亂皂𥴊仔店 ⓂⒺⒾⓃⓀⒾⓄⓈⓀ

(2022.11.12 早起頓 Lê-bóng 芥辣雞肉 + 玫瑰草花羊角麵 + 優格/735kcal)

又閣行到結數日。

好玄頂年 ê 這久時，數簿 ê 數敢有較減寡。

開始反進前 ê 數簿。

舊年有較減一寡，舊舊年有較過額寡。

好玄，是啥物因端致使舊舊年 ê 數有較過額。

一條數目，一條數目繩(tsîn)。

看著 MAILLE 隨理解過額 ê 因端。

Mā tsiah 想著，ah....

無好玄 buē 去搜揣問題，無搜揣 buē 去比並。

一目𥍉佮 Dijon 相離 mā 兩冬外。

彼久，gún 翁是 uī-tio̍h 慶祝牽手 tī bueh 半老老 ê 這時拍地基。

一斗就 kā 德國臨時轉變 ê 語言政策愛通過 A2.2. tsiah 有法得繼續參加後一段 ê 級數。

早前 ê 政策是 m̄ 免考試，一路順順上到B級 tsiah 考試閣較較早聽蹛踮遮 ê 朋友講，𪜶 kan-na 需要考生活 tiàm 德國這項 kā 古早 ê 題目背 hōo 透決定 ē 過關 ê 無 teh 檢查你 ē 曉講德語抑是 buē。

自政策一改變隨有 tsuē-tsuē 人牢 leh 中級 A2.2。

Sóo-tì，彼擺 ê 行跤花是慶祝 mā 是 hōo 我暫時敨放 Die Der Das 佮 Verb 等等 ê 壓力。

那繩(tsîn)彼冬 ê 開銷，那想彼冬 tî Dijon ê 熱人，那想喙瀾 mā 那㴙㴙滴。

想著寢頭 tī 歐洲行跤花到停跤，Dijon ê 越南拭餅𩛩是我食過上蓋好食 ê 拭餅𩛩。

想著佮 gún 翁去提 to good to go ê 驚喜，烏麥仔パン𩛩 Sülze(肉凍) 佮捊芥辣醬，彼 hōo 無愛食パン ê 我食甲暢甲隨成做半天鳥 leh 唱歌。

想--著，ah........

我若 tshan-tshiūnn 有 uì MAILLE 遐紮食譜卡轉來。

緊來揣食譜卡 hōo 美食消敨 tsit 段無法得自由出門 ê 齷齪𤆬 gún 轉去 Dijon 行跤花。

Lê-bóng 芥辣雞肉

...... 材料 ......

雞襟胸，切塊　400g　

芥辣醬　1EL

Lê-bóng 汁　1EL

酒　1EL

橄欖油　2EL

法國 Khu-lì-mù(Crème fraîche)　1EL

蒜頭，刴幼

鹽、胡椒

...... 步數 ......

1. 雞肉、芥辣醬、Lê-bóng 汁、酒、油、Crème fraîche、蒜頭豉鹹，一點鐘。

2. 雞肉落鼎煎甲赤赤，tiàu 寡鹽佮胡椒，樂暢來食。

(12.11.2022 Frühstück Zitronen-Senf-Hähnchen - Nudeln mit Rosenkohl - Joghurt/735kcal)

Es ist Zeit zum abrechnen.

Ich bin neugierig, haben wir die Ausgaben reduziert?

Dann gucke ich 2019, ja, wir haben ein bisschen reduziert.

Dann gucke ich nochmal 2018.

Oh, Mann, was passiert, die Ausgaben höher als 2017.

Ich muss Holmes sein und suche was passiert ist.

Ich gucke durch jede Liste, dann habe ich das Problem gefunden.

Ach so...wir sind nach Dijon gereist.

Dann sofort ich erinnere mich an das Rezept.

Super lecker.

Ich liebe Senf, auch Senf mit Sülze auf dem Brot in Dijon.

Hammer!

Zitronen-Senf-Hähnchen

...... Zutaten ......

Hähnchenbrustfilet　400g　

Senf　1TL

Zitronensaft　1EL

Weißwein　1EL

 Olivenöl　2EL

Saure Sahne　1EL

Knoblauch in kleine Stücke geschnitten

Salz ＆ Pfeffer

...... Zubereitung ......

1. Das Hähnchenbrustfilet, Marinade mit Öl, Senf, Zitronensaft, Wein, saure Sahne, Knoblauch und mindestens 1 Stunde in den Kühlschrank stellen.

2. Die Marinade in die Pfanne geben und anbraten bis sie goldbraun sind, dann mit Salz und Pfeffer abschmecken. Guten Appetit!

(12.11.2022 Breakfast Mustard Lemon Chicken - Brussels sprouts Pasta - Yogurt/735 kcal)

It's time to settle the accounts.

I'm curious, have we reduced expenses? 

Then I checked the accounts for 2019, yes, we have reduced a bit.

Then I checked the accounts for 2018.

Oh man, what happens, spending higher than 2017.

I have to be Holmes and see what happened.

I look through every list and then I find the problem.

Oh ... we went to Dijon.

Then immediately I remember the recipe.

Delicious.

I love mustard, also mustard with jellied bread in Dijon.

Hammer! 

Mustard Lemon Chicken

...... Ingredients ......

Chicken breast fillet　400g　

Mustard　1TL

Lemon juice　1EL

White wine　1EL

 Olive oil　2EL

Sour cream　1EL

Cut the garlic into small pieces

Salt, Pepper

...... Method ......

1. Put the chicken breast fillet, marinade with oil, mustard, lemon juice, wine, sour cream, garlic and put in the refrigerator for at least 1 hour. 

2. Put the marinade into the pan and fry until golden brown, then season with salt and pepper. Enjoy your meal!