亂皂𥴊仔店 ⓂⒺⒾⓃⓀⒾⓄⓈⓀ

我倚浪漫 ê 遠近就敢若地球佮海王星。

總是，我 ê 氣持ち tshan-tshiūnn 滇流洘流 tsiah-nī-á 豐沛。

詩我讀無路，m̄ 捌押韻，總是《愛情𥴊仔店》ê「夫妻」直透心肝穎生湠到 kā 人 Picasso ê 圖總是看做囡仔圖 ê 我，tī 天透殕閣濫金 ê 廚房見著自我求生存 ê 洋蔥隨想做 Bambai，想 bueh 軁入來做查某囝賊 ê 火鼠看做關老爺 ê 赤兔馬，窗仔外 ê 一葉一葉綴風飛 ê 葉看做法語講是冊，德語講是葉 ê 酥皮隨假包上身綴作者群寫詩。

整理文章讀著這篇佮《做伙走台步》𫝛時按臺灣寄來德國 ê 臺語文文學作品，有 tsuē-tsuē 感想。

外國文學冊櫥，詩本 kan-ta 彼本按公共冊櫥紮轉來 ê《Liebesgedichte》華文冊櫥無半本，台語冊櫥一大拖甲 hōo 我想 bueh 整理分張出去 hōo 家己有閣較 tsuē 空間囥日後行踏 ê 冊。

我無排斥詩，總是我 tuì 臺語文文學敢若敢 ē-tàng 用詩來表達...感覺...ok genug，後一位！

是，我 tuì 臺語文文學敢若敢 ē-tàng 用詩表達 ê 態度就 tshan-tshiūnn 讀著「毛毛 der、怪怪 die」仝款 buē 有啥物態度，起因我 m̄ 是彼支溫水罐 mā 無興 kā 家己縛 tī 仝一支柱仔。

 詩文按怎寫，我 m̄ 是詩人 m̄ 是文學家 buē 曉分拆，總是迵過詩發表時間，有一種活 tī 原世界 ê 感覺。

舉例講，莊柏林 ê〈形影〉 1995.1.28 發表 tī《自由時報》，臺語文 ê 出版品除了囡仔繪本掠外，上 tsuē 出版 ê 作品猶是詩佔大多數。

這 hōo 我想 bueh 引文《臺灣人臺灣事》249【台語女性書寫】王薈雯 〈台語。生活〉電子報 ê 文字稿；

「Tsit-má逐家上欠缺ê就是 你ē當講出一句好ê台語，正確ê台語，若是咱有能力寫一篇文章iah是一句完整ê話，m̄免用詩ê表現來表現ê時陣，我感覺對推展台語較有幫助。」（249 【台語女性書寫】 王薈雯， 6:58）

佮《請說國語》作家專業書評 ê 這段話；

更怪的是，雖然我們的新書出版種類名列全球前段班（這本身就不太正常），但我們竟然到今天，才有《請說「國語」》這種面向大眾，反省「國語運動」的語言政治專書譯介。某種程度上，也顯示台灣出版界，跟台灣的同志電影史一樣，有數量雖多，卻難見真正多元的「視野困境」。我們始終在服務特定同溫層。

--- 蘇致亨／我就是看到「方言」或「Pe̍h-ōe-jī」就心煩──讀《請說「國語」》

是，順這本2004年出版 ê 詩到今，臺語文文學大多數猶是徛踮仝溫層，連文學獎 mā tsiâu-tsiâu 是寫詩。

寫到遮，我愛講凡勢 mā 是我 ê 世界無閣楦闊，m̄ 知影臺語文文學出版 ê 真實狀況。

總是，迵過網路有法度揣著 ê 冊，除了囡仔繪本莫算在內，臺語文文學猶是一路全全詩，無較 tsuē ê 選擇。

我知影，現此時有世界文學翻譯，總是遮 ê 作品猶是比 buē 過遮詩一本，遐詩一本，m̄ 管是家己自費出版抑是申請國藝會專案。

我 m̄ 是文學專家 mā 無任何批評佮意寫詩 ê 人，總是我 tuì 詩出現 tī 臺語文文學 ê 感想就 tshan-tshiūnn 王薈雯佮蘇致亨所分張 ê 感想相𫝛 。

我知影，臺語文文學 tī 這幾冬有 tsuē-tsuē 進展，總是一直行 buē 閣較遠 ê 因端是啥？

我 m̄ 是專業者，我無法得分拆，總是成做一个願意撏錢加付運費佮進口關稅 ê 讀者我來講，詩 tuì 我講誠實無吸引力。

起因，彼 m̄ 是我四常會講話 ê 方式。

不過，我 ē 寬寬仔等待臺文版 ê《都柏林人》出版。

《愛情𥴊仔店》

康原 編著

王志峰 繪圖

㊓ 晨星出版出版