亂皂𥴊仔店 ⓂⒺⒾⓃⓀⒾⓄⓈⓀ

(2023.03.22 早起頓 蘑菇指頭仔麵猴 + 芳料草雞肉 + 寮仔 Tshì-sù 果子優格/876kcal)

頂幾日讀跑吧！新自由主義的奴隸們！ 誠有感覺。

前幾日 mā 佮翁冇談電子世界𤆬來 ê 便利佮利便內底 ê 鋩鋩角角。

談仔談，我想著 Schopenhauer ê 刺球豬困境。

我講 ，寢開始參加面冊 ê 起因是因為我 ê 好朋友已經無人 bueh tsham 我這个老硞硞 ê 人寫電子批抑是 iōng 電話冇談。

所以堅心5~6冬 buaih 使用面冊 ê 我，到落尾仔感覺家己應該愛有上山看山勢，入門看人意 ê 開明就 tī 2011 綴逐家參加面冊。

Tī 彼當陣，朋友 tī 面冊寫講，hōo 咱逐家做伙拍噗仔熱烈歡迎上落尾 ê 一塊鬥片仔。

我這塊鬥片仔參加面冊無偌久又閣愛面對另外一款新 ê 連絡方式：Line。

這改，我就無綴逐家參加 Line ê 群組。

因為 tī 現實 ê 世界內底，我家己著是一个對人 tsuē 話 就 tsuē，三色人講五色話 ê 代誌 ē 感覺耳空扦扦想 bueh kā 扦撓出來 ê 人。

我若是又閣慒心家己 ē 因為無綴著逐家 ê 徒位 tī 遐感覺家己 tsham 人無相𫝛，按呢我感覺齷齪 ê 受氣受掇愛結甲底時 tsiah-ē 了。

想通這點，早前 ē 感覺可惜 ê 代誌就寬寬仔卸帆。

因為 ē-hōo 你心心念念 ê 代誌，是 buē 因為你無參加著任何一場 ê 冇談寮你 ê 世界 ē 攝脯脯抑是粒積攏了然無彩工去。

反顛倒 hōo 家己致心致意來做家己意愛抑是有意 ê 代誌，tshan-tshiūnn 現此時，我專心專意做我 ê 激骨。

M̄ 免 uī-tio̍h 別人戴小鬼仔殼 mā buē 因為無人來遮行踏就感覺閣寫遮 ê mā 無意思。

反倒轉 hōo 我清楚意愛 ê 代誌是啥物。

寮仔 Tshì-sù 果子優格

...... 材料 ......

弓蕉，切片　一子

草莓，切片　100g

寮仔 Tshì-sù　200g

優格　100g

核桃(Hu̍t-thô)　20g

...... 步數 ......

1. 寮仔 Tshì-sù、優格濫做一伙抐 hōo 齊。

2. 草莓、弓蕉、核桃鋪 落去，樂暢來食。

(22.03.2023 Frühstück Schupfnudeln mit Champignons - Hähnchen mit Kräuter - Körniger Frischkäse mit Frucht/876kcal)

Einsam und allein ist unterschiedlich.

Abstand halten und aufpassen ist unterschiedlich.

Verständlich und Ausrede ist unterschiedlich.

Sie müssen lernen, mit sich selber auszukommen.

What's app, Line, Facebook... dann sind wir nicht so allein aber einsam.

Und jeder ist mein Freund, aber alle sind Fremde.

Ich kann nicht verstehen wie man das macht.

Ich habe dir eine Nachricht geschickt, weil ich besorgt bin.

WEIL DU RUHIG BIST, BIN ICH SO BESORGT.

Danke, aber ich habe nur 1 Minute nicht gesprochen und ich glaube wir nur haben nur Freundschaft in FACEBOOK.

Wir kennen uns nicht, wir haben nur die gleichen Freunde.

Ich bin glücklich, ich habe jetzt FACEBOOK geschlossen egal ob mein Freunde glücklich sind oder nicht!

Körniger Frischkäse mit Frucht

...... Zutaten ......

Banane　1

Körniger Frischkäse　200g

Joghurt　100ml

Erdbeeren　100g

Nuss　20g

...... Zubereitung ......

1. Frischkäse mit Joghurt gut mischen.

2. Erdbeeren mit Banane und Nuss oben drauf legen.Guten Appetit!

(03.22.2023 Breakfast Schupfnudeln and Mushrooms - Chicken and Herbs - Cottage Cheese and Fruits/876kcal)

Lonely and alone are different.

Keeping your distance and paying attention are different.

Understandable and excuse is different.

You have to learn to get along with yourself.

What's app, Line, Facebook ... then we are not so alone but lonely.

And everyone is my friend, but everyone is stranger.

I can't understand how to do that.

I sent you a message because I worry about you.

BECAUSE YOU ARE TOO QUIET, SO I AM WORRY THAT SOMETHING WILL HAPPEN TO YOU.

Thanks, but we haven't spoken for 1 minute and I think we only have friendship in FACEBOOK.

We don't know each other, we just have the same friends.

I am happy, I have now closed FACEBOOK regardless of whether my friends are happy or not!

Cottage Cheese and Fruits

...... Ingredients ......

Banana　1

Cottage cheese　200g

Yogurt　100ml

Strawberries　100g

Nut　20g

...... Method ......

1. Mix the Cottage cheese and yogurt well.

2. Place strawberries with banana and nut on top. Enjoy your meal!