亂皂𥴊仔店 ⓂⒺⒾⓃⓀⒾⓄⓈⓀ

Nicht Erklärungen helfen uns weiter, sondern unser Wille voranschreiten

解釋 buē 協助咱向前行，是咱向前行 ê 意志

2023.12.31 tsham 翁 ê 朋友做陣迒年想著早前咱真愛講咱臺灣人攏按呢，人外國人 tsiah-buē 按呢 ê 故事。

遮 ê 故事有偌 tsuē 是咱家己搪過，有偌 tsuē 經過咱家己斟酌愖過，我 m̄ 知影，總是聽翁 tuì 我按呢講，我想我這个智識無夠額 m̄-koh 有頂真纏綴𪜶兜 Nietzsche 這段話行 tī 哲學路有影響著伊。

「我 buē 閣若業務仔繼續推銷𪜶行 buē 去出 ê 箍仔」

感謝我一直保持德語無輾轉 ê 慣勢，所擺搪著我無想 bueh 回答遮 ê mā 熟似 10 外冬一年凡勢 tsiah 見 2 ~ 3 擺面 ê 朋友就會使得自在成做 Ludwig van Beethoven kā 𪜶 ê 問題準過。

近來無事揣事愖，愖朋友 ê 齷齪。

做一件代誌 ê 因由佮初心是 uī-tio̍h 得著榮華富貴抑是 kan-ta 想 bueh 分張家己 mā 意愛又閣感覺遮爾仔好 ê 代誌無 kā 伊食好鬥相報 buē 得。

若是 uī-tio̍h 榮華富貴無人 bueh 來咱 ê 角勢行踏確實是愛擘腹，若是簡單 ê 食好鬥機報，搪著無人要意應當 buē 遮爾仔艱苦敢 m̄ 是，甚至 buē 風火著抑是中氣 buē 敨。

思仔思，愖仔愖，我想著這件代誌。

你呔 ē 無 bueh 使用面冊，按呢咱是 bueh 按怎連絡？

咱有電話抑是 Email。

面冊較利便--lah。

我 m̄ 知影面冊敢誠實有較利便，總是我猶原較佮意沓沓仔寫批抑是聽聲音 ê 練仙佮家己開時間搜揣資料。

我無佮意過彼 bueh 挃 ê 物件攏愛人 kā 我款好好 mā 無愛替別人攢物件，像現此時分張一項物就隨有人來挵門。 

我是慷慨 buē 鹹 buē 柝(kho̍k) ê 性地，總是搪著 kan-na ē 曉挵門煞 m̄ 願加開時間認真讀字 ê 人，我就隨鹹掛澀，一屑仔鹽攏 buē 分。

是講，這款智慧 mā 是門 hőng 挵過幾仔回 tsiah 得著 ê 智慧 --- 有一種驚，號做網路驚你綴 buē 著陣佮驚你 m̄ 捌假捌 ê 好意點拄，咱做人愛知影按怎相趁相喊、攑香綴拜佮 m̄ 通大鼎 buē 滾，細鼎沖沖滾。

講著這 mā 真龜怪，這个地球有遐爾仔 tsuē 語言佮文化，是按怎咱愛綴十字軍來行，是講十字軍自 1096 ~ 1291 將近兩百冬 ê 行踏，得著啥物成果，咱敢看無著？

不過，我相信佮意攑香綴拜 ê 人絕對 ē 講十字軍事件佮 gún 好心點拄你愛按怎相趁相喊 ê 代誌一屑仔攏無底代，你 m̄ 通 kā gún-ê 好意白白仔布染到烏。

窮實遮 ê 人講 ê 話 mā 無 m̄ 著，總是迵過十字軍佮伊斯蘭 ê 變化，咱 ē-tàng 看出，伊斯蘭較無 tshan-tshiūnn 十字軍按呢，每一个年間攏有新 ê 兄弟姊妹出現，當然這 ē-tàng 講是伊斯蘭較保守，總是當我聽著穆斯林朋友分張一个查埔人 ē-tàng 娶四个某 ê 因由，本底信仰基督 ê 阿爾巴尼亞人是按怎按基督徒成做穆斯林，是按怎穆斯林無食豬肉 ê 故事，攏 ē hōo 我感受著「按人類需求來做調整」m̄ 是一个人講準算，tshan-tshiūnn Jan Hus 針對納錢就 ē-tàng 拯救(tsín-kiù)墜落(tuī-lo̍h)神魂 ê 講法提出疑問，伊就 hőng 放火燒死，準做伊 ê 講法並無起大風佮大湧，伊原仔 hőng 放火活活燒死。我 tuì 宗教無認捌，總是 Jan Hus ê 故事 hōo 我想著 Heilige von Bingen 一位信仰虔誠 ê 農婦想 bueh 送 tsa̋-kiánn 入教會跟綴神 ê 智識，Heilige von bingen 回答「神 ê 奉侍(sāi)者需要有好背景 ê 人」意思就是 bueh 學習智慧需要有「皇家血統」舉 Jan Hus 佮 Heilige von bingen ê 例無 bueh 批評抑是評論宗教，m̄-koh 想 bueh 借𪜶 ê 例來分張，當我聽著「因為傳染病，先知交代 gún m̄ 通食豬肉」這件代誌 tī 現此時翻頭轉去看，確實有道理 --- 豬瘟到今無法度解決，千外冬進前應當愈僫解決，「阿爾巴尼亞人按基督徒成做穆斯林，主要是散凶人接受穆斯林 ê 幫贊，落尾仔 mā 綴 leh 成做穆斯林」這款食人一口，還人一斗 ê 代誌到今猶有，「一个查某人 ē-tàng 娶4个某，古早時戰爭、瘟疫捷來，查埔人較有通揣出路，查某人較無，sóo-tí 先知講愛照護遐 ê 失去翁婿閣揣無出路 ê 家庭」這件代誌確實驗應古早時查某人 ê 困境，起因我看家己阿母𪜶彼輩 ê 查某人就知，m̄ 管偌爾仔有才調社會無相楗 mā 是無較縒，𫝛時 mā ē-tàng 理解到今是按怎有遐爾仔 tsuē 查某人無法度離開翁婿，因為「橐袋仔」無半仙。

