亂皂𥴊仔店 ⓂⒺⒾⓃⓀⒾⓄⓈⓀ

青盲 牛 m̄ 驚生驚，讀著這篇捌錄 tī 愛料理 ê 食譜隨想著《露營。車日子》m̄ 捌字看告示綴圖出一碗早起頓 ê 食褒唆交無聊 ê 驚現世，割耙一攑隨翻塗交栽新欉，像華語 ê「覆盆子」、「紅加侖」按怎講，德語 ê Johannisbeeren tī 英語愛按怎講，蔓越梅 ê Cranbeery tī 台語愛按怎講？目今 ê 臺灣除了藍莓 mā 有黑莓而且是臺灣生產 ê 黑莓 tī 台語按怎講？英文豬母牽去牛墟 ê Goosebeery 我 bueh 趁德語抑是英語做翻譯？以上 ê 問題田那犁，子那掖穎自然來發。

一粒莓仔 m̄ 寫，伊永遠是莓仔。

我 ê 部落格無錄這篇文章，伊永遠 buē 開枝散葉。

洋刺波 ê 台語 tī《青瓦厝 ê 安妮》號做刺莓仔(Tshì-m̂-á)，公視台語台 kā 號做洋刺波，我佮意洋刺波這个名，因為伊 hōo 我想著桑椹(sng-suî)，桑椹 mā 有人 kā 伊號做鹽桑仔，華語 ê 桑葚。

藍莓 ê 台語 tī《ChhoeTaigi 台語辭典》號做藍莓仔(lâm-m̂-á)，公視台語台 kā 號做藍莓(Nâ-m̂)， 藍莓發音較敆我喙，我就收藍莓放棄早前錄 ê 藍莓仔(lâm-m̂-á)。

蔓越莓 ê 台語 tī 《iTaigi 愛台語》號做蔓越莓(Bān-ua̍t-muî)，教育部台語辭典有收「草莓」、「花莓」、「拍莓」mā 有收「蔓(Bān)」交愛台語相𫝛，我就順這个辭錄 tī 遮，起因小紅莓 Sió-âng-m̂ 抑是小赤莓 Sió-tshiah-m̂，我個人佮意蔓越莓，起因伊是我需要挑戰 ê 音階佮字形。蔓越莓 tī 北爿 kā 伊號做 Kranich-Beere，意思是鶴(ho̍h)莓。斯拉夫語 ê Brusina 是按怎按根據莓仔 ê 色緻轉化做德文 ê Preiselbeere 交 Kranich-Beere，遮專業 ê 問題就交 hōo 專家。

紅/烏茶藨子 ê 台語是順華語「紅加侖又稱紅茶藨(ㄅㄧㄠ)子與紅醋栗」轉化，起因順德語做翻譯 ē tshan-tshiūnn 蔓越莓成做「價數莓」抑是「著獎莓」，Johannisbeere 就成做低路人有捌字 m̄ 捌意 ê「聖人莓」抑是「教堂莓」。無選擇紅醋栗(Âng-tshòo-la̍t)這个辭 kan-ta 這个因由，有幾个人捌「藨」這个字，至少我 m̄ 捌伊交「茶藨子」tuì 鈍舌 ê 我來講較 buē 講甲重(tîng)句大舌。 

烏莓 ê 台語是順英語做轉化，起因德國 ê Brom 揣無答案，Kratz 表示剾，像剾刀 mā 會使得講靠傷抑是擦傷。所以猶是順英文翻譯較美麗。

刺莓 ê 台語是順德語 Stachel 原意翻譯，意思是刺，植物 ê 刺，像玫瑰刺，八卦紅(hông) alias 仙人掌(tsióng) mā 會使通人類 ê 骨刺。英語 ê Goosebeery 有兩个夫字看做天 ê 講法，一个是英語 kā 德語猶是話是風，拉丁語是蹤 ê grossularia 借來記錄𪜶 ê Krus 。Kurs tī 中古德語是酥閣脆 ê 意思，近代德文寫做 Knusprig。第二个講法是英語順法文 ê groseille 來，法文 ê 14 是茶藨子。茶藨子食起來無脆，刺莓食起來有，而且酸甲愛叫救護車，這个感受限我個人，我無佮意刺莓，準做伊咬糖咬到那北極冰層遐爾厚突突，伊 tuì 我個人來講猶是酸。

