亂皂𥴊仔店 ⓂⒺⒾⓃⓀⒾⓄⓈⓀ

(2024.03.17 早起頓 番薯菠薐仔雞心豆 + 優格/1072kcal)

見若料理雞豆(Linsen/華:小扁豆)、雞心豆遮 ê hōo 德國大多數人嫌甲臭頭 ê 豆料理，我攏 ē 想著這句話 --- 歹食是歹食閣是米粉底。

𫝛款是豆，𫝛款有厚厚卵白質 ê 雞豆佮雞心豆相比並，色緻五彩 ê 雞豆猶是比 kan-ta 孤色 ê 雞心豆較有人緣，這个人緣好佮無人緣好 mā 捷 hōo 我成做 Le Penseur 愖起因，押尾我得著這个答案，m̄ 免費神愖別人 ê 問題。

確實 m̄ 免費神愖遮 ê 問題，遮 ê 問題就 tshan-tshiūnn 語言，有 ê 人 kan-ta 有法度接受伊認為好 ê 語言，有 ê 人是啥物攏想 bueh 學習，準做別人笑伊做寡無市草 ê 戇代誌，像「天真的人類學家小泥屋筆記」。

我愛食雞心豆 mā 愛食雞豆 m̄-koh 這兩个豆我猶有迒 buē 過 ê 坎。

雞豆，我愛食新沢無愛食罐頭，見 bueh 料理「德國電費足貴 ê 你敢知」隨換菜色，是講換菜色 mā 無法度省偌 tsuē 電錢，起因我無法度六分鐘出一桌像德國公共電視台分張 ê 智識，一个德國人煮一頓食，六分鐘，一个印度人煮一頓食至少點外鐘。

雞心豆，我愛食新沢 mā 愛食罐頭，總是一想著新沢雞心豆愛浸水浸隔暝，紲落來愛煠、遏水 tsiah 落湯鍋𤉙、炒，我就隨成做伸手牌。

我 tuì 料理無痴迷，m̄-koh 我需要家己款三頓，特別 tī 歐洲過四常。

Tī 我猶未搪著無透醋 ê 雞心豆，這出菜 ê 番薯一斗 ē 烘兩粒來補「德國電費足貴 ê 你敢知」雞豆 ê 額，這久總算揣著無透醋 ê 雞心豆，番薯烘一粒就夠額甲 hōo gún 食甲哽胿閣 hōo 掠做家己𠢕扞家 ê 翁十二分滿意直交代愛捷捷款來食，電費免擘腹。

翁按𪜶爸母遐承來 ê 病灶，經過拆白「準做地球消失我 mā buē 綴恁姓」包袱仔款 leh 準備隨人付米隨人落鼎，伊 tsiah 無閣豬頭 m̄ 顧，顧鴨母卵佮水滇船浮。

人講無冤家，不成夫妻，總是龍鳳生活 mā buē-tàng uī-tio̍h 彼張紙 leh 一喙飯，一尾魚到，假包。

我 m̄ 知影翁𪜶爸母敢是這款想法，總是當家己 ê 骨肉 mā 愛綴 leh 一喙飯，一尾魚到按呢妝娗家己成做𪜶意愛看著 ê 面肉，我個人是感覺足悲哀。

我敢是翁 ê 救星？

我捷感覺是，m̄-koh mā 感謝翁願意接受我 ê 想法佮感受，抑無「冤家量債」mā buē 冤出一个家佮量㧎 tī gún 之間 ê「債」有偌 tsuē 寸尺愛鉸掉。

翁這久 buē 閣爸母魂上身，總是有 ê 物一落塗就僫挖，像「麵線藤」一落塗 bueh 剾清氣，需要時間。

番薯菠薐仔雞心豆

...... 材料 ......

罐頭雞心豆　1

洋蔥，刴幼　1

菠薐仔　500g

滾水　200g

ひき肉　150g

番薯，切橛　1

蒜頭，刴幼

番薑仔粉　1TL

鬱金粉　1/4TL

鹽、胡椒

...... 步數 ......

1. 蕃薯、油濫做伙搜齊，落烘箱捘200度烘35分鐘。

2. 洋蔥、蒜頭落鼎炒芳，ひき肉、番薑仔粉、鬱金粉摻落去炒熟。

3. 菠薐仔、滾水濫落去煮10分鐘，雞心豆摻落去煮5分鐘。

4. Tiàu 寡鹽、胡椒，番薯濫落去搜齊，樂暢來食。

(17.03.2024 Frühstück Süßkartoffel-Spinat-Pfanne mit Kichererbsen - Joghurt/1072kcal)

Jedes mal wenn ich die Linsen oder Kichererbsen koche, ich denke die Sprichtwörter auf Taiwanesisch.

Schmeckt nicht, aber es sind Reisnudeln.

Das Sprichwort besagt, dass es wirklich aus Reis und nicht aus anderen Ersatzmaterialien besteht.

Rindfleisch wird zum Beispiel mit Shiitake-Pilzen zubereitet. 

Es hat auch die Bedeutung, dass eine Sache nicht nur nach dem Aussehen beurteilt oder nicht verstanden werden kann. 

Meine Linsen oder Kichererbsen sehen ungenießbar aus.

Aber die schmecken, das ist zum reinsetzen, Hammer!!!

Und die machen uns sehr satt und zufrieden.

Süßkartoffel-Spinat-Pfanne mit Kichererbsen

...... Zutaten ......

Kichererbsen aus der Dose　1

Süßkartoffel in Stücke geschnitten 　1

Spinat 　500g

Wasser　200g

Fein gehackte Zwiebel　1

Fein gehackter Knoblauch

Hackfleisch　150g

Paprikapulver　1TL

Kurkumapulver　1/4TL

Salz ＆ Pfeffer

...... Zubereitung ......

1. SüßKartoffeln und Öl gut mischen, im Backofen auf 200 Grad 35 Minuten backen.

2. Zwiebel mit Knoblauch in die Pfanne geben und anbraten bis sie goldbraun sind.

3. Hackfleisch mit Paprikapulver und Kurkumapulver dazugeben und anbraten bis sie goldbraun sind.

4. Spinat mit Wasser dazugeben und gut mischen, ca. 10 Minuten kochen.

5. Kichererbsen dazugeben und gut mischen, ca. 5 Minuten kochen, Süßkartoffel dazugeben und gut mischen.

6. Abschmecken mit Salz und Pfeffer. Guten Appetit!

(17.03.2024 Breakfast Chickpeas and Spinach with Sweet Potato - Yogurt/1072kcal)

Every time I cook the lentils or chickpeas, I think the proverb are in Taiwanese.

Doesn't taste good, but it's rice noodles.

The proverb means it is really made of rice instead of other substitute materials.

For example, beef is made with shiitake mushrooms.

It also has this meaning, one thing cannot only be judged by appearance, or not be understood. 

My lentils or chickpeas look inedible.

But they taste very good, yummy!

And they make us very full and satisfied. 

Chickpeas and Spinach with Sweet Potato

...... Ingredients ......

Canned chickpeas　1

Sweet potato cut into pieces 　1

Minced meat　150g

Spinach 　500g

Water　200g

Finely chopped onion　1

Finely chopped garlic

Paprika powder　1TL

Turmeric　1/4TL

Salt,pepper 

...... Method ......

1. Mix the sweet potatoes and oil well, bake in the oven to 200 degrees for 35 minutes.

2. Put the onion with garlic in the pan and fry until they are golden brown.

3. Add the minced meat with paprika powder and turmeric powder and fry until they are golden brown.

4. Add the spinach with water and mix well, cook for about 10 minutes.

5. Add the chickpeas and mix well, cook for about 5 minutes, add sweet potato and mix well.

6. Seasoning with salt and pepper. Enjoy your meal!