-ta Kari niā-tiānn ê 無，後尾綴著《田蛤 á 王子》ê 跤步是人 tī 非洲佮中東行跤花。

總是彼陣頭殼 kan-ta「華腦」、「英目」，準做雞心豆 hōo 我煞心 hōo 我挵著頂腹蓋，見佮伊見面我猶是「借問咱啥人？」

我愛食雞心豆餅 tī 臺灣 m̄ 捌見過伊，行踏德國 mā 慣勢攢超市版本來食，sóo-tí tī 我猶未行踏東非 Äthiopien/Ethiopia/衣索比亞(I-sik-pí-á)餐廳進前，伊 ê 名佮講法 m̄ 捌鏨 tī 我 ê 心肝穎。

「請問你敢 bueh 開始點菜？」店東問。

「Bueh，我 bueh....」喙講 buē 出伊 ê 名，目 mā 讀無伊 ê 名，越頭指隔壁桌 ê 食物「我 bueh 一盤彼」，店東文文仔笑講「Falafelsalat」成做一面鏡 hōo 我照家己 ê 四書捷甪甪,十句九句不，掠做家己𠢕甲 ē-sái 上西天，窮實是猴穿衫掛目鏡假紳士 ê 假仙假觸兼冇腹，真正感謝這个經驗引𤆬我認捌家己 ê 不足 mā 感謝店東無料分張 hōo 我揣著人 tī 非洲抑是中東食著 ê 味素 --- 無油臊味。

德國人 ê 舌凡勢慣勢加工食品，sóo-tí tī 遮 ê  Falafel mā 綴土耳其 Kebab 成做德國面肉，已經糋好 ê Falafel ē 閣落油鼎乍(tsànn)一斗，像咱 ê 芋仔糋，總是德國人凡勢已經慣勢加工食品 sóo-tí 遮 ê 按工廠出產 ê Falafel 準做 buē hōo 人 angenehm(享受)，德國人猶是有法度 kā 伊按 unangenehm 轉做 angenehm，過熥(kuè-thn̄g)後添厚厚 ê 白醋抑是 Bá-tah。

我 m̄ 知影敢是逐个德國人攏愛按呢食，總是搪著 ê Falafel 100% 攏是按呢生，tī 猶 m̄ 捌 Falafel ē-tàng 焦煎𩛩生菜做伙食進前，我 kan-ta 捌 tī 敘利亞(Sū-lī-á)餐廳搪過無過熥 ê Falafel，不過這个無過熥 ê Falafel 並無綴主人消失，伊 tī 主人離開食飯桌，8 粒一盤 ê Falafel 猶原是 8 粒，一粒攏無減少 hōo 我險險成做阿媽唸佛經 hōo 隔壁桌聽「夭壽骨哦，討債哦，有偌 tsuē 人無物通食，你有物通食閣 m̄ 珍惜。」

見轉去永靖 hōo 阿媽飼抑是阿媽換來 gún 兜 hōo gún 看三月日，阿媽見我飯食無清氣攏 ē 按呢講，押尾閣加一句「你 bueh 嫁貓仔翁是 m̄？」

阿媽轉去塗州已經十外外外冬矣，我 mā 成做別人 ê 牽手，佮我牽手 ê 人種著𪜶爸母 ê 癖，碗盤 kan-ta 甜粅粅 buē 飼金魚，伊 ê 某，我本人猶原無變做貓仔面，m̄-koh 佮我牽手 ê 人煞一過 buē 迷亂 ê 歲頭就沓沓仔戴火雞面殼，規个面皺甲捎熨斗 kā 熨 mā 熨 buē 平，阿媽你 kā 我諞。

十外冬前行踏德國 Falafel tī 超市 m̄ 是真好搪著 ê 食物，自德國人按 70 % ê 食臊人口降到 55 %  閣加上十外冬 ê 醫學研究，有厚厚卵白質 ê 雞心豆料理成做食菜人重要 ê B12 來源，愛食 Falafel ê 我就 m̄ 捌閣攪擾有 teh 賣 Falafel ê 店東「恁兜 ê Falafel 敢是過熥 ê 版本」，家己 mā buē 閣 uī-tio̍h 這个問題 kā 店東 ê 歹聲嗽當做是「客製化 ê 交繃。」 

