亂皂𥴊仔店 ⓂⒺⒾⓃⓀⒾⓄⓈⓀ

Tsa̋ng 下晡步頻摔大雨，根定 tī 電腦前 ê 人樹我隨抽根傱去磚坪 kā 楔 tī 花坩 ê 鳥飼料收起來，聽候雨落過田岸車路 tsiah kā 伊提出去分張。

德國 ê 雨罕得落西北雨 mā 罕得落查某雨，這雄雄來相借問 ê 雨敢是風颱雨？擔頭四界巡穹蒼(kiong-tshong)，天無一搭坐清，m̄ 管伊是啥物雨，只要莫做𤺪雨斡頭接紲 Werthers(維特) ê 世界。

人 bueh 挐，一時間，雨 bueh 停，也是一時間。尻川斗猶未坐 hōo 燒，走無見人 ê 金烏迵過窗仔一鬚一鬚牽藤到魂舒。出大日矣，鳥飼料會使得重新楔入花坩，徛起身行向磚坪，來報到 ê 厝鳥仔連隨喝解散。

「恁這連交膨鼠相𫝛，僫鬥陣」我慢聊聊仔伐向廚房提飼料那笑講。

飼料款好勢，斡轉身三伐做一伐，伐向磚坪，門猶未開隨見著滿地 ê 五彩十色，囡仔時聽人按呢分張德國，德國 ê 大暑 buē 曝死鳥鼠交大水風颱連鞭到 ê 秋清若臺灣 ê 寒人，現時五光十色 ê 磚坪交小暑大暑，有米也懶煮 ê 天候 hōo 我想著這句話，五間崩到枸仔林，無駁無保。

恐龍 ē 絕種，人類 ē 進化， gún 兜 ê 磚坪 ē 隨天候成做天地資源回收場。塗跤遮爾仔澹，明仔載 tsiah 來摒盪。厝鳥仔連一見我斡頭隨閣樓頂招樓跤，阿公招阿媽做陣來花坩粟仔罔哺那開講。

六月六，田草水米苔目，遮無米苔目 mā 無退火閣飽滇 ê 麻穎番薯湯，熱人若寒人 ê 德國是歷史，身體熱甲若溫罐是現時，法蘭西水咂一喙下昏飯就來食熱人生菜盤，退火。

當我準備斡頭行向廚房款下昏頓，一支幔烏衫喙抹柑仔蜜胭脂 ê 鳥鶇➀按 D ê 壁堵探頭貓貓相一睏仔隨大伐大伐直透到花坩，厝鳥仔連 mā 柴山關刀直破讓位 hōo 伊補喙空。

凡勢知機這飼料按人類來 mā 凡勢枵鬼假細膩，伊尾溜趒一下趒一下 kā 花坩放目仔行過閣按花坩行轉去 D ê 欄杆，按呢去倒幾逝伊總算停跤 tī 花坩倒行正行，倒看正看一睏仔隨交徛踮窗仔門 ê 我金金相，彼櫻桃小喙 mā 開始一開一合「你是金光黨，你是豆乾 hàu 媽祖，無誠意。」

交伊隔一塊玻璃 ê 我笑甲腹肚疼，擔一下仔肩表示，心肝有所貪，頭殼軁雞籠 ê 人 m̄ 是我。

下昏 7 點外翁仔姐那享受猶原若中晝 ê 日頭那食下昏飯，我 mā 那分張磚坪戲台 ê 戲齣。

「今仔日 ê 下昏飯，我無成做呻 buē 離 ê 茶鈷」翁笑應。

「你呻 mā 無應效 ê like Amsel, like you, like Amsel, like your mom」我講。

➀ 烏鳥按英文來，烏鶇按《還我台灣鳥仔名》來。

栽欉 --- 2021.07.28

翻田塗，接枝 --- 2025.03.23

Gestern Mittag der Regen besucht unser Dorf.

Die Vogel sind beschäftigt einen Platz um Schutz vor dem Regen zu finden.

Ich  bin beschäftigt das Vogelfutter vom Balkon zum nehmen.

Der Regen ist wie eine verärgert Person, kommt schnell und geht auch schnell.

Dann lassen alle fast wie Tatort.

Blumen tot, die Blätter überall....

Ich muss in die Platz ein Hinweis suchen.

Kann ich das Vogelfutter zurück lassen.

Dann entscheide ich, Nein.

Lass alle sauber putzen und trocknen, dann wieder die Vögel füttern lassen.

Ich war am der Fenster und überlege, was ich machen kann.

Auf unseren Balkon kommt noch Spatz, Sie gucken, ok jetzt keine 'Steaks' zum Essen, kein Problem.

Da gibt's immer 'Tofu', lass uns Tofu essen.

Dann fliegt er wieder weg, und kommt anderer Spatz.

Erst gucken Steaks suchen, dann Tofu genießen.

Dann kommt eine Amsel.

Sie findet keine Steaks auf der Balkon.

Sie ' blah blah blah...'

Für das ' Blah ', ich kann sagen, sie ist nicht glücklich.

' Warum, gibt's  heute kein Fleisch, ich bin Königin, ich esse nur Steaks, ich esse kein Tofu' 

Ich gucke die Amsel auf dem Balkon, dann denke ich an meinen Mann.

Und sage meinem Mann.

Like Amsel, like you.

So viel Beschwerden.

Yesterday at noon the rain visited our village.

The birds are busy finding shelter from the rain.

I'm busy taking birdseed from the balcony.

The rain is like an upset person, comes and goes quick too.

Then almost all leave like crime scene.

Flowers dead, the leaves everywhere ...

I have to look for a clue in the square.

Can I leave the birdseed behind.

Then I decide, no.

Let everything return to its own place and dry, then feed the birds again.

I was at the window wondering what I can do.

Sparrow comes on our balcony, she look, ok no 'steaks' to eat now, no problem.

There's always tofu, let's eat tofu.

Then flies away again, and another sparrow comes along.

First look for steaks, then enjoy tofu.

Then comes a blackbird.

She doesn't find any steaks on the balcony.

She 'blah blah blah ...'

For the 'blah', I can say she's not happy.

'Why, there's no meat today, I'm queen, I only eat steaks, I don't eat tofu'

I look at the blackbird on the balcony, then I think of my husband.

And tell my husband.

Like blackbird, like you.

So much complaints.