閣一遍，寫遮 ê 意義 m̄ 是 bueh 分張佗一个宗教好佮䆀，起因每一个宗教攏是按人算起 m̄ 是這位咱無確定 m̄-koh 咱相信伊 ê 神，簡單講人類 ê 歷史就 tshan-tshiūnn Hendrik Willen van Loon 分張 ê「人類 ê 歷史就是一部不寬容史」，咱若寬容是按怎到今猶 teh 做咱祖宗行過 ê 恐怖代。

這是我 tuì 無愛攑香綴拜佮相趁相喊 ê 想法，起因我認為每一个民族攏相𫝛有家己寶貴 ê 文化佮智慧，無一个民族需要 hōo 另外一个民族選擇做「豬仔」來賣，像尊重北美原住民人權就無 kā 𪜶當做豬仔來運送，認為非洲人無需要人權就 kā 𪜶當做豬仔來運送，總是 m̄ 管有箍著人權抑是無箍著人權 ê 族群攏相𫝛，攏漸漸揣無家己甚至成做別人，tshan-tshiūnn 咱 ê 平埔族，喙講別人話，猶是 hőng 認做別人 ê 揣 buē 著家己。

我知影家己是 ē 生蟲 ê 紅龜 sòo-pái m̄-tsiah ē tsiah 龜怪 kā 一件簡單 ê 代誌講甲若牽尪仔補雨傘按呢無重點，m̄-koh 我猶原愛按呢 ê 態度，起因人 Hegel 有講 Die Weltgeschichte ist der Fortschritt im Bewusstein der Freiheit(世界歷史是自由意識 ê 進步)，而且人保羅(Paul)寫 hōo 哥林多人(Corinthians) mā 按呢講「若準我無理解聲音 ê 威力(ui-li̍k)，我 tuì 我講話 ê 對象來講就 kan-na 是野蠻者，佮我講話 ê 人 mā 仝款」我清楚知影面對龜怪我 ê 態度較成猶太人，我 ê 意思是我較成保羅彼个年間無 tuì 外傳教 ê 猶太人性地，不過我清楚知影文字 ê 威力大過聲音，像臺語 hőng 講是有聲無字 ê 意思𫝛款，sòo-pái 準做我無興佮一个宛然 Cicero 分張「tuì 歷史無理解 ê 人永遠攏是囡仔」(To be ignorant of history is to be always a child) ê 人米糕𣻸，我猶是 ē 寫我想 bueh 講 ê 話，起因伊 m̄-nā hōo 我成做 Nietzsche 解釋 buē 協助咱向前行，是咱向前行 ê 意志 mā hōo 我學 ē 曉 Rosa Luxemburg 分張 ê Freiheit ist immer die Freiheit der Andersdenkenden “ 咱認定 ê 自在佮人永遠無相𫝛，咱家己就愛放下家己 ê 龜怪佮遮 ê 人纓纏米糕𣻸 m̄-koh buē-tàng 放棄家己 ê 聲音像保羅分張 ê 智慧。

2021 離開彼个驚失朋友禮 ê 面冊。

2022 除了溶板膋有收冬，2021 無請自來驚失朋友交生份人禮 ê 情緒叨撚無閣來相揣。

2023 別人熥甲臭酸 ê 故事成做我 ê 菩提本無樹，何處若塵埃，無要意免受氣抑是解釋甲一大拖沙。

2024 猶原迒 buē 過 ê 紅龜生蟲，龜怪 ê 想法，無 ka̋ng 應聲是一件誠無禮貌 ê 代誌，自心境轉換，遮是我 ê 花園，彼个驚失人禮 ê 剪蟲 m̄ 捌繼續米糕𣻸。

2025 瑞典交挪威 ê 露營車日子記錄是無心做事半路廢就 hōo 伊廢，部落格按算 ê 翻田塗，準做愛開五冬 tsiah 有才調完成，有心拍石石 ē 萎就 kā 拍到萎。

Ich überlege das.