自 m̄ 免開喙「交繃」超市大部份 ê Falafel 我攏捌試過，Lidl 1001 Delights Falafel 是目前上合我喙斗 ê Falafel，m̄-koh 自疫情開始，我感覺伊漸漸仔 mā bueh 成做醬鹹，像マス(Masu)/鱒魚，從來 m̄ 捌綴我哭呻 Forelle 鹹篤篤 ê 翁 mā 開始講這 Forelle 鹹甲連好喙斗 ê 海雞母 mā 嫌伊鹹。

德國 ê 農業部長 Cem Özdemir 想 bueh 改革德國 ê 加工食品，成做外國人 ê 我自伊上任到今，我 kan-ta 這个想法，想法真好，總是無見著 tshan-tshiūnn Che Lauterbach ê 現象。

「農業部長又閣 teh 談加工食品問題」翁那𫝻手機仔那講。

「有聽著雷聲無見著爍爁」我應。

德國 ê 食物論真講，我真正 m̄ 捌感覺伊貴過，除了魚臊佮歐洲猶種 buē 出來 ê 菜蔬，像檨仔、荔枝遮 ê 特殊食物掠外，德國 ê 食物正經無貴，甚至比隔壁厝邊閣較俗閣大碗，葡萄牙無算在內，總是德國人若慣勢食加工食物，準做鮮沢雞襟胸1公斤 kan-ta 7.99 歐元，大多數 ê 德國人猶是選擇 1 公斤 19 ~ 20 歐元 ê 加工雞襟胸，準做看價數加工雞襟胸片較俗，畢竟伊是一盒 100g 拆 leh 賣。

這个問題我捌佮翁討論過，起因伊 mā 是仝款 ê 想法，認為加工食物俗，而且閣省水電錢，無興佮伊喋幻想世界 ê 我直接記數 hōo 伊看，記甲伊講莫閣記數，我知影我若繼續活 tī 幻想世界，我 kan-ta 佮時間比賽看 tsiâ ê 氣較長佮 tsiâ 較𠢕儉 Omega-6 來 hōo 醫生炸油 --- kā 儉 ê 錢攏送 hōo 醫療系統。

我無反對加工食食，總是當加工食食愈行愈像 teh 做實驗 kā 人類當做白老鼠 teh 試，我甘願較早精神動手款食，只不過我 mā 接受家己 ê 貧惰，像 Falafel 貧惰家己攢就款便--ê 到有一日食 buē 敆喙為止。

(2024.04.11)

本底一直嫌伊䆀 tsi-tsi 愛換掉 ê 相片 tī 翹頭查某來相揣 ê 彼日，我 ê 世界 mā 得著楦闊。

你是 m̄ 是捌 hōo 無張持 ê 情緒洘流絞 teh 走？

你想 bueh 揣出這个綴月娘跤步 ê 問題煞捎無一个寮仔門。

這个情緒就若天頂 ê 雲

有當時伊 ē 成做烏陰，落雨，紲落來雨停

咱攏愛記持這件代誌

這个情緒並 m̄ 是實櫼櫼 ê 事件，伊只是一个過程

像四季 ê 變化

咱攏愛記持這件代誌

當這个無來由 ê 情緒成做洘流 kā 你絞走，你就 hōo 伊絞走

紲落來綴滇流海漲轉來岸邊

莫去綿精問海洋是按怎你無 bueh 綴月娘 ê 跤步行 

當我 uī-tio̍h 揣無《車日子》原稿感覺烏陰 bueh 起絞螺仔風，遮 ê 本底 hōo 我掠做 phàng-kìnn ê 相片竟然出現 tī 隨身碟(tia̍p)，我想著這段印度朋友分張 ê 話 mā 翻頭看翁某無做陣食飯 ê 04.11，每一个階段，攏是家己 ê 面肉，有勇氣面對家己 tsiah 有法度綴無因由 ê 情緒洘流佮滇流自在趨湧，特別是我無受自然 ê 束縛。

Falafel サラダ

...... 材料 ......