以上 ê 記錄 tī 大腦有法度牢枝偌久，m̄ 知機，總是有記錄總比放風吹閣較重要，敢 m̄ 是。

另外，德語 ê Müsli/Müesli 敢 bueh 轉做台語呼音？

倒想，正想，buaih，這久 m̄ 是彼久，寿司就是 Sushi，Müsli 呔討 buē 使得成做 Muesli 交照伊自本 ê 設定解釋伊就是「早起頓」。

順紲記錄 Bá-tah 酸牛奶，德文號做 Buttermilch，英語號做 Buttermilk，華語號做白脫牛奶，以上 ê 辭就是目今講 ê 乳清卵白，我順 Butter 鬥伊 ê 口感酸合做 Bá-tah 酸牛奶，起因伊正港酸 tiuh-tiuh 交若牛奶 ê 水水一屑仔攏無膏膏像優格。

天然 ê 乳清卵白交提煉 ê 卵清卵白粉有啥物無相𫝛，無研究，總是順遮 ê 專家分張，你若身體健康有筋肉食乳清卵白就夠額，你若身體無四序活動範圍 kan-ta 按厝內 ê 客廳行到便所間，按呢建議你食乳清卵白粉，起因筋肉較緊湠，筋肉有湠，活動範圍 mā 會通得按厝內湠到厝外。食乳清卵白粉 mā 愛敆運動較有應效。 

栽欉 --- 2022.11.01

翻田塗接枝 --- 2025.03.19

洋刺波早起頓

...... 材料 ......

Bá-tah 酸牛奶　300g　　

Quark　250g

洋刺波　60g

果子醬　20g

番麥麥角　40g

磅米芳麥角　40g

...... 步數 ......

1. 20g 磅米芳麥片、20g 番麥麥角落碗。

2. Quark、Bá-tah 酸牛奶、果子醬濫 做陣抐 hōo 齊鋪落麥角頂懸。

3. 掠外20g ê 磅米芳麥角、番麥麥角、洋刺波鋪落去，樂暢來食。

Ich habe Angst die Wörter zu lesen und  ich frage Sie wer sind Sie.

Ich habe Angst die Wörter zu sprechen, Sie sind nicht deutsch sondern Englisch oder ich habe beide vergessen.

Ich habe...warum habe ich so viel Angst. Welche Sprache spreche ich, ich weiß nicht, weil egal welche Sprache ich spreche, die Menschen sagen mir, ich verstehe nicht.

Egal, es ist mir egal, wie jetzt, Himbeere ist Raspbeery, Crabberry ist die Preiselbeer, Johannisbeeren ist Redcurrant berries, Stachelbeere ist Gooseberies, kann ich alle erinnern? Natürlich, nein!

Warum habe ich so eine Angst?

Ich weiß die Ursache, aber für mich alles hat ein Ende, nur die Wurst hat zwei.

Ja, Egal. Aber ich vermisse die Zeiten, in denen ich keine Wörter lesen oder verstehen konnte, was die Leute sagten.

Himbeere Müsli

...... Zutaten ......

Buttermilch　300g　　

Quark　250g

Himbeeren　60g

Jam　20g

Cornflakes　40g

Schoko Reis　40g

...... Zubereitung ......

1. 20 g Cornflakes und 20 g Schokoknusper in die Schüssel geben.

2. Den Quark mit der Buttermilch und der Konfitüre gut verrühren und in eine Schüssel geben.

3. 20g Cornflakes und 20 Schokoladenreis hinzufügen. Guten Appetit!

I am afraid to read the words and I ask you who you are.

I am afraid to speak the words, they are not German but English or I have forgotten both.

I have...why am I so scared. What language do I speak, I don't know, because no matter what language I speak, people tell me I don't understand.

Anyway, I don't care how now, Raspberry is Raspberry, Crabberry is Cranberry, Currant is Redcurrant berries, Gooseberry is Gooseberries, can I remember them all? Of course not!

Why am I so scared?

I know the cause, but for me everything has an end, only the sausage has two --- doesn't matter.

I miss the days when I couldn't read words or understand what people said.

Raspbeery Muesli

...... Ingredients ......

Buttermilk　300g　　

Curd cheese　250g

Raspbeery　60g

Marmalade　20g

Cornflakes　40g

Choco crispy　40g

...... Method ......

1. Add 20 g cornflakes and 20 g chocolate crisp to the bowl.

2. Mix the quark well with the buttermilk and the jam and pour into a bowl.

3. Add 20g cornflakes and 20 chocolate crispy. Enjoy your meal!