亂皂𥴊仔店 ⓂⒺⒾⓃⓀⒾⓄⓈⓀ

(2023.11.12 早起頓 雞肉菜擴雞心豆湯 + Quark/858kcal)

那食早起頓那配【台灣新眼界】20230419  "土豆"=馬鈴薯爭議！外來語的交流佮侵略！臺灣按怎面對？tī 節目 bueh 煞鼓進前揤暫停，愖一睏仔決定行向冊櫥 kā 彼本 hōo 翁暢甲 buē-su 著獎 ê 冊紮過來食飯店。

「你敢知影影片內底有你熟似 ê 人」我學 Jerry Maguire tuì 翁講。

伊那看定格 ê YouTube 佮我手捎 ê 冊講「tsiâ？」

我手指冊皮 ê 人，伊 mā 綴冊皮 ê 人斟酌蠅定格 ê 人講「你看每一个德國人攏相𫝛，我看每一个臺灣人 mā 是，閣較免講這久愛揣尪仔人。」

Mā 著，𪜶 ê 尪仔人大多數攏牽山 phuānn 林(nâ) ê 人物，除了得失 Picasso tsiah 有法度成做藝術品。

我手指總是好笑神 ê 主持人 ê 隔壁講「伊就是 kā 你 ê 語言寫入這本冊 ê 作者，伊是 Dr. mā 是教授，Dr. Professor 分張這件代誌」我刁意故喘一口大氣。

「Gún 某是我 ê RKI」翁笑講。

「我無 Dr.Dr. Professor，m̄-koh uī-tio̍h 你 ê 健康我願意無料分張 Dr. Professor ê 分張」我刁意故學德國社交慣勢講話。

翁知影我 teh 剾洗𪜶 ê「社會現象」恬恬無出聲等我 ê 分張。

有當時仔，我並無彼个意思想 bueh 剾洗別人 ê 社會，總是有當時仔又閣感覺彼是「笑詼」ê 一部份。

Ah--- talk show 正經無好表演。

「研究報告講四常 ē-tàng 輾轉切換語言 ê 人，𪜶較有理路管理衝突，Alzhimer mā-ē 晏 4 冬來相揣」我講。

「我 ē-tàng 自在切換德語、西語、英語，你 ē-tàng 自在切換台語、英語、德語、華語，按呢算起來你比我加4冬」翁講。

「Alzhimer 敢 ē 晏4冬來挨拶我無確定，總是我確定有法度自在切換語言佮衝突管理無相干」我目睭刁意故吊懸懸應。

翁無出聲，起因伊知影我 teh 𠞭伊 ê 骨。

「總是，恁 ê 醫學現此時 teh 推捒菜蔬是藥材，這盤有你慼 ê 甜椒，伊拄好有 B6 hōo 你較 buē 磕 buê 著就起童」我手指碗內 ê 紅色。

「原來我 ē 遮爾仔𠢕跳童，是因為自囡仔時就無 hőng 飼紅色」伊家己剾洗家己。

這碗 ê 材料齊是我愛食 ê 物食，這碗 ê 材料齊是 gún 翁慼 ê 物食，除了雞肉。

我相信每一个人一出世就有家己 ê 喙斗，tshan-tshiūnn 佮意食薟食酸遮 ê 固定脾土，賰 ê 喙斗攏是按你慣勢 ê 四常湠到你 ê 血管佮記持。

是講，有法度自在轉換語言敢誠實 ē 𠢕扞情緒，我 m̄ 知影。

總是以我家己來講，我清楚知影我現此時 ê 恬靜、無要意佮 ē 曉莫綿精無必要 ê 事項， m̄ 是自一粒卵就安 tī 血管，這是Nicht Erklärungen helfen uns weiter, sondern unser Wille voranschreiten(解釋 buē 協助咱向前行，是咱向前行 ê 意志)。

我討厭偝家己龜怪 ê 情緒，我就愛學習按怎安搭家己 ê 情緒，情緒安搭好自然 buē 綿精別人 ê 情緒。

雞肉菜擴雞心豆湯

...... 材料 ......

罐頭雞心豆　250g

白酒　100ml

蒜頭，刴幼

滾水　300ml

菜擴，切塊　1

雞襟胸，切塊　400g

洋蔥，刴幼　1

紅甜椒，切塊　1

甜椒粉　1TL

芳料草

鹽、胡椒

...... 步數 ......