Falafel(鷹嘴豆餅)　8

生菜　200g

紅洋蔥，切絲　1

橄欖油　3EL

醋　1EL

蜂蜜　1EL

鹽、胡椒

...... 步數 ......

1. 橄欖油、醋、蜂蜜、鹽、胡椒 lām 做一伙抐 hōo  tsiâu。

2. ソース、生菜、洋蔥做一伙 lām hōo tsiâu，Falafel 鋪落--去，樂暢來食。

(2022.03.14 Abendessen zur Gewichtsabnahme Falafelsalat)

Ich liebe Falafel, deshalb als ich Falafel in Deutschland gesehen habe.

Ich bin so aufgeregt und möchte die probieren.

Aber, ich muss sehr sehr ehrlich sagen.

Meine erste Falafel Erfahrung  in Deutschland war nicht so gut.

Die Falafel ist giftig...

Ich kann die nicht Essen, obwohl sie sind teuer und sieht gut aus, wie ein Kunstwerk.

Aber, ich muss auch sehr ehrlich sagen.

Essen ist sehr Persönlich, die Falafel passt mir nicht, die bedeutet passt nicht anderen.

Aber, nochmal ich muss sehr ehrlich sagen, ich habe die Falafel schon lange Jahre nicht in Deutschland gegessen.

Weil ich möchte meine gute Erinnerung behalten.

Letztes Jahr, zu meinem Geburtstag, mein Mann hat mich in ein Restaurant zum Essen gebracht.

Die Inhaber ist aus Äthiopien.

Die Menü sieht nicht so besonders aus, der Laden ist nicht so schön.

Aber, die Falafel bringe mir in die Tage als ich in  Afrika oder in  den Nahen Osten gereist bin.

Sehr sehr lecker für mich.

Ich bin zu faul, ich mache keine Falafel.

Aber, dieses mal habe ich die Falafel in Supermärkten gesehen und sie sieht aus gut.

Dann mache ich Falafelsalat zum Frühstück.

Und denke ich noch mal an die Zeit wo ich in Afrika oder den Nahen Osten gereist bin.

Falafelsalat

...... Zutaten ......

Falafel　8

Salat　200g

Fein gehackte Zwiebel　1

Olivenöl　3EL

Essig　1EL

Honig　1EL

Käse 

Salz, Pfeffer

...... Zubereitung ......

1. Olivenöl, Essig, Honig, Salz und Pfeffer gut mischen.

2. Die Soße, Salat, Zwiebel gut mischen, die Falafel und Käse dazu geben. Guten Appetit!

(2022.03.14 Dinner for weight loss Falafel Salad)

I love falafel, that's why when I saw falafel in Germany. 

I'm so excited and want to try these.

But, I have to say very, very honestly.

My first falafel experience in Germany wasn't that good.

The falafel is poisonous ...

I can't eat these even though they are expensive and look good like a work of art.

But, I have to say very honestly.

Food is very personal,these falafe are not to my appetite , It does not mean that it is not suitable for other people.

But, again, I have to be very honest, I haven't eaten falafel in Germany for a long time.

Because I want to keep my good memories.

Last year, for my birthday, my husband took me to a restaurant for dinner.

The owner is from Ethiopia.

The menu doesn't look that special, the shop isn't that nice.

But, the falafel bring me back to the days when I traveled to Africa or the Middle East.

Very, very tasty for me.

I'm too lazy, I don't make falafel.

But, this time I've seen the falafel in supermarkets and it looks good.

Then I make falafel salad for breakfast.

And I think again about the time when I traveled in Africa or the Middle East. 

Falafel Salad

...... Ingredients ......

Falafel　8

Salad　200g

Finely chopped onion　1

Olive oil　3EL

Vinegar　1EL

Honey　1EL

Cheese 

Salt, Pepper

...... Method ......

1. Mix the olive oil, vinegar, honey, salt and pepper well. 

2. Mix the sauce, salad and onion well, add the falafel and cheese.Enjoy your meal!