Was mag ich in meinem Leben.

Weil, meine Freundin hat mir gesagt, sie möchte nicht Fanseite oder Blog weiter schreiben.

Ich denke, ich weiß warum und ich möchte das sagen.

Aber, ich sage es nicht.

Jeder könnten Superstar sein, oder auch niemand sein.

Das ist wahrscheinlich.

Ich sage meinen Freunden nichts.

Gleich wie hier.

Ich sage niemand, ich habe einen Blog.

Weil, für mich Ruhe ist wichtig in meinem Leben.

Ich möchte keine Zeit verschwenden mit Leuten die ich nicht kenne.

Ich schreiben den Blog nur für meine Sprechuebungen.

Wegen ein “gefällt mir nicht" auf  Facebook, meine Freundin ist nicht glücklich.

Sie spricht das Problem überall an.

Wenn sie mir sagt, ich frage.

Hast du eine "gefällt mir nicht" auf den Facebook gemacht?

Natürlich, wenn das Bild oder der Artikel so schlecht ist.

Dann, konnte ich sie frage, warum können die Leute das nicht machen?

Die Leute die das gemacht haben, Sie haben niemals meinen Artikel gelesen, sagt sie.

Hast du die Artikel gelesen, bevor du ein "gefällt mir nicht" gemacht hast , sage ich.

Natürlich, ich lese jedes Wort, sagt sie.

Wenn sie sagt ich lese jedes Wort ich möchte nicht das Thema weiter besprechen.

Wenn eine Person das sagt, das bedeutet sie lesen oder gucken nicht.

Aber interessant ist, sie teilt mir viele Videos aus YouTube.

Und jede Video dauert ca. 5~10 Minuten.

Dann sie versteht alles.

Zum Beispiele, Deutschland Geschichte.

In 5~10 Minuten, sie versteht die ganze Deutschland Geschichte.

Das erinnert mich immer an das Buch " Nachtzug nach Lissabon " Herr Allwissend.

Herr Allwissend, er ist wirklich Allwissend.

Aber sie....kein Kommentar.

Ich bin leise und lese die Geschichten die sie teilt.

Wie verärget sie über das " gefällt mir nicht " ist.

Ich möchte keine Zeit damit verschwenden, über ihr Unglück zu diskutieren.

Aber ich liebe ihr Geschichten zu lesen.

Das ist sehr interessant zum Philosophischen Denken und forschen.

2021 ich verlasse Facebook.

2022 Ich fühle mich nicht mehr schuldig, wenn ich Nachrichten von Fremden bekomme, antworte ich nicht.

Ich weiß, das ist seltsam.

Warum muss ich mich schuldig fühlen für  Leute die ich nicht kenne.

Ich weiß nicht warum.

Und ich möchte nicht überlegen.

Aber, das ist ein sehr gute Anfang.

I think about it.

What do i like in my life.

Because, my friend told me she doesn't want to keep writing fans pages or blogs.

I think I know why and I want to say that.

But, I'm not saying it.

Anyone could be a superstar, or nobody could be.

That is opportunity .

I don't tell my friends anything.

Same as here.

I'm not telling anyone I have a blog.

Because for me, peace is important in my life.

I don't want to waste time with people I don't know.

I only write the blog for my speaking practice. 

Because of a "dislike" on Facebook, my girlfriend is not happy.

She addresses the problem everywhere.

When she said to me, I asked her.

Did you do a " dislike " on the Facebook?

Of course, if the picture or article is that bad.

Then, could I ask you, why can't people do this?

The people who did this, they never read my article, she says.

Did you read the articles before you said "I don't like it", I say.

Of course, I read every word, she says.

When she says I'll read every word I don't want to go into the subject further.

When a person says this, it means they are not reading or looking.

But what is interesting is she shares a lot of videos from YouTube with me.

And each video takes about 5 ~ 10 minutes.

Then she understands everything.

For example, Germany history.

In 5 ~ 10 minutes, she will understand the whole history of Germany.

That always reminds me of the book "Night Train to Lisbon", Mr. Omniscient.

Mr. Omniscient, he really is Omniscient.

But she ... no comment.

I am quiet and read the stories she shares.

How upset she is about the "I don't like it".

I don't want to waste time discussing her misfortunes.

But I love reading her stories.

This is very interesting for philosophical thinking and research. 

2021 I leave Facebook.

2022 I don't feel guilty anymore, when I get messages from strangers, I don't reply.

I know this is strange.

Why do I have to feel guilty for people I don't know.

I do not know why.

And I don't want to think about it.

But, that's a very good start.