1. 雞肉落鼎炒 hōo 赤赤，提出來。

2. 洋蔥、蒜頭落鼎芡芳，落菜擴 、甜椒粉、芳料草、滾水淋落去煮20分鐘。

3. 雞肉，甜椒、白酒、雞心豆摻落去搜 hōo 齊，繼續煮10分鐘。

4. Tiàu 寡鹽、胡椒，樂暢來食。

(12.11.2023 Frühstück  Kichererbsen mit Hähnchen und Kohlrabi - Quark/858kcal)

Kennst du die Wutprobe(Anger Management), ich frage mein Mann.

Was ist das, sagt mein Mann.

Das ist eine Film über die Menschen die immer vor Wut kochen, sagt ich.

Warum sagst du mir das, sagt mein Mann.

Du braucht Vitamin B6 für deine Feinde, sagt ich.

Was, er ist so durcheinander.

Die Paprika hat B6 und sie hat sehr gute Vitamine für die Menschen die immer so böse sind, sagt ich.

Mann, meine Frau hat immer seltsame Ideen, lacht mein Mann.

Ich habe keine seltsam Idee, aber ich glaube das Essen ist Fashion Medizin und jetzt musst du sehr freundlich mit deinen Feinden, weil sie hat B6 für dich, sagt ich.

Mein Frau ist seltsam, lacht mein Mann.

Siehst du, du muss deine Feinde mehr Essen, sagt ich.XD

Ja, egal was sage ich, ' die Paprika ist lecker ' , mein Mann sagt mir immer, Nein.

Aber, wenn ich sagt das ist gesund. Naja, obwohl alle Feinde zusammen, er sagt super lecker, wie das Essen, Kichererbsen mit Kohlrabi und Paprika sind seine Feinde.

Kichererbsen mit Hähnchen und Kohlrabi

...... Zutaten ......

Hähnchenbrust in Stücke geschnitten　400g

Weißwein 　100g

Fein gehackter Knoblauch

Fein gehackte Zwiebel 　1

Wasser　300ml

Kichererbsen aus der Dose 　1

Kohlrabi in Stücke geschnitten　1

Rote Paprika in Stücke geschnitten　1

Paprikapulver　1TL

Kräuter

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Kohlrabi mit Paprikapulver, Kräuter und Wasser dazugeben und gut mischen, dann ca. 20 Minuten kochen.

3. Hähnchen mit Paprika und Kichererbsen dazugeben und gut mischen, dann weitere 10 Minuten kochen.

4.  Mit Salz und Pfeffer abschmecken. Guten Appetit!

(12.11.2023 Breakfast  Chickpeas with Chicken and Kohlrabi - Curd Cheese/858kcal)

Do you know the Anger Management, I ask my husband.

What's that, says my husband.

It's a film about people who are always boiling with anger, I say.

Why are you telling me this, says my husband.

You need vitamin B6 for your enemies, I say.

What, he's so confused.

The bell pepper has B6 and it has very good vitamins for the people who are always so angry, I say.

Oh, boy, my wife always has strange ideas, my husband laughs.

I don't have any strange ideas, but I think the food is fashion medicine and now you have to be very friendly with your enemies because it has B6 for you, I say.

My wife is strange, my husband laughs.

You see, you have to eat your enemies more, I say.XD

Yes, no matter what I say, ' the bell pepper is delicious ' , my husband always tells me no.

But when I say it's healthy. Well, although all enemies together, he says super tasty, like this dish, chickpeas with kohlrabi and peppers are his enemies.

Chickpeas with Chicken and Kohlrabi

...... Ingredients ......

Chicken breast cut into pieces　400g

White wine　100g

Finely chopped garlic

Finely chopped onion　1

Water　300ml

Canned chickpeas 　1

Kohlrabi cut into pieces　1

Red bell pepper cut into pieces　1

Paprika powder　1TL

Herbs

Salt ＆ Pepper

...... Method ......

1. Put the chicken in the pan and fry until golden brown, then take it out.

2. Put the onion with garlic in the pan and fry until they are golden brown, add kohlrabi with paprika powder, herbs and water and mix well, then cook for about 20 minutes.

3. Add chicken with peppers and chickpeas and mix well, then cook for another 10 minutes.

4. Season with salt and pepper. Enjoy your meal!