亂皂𥴊仔店 ⓂⒺⒾⓃⓀⒾⓄⓈⓀ

翁某做伙食早起頓我 tuì 翁講「我 buē 記得熥拜請 Google 翻譯 kā 我鬥寫 ê 英文，這久發見無人來交觀是一件好代。」

「我逐日攏來交觀兼掠漏」翁笑應。

「承蒙你，按恁細」我講。

想 bueh 訓練家己 ê 筆力，一斗寫五種文字，前兩種文字華文交台文猶算在手，所致寫甲順勢兼較 buē 刺疫，按華文交換手 hōo 德文規身(sian)人就成做樹趖，按德文交換手 hōo 英文，我已經成做柴頭尪仔無想 bueh 動跤動手兼激腦筋就 kā 專業發包 hōo Google Übersetzer 翻譯。

Tsa̋ng 凡勢是樹趖駛 Bián-juh，我開始一篇一篇巡，一篇一篇繩，那巡那繩 mā 那感謝連蠓攏無興來，抑無正港是卸世卸眾，紅字一大堆，包括華文。

一字一字繩，一篇一篇改，改到第五篇我決定未來 buaih 閣寫華文交台文羅馬字，起因我愖著家己初寫 Blog ê 想法。

Vox et praeterea nihil

除了聲音，啥物攏無。

除了文字，啥物攏無。

我 tī 遮交家己讀萬象，看萬物，愖白汫無味 nur heiße luft ê 喉韻，喃來喃去 ê soliloquizing 佮孤腳白。

無𫝛箸無仝味。

想 bueh 迵過書寫，揣著德國佮臺灣 ê 四序。

無𫝛箸無仝味。

喙白 ê 小父さん，好喙斗 ê おばさん，兩人牽手冤家量債，兩人牽手司公仔象桮，兩人牽手那食那寫那做海翁.Wal 佮 Manatí.マナティー。

Vox et praeterea nihil

除了聲音，啥物攏無。

遮是我 ê 四常數簿，Meine Übungen. Mis ejercicios 佮喃來喃去。

暗仔，愛來 onn-onn 睏，有歲頭 ê 人 m̄ 通 kā 做議量轉做壓力。

這久翻頭看彼久，感謝家己無閣滓著瞭著無意愛隨刪除(san-tû) ê 無定性，抑無這久無地交往過 ê 家己挨拶並智覺，我誠誠實實無要意別人 ê 想法，以台文做主體，以華文做麭幼仔唌人來坐，抑是四界蹓蹓交人盤撋 ê 假仙假怪。

遮是我 ê 大海之星教堂，遮是我 ê 土地公廟，遮是我 ê 無人島嶼，我是我家己 ê 麵線阿婆(mienˇsienˇa+po)，順文字挽瓜揫藤，順文字 ê 聲音泅轉去屬於我一个人寧靜 ê 海岸。

台文是我搥烏豆兼告解 ê 大海之星，德文佮英文是我乞食攑蠓捽仔，假仙假觸入人門，順人意 ê 小齣。

我愛我 ê 島嶼，我愛猶如搖椅上的一根彎曲的木頭，因為我有幸孤身獨處，雖然我從來不孤獨，我只是獨自一人而已，獨自生活在稠密的思想之中，因為我有點狂妄，我是無限和永恆的狂妄份子，而無限和永恆也許就是喜歡我這樣的人➀ Vox et praeterea nihil，除了文字 ê 聲音，啥物攏無。

2025 翻頭看 2022 ê 心情練跤花，彼久 ê 一身五面肉成做恐龍有一个頭面無完全 ê 身骨。

2025 翻頭看 2022 ê 雲尪，彼久 ê 雲尪交這久 ê 雲尪猶原相𫝛 mā 無相仝 ê 自在跟綴自然變化。

2025 翻頭看十外冬 m̄ 捌做過 ê Iò-gà 因為身體無法得 hōo 我樂觀看人減歲，看物添價「藥仔猶食 ē 行，免改變」來 tuì 身體變化激皮皮，YouTube 揤落 kā 家己成做麵粞，搜、揤、硩、撋、舂、挲、抾、袚、扯、擢。

欶氣，吐氣，kā 家己想做一欉樹，想做一尾魚，想做一隻貓....敕氣，吐氣，伊是按怎遮爾仔匪類，伊是 teh 囂俳啥物，敕氣，吐氣，往過準做成做貓、成做樹、成做魚，屬於人類 ê 情緒 m̄ 捌成做壁堵 hōo 我 buē 變身。這久 ê 茶鈷猶未燃，規身軀 tshan-tshiūnn 鞏石膏 buē 振 buē 動。原來菩提本無樹是這款感覺，心無淨，成做貓、成做樹、成做魚猶是無較縒。

敕氣，吐氣，話是風，字是蹤。渡自家行尞，行心 ê 路。水，這个物質從來 m̄ 捌固定，我 tī 文字掠漏交快樂佮避靜相放伴。寫部落格是好議量，𥴊仔店除了我 ê 花眉，啥物攏無。

敕氣，吐氣，Vox et praeterea nihil，除了文字 ê 聲音，啥物攏無。

敕氣，吐氣，我是遮爾仔幸福。

➀ 《過於喧囂的孤獨》，赫拉巴爾（Bohumil Hrabal）

Vox et praeterea nihil

Außer dem Wort, gibt es hier nichts.

Mein Blog ist ein Wald für mich.

Ich bin ein Baum, ich bin ein Vogel, ich bin der Bach, ich kann jede Sache sein.

Hier ist mein Himmel, meine Bücher, mein Mülleimer.

Ich bin einsam, ich bin alleine, aber ich bin nicht seltsam.

Ja, das Leben hat genug Lärm und es sagte mir, du musst nicht ein Teil davon sein.

Vox et praeterea nihil

Außer das Wort, gibt es hier nichts.

Ich möchte durch das Wort herausfinden, was ich in meinem Herzen habe und meinen Frieden haben.

Und genieße das Leben mit Wal, meinem Mann und mein Mann genießsen das Leben mit der Seekuh. Manati. マナティー - mir, zusammen.

Das ist genug.

Hier sind meine Übungen. Mis ejercicios und soliloquizing with Monolog.

Vox et praeterea nihil

Ich bin allein in Deutschland.

Ich möchte nach Taiwan anrufen.

Aber, leider ich habe keine Familien.

Weil, sie sind im Himmel.

Ich bin nicht einsam oder traurig.

Aber, in dieser Moment, ich denke an mein Vater.

Alleine in Taiwan, und er hat nur uns.

Wie ich, was ich habe nur meinen Mann.

Obwohl er ist so seltsam...

Ich möchte etwas schreiben, aber...

Keine Ahnung, ich habe keine Worte im Kopf.

Ich weiß nicht warum.

Vielleicht, wegen dem scheiß Wetter.

Bewölkte Straße, Bewölkter Himmel, Bewölkte Erde... Bewölkt mein Mann...

Oh, ja, wenn mein Mann ist Bewölkt, das ist gut.

Weil, ich sehe nicht wie seltsam er ist, wenn Bewölkung kommt.

Vox et praeterea nihil

Apart from the word, there is nothing here.

My blog is a forest for me.

I am a tree, I am a bird, I am the stream, I can be any thing.

Here is my heaven, my books, my bin.

I am lonely, I am alone, but I am not strange.

Yes, life has enough noise and it told me you don't have to be a part of it.

Vox et praeterea nihil

Apart from the Word, there is nothing here.

I want to find out what I have in my heart through the word and have my peace.

And enjoy life with Wal, my husband and my husband enjoy life with the manatee. Manati. マナティー - me together.

That's enough.

Here are my exercises. Mis ejercicios and soliloquizing with monologue.

Vox et praeterea nihil

I am alone in Germany.

I want to call back to Taiwan.

But, unfortunately, I don't have any families.

Because they are in heaven.

I am not lonely or sad.

But, at this moment, I think of my father.

Alone in Taiwan and he only has us.

Like me, what I have only my husband.

Even though he's so strange ...

I want to write something, but ...

I have no idea, I have no words in my head.

I do not know why.

Maybe because of the shitty weather.

Cloudy road, cloudy sky, cloudy earth ... cloudy my husband ...

Oh yes, if my husband is cloudy, that's fine.

Because I don't see how weird he is when he is cloudy.