亂皂𥴊仔店 ⓂⒺⒾⓃⓀⒾⓄⓈⓀ

計畫永遠趕 buē 赴變化。

安歇日前一暝交翁頓印仔講「來食鰮仔魚意大利 I-tá-lih 麵。」

隔轉工目蚶猶瞌瞌隨反僥講「我 ê 胃 kā 我講伊今仔日愛食塗肉林檎。」

「你款 ê 早起頓齊好味素」翁講。

「我無確定我款 ê 糜飯敢攏好味素，總是我知機家己 ê 性地，無興成做獨裁者，像恁阿母」我講。

「你 m̄ 是 Roma 羅姆人 mā m̄ 是𪜶魂舒邊 ê 熊➀ 。」

「無剉(錯)，規欉好好，落塗時八字命，臺灣有國際身份問題，恁兜有獨裁者問題，這兩項結做伙相比並，我比你好字運。」

「感謝我 ê 四掌基金會➁」翁那講那 kā 燒烙 ê 雙手疊 tī 因為𫝻手機仔沓沓仔變枝仔冰 ê 手。

「我 mā 感謝家己若石頭 ê 性地，特別是糜飯」我 kā 手徙去焐伊 ê 腹肚邊，聽伊大聲喈一聲，我笑甲 kiōng-bueh 斷氣講「我 ê 跤手冰甲若枝冰仔 m̄ 是欠鐵抑是糖尿病所致，是因為愛。」

正經，無愛呔願意 uī-tio̍h 一頓飯 tī 廚房舞 bueh 2 點鐘，敢 m̄ 是?

是講，逐項款外口 mā 有法度舞 bueh 1 點鐘，只要人坐 tī 廚房，等時間走到賰無 10 分鐘 kā 加工肉、加工麭、牛奶漿 ê 包裝拆開就 ē-tàng 貯入盤仔來享受，這 mā 是認真料理 1 點鐘 m̄ 是 6 分鐘。

德國媒體家己報導，德國人款一頓飯頓 6 分鐘。翁𪜶老母逐頓攏是加工食品 mā 有法度舞 1 點鐘，伊 m̄ 准別人踏伊 ê 廚房，我只好家己想像這 6 分鐘是按怎湠做 1 點鐘。

➀➁ 跳舞的熊 Tańczące niedźwiedzie

第一斗交伊相拄搪，我第一个想法是無攪寡 Khu-lì-mù ê 白銀魚敢 buē 傷過鹹篤篤？

畢竟，我無彼个才調家己動手做鹹膎，準做有彼个才調橐袋仔 ê 龍銀 mā 無夠額。

總是，人生永遠有對反(tuì-huán)，你掠做你永遠 buē 交伊相拄搪，伊就愈興交你挨拶，特別是 Google 年閣 m̄ 管𫝻過抑是䀐過齊是有食有行氣，有燒香有保庇 ê 提醒你猶有這逝路猶未行。

Tī 網路猶未窒倒街 ê 年代，一个養老乃瀧抑是 Ponderosa 龐德羅莎有法度 hōo 我一粒粿餾 365 工 mā buē 變心，這久愛我 tuì 𪜶維持「對你愛愛愛不完」彼是較早睏較有眠 ê 代誌。

年歲行到遮，我 tuì 工課 ê 齷齪是成住壞空交侘寂(Wabisabi) ê 一屑仔攏無要意，起因我 ê 目標 kan-ta buaih hōo 褲袋仔連磅子攏無地袋，像頂回去戲院看影戲，搪著三个刁意故揣麻煩 ê 毋成囡仔，我 kan-ta 這个態度，連鼻空吐一个氣 hōo 𪜶聽 mā 揣無一屑仔心適興，畢竟嫌家己銀兩飽滇愛大放水 tī 戲院烏白擲磅番麥交馬鈴薯片 ê 人 m̄ 是我，我 m̄ 免 uī-tio̍h 𪜶 ê m̄ 是款來替𪜶爸母教示。畢竟𪜶交我一屑仔底代攏無，像翁兜 ê 勥爸勥母𪜶 bueh 按怎看我無目地按怎講我尻川後話攏是𪜶 ê 自由，交我一屑仔底代攏無。除非𪜶 ê 行為造成我 ê 危險，像 gún 翁本底 ê 態度，愛我跟綴𪜶兜 ê 傳統聽爸母話食三頓過日子，這就愛出聲 buē-tàng 放伊烏白舞。

我愛食魚，有法度 hōo 我俗魚 buē bué 破家 ê 超市倚 gún 兜坐巴士至少愛一點鐘，這一點鐘 m̄ 是路途遠甲若火星，是車幫少甲可憐愛踅遠路，像台中 ê 158 Bá-suh 坐甲 hōo 我掠做家己去台北。所致，搪著交翁時間撨 buē 好勢，我就去超市款白銀魚、鱒魚這類鹹魚抑是魚罐頭轉來窒數念。

喔，肉鯽仔 I miss you so....

喔，小白銀魚 du bist so lecker....

喔，白銀魚 你呔 ē 好味素甲若肉鯽仔....

這站仔翁仔姐時間撨 buē 峇，想 bueh 食白銀魚無地款只好款醬鹹。醬鹹款轉來隨向 Google 跋桮，請伊賜我生智慧。

Google 是媽祖婆是伯公總是 kā 我惜命命 hōo 我免 uī 喙白操煩，總是這斗媽祖婆交伯公敢若接受安妮亞 ê 報告「這个人好喙斗好育飼，不過近來滓著無料食譜少缺無興外甥仔點燈火，一切照舅(舊) kan-ta 愛迎新棄舊 ê 歹癖」，Google 決定無 bueh 要意我 ê buaih 直直餾這出 hōo 我 m̄ 知準過幾斗 ê 菜色。

我無遐爾仔 khiàu-thâu 抑是喙白，總是德國 ê 醬鹹食了無洗腰子 m̄ 是身體健康是運氣好。另外，我 mā 無討債，畢竟我寶惜家己落塗八字命比絲蜜塔好上幾仔萬倍...

有時間攑日本剾刀講人是牛牽到北京 mā 是牛，呔無時間講家己。

哭呻別人 ê 問題 buē 成做家己 ê 𤆬路雞，總是按別人 ê buaih 我 ē-tàng 見著家己有 ê buaih 是別人一世人攏逐 buē 著 ê 目標。

德國是一个資本社會，這間 buē 敆喙，猶有別間通試鹹汫，像 Lidl ê 醬鹹食了感覺愛食腰子 ē-tàng 換 Aldi。

是講目今上敆喙 ê 鹹汫是 Homann，總是咱人愛節家己 ê 斤兩，這味敆 Aldi 就夠額 ê 好味好素。

栽欉 --- 2022.03.24

翻田塗，接枝 --- 2025.02.10

林檎白銀魚馬鈴薯生菜盤

...... 材料 ......

煠好 ê 馬鈴薯，切橛　1kg

麻仔葉　40g

林檎，切塊　1

紅洋蔥，切絲　

蒜頭，刴幼

橄欖油　3EL

芥辣醬　1EL

蜂蜜　1TL

滾水

鹽、胡椒

...... 步數 ......

1. 芥辣醬、蒜頭、蜂蜜、滾水、鹽、胡椒、橄欖油濫做一伙抐 hōo 齊。

2. 馬鈴薯佮 sòo-sù 濫做伙搜齊。

3. 麻仔葉、馬鈴薯、紅洋蔥、林檎濫做伙搜齊，樂暢來食。

Ich bin es gewohnt, mit meinem Mann über Mahlzeiten zu sprechen.

Samstagabend lesen wir mehrere Rezeptbücher.

Endlich entschieden, unser Ruhetag-Frühstück Sardinen-Spaghetti.

Aber....

Nur durch eine Nacht, das Frühstück, für das wir uns beide entschieden hatten, wurde von mir umgeworfen.

Ich weiß, ich bin auch wankelmütig.

Aber!!!

Wir hatten zu zweit trotzdem ein tolles Frühstück.

Niemand muss sich selbst wehtun, um den Wunsch anderer nach Kontrolle zu erfüllen.

Ja, in unserem Haus üben wir jeden das seine.

Niemand muss seine Ideen aufgeben und mit Beschwerden leben.

Als ich das Rezept gesehen haben, es hat mir sehr gefallen, aber ich bin es besorgt, der Hering ohne Sahne wird sehr salzig und sauer.

Aber, bin ich sehr überrascht, der Hering mit Apfel und Kartoffeln stimmen sehr gut überein.

Ich glaube, das Problem ist auch beim Unternehmen.

Heringfilet und Forellenfilet bis jetzt, die besten für mich ist Aldi. Nicht zu sauer auch nicht zu salzig, besonders Lidl, ich fühle, ich wohne im Toten Meer.

Heringssalat mit Kartoffeln und Apfel

...... Zutaten ......

Gekochte Kartoffeln　1kg

Senf　1EL

Honig　1TL

Olivenöl　3EL

Apfel in Stücke geschnitten　1

Rucola　40g

Rote Zwiebel in Scheiben schneiden　3EL

Fein gehackter Knoblauch

Wasser

Salz ＆ Pfeffer

...... Zubereitung ......

1. Senf mit Honig, Wasser, Knoblauch, Olivenöl, Salz und Pfeffer gut vermischen.

2. Die Kartoffeln mit der Soße gut vermischen.

3. Rucola mit Zwiebel, Hering und Apfel gut vermischen. Guten Appetit!

I am used to discuss meals with my husband.

Saturday night we read several recipe books.

We finally decided on the Sunday breakfast, pasta with Sardines.

But....

Only one night, the breakfast, for which we both decided, was thrown over by me.

I know, I'm so fickle.

But!!!

We had a great breakfast anyway.

No one must give up the love of himself to complete someone else's selfishness.

Yes, everyone is equal in our home.

Nobody has to give up his ideas and live with complaints.

When I saw the recipe, I liked it very much, but I am worried, the herring without cream will be very salty and sour.

But, I am very surprised, the herring with apple and potatoes go very well together.

I think the problem is also with the company.

Herring fillet and trout fillet so far, the best for me is Aldi. Not too sour and not too salty, especially Lidl, I feel like I'm living in the Dead Sea.

Herring Salad with Apple and Potato

...... Ingredients ......

Boiled potatoes　1kg

Mustard　1EL

Honey　1TL

Olive oil　3EL

Cut apple into pieces　1

Arugula　40g

Cut the red onion into slices　3EL

Finely chopped garlic

Water

Salt, Pepper

...... Method ......

1. Mix the mustard with honey, water, garlic, olive oil, salt and pepper well.

2. Mix the potatoes and sauce well.

3. Mix the arugula well with the onion, herring and apple. Enjoy your